Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Sunday, December 15, 2019

`ನಾನೇ ಶಿವಶಂಕರ್​​ ರೆಡ್ಡಿ ಕೈ ಕತ್ತರಿಸುತ್ತೇನೆ’ ಎಂದ ಬಿಜೆಪಿ ಮುಖಂಡ!

0

ಚಿಕ್ಕಬಳ್ಳಾಪುರ : `ನಾನೇ ಶಿವಶಂಕರ್​​ ರೆಡ್ಡಿ ಕೈ ಕತ್ತರಿಸುತ್ತೇನೆ’ ಎಂದು ಬಿಜೆಪಿ ಮುಖಂಡರೊಬ್ಬರು ಶಾಸಕ ಶಿವಶಂಕರ್ ರೆಡ್ಡಿಗೆ ಎಚ್ಚರಿಕೆ ನೀಡಿದ್ದಾರೆ.
ಗೌರಿಬಿದನೂರು ನಗರದ ನದಿಗಡ್ಡೆ ಪ್ರದೇಶದಲ್ಲಿ ಮಾತನಾಡಿದ ಚಿಕ್ಕಬಳ್ಳಾಪುರ ಬಿಜೆಪಿ ಮಾಜಿ ಜಿಲ್ಲಾಧ್ಯಕ್ಷ ರವಿನಾರಾಯಣ ರೆಡ್ಡಿ, ಸುಧಾಕರ್ ಅವ್ರನ್ನು ಮುಟ್ಟೋಕೆ ಬಂದ್ರೆ ಸುಮ್ನೆ ಇರಲ್ಲ. ನಾನೇ ಶಿವಶಂಕರ್ ರೆಡ್ಡಿ ಕೈ ಕತ್ತರಿಸ್ತೀನಿ ಎಂದು ಅನರ್ಹ ಶಾಸಕ ಸುಧಾಕರ್ ಪರ ನಿಂತಿದ್ದಾರೆ. ಈ ಹಿಂದೆ ಶಿವಶಂಕರ್ ರೆಡ್ಡಿ ಸುಧಾಕರ್​ ಕೈ ಕತ್ತರಿಸ್ತೀನಿ ಅಂತ ಹೇಳಿದ್ರು. ಅವರ ಹೇಳಿಕೆಗೆ ರವಿನಾರಾಯಣ ರೆಡ್ಡಿ ಆಕ್ರೋಶ ಹೊರಹಾಕಿದ್ದಾರೆ.

`ನಾನೇ ಶಿವಶಂಕರ್​​ ರೆಡ್ಡಿ ಕೈ ಕತ್ತರಿಸುತ್ತೇನೆ'

`ನಾನೇ ಶಿವಶಂಕರ್​​ ರೆಡ್ಡಿ ಕೈ ಕತ್ತರಿಸುತ್ತೇನೆ' ಎಂದ ಬಿಜೆಪಿ ಮುಖಂಡ!

Posted by Powertvnews on Wednesday, November 6, 2019

ನವೆಂಬರ್ 10ರಂದು ಬೆಂಗಳೂರಲ್ಲಿ ಮದ್ಯ ಸಿಗಲ್ಲ! ಕಾರಣ ಏನ್ ಗೊತ್ತಾ?

0

ಬೆಂಗಳೂರು : ನವೆಂಬರ್ 10ರಂದು ಬೆಂಗಳೂರಲ್ಲಿ ಮದ್ಯ ಸಿಗಲ್ಲ! ಈದ್​ ಮಿಲಾದ್ ಹಬ್ಬದ ಪ್ರಯುಕ್ತ ಬೆಂಗಳೂರಿನಾದ್ಯಂತ ಮದ್ಯ ಮಾರಾಟ ನಿಷೇಧಿಸಿ ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ಆದೇಶ ಹೊರಡಿಸಿದ್ದಾರೆ. ಈದ್ ಮಿಲಾದ್ ಮೆರವಣಿಗೆ ವೇಳೆ ನಗರದಲ್ಲಿ ಶಾಂತಿ ಸುವ್ಯಸ್ಥೆ ಕಾಡಾಡೋ ಉದ್ದೇಶದಿಂದ 10 ರಂದು ಬೆಳಗ್ಗೆ 6 ಗಂಟೆಯಿಂದ ಮಧ್ಯರಾತ್ರಿ 12 ಗಂಟೆವರೆಗೂ ಮದ್ಯ ಮಾರಾಟ ನಿಷೇಧಿಸಲಾಗಿದ್ದು, ಬಾರ್​ಗಳು, ವೈನ್​ಶಾಪ್​ಗಳು, ಪಬ್ ಸೇರಿದಂತೆ ಎಲ್ಲಾ ಮದ್ಯ ಮಾರಾಟ ಅಂಗಡಿಗಳನ್ನು ಮುಚ್ಚುವಂತೆ ಆಯುಕ್ತರು ಸೂಚಿಸಿದ್ದಾರೆ.

ದೀಪಾವಳಿ ಮರುದಿನವೇ ಅಟ್ಟಹಾಸ ಮೆರೆದ ಜವರಾಯ – 8 ಮಂದಿ ದುರ್ಮರಣ

0

ತುಮಕೂರು : ದೀಪಾವಳಿ ಹಬ್ಬದ ಮರು ದಿನವೇ ಜವರಾಯ ಅಟ್ಟಹಾಸ ಮೆರೆದಿದ್ದಾನೆ. ಜಿಲ್ಲೆಯ ಕೊರಟಗೆರೆ ಬಳಿ ಸಂಭವಿಸಿದ ಬಸ್ ಅಪಘಾತದಲ್ಲಿ 8 ಮಂದಿ ಸಾವನ್ನಪ್ಪಿದ್ದಾರೆ. ಬಸ್ ಕೊರಟಗೆರೆಯಿಂದ ತುಮಕೂರು ಕಡೆಗೆ ಪ್ರಯಾಣ ಬೆಳೆಸಿದ್ದ ಖಾಸಗಿ ಬಸ್ ಚಾಲಕನ ನಿಯಂತ್ರಣ ತಪ್ಪಿ  ಪಲ್ಟಿ ಹೊಡೆದ ಪರಿಣಾಮ ಈ ದುರ್ಘಟನೆ ಘಟಿಸಿದ್ದು, 20ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಗಾಯಾಳುಗಳನ್ನು ತುಮಕೂರು ಜಿಲ್ಲಾಸ್ಪತ್ರೆ, ಬೆಂಗಳೂರಿನ ನಿಮ್ಹಾನ್ಸಿಗೆ ಸೇರಿಸಲಾಗಿದೆ.  ಕೊರಟಗೆರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಎಲ್ಲಿದ್ದಾರಯ್ಯ? ಕತ್ತೆ ಕಾಯೋಕೆ ಹೋಗಿದ್ದಾರಾ? : ಸಿದ್ದರಾಮಯ್ಯ ಫುಲ್ ಗರಂ!

0

ಬಾದಾಮಿ : ಎಲ್ಲಿದ್ದಾರಯ್ಯ? ಕತ್ತೆ ಕಾಯೋಕೆ ಹೋಗಿದ್ದಾರಾ? ಅಂತ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅಧಿಕಾರಿಗಳ ವಿರುದ್ಧ ಫುಲ್ ಗರಂ ಆಗಿದ್ದಾರೆ.
ಸಿದ್ದರಾಮಯ್ಯ ಇಂದು ಸ್ವಕ್ಷೇತ್ರ ಬಾಗಲಕೋಟೆ ಜಿಲ್ಲೆಯ ಬಾದಾಮಿ ಪ್ರವಾಸ ಕೈಗೊಂಡಿದ್ದರು. ಗೋವಿನಕೊಪ್ಪ ಗ್ರಾಮದಲ್ಲಿ ಸಂತ್ರಸ್ತರ ಸಮಸ್ಯೆಯನ್ನು ಆಲಿಸಿದರು. ಮಾಜಿ ಸಿಎಂ ಭೇಟಿ ನೀಡಿದ್ರೂ ಅಧಿಕಾರಿಗಳು ಗ್ರಾಮಕ್ಕೆ ಬಂದಿರಲಿಲ್ಲ. ಇದರಿಂದ ಸಹಜವಾಗಿ ಸಿಟ್ಟಾದ ಸಿದ್ದರಾಮಯ್ಯ, ಎಲ್ಲಿದ್ದಾರಯ್ಯ ಅಧಿಕಾರಿಗಳು? ಕತ್ತೆ ಕಾಯೋಕೆ ಹೋಗಿದ್ದಾರಾ? ಅಂತ ಗರಂ ಆದರು.
ಇನ್ನು ಕಿತ್ತಲೆ ಗ್ರಾಮದಲ್ಲಿ ಅಜ್ಜಿಯೊಬ್ಬರು ಸಿದ್ದರಾಮಯ್ಯ ಅವರ ಕಾರು ತಡೆದು ಮನೆಯಿಲ್ಲ ಮನೆ ಕೊಡ್ಸಿ ಅಂತ ಅಳಲು ತೋಡಿಕೊಂಡ್ರು. ಸಿದ್ದರಾಯ್ಯ ಆಯ್ತು ಮಾಡಿಸ್ತೀನಿ ಅಂತ ವೃದ್ಧೆಗೆ ಅಭಯ ನೀಡಿದ್ರು.

ಎಲ್ಲಿದ್ದಾರಯ್ಯ? ಕತ್ತೆ ಕಾಯೋಕೆ ಹೋಗಿದ್ದಾರಾ? : ಸಿದ್ದರಾಮಯ್ಯ ಫುಲ್ ಗರಂ!

ಎಲ್ಲಿದ್ದಾರಯ್ಯ? ಕತ್ತೆ ಕಾಯೋಕೆ ಹೋಗಿದ್ದಾರಾ? : ಸಿದ್ದರಾಮಯ್ಯ ಫುಲ್ ಗರಂ!ಅಷ್ಟಕ್ಕೂ ಸಿದ್ದರಾಮಯ್ಯ ಸಿಟ್ಟಾಗಿದ್ದು ಏಕೆ ? ಈ ಲಿಂಕ್​​ಕ್ಲಿಕ್ ಮಾಡಿ : https://www.powertvnews.in/badami-siddaramaiah/

Posted by Powertvnews on Wednesday, October 23, 2019

ಅಕ್ಕ-ಪಕ್ಕದ ಜನರದ್ದು ‘ನಾಯಿಪಾಡು’ – ಮನೆ ಬಿಟ್ಟ ಪತ್ನಿ, ಮಕ್ಕಳು!

0

ಈ ಪ್ರಪಂಚದಲ್ಲಿ ಎಂಥೆಂಥಾ ವಿಚಿತ್ರ ಮಂದಿ ಇದ್ದಾರೆ ಸ್ವಾಮಿ? ಇಂಥಾ ವಿಚಿತ್ರ ಜನ ತಮಗೆ ಸರಿ ಅಂದಿದ್ದನ್ನೇ ಮಾಡೋದು. ಅದರಿಂದ ಯಾರಿಗೆ ಹಿಂಸೆ ಅನಿಸಿದ್ರು, ಕಿರಿಕಿ ಅನಿಸಿದ್ರೂ ಅವರು ಮಾತ್ರ ಬದಲಾಗಲ್ಲ! ತಪ್ಪು ತಿದ್ದುಕೊಳ್ಳುವುದರಲಿ, ಯಾರು? ಯಾಕೆ ಹೇಳ್ತಿದ್ದಾರೆ ಅಂತನೂ ಅರ್ಥ ಮಾಡಿಕೊಳ್ಳಲ್ಲ. ತಮ್ಮ ಹುಚ್ಚಾಟದ ಪ್ರತಿಷ್ಠಿಯೇ ಅವರಿಗೆ ದೊಡ್ಡದಾಗಿರುತ್ತೆ.
ಈ ಪೀಠಿಕೆ ಹಾಕೋಕೆ ಕಾರಣ ಶಿವಮೊಗ್ಗದ ಒಬ್ಬ ವಿಚಿತ್ರ ನಾಯಿ ಪ್ರೇಮಿ, ಬೀದಿ ನಾಯಿಗಳನ್ನು ಮನೆಗೆ ತುಂಬಿಸಿಕೊಂಡು, ಪತ್ನಿ-ಮಕ್ಕಳನ್ನೇ ಮನೆಯಿಂದ ಕಳುಹಿಸಿಕೊಟ್ಟಿರೋ ಭೂಪ!
ಹೌದು, ರೀ ಶಿವಮೊಗ್ಗದ ಜೆಹೆಚ್​ ಪಟೇಲ್ ಬಡಾವಣೆಯ ನಿವಾಸಿ ಗಿರೀಶ್ ಎಂಬ ಪುಣ್ಯಾತ್ಮನ ಹುಚ್ಚು ಹುಂಬುತನದ ಕಥೆ ಕಣ್ರಿ ಇದು. ಮೆಡಿಕಲ್ ರೆಪ್ರೆಸೆಂಟೇಟಿವ್ ಆಗಿ ಕೆಲಸ ಮಾಡ್ತಿರೋ ಗಿರೀಶಿಗೆ ಹೆಂಡ್ತಿ, ಮಕ್ಕಳು, ಸಂಬಂಧಿಕರಿಗಿಂತ ಬೀದಿ ನಾಯಿಗಳೇ ಹೆಚ್ಚು! ಈತನ ಮನೆ ತುಂಬಾ ಬರೀ ಬೀದಿನಾಯಿಗಳೇ! ಒಂದಲ್ಲ ಎರಡಲ್ಲ 9 ಬೀದಿ ನಾಯಿಗಳನ್ನು ಸಾಕಿಕೊಂಡಿದ್ದಾನೆ. ಆ ನಾಯಿಗಳಿಗೊಂದು ಬೋನು ಮಾಡಿ ಕೂಡಿಟ್ಟು, ಊಟ-ತಿಂಡಿ ಉಪಚಾರ ಮಾಡ್ತಾನಾ? ಇಲ್ಲ, ಇವನ ಮನೆಯೇ ಅವುಗಳಿಗೆ ಆಶ್ರಯ ತಾಣ!
ಮನೆಯ ಜಗುಲಿ, ಹಾಲ್, ಅಡುಗೆ ಮನೆ, ಬೆಡ್​ರೂಂ, ದೇವರಮನೆ ಹೀಗೆ ಎಲ್ಲಿ ನೋಡಿದ್ರು ಬರೀ ಬೀದಿನಾಯಿಗಳೇ! ಮನೆಯೊಳಗೆ ಮನಷ್ಯರಾದವರು ಕಾಲಿಡೋಕೆ ಸಾಧ್ಯವಿಲ್ಲ! ಈ ಬೀದಿ ನಾಯಿಗಳ ಕಾಟ, ಈತನ ಹುಚ್ಚಾಟದಿಂದ ಪತ್ನಿ , ಮಕ್ಕಳು ಊರೇ ಬಿಟ್ಟು ಹೋಗಿದ್ದಾರೆ. ಆದರೆ, ಅಕ್ಕಪಕ್ಕದ ಮನೆಯವರು ಮಾತ್ರ ನರಕ ಯಾತನೆ ಅನುಭಿಸ್ತಿದ್ದಾರೆ.
ಗಿರೀಶನ ಬೀದಿ ನಾಯಿಗಳ ಮೇಲಿನ ಹುಚ್ಚು ಪ್ರೀತಿಯಿಂದ ಜನ ಹೈರಾಣಾಗಿದ್ದಾರೆ. ಈ ಬೀದಿನಾಯಿಗಳ ಗಬ್ಬು ವಾಸನೆ, ಹಗಲು-ರಾತ್ರಿ ಎನ್ನದೆ 24 ಗಂಟೆಗಳ ಕಾಲ ಅವುಗಳು ಬೊಗಳುವುದರಿಂದ ಅಕ್ಕ-ಪಕ್ಕದ ನಿವಾಸಿಗಳು ಚಿತ್ರಹಿಂಸೆ ಅನುಭವಿಸುತ್ತಿದ್ದಾರೆ. ಮಕ್ಕಳನ್ನು ಮನೆಯಿಂದ ಹೊರಗಡೆ ಕಳುಹಿಸಲು ಪೋಷಕರು ಭಯ ಪಡುತ್ತಿದ್ದಾರೆ. ಯಾಕಪ್ಪಾ ಗಿರೀಶ್ ಹೀಗೆ ಮಾಡ್ತೀಯಾ ಅಂತ ಜನ ಕೇಳಿದ್ರೆ, ‘ಅಯ್ಯೋ ನನ್ ಇಷ್ಟ, ನನ್ ಮನೆ, ಅದನ್ನು ಕೇಳೋಕೆ ನೀವ್ಯಾರು’ ಅಂತಾನಂತೆ ಈ ಆಸಾಮಿ!
ಈತನ ಬೀದಿನಾಯಿ ಪ್ರೇಮದಿಂದ ಸಾರ್ವಜನಿಕರು ಬೇಸತ್ತು ಹೋಗಿದ್ದು, ಬೇರೆ ದಾರಿ ಕಾಣದೆ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.
ಪಾಪ ಪ್ರಾಣಿಗಳು ನಮ್ಮಂತೆಯೇ ಅವುಗಳಿಗೆ ಪ್ರೀತಿ ಕೊಡೋಣ, ಊಟ ಹಾಕಣ ಆದ್ರೆ ಯಾರಾದ್ರು ಹೀಗೆ ಮನೆಯನ್ನೇ ಬೀದಿನಾಯಿಗಳ ಅಡ್ಡ ಮಾಡಿಕೊಳ್ತಾರಾ. ಹುಚ್ಚು ಪ್ರಾಣಿ ಪ್ರೀತಿ ಬೇರೆಯವರಿಗೆ ಹಿಂಸೆ ಆಗಬಾರದಲ್ಲವೇ?

ಅಕ್ಕ-ಪಕ್ಕದ ಜನರದ್ದು 'ನಾಯಿಪಾಡು' – ಮನೆ ಬಿಟ್ಟ ಪತ್ನಿ, ಮಕ್ಕಳು!

ಅಕ್ಕ-ಪಕ್ಕದ ಜನರದ್ದು 'ನಾಯಿಪಾಡು' – ಮನೆ ಬಿಟ್ಟ ಪತ್ನಿ, ಮಕ್ಕಳು! ಏನಿದು ಸ್ಟೋರಿ? ಈ ಲಿಂಕ್ ಕ್ಲಿಕ್ ಮಾಡಿ – https://www.powertvnews.in/shimoga-street-dogs-girish/

Posted by Powertvnews on Wednesday, October 23, 2019

ಕೋಣಕ್ಕಾಗಿ ಶಿವಮೊಗ್ಗ -ದಾವಣಗೆರೆ ಊರುಗಳ ನಡುವೆ ಫೈಟ್​!

0

ಶಿವಮೊಗ್ಗ/ದಾವಣಗೆರೆ : ದೇವರ ಕೋಣಕ್ಕಾಗಿ ದಾವಣಗೆರೆ ಮತ್ತು ಶಿವಮೊಗ್ಗ ಜಿಲ್ಲೆಗಳ ಎರಡು ಊರುಗಳ ನಡುವೆ ಜಗಳ ನಡೆದಿದೆ.
ದಾವಣಗೆರೆ ಜಿಲ್ಲೆಯ ಹೊನ್ನಾಳಿ ತಾಲೂಕಿನ ಬೇಲಿ ಮಲ್ಲೂರು ಗ್ರಾಮಸ್ಥರು 7 ವರ್ಷದ ಹಿಂದೆ ಮಾರಿಕಾಂಬಾ ದೇವಿಗಾಗಿ ಕೋಣವನ್ನು ಬಿಟ್ಟಿದ್ದರು. ಗ್ರಾಮದಲ್ಲಿದ್ದ ಕೋಣ ಕಳೆದ ಮೂರು ದಿನಗಳ ಹಿಂದೆ ಏಕಾಏಕಿ ಕಾಣೆಯಾಗಿತ್ತು. ಕೋಣ ಕಾಣೆಯಾದ ಕಾರಣ ಗ್ರಾಮಸ್ಥರು ಹುಡುಕಾಟ ನಡೆಸಿದ್ದರು.
ದಾವಣಗೆರೆಯ ಬೇಲಿ ಮಲ್ಲೂರು ಗ್ರಾಮದಲ್ಲಿ ನಾಪತ್ತೆಯಾಗಿದ್ದ ಕೋಣ ಮೂರು ದಿನಗಳ ಬಳಿಕ ಶಿವಮೊಗ್ಗ ಜಿಲ್ಲೆಯ ಹಾರ್ನಳ್ಳಿಯಲ್ಲಿ ಪತ್ತೆಯಾಗಿದೆ. ಕೋಣವನ್ನು ಕಂಡ ಮಲ್ಲೂರು ಗ್ರಾಮಸ್ಥರು ಈ ಕೋಣ ತಮ್ಮ ದೇವರಿಗೆ ಸೇರಿದ್ದು ಎಂದು ಹೇಳಿದ್ದಾರೆ. ಆದರೆ ಈ ನಡುವೆ ಕೋಣ ನಮ್ಮದೆಂದು ಎರಡೂ ಗ್ರಾಮಸ್ಥರ ನಡುವೆ ಕಿತ್ತಾಟ ನಡೆದಿದೆ. ಹೊನ್ನಾಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಬಿಬಿಎಂಪಿ ಚುಕ್ಕಾಣಿ ಬಿಜೆಪಿ ತೆಕ್ಕೆಗೆ..!

0

ಬೆಂಗಳೂರು : ಬಿಬಿಎಂಪಿ ಅಧಿಕಾರ ಚುಕ್ಕಾಣಿ ಬಿಜೆಪಿಗೆ ಒಲಿದಿದೆ. ಬಿಜೆಪಿಯ ಗೌತಮ್​​​​​​​​ ಕುಮಾರ್ ಬಿಬಿಎಂಪಿ ನೂತನ ಮೇಯರ್ ಆಗಿ, ರಾಮ ಮೋಹನ್ ರಾಜು ಉಪಮೇಯರ್ ಆಗಿ ಆಯ್ಕೆಯಾಗಿದ್ದಾರೆ.
ಮೇಯರ್ ಸ್ಥಾನಕ್ಕೆ ನಡೆದ ಪೈಪೋಟಿಯಲ್ಲಿ ಕಾಂಗ್ರೆಸ್​ನ ಆರ್.ಎಸ್​ ಸತ್ಯನಾರಾಯಣ ಅವರನ್ನು ಸೋಲಿಸಿ ಗೌತಮ್​​ ಗೆಲುವು ಪಡೆದರು. ಸತ್ಯನಾರಯಣ್ ಅವರಿಗೆ 112 ಮತಗಳು, ಗೌತಮ್​ರವರು 129 ಮತಗಳು ಬಂದಿವೆ.  
ಇನ್ನು ಗೌತಮ್​ ಅವರು ಜೋಗುಪಾಳ್ಯ ವಾರ್ಡ್​ನ ಹಾಗೂ ರಾಮ ಮೋಹನ್ ರಾಜ್​​ ಬೊಮ್ಮನಹಳ್ಳಿ ವಾರ್ಡ್​ನ ಸದಸ್ಯರಾಗಿದ್ದಾರೆ.

ಉಗ್ರನನ್ನು ಕಂಡು ಬೆಚ್ಚಿ ಬಿದ್ರು ಕೊಪ್ಪಳ ಜನತೆ..!

0

ಕೊಪ್ಪಳ : ಉಗ್ರರನ್ನು ಕಂಡು ಕೊಪ್ಪಳ ಜನ ಬೆಚ್ಚಿ ಬಿದ್ದಿದ್ದಾರೆ..! ಅರೆ, ಕೊಪ್ಪಳದಲ್ಲಿ ಭಯೋತ್ಪಾದಕರು ಸಿಕ್ಕರಾ ಅಂತ ನೀವು ಭಯ ಪಡ್ಬೇಡಿ.. ಇದರ ಕಥೆಯೇ ಬೇರೆ ಇದೆ..! ಜನ ಬೆಚ್ಚಿ ಬಿದ್ದಿದ್ದು ಫೇಕ್ ಟೆರರಿಸ್ಟ್​ಗಳನ್ನು ಕಂಡು..!
ಹೌದು, ಪೊಲೀಸ್ ವೇಷದಲ್ಲಿ ಬಂದ ಟೆರರಿಸ್ಟ್ ಕೊಪ್ಪಳ ಬಸ್ ನಿಲ್ದಾಣದಲ್ಲಿ ಬಾಂಬ್ ಇಡುವ ವೇಳೆ ಪೊಲೀಸರು ಯಶಸ್ವಿಯಾಗಿ ಬಂಧಿಸಿದ್ದಾರೆ ಎನ್ನುವ ವಿಡಿಯೋ ವೈರಲ್ ಮಾಡಿ ಜಿಲ್ಲೆಯ ಜನರನ್ನು ಬೆಚ್ಚಿ ಬಿಳಿಸಿರುವ ಘಟನೆಯೊಂದು ನೆಡೆದಿದೆ.
ಕೊಪ್ಪಳ ಬಸ್ ನಿಲ್ದಾಣದಲ್ಲಿ ದೊಡ್ಡ ದೊಡ್ಡ ಗನ್ ಗಳನ್ನು ಹಿಡಿದುಕೊಂಡು ಟೆರರಿಸ್ಟ್​​ನನ್ನು ಸುತ್ತುವರೆದ ಪೊಲೀಸರು… ಅಬ್ಬಾ ಈ ವಿಡಿಯೋವನ್ನು ನೋಡಿದ್ರೆ ಒಂದು ಕ್ಷಣ ಮೈ ಜುಮ್ ಎನ್ನು..! ಇದು ಎಂಥವರದನ್ನಾದರೂ ಬೆಚ್ಚಿ ಬೀಳಿಸುವಂತಿದೆ. ಈ ವಿಡಿಯೋ ವೈರಲ್ ಆಗ್ತಿದ್ದಂತೆ ಜನ ಭಯಭೀತರಾಗಿದ್ದಾರೆ. ಆದ್ರೆ, ಅಸಲಿಗೆ ಇದು ಕೊಪ್ಪಳ ಪೊಲೀಸರು ನೆಡಸಿರುವ ಅಣಕು ಪ್ರದರ್ಶನ ಮಾತ್ರ..!
ಟೆರರಿಸ್ಟ್ ನನ್ನು ಯಾವ ರೀತಿ ಬಂಧನ ಮಾಡಲಾಗುತ್ತೆ ಎನ್ನುವುದರ ಕುರಿತು ಪೊಲೀಸರು ಮಾಡಿರುವ ಅಣುಕು ಪ್ರದರ್ಶನ ಇದು.‌ ಆದರೆ ಇದನ್ನೇ ವಿಡಿಯೋ ಮಾಡಿದ ಪುಡಾರಿಗಳು ಕೊಪ್ಪಳ ಬಸ್ ನಿಲ್ದಾಣದಲ್ಲಿ ಟೆರರಿಸ್ಟ್ ಬಂಧನ. ಬಾಂಬ್ ಇಡುವ ವೇಳೆ ಟೆರರಿಸ್ಟ್ ಅನ್ನು ಬಂಧಿಸಿದ ಕೊಪ್ಪಳ ಪೊಲೀಸರು ಎಂದು ಬರೆದು ಹಾಕಿ ಸೋಶಿಯಲ್ ಮಿಡಿಯಾದಲ್ಲಿ ವೈರಲ್ ಮಾಡಿದ್ದಾರೆ. ಇನ್ನೂ ಈ ವಿಡಿಯೋ ಅನ್ನು ನೋಡಿದ ಕೊಪ್ಪಳ ಜನತೆ ಅಣಕು ಪ್ರದರ್ಶನ ಎಂದು ತಿಳಿಯದೆ ಬೆಚ್ಚಿ ಬಿದ್ದಿದ್ದಾರೆ.

ಹನುಮನ ಜನ್ಮಸ್ಥಳಕ್ಕೆ ಭೇಟಿ ನೀಡಿದ ಸಚಿವ ಸುರೇಶ್ ಕುಮಾರ್

0

ಇಂದು ಹನುಮನ ಜನ್ಮಸ್ಥಳಕ್ಕೆ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ ಸುರೇಶ್ ಕುಮಾರ  ಭೇಟಿ ನೀಡಿದರು.
ಕೊಪ್ಪಳದ ಗಂಗಾವತಿಗೆ ಶಿಕ್ಷಕರ ದಿನಾಚರಣೆಗೆ‌ ಎಂದು ಆಗಮಿಸಿದ ಅವರು ಕಾರ್ಯಕ್ರಮ ಮುಗಿಸಿಕೊಂಡು ಸೀದಾ ಅಂಜನಾದ್ರಿ ಪರ್ವತಕ್ಕೆ ಹೋಗಿ ಆಂಜನೇಯ ಸ್ವಾಮಿ ದರ್ಶನ ಪಡೆದರು.
ಗಂಗಾವತಿ ತಾಲೂಕಿನ ಅಂಜನಾದ್ರಿ ಪರ್ವತ ಇದು ಐತಿಹಾಸಿಕ ಹಿನ್ನಲೆಯುಳ್ಳ ಸ್ಥಳವಾಗಿದ್ದು. ಹನುಮನ ಜನ್ಮಸ್ಥಳ ಕಿಷ್ಕಿಂದಾ ಎಂದೇ ಕರೆಯಲ್ಪಡುತ್ತದೆ. ಬರೊಬ್ಬರಿ 575 ಮೆಟ್ಟಿಲುಗಳನ್ನು ಒಳಗೊಂಡಿರುವ ಈ ಪರ್ವತದ ಮೇಲೆ ಆಂಜನೇಯ ನೆಲಸಿದ್ದಾನೆ. ಇನ್ನು ಸಂಜೆ ಸುಮಾರಿಗೆ ಬ ಸಚಿವರು ಜೈ ಶ್ರೀರಾಮ್ ಅಂತ ಜಪಿಸುತ್ತಾ 575 ಮೆಟ್ಟಿಲನ್ನು ಏರಿ ಆಂಜನೇಯನ ದರ್ಶನ ಪಡೆದು ಪ್ರಧಾನಿ ಮೋದಿ ಹೆಸರಲ್ಲಿ ಪೂಜೆ ಸಲ್ಲಿಸಿದರು.

ಈ ಬಳಿಕ ಬೆಟ್ಟದ ಮೇಲಿರುವ ಗುಹೆಯಲ್ಲಿ ಹತ್ತು ನಿಮಿಷಗಳ ಕಾಲ ಧ್ಯಾನಕ್ಕೆ ಕುಳಿತುಕೊಂಡರು. ತುಂಗಭದ್ರಾ ತೀರದಲ್ಲಿರುವ ಅಂಜನಾದ್ರಿ ಬೆಟ್ಟ ಇಲ್ಲಿ ಧ್ಯಾನ ಮಾಡಿದ್ರೆ ಸಕಲವು ಒಳ್ಳೆದಾಗುತ್ತೆ ಎನ್ನುವ ಪ್ರತೀತಿ ಇದೆ. ಇನ್ನೂ ಸಚಿವರ ಜೊತೆ ಸ್ಥಳೀಯ ಶಾಸಕ ಪರಣ್ಣ ಮನವಳ್ಳಿ ಸಹ ಬೆಟ್ಟ ಹತ್ತಿ ಆಂಜನೇಯ ಸ್ವಾಮಿಯ ದರ್ಶನ ಪಡೆದರು.
ಈ ಹಿಂದೆ ಮೋದಿ ಪ್ರಧಾನಿ ಆಗುವ ಮುಂಚೆ ಮೋದಿಯವರ ಪತ್ನಿ‌ ಜಶೋಧಾ ಬೇನ್ ಈ ಪವಿತ್ರ ಸ್ಥಳಕ್ಕೆ ಭೇಟಿ‌ ನೀಡಿದ್ದರು. ಕೊಪ್ಪಳಕ್ಕೆ‌ ಆಗಮಿಸುವ ಬಹುತೇಕ ರಾಜಕಾರಣಿಗಳು ಅಂಜನಾದ್ರಿ ಬೆಟ್ಟಕ್ಕೆ‌ ಭೇಟಿ ನೀಡಿ ಆಂಜನೇಯನ ದರ್ಶನ ಪಡೆದುಕೊಂಡು ಹೊಗ್ತಾರೆ.

ಕಾಲೇಜಲ್ಲಿ ಹುಡುಗರ ಮೊಬೈಲ್ ಪುಡಿ ಪುಡಿ – ಹುಡುಗಿಯರ ಕೇಕೆ..!

0

ಉತ್ತರ ಕನ್ನಡ : ಕಾಲೇಜು ಕ್ಲಾಸ್​ ರೂಮ್​ನಲ್ಲಿ ಎಲ್ಲರ ಎದುರು ತಮ್ಮ ಮೊಬೈಲ್ ಪುಡಿ ಪುಡಿ ಆಗ್ತಿದೆ ಅನ್ನೋ ಸಂಕಟ ಹುಡುಗರಿಗೆ…! ಹುಡುಗರ ಮೊಬೈಲ್​ ಪುಡಿ ಪುಡಿ ಆಗುವುದನ್ನು ಕಂಡು ಹುಡುಗಿಯರ ಕೇಕೆ..! ಇಂಥಾ ಒಂದು ಸೋಜಿಗ ನಡೆದಿರುವುದು ಉತ್ತರ ಕನ್ನಡ ಜಿಲ್ಲೆಯ ಶಿರಸಿಯ ಎಂಇಎಸ್​ ಚೈತನ್ಯ ಕಾಲೇಜಲ್ಲಿ.
ಹೌದು, ಕಾಲೇಜು ಆವರಣದಲ್ಲಿ ಮೊಬೈಲ್ ನಿಷೇಧವಿದ್ರೂ ವಿದ್ಯಾರ್ಥಿಗಳು ಮೊಬೈಲ್​ ಬಳಿಸಿದ್ದಕ್ಕೆ ಪ್ರಿನ್ಸಿಪಾಲ್ ಕೊಟ್ಟ ಪನಿಶ್​ಮೆಂಟ್ ಪರಿ ಇದು. ಬಹುಶಃ ಹಿಂದೆ ಮೊಬೈಲ್ ತರದಂತೆ ಸಾಕಷ್ಟು ಬಾರಿ ಎಚ್ಚರಿಸಿದ್ದರೇನೋ..?! ಹುಡುಗರು ಅದಕ್ಕೆ ಕ್ಯಾರೇ ಎನ್ನದೆ ಕದ್ದು ಮುಚ್ಚಿ ಕಾಲೇಜಲ್ಲಿ ಮೊಬೈಲ್ ಬಳಸ್ತಿದ್ದರು. ಹೀಗೆ ಇತ್ತೀಚೆಗೆ ಕಾಲೇಜು ಆವರಣದಲ್ಲಿ ಮೊಬೈಲ್ ತಪಾಸಣೆ ವೇಳೆ 16 ಮೊಬೈಲ್​ಗಳು ಸಿಕ್ಕಿವೆ. ಈ ಮೊಬೈಲ್​ಗಳನ್ನು ಪ್ರಾಂಶುಪಾಲರು ಕ್ಲಾಸ್​ ರೂಮ್​ನಲ್ಲಿ ಡೇಬಲ್​ ಮೇಲಿಟ್ಟು ಸುತ್ತಿಗೆ ತಗೊಂಡು ಪುಡಿ ಪುಡಿ ಮಾಡಿದ್ದಾರೆ. ಮೊಬೈಲ್ ಪುಡಿ ಪುಡಿ ಮಾಡುವ ದೃಶ್ಯಕಂಡು ವಿದ್ಯಾರ್ಥಿನಿಯರು ಕೇಕೆ ಹಾಕಿದ್ದಾರೆ.. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ.

ಕಾಲೇಜಲ್ಲಿ ಹುಡುಗರ ಮೊಬೈಲ್ ಪುಡಿ ಪುಡಿ – ಹುಡುಗಿಯರ ಕೇಕೆ..!

ಕಾಲೇಜಲ್ಲಿ ಹುಡುಗರ ಮೊಬೈಲ್ ಪುಡಿ ಪುಡಿ – ಹುಡುಗಿಯರ ಕೇಕೆ..!

Posted by Powertvnews on Friday, September 13, 2019

Popular posts