Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Thursday, June 27, 2019

ದೇವೇಗೌಡ್ರ ಕುಟುಂಬದ ವಿರುದ್ಧ ಮೋದಿ ಗುಡುಗು..!

0

ಕೊಪ್ಪಳ : ಪ್ರಧಾನಿ ನರೇಂದ್ರ ಮೋದಿ ಮಾಜಿ ಪ್ರಧಾನಿ ದೇವೇಗೌಡರ  ಕುಟುಂಬದ ವಿರುದ್ಧ ಗುಡುಗಿದ್ದಾರೆ. ಗಂಗಾವತಿಯಲ್ಲಿ ನಡೆದ ಬೃಹತ್ ಸಮಾವೇಶದಲ್ಲಿ ಮಾತನಾಡಿದ ಅವವರು, ಮೋದಿ ಗೆದ್ದಲ್ಲಿ ನಾನು ಸನ್ಯಾಸ ಪಡೀತೀನಿ ಎಂದಿದ್ರು. ರೇವಣ್ಣ ಸನ್ಯಾಸ ಸ್ವೀಕರಿಸ್ತಾರೆ ಎಂದು ಅನ್ನಿಸುತ್ತಾ? ಸನ್ಯಾಸ ಸ್ವೀಕಾರ ಇರಲಿ, ಮೊದಲು ಸುಳ್ಳು ಹೇಳೋದು ಬಿಡ್ಲಿ. ರೇವಣ್ಣ ಹೇಳಿಕೆಗೆ ಕಿಡಿಕಾರಿದರು.

“ರಾಷ್ಟ್ರವಾದ ಮತ್ತು ಪರಿವಾರ ವಾದದ ಮಧ್ಯದ ಯುದ್ಧವಿದು. ದೇಶದ ಸಮಸ್ಯೆಗಳ ಬಗ್ಗೆ ವಿಪಕ್ಷಗಳಿಗೆ ಕಾಳಜಿಯಿಲ್ಲ. ಅವರದ್ದು ಸ್ವಾರ್ಥಕ್ಕಾಗಿ ಕೆಲಸ, ಕಮೀಷನ್​ ಕೆಲಸ.  ಕಾಂಗ್ರೆಸ್​ ಸರ್ಕಾರ ಇದ್ದಾಗ 10 ಪರ್ಸೆಂಟ್​ ಸರ್ಕಾರ ಇತ್ತು . ಈಗ ಇಬ್ಬರು ಕೈಜೋಡಿಸಿ 20 ಪರ್ಸೆಂಟ್​ ಸರ್ಕಾರ ಆಗಿದೆ” ಎಂದು ಮೈತ್ರಿ ಸರ್ಕಾರದ ವಿರುದ್ಧ ವಾಕ್​ಪ್ರಹಾರ ನಡೆಸಿದರು.

ಎರಡು ಹೊತ್ತಿನ ಊಟಕ್ಕೆ ಗತಿ ಇಲ್ಲದವರು ಸೇನೆಗೆ ಸೇರ್ತಾರೆ ಅನ್ನೋ ಸಿಎಂ ಹೆಚ್​. ಡಿ. ಕುಮಾರಸ್ವಾಮಿ ಹೇಳಿಕೆ ಖಂಡಿಸಿದ ಮೋದಿ, “ಈ ಹೇಳಿಕೆ ಸಿಎಂಗೆ ಶೋಭೆ ತರುತ್ತದೆಯಾ..? ಸಿಎಂ ಹೇಳಿಕೆ ಅವರ ಮನಸಿನ ಹೇಳಿಕೆ ಆಗಿರುತ್ತದೆ. ದೇಶದ ಸೇವೆ ಸಲ್ಲಿಸುವವರಿಗೆ ಇದು ಅವಮಾನ ಅಲ್ವೇ?” ಎಂದು ಪ್ರಶ್ನಿಸಿದ್ದಾರೆ. “ದೇಶಕ್ಕಾಗಿ ತಪಸ್ಸು ಮಾಡುವವರಿಗೆ ಇದು ಅವಮಾನ. ದೇಶದ ಯೋಧರಿಗೆ ಗೌರವ ನೀಡಿವುದು ಗೊತ್ತಿಲ್ಲ” ಎಂದಿದ್ದಾರೆ.

ನಾಳೆ ಯಡಿಯೂರಪ್ಪ ಅಸಲಿ ಡೈರಿ ಬಿಡುಗಡೆ: ವಿನಯ್

0

ಬೆಂಗಳೂರು: ಯಡಿಯೂರಪ್ಪ ಅವರ ಡೈರಿ ವಿಚಾರ ಮತ್ತೆ ಸದ್ದು ಮಾಡುತ್ತಿದೆ. ಯಡಿಯೂರಪ್ಪ ಅಸಲಿ ಡೈರಿ ಬಿಡುಗಡೆ ಮಾಡೋದಾಗಿ ವಿನಯ್​ ಹೇಳಿದ್ದಾರೆ. ಈ ಹಿನ್ನೆಲೆ ಅಮೃತಹಳ್ಳಿ ಪೊಲೀಸ್​ ಠಾಣೆಗೆ ಆಗಮಿಸಿ ಭದ್ರತೆ ಒದಗಿಸುವಂತೆ ಕೋರಿದ್ದಾರೆ. ಈ ಹಿಂದೆ ಬಿಜೆಪಿ ಮುಖಂಡ ಕೆ.ಎಸ್​. ಈಶ್ವರಪ್ಪ ಅವರ ಆಪ್ತ ಕಾರ್ಯದರ್ಶಿ ವಿನಯ್ ಅವರು ವಕೀಲರೊಂದಿಗೆ ಬಂದು, ಪ್ರಾಣ ಬೆದರಿಕೆ ಇದ್ದು ಗನ್ ಮ್ಯಾನ್ ಒದಗಿಸುವಂತೆ ವಿನಯ್​ ಕೋರಿದ್ದಾರೆ.

2017ರಲ್ಲಿ 11 ಜನರಿಂದ ವಿನಯ್​ ಅಪಹರಣ ಪ್ರಯತ್ನ ನಡೆದಿತ್ತು. ಸೂಕ್ತ ರಕ್ಷಣೆ ಕೋರಿದ ವಿನಯ್ ಭದ್ರತೆ ಒದಗಿಸುವಂತೆ ಕೇಳಿಕೊಂಡಿದ್ದಾರೆ. 2017ರಲ್ಲಿ 11 ಜನರಿಂದ ವಿನಯ್ ಅಪಹರಣ ಯತ್ನ ನಡೆದಿತ್ತು. ಇತ್ತೀಚೆಗೆ ವಿನಯ್ ಕಿಡ್ನಾಪ್ ಕೇಸ್​​ ಮತ್ತೆ ಸಿಸಿಬಿಗೆ ವರ್ಗಾವಣೆ ಆಗಿದೆ.

ಸುಮಲತಾ ಮಾಯಾಂಗನೆ : ಶಿವರಾಮೇಗೌಡ

0

ಮಂಡ್ಯ : ಪಕ್ಷೇತರ ಅಭ್ಯರ್ಥಿ ಸುಮಲತಾ ಅಂಬರೀಶ್ ಅವರ ವಿರುದ್ಧ ಸಂಸದ ಶಿವರಾಮೇಗೌಡ ಮತ್ತೆ ವಾಗ್ದಾಳಿ ನಡೆಸಿದ್ದಾರೆ.
ನಾಗಮಂಗಲದಲ್ಲಿ ಪ್ರಚಾರ ಸಭೆಯಲ್ಲಿ ಮಾತನಾಡಿದ ಶಿವರಾಮೇಗೌಡ, ‘ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ದಿ. ಜಯಲಲಿತಾ ಅವರಿಗಿಂಥಾ ಮಾಯಾಂಗನೆ’ ಎಂದು ಕಿಡಿಕಾರಿದರು.
ಈ ಟೂರಿಂಗ್​ ಟಾಕೀಸ್​ಗೆ ಯಾರೂ ಮಾರು ಹೋಗಬೇಡಿ. ನಾವು ನಿಮ್ಮ ಕೆಲಸ ಮಾಡುವವರು ನಾವು. ಟೂರಿಂಗ್ ಟಾಕೀಸ್​ ಬರಲ್ಲ. ಫಿಲ್ಮ್​ ಆ್ಯಕ್ಟರ್​ಗಳನ್ನು, ಅವರು ಮಾಡಿರೋ ಪಿಕ್ಚರ್ ನೋಡೋಕೆ ಚಂದ. ಆ ಪಿಕ್ಚರ್ ಕೂಡ ಸುಮ್ಮನೇ ನೋಡಲ್ಲ. ದುಡ್ ಕೊಟ್ಟು ನೋಡ್ತೀವಿ. ಈ ಟೂರಿಂಗ್ ಟಾಕೀಸ್​ ಏಪ್ರಿಲ್​ 18ಕ್ಕೆ ಬಂದ್​ ಆಗುತ್ತೆ ಎಂದರು.

‘ನಿಖಿಲ್​ ಎಲ್ಲಿದ್ದೀಯಪ್ಪಾ’ ಸಿನಿಮಾ ಮಾಡಿದ್ರೆ ನಟಿಸ್ತೀನಿ: ತಾರಾ

0

ಬೆಳಗಾವಿ: ನಿಖಿಲ್ ಎಲ್ಲಿದ್ದೀಯಪ್ಪಾ ಸಿನಿಮಾ ಮಾಡಿದ್ರೆ ನಟಿಸ್ತೀನಿ ಅಂತ ಬಿಜೆಪಿ ಸ್ಟಾರ್​ ಪ್ರಚಾರಕಿ ನಟಿ ತಾರಾ ಹೇಳಿದ್ದಾರೆ. ಬೆಳಗಾವಿಯಲ್ಲಿ ಪ್ರಚಾರ ನಡೆಸಿದ ನಟಿ ತಾರಾ, “ಸಿನಿಮಾ ಕಥೆ ಚೆನ್ನಾಗಿದ್ದರೆ, ಒಳ್ಳೆಯ ನಿರ್ಮಾಣ ಮಾಡಿದ್ರೆ ನಟಿಸ್ತೀನಿ. ನಿಖಿಲ್ ಎಲ್ಲಿದ್ದೀಯಪ್ಪಾ ಟ್ರೋಲ್ ವಿಡಿಯೋ ನೋಡಿದ್ದೀನಿ. ಯಾರನ್ನೂ ತೇಜೋವಧೆ ಮಾಡುವಂತಹ ಸಿನಿಮಾ ಇರಬಾರದು” ಅಂತ ಹೇಳಿದ್ದಾರೆ.

ಸುಮಲತಾ ಸ್ಪರ್ಧೆ ಬಗ್ಗೆ ಮಾತನಾಡಿ, ಮಂಡ್ಯದ ಸಂಪೂರ್ಣ ಬೆಂಬಲ ಅವರಿಗಿದೆ. ಬೆಳಗಾವಿ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಸುರೇಶ್ ಅಂಗಡಿ ಅವರೂ ಗೆಲುವು ಸಾಧಿಸುತ್ತಾರೆ ಅಂತ ಹೇಳಿದ್ರು. ದರ್ಶನ್​ ಹಾಗೂ ಯಶ್ ಬಗ್ಗೆ ಸಿಎಂ ಹೆಳಿಕೆಗಳ ಬಗ್ಗೆ ಪ್ರತಿಕ್ರಿಯಿಸಿ, ಮುಖ್ಯಮಂತ್ರಿಗಳು ವೈಯಕ್ತಿಕವಾಗಿ ಮಾತನಾಡಬಾರದು” ಅಂತ ಹೇಳಿದ್ರು.

ಡಿಕೆಶಿ ತಮ್ಮ ಮನೆ ಮೊದಲು ಶುದ್ಧಗೊಳಿಸಲಿ : ಎಂ.ಬಿ ಪಾಟೀಲ್

0

ವಿಜಯಪುರ : ಸಚಿವ ಡಿ.ಕೆ ಶಿವಕುಮಾರ್ ಅವರ ವಿರುದ್ಧ ಗೃಹ ಸಚಿವ ಎಂ.ಬಿ ಪಾಟೀಲ್​ ಫುಲ್ ಗರಂ ಆಗಿದ್ದಾರೆ. ಡಿಕೆಶಿ ಲಿಂಗಾಯತ ಪ್ರತ್ಯೇಕ ಧರ್ಮ ವಿಚಾರವಾಗಿ ಕ್ಷಮೆ ಕೇಳಿರೋದಕ್ಕೆ ಎಂ.ಬಿ ಪಾಟೀಲ್ ಕೆಂಡಾಮಂಡಲರಾಗಿದ್ದು, ‘ಲಿಂಗಾಯತ ಪ್ರತ್ಯೇಕ ಧರ್ಮದ ವಿಚಾರವಾಗಿ ಪಕ್ಷದ ಪರ ಕ್ಷಮೆ ಕೇಳೋಕೆ ಡಿಕೆಶಿ ಯಾರು? ಅವರೇನು ಕೆಪಿಸಿಸಿ ಅಧ್ಯಕ್ಷರೇ, ಎಐಸಿಸಿ ಅಧ್ಯಕ್ಷರೇ’ ಎಂದು ಹರಿಹಾಯ್ದಿದ್ದಾರೆ.
ವಿಜಯಪುರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಪಾಟೀಲ್, ಒಕ್ಕಲಿಗರ ಬೆಲ್ಟ್​ನಲ್ಲಿ ಕಮ್ಮಿ ಮತ ಬಂದಿದೆ ಅಂತ ಡಿಕೆಶಿ ಕ್ಷಮೆ ಕೇಳಬೇಕು. ಲಿಂಗಾಯತ ಪ್ರತ್ಯೇಕ ಧರ್ಮದ ವಿಚಾರ ಕಾಂಗ್ರೆಸ್​ ಪ್ರಣಾಳಿಕೆಯಲ್ಲಿ ಇಲ್ಲ. ಅವರು ಆ ಬಗ್ಗೆ ಕ್ಷಮೆ ಕೇಳೋ ಅವಶ್ಯತೆ ಇಲ್ಲ. ತಲೆ ಕೆಡಿಸಿಕೊಳ್ಳಬೇಕಿಲ್ಲ. ನಮ್ಮ ಧರ್ಮದ ಬಗ್ಗೆ ಚರ್ಚಿಸೋಕೆ, ನಿರ್ಧಾರ ತೆಗೆದುಕೊಳ್ಳೋಕೆ ನಮ್ಮ ಸ್ವಾಮಿಗಳು, ಹಿರಿಯರು, ನಾಯಕರು ಇದ್ದಾರೆ. ಡಿಕೆಶಿ ಮೊದಲು ಅವರ ಮನೆ ಶುದ್ಧಗೊಳಿಸಿಕೊಳ್ಳಲಿ ಎಂದರು.
ಚುನಾವಣೆ ವೇಳೆಯಲ್ಲಿ ಈ ಬಗ್ಗೆ ಹೆಚ್ಚು ಮಾತನಾಡಲ್ಲ. ಎಲೆಕ್ಷನ್ ಬಳಿಕ ಈ ಬಗ್ಗೆ ಮಾತನಾಡಲೆಂದೇ ಪ್ರತ್ಯೇಕ ಸುದ್ದಿಗೋಷ್ಠಿ ಕರೆಯುತ್ತೇನೆ. ಆಗ ಮಾತನಾಡುತ್ತೇನೆ. ಡಿಕೆಶಿ ಲಿಂಗಾಯತ ಪ್ರತ್ಯೇಕ ಧರ್ಮದ ವಿಚಾರದಲ್ಲಿ ಕ್ಷಮೆಯಾಚನೆ ಮಾಡುತ್ತಿರೋದು ಇದೇ ಮೊದಲಲ್ಲ. ಪದೇ ಪದೇ ಹೀಗೆ ಮಾಡುತ್ತಿದ್ದಾರೆ. ಜನ ಸುಮ್ಮನಿದ್ದಾರೆ ಇವರು ಬೆಂಕಿ ಹಚ್ಚುತ್ತಿದ್ದಾರೆ. ಎಲೆಕ್ಷನ್ ನಂತರ ಇದನ್ನು ಹೈಕಮಾಂಡ್ ಅಂಗಳಕ್ಕೆ ತೆಗೆದುಕೊಂಡು ಹೋಗುತ್ತೇನೆ. ರಾಹುಲ್ ಗಾಂಧಿ ಅವರ ಗಮನಕ್ಕೂ ತರುತ್ತೇನೆ. ಸುಮ್ಮನೆ ಅಂತು ಕೂರಲ್ಲ ಎಂದು ಹೇಳಿದರು.

ಗ್ರೌಂಡ್​ ರಿಪೋರ್ಟ್​ : ‘ಉದಾಸೀ’ನ ಮಾಡಿದ್ರೆ ಕೇಸರಿಗೆ ‘ಕೈ’ ಕಚ್ಚೋದು ಗ್ಯಾರಂಟಿ..!

0

ಗ್ರೌಂಡ್​​ರಿಪೋರ್ಟ್​ 21 : ಹಾವೇರಿ – ಗದಗ ಲೋಕಸಭಾ ಕ್ಷೇತ್ರ

ಹಾವೇರಿ/ಗದಗ : ಹಾಲಿ ಸಂಸದ ಶಿವಕುಮಾರ ಉದಾಸಿ ಬಿಜೆಪಿಯ ರಣಕಲಿ. ಡಿ.ಆರ್ ಪಾಟೀಲ್​ ಕಾಂಗ್ರೆಸ್ ಅಭ್ಯರ್ಥಿ. ಇವರಿಬ್ಬರ ನಡುವಿನ ಜಿದ್ದಾಜಿದ್ದಿನ ಹೋರಾಟಕ್ಕೆ ಸಾಕ್ಷಿಯಾಗಿರುವುದು ಹಾವೇರಿ-ಗದಗ ಲೋಕಸಭಾ ಕ್ಷೇತ್ರ. ಈ ಕ್ಷೇತ್ರ ವ್ಯಾಪ್ತಿಯ 8 ವಿಧಾನಸಭಾ ಕ್ಷೇತ್ರಗಳಲ್ಲಿ 5 ಕ್ಷೇತ್ರಗಳಲ್ಲಿ ಬಿಜೆಪಿ, 2 ಕ್ಷೇತ್ರಗಳಲ್ಲಿ ಕಾಂಗ್ರೆಸ್​, 1 ಕ್ಷೇತ್ರದಲ್ಲಿ ಕೆಪಿಜೆಪಿ ಶಾಸಕರಿದ್ದಾರೆ.

ಅಸೆಂಬ್ಲಿ ಕ್ಷೇತ್ರಗಳು ಮತ್ತು ಶಾಸಕರು
ಹಾವೇರಿ – ಬಿಜೆಪಿ – ನೆಹರು ಓಲೇಕಾರ

ಬ್ಯಾಡಗಿ – ಬಿಜೆಪಿ – ವಿರೂಪಾಕ್ಷಪ್ಪ

ಹಾನಗಲ್ – ಬಿಜೆಪಿ – ಸಿ.ಎಂ. ಉದಾಸಿ

ಹಿರೇಕೆರೂರು – ಕಾಂಗ್ರೆಸ್ – ಬಿ.ಸಿ. ಪಾಟೀಲ್

ರಾಣೆಬೆನ್ನೂರು – ಕೆಪಿಜೆಪಿ – ಆರ್. ಶಂಕರ್

ಗದಗ –  ಕಾಂಗ್ರೆಸ್ – ಎಚ್.ಕೆ. ಪಾಟೀಲ್

ಶಿರಹಟ್ಟಿ – ಬಿಜೆಪಿ – ರಾಮಣ್ಣ ಲಮಾಣಿ

ರೋಣ -ಬಿಜೆಪಿ – ಕಳಕಪ್ಪ ಬಂಡಿ

ಈ ಕ್ಷೇತ್ರದ ಇತಿಹಾಸವನ್ನು ನೋಡೋದಾದ್ರೆ 1952ರಿಂದ 2008ರವರೆಗೆ ಧಾರವಾಡ ದಕ್ಷಿಣ ಲೋಕಸಭಾ ಕ್ಷೇತ್ರದಲ್ಲಿ ಈ ಕ್ಷೇತ್ರ ಲೀನವಾಗಿತ್ತು. 2008ರಲ್ಲಿ ಹಾವೇರಿ ಲೋಕಸಭಾ ಕ್ಷೇತ್ರ ಅಸ್ತಿತ್ವಕ್ಕೆ ಬಂತು. ಶಿವಕುಮಾರ ಬಳಿಕ ನಡೆದ ಎರಡೂ ಚುನಾವಣೆಯಲ್ಲಿ (2009 ಮತ್ತು 2014) ಬಿಜೆಪಿಯ ಶಿವಕುಮಾರ ಉದಾಸಿ ಗೆಲುವು ಸಾಧಿಸಿದ್ದಾರೆ.

ಲೋಕ ಸಮರ – 2014
ಶಿವಕುಮಾರ್​ ಉದಾಸಿ  -ಬಿಜೆಪಿ  5,66,690

ಸಲೀಂ ಅಹಮದ್  – ಕಾಂಗ್ರೆಸ್ -4,79,219

ಅಂತರ  – 87,571

‘ಮತ’ ಗಣಿತ
ಪುರುಷರು – 8,41,657

ಮಹಿಳೆಯರು – 6,93,940

ಒಟ್ಟು – 15,35, 597

‘ಜಾತಿ’ ಗಣಿತ
ಲಿಂಗಾಯತ – 5,00,000

ಕುರುಬರು – 2,50,000

ಮುಸ್ಲಿಂ – 2,30,000

ಎಸ್​ಸಿ, ಎಸ್​​ಟಿ – 2,00,000

ಇತರೆ – 3,00,000

ಅಭ್ಯರ್ಥಿಗಳ ಬಲಾಬಲ

ಶಿವಕುಮಾರ್​​ ಉದಾಸಿ ಅವರಿಗೆ ಪೂರಕ ಅಂಶಗಳೇನು?
ಪ್ರಧಾನಿ ನರೇಂದ್ರ ಮೋದಿ ಅಲೆ
ಸಂಸದರ ಅನುದಾನ, ಅಭಿವೃದ್ಧಿ ಕಾರ್ಯ
ಈ ಕ್ಷೇತ್ರ ಬಿಜೆಪಿಯ ಭದ್ರಕೋಟೆ
ಸತತ 2 ಬಾರಿ, ಹ್ಯಾಟ್ರಿಕ್ ಸಾಧಿಸುವ ಹಂಬಲ
ಮಾಜಿ ಸಚಿವ ಸಿ.ಎಂ. ಉದಾಸಿಯವರ ಪುತ್ರ
ಬಡ ಜನರ ಪಾಲಿನ ನೆಚ್ಚಿನ ನಾಯಕ
ಎಲ್ಲಾ ಸಮುದಾಯಗಳ ಜೊತೆ ಉತ್ತಮ ಬಾಂಧವ್ಯ
ಅನುದಾನ ಬಳಕೆಯಲ್ಲಿ ರಾಜ್ಯದ ಸಂಸದರಲ್ಲಿ 2ನೇ ಸ್ಥಾನ
ರಾಷ್ಟ್ರ ಮತ್ತು ರಾಜ್ಯ ನಾಯಕರೊಂದಿಗೆ ಉತ್ತಮ ಸಂಬಂಧ

ಶಿವಕುಮಾರ್​ ಉದಾಸಿ ಅವರಿಗೆ ಆತಂಕಗಳೇನು?
ಪಕ್ಷದ ಜಿಲ್ಲಾಧ್ಯಕ್ಷ ಶಿವರಾಜ್​ ಸಜ್ಜನ್​ , ಶಾಸಕ ನೆಹರು ಓಲೇಕಾರ ಜೊತೆ ಬಹಿರಂಗ ಸಮರ
ಜಿಲ್ಲೆಯ ಬಿಜೆಪಿ ಕಾರ್ಯಕರ್ತರಿಗೆ ಸಿಗದಿರುವುದಕ್ಕೆ ಅಸಮಾಧಾನ
10 ವರ್ಷಗಳಲ್ಲಿ ಹೇಳಿಕೊಳ್ಳುವಂತಹ ಕೆಲಸ ಆಗಿಲ್ಲ
ಕಾಂಗ್ರೆಸ್​​ನಿಂದಲೂ ಲಿಂಗಾಯತ ಸಮುದಾಯದವರನ್ನೇ ಕಣಕ್ಕಿಳಿಸಿರುವುದು
ತಂದೆ ಮತ್ತು ಮಗನ ಬಗ್ಗೆ ಬಿಜೆಪಿಯಲ್ಲಿಯೇ ಅಪಸ್ವರ
ಕೇಂದ್ರದ ಯೋಜನೆಗಳನ್ನು ಜನರ ಬಳಿಗೆ ಕೊಂಡೊಯ್ಯದಿರುವುದು

ಡಿ.ಆರ್. ಪಾಟೀಲ್ ಅವರಿಗೆ ಪೂರಕ ಅಂಶಗಳೇನು?
ವಿದ್ಯಾರ್ಥಿ ದಿಸೆಯಿಂದ ಕಾಂಗ್ರೆಸ್ ಪಕ್ಷದ ನಿಷ್ಠಾವಂತ ಅನುಯಾಯಿ
ಕಾಂಗ್ರೆಸ್ ಪ್ರಭಾವಿ ಮುಖಂಡ, ಎಚ್.ಕೆ. ಪಾಟೀಲ್ ಸಹೋದರ ಸಂಬಂಧಿ
ರಚನಾತ್ಮಕ, ಸೃಜನಾತ್ಮಕ ಕಾರ್ಯಗಳಲ್ಲಿ ತೊಡಗಿಕೊಳ್ಳುವ ವ್ಯಕ್ತಿತ್ವ
4 ದಶಕಗಳ ಕಾಲ ಎಪಿಎಂಸಿ ಚುನಾಯಿತ ಅಧ್ಯಕ್ಷರಾಗಿ ದಾಖಲೆ
ರಾಜ್ಯಕ್ಕೆ ಮಾದರಿ ಮಾರುಕಟ್ಟೆ ನಿರ್ಮಿಸಿದ ಹೆಗ್ಗಳಿಕೆ
ಸಹಕಾರಿ ಚಳವಳಿಯಿಂದ ರಾಜಕೀಯವಾಗಿ ಬೆಳೆದ ನಾಯಕ
1992ರಿಂದ 2008ರವರೆಗೆ ಗದಗ ಶಾಸಕರಾಗಿ ಒಳ್ಳೆಯ ಹೆಸರು
ಶಾಸಕರಾಗಿದ್ದಾಗ ಆಶ್ರಯ ಯೋಜನೆಯಡಿ 14 ಸಾವಿರ ಮನೆ ನಿರ್ಮಾಣ

ಡಿ.ಆರ್. ಪಾಟೀಲ್ ಅವರಿಗೆ ಆತಂಕಗಳೇನು?
ಅಲ್ಪಸಂಖ್ಯಾತ ಮುಖಂಡರನ್ನು ಕಡೆಗಣಿಸಿರುವ ಅಪವಾದ
ಎಚ್.ಕೆ. ಪಾಟೀಲ್ ಸಹೋದರ ಸಂಬಂಧಿಗೆ ಮಣೆ ಹಾಕಿರುವ ಆರೋಪ
ಗಟ್ಟಿ ಧ್ವನಿ ಎತ್ತಿ ಕೇಂದ್ರದಿಂದ ಅನುದಾನ ತರಲಾರರು ಎಂಬ ಮಾತು
8 ವಿಧಾನಸಭಾ ಕ್ಷೇತ್ರಗಳ ಪೈಕಿ ಎರಡೇ ಕ್ಷೇತ್ರಗಳಲ್ಲಿ ‘ಕೈ’ ಶಾಸಕರಿರುವುದು
ಜಿಲ್ಲೆಯಲ್ಲಿ ಮೈತ್ರಿ ಪಕ್ಷ ಜೆಡಿಎಸ್ ನೆಲೆ ಇಲ್ಲದಿರುವುದು
ಬಿ.ಸಿ. ಪಾಟೀಲ್, ಎಚ್.ಕೆ. ಪಾಟೀಲ್​​ಗೆ ಮಂತ್ರಿಗಿರಿ ನೀಡದಿರುವುದು
ಗದಗ, ಹಾವೇರಿ ಜಿಲ್ಲೆಯ ಉಸ್ತುವಾರಿ ಸಚಿವರು ಹೊರಗಿನವರು
ಕಾಂಗ್ರೆಸ್ ಬೆಂಬಲಿತ ಪಕ್ಷೇತರ ಅಭ್ಯರ್ಥಿ ಶಂಕರ್ ಸಚಿವ ಸ್ಥಾನ ಕಿತ್ತುಕೊಂಡಿದ್ದು

ಪ್ರಭಾವ ಬೀರುವ ಅಂಶಗಳು
ಗ್ರಾಮೀಣ ಪ್ರದೇಶದಲ್ಲಿ ಮೂಲ ಸೌಕರ್ಯಗಳ ಕೊರತೆ
ಶಾಶ್ವತ ಕುಡಿಯುವ ನೀರಿನ ಯೋಜನೆ ಕೈಗೊಳ್ಳದಿರುವುದು
ಕ್ಷೇತ್ರದಲ್ಲಿ ಹೆಚ್ಚಾಗುತ್ತಿರುವ ನಿರುದ್ಯೋಗ ಸಮಸ್ಯೆ
ನಗರ, ಪಟ್ಟಣ ಪ್ರದೇಶಗಳಿಗೆ ಹಳ್ಳಿಗರು ವಲಸೆ ಬರುತ್ತಿರುವುದು
ಮಂದಗತಿಯಲ್ಲಿ ಸಾಗುತ್ತಿರುವ ರೈಲ್ವೆ ಕಾಮಗಾರಿ
ರೈತರು ಬೆಳೆದ ಬೆಳೆಗಳಿಗೆ ಸರಿಯಾದ ಧಾರಣೆ ಸಿಗದಿರುವುದು

ಸಂಸದರು ಮಾಡಿದ್ದೇನು…?
ಗದಗದಿಂದ ಹಟಗಿ 284 ಕಿ.ಮೀ. 1,615 ಕೋಟಿ ವೆಚ್ಚದಲ್ಲಿ ರೈಲ್ವೆ ಕಾಮಗಾರಿ
ಗದಗ-ಕೊಪ್ಪಳ-ಹುಬ್ಬಳ್ಳಿ-ವಾಸ್ಕೋ 308 ಕಿ.ಮೀ 2,127 ಕೋಟಿ ಮೊತ್ತದ ರೈಲ್ವೆ ಕಾಮಗಾರಿ
ರಾಣೆಬೆನ್ನೂರು-ಚಿಕ್ಕಜಾಜೂರು ನಡುವೆ ದ್ವಿಪಥ ಕಾರ್ಯ
ಕರ್ಜಗಿ, ಸವಣೂರು, ದೇವರಗುಡ್ಡ, ಬ್ಯಾಡಗಿಯಲ್ಲಿ ಕೆಳಸೇತುವೆ ನಿರ್ಮಾಣ
ಶಿರಹಟ್ಟಿ ಮಾಗಡಿ, ಹಿರೆಗೊಂದಿಹಾಳ, ಲಕ್ಷ್ಮೇಶ್ವರ ಇತ್ಯಾದಿ ರಸ್ತೆಗಳ ಅಭಿವೃದ್ಧಿ
ಹೊಳೆಇಟಗಿ-ಬ್ಯಾಲಹುಣಸಿ ನಡುವೆ 35 ಕೋಟಿ ವೆಚ್ಚದಲ್ಲಿ ರಸ್ತೆ ಕಾಮಗಾರಿ
ಗದಗ ಜಿಲ್ಲೆಯಲ್ಲಿ 119.5 ಕೋಟಿ ರೂ.ವೆಚ್ಚದಲ್ಲಿ ವಿವಿಧ ಅಭಿವೃದ್ಧಿ ಕಾರ್ಯ
ಹಾವೇರಿ ಜಿಲ್ಲೆಗೆ 140.5 ಕೋಟಿ ಅನುದಾನದಲ್ಲಿ ಹಲವು ಕಾಮಗಾರಿ
ರಾಣೆಬೆನ್ನೂರನ್ನು ಅಮೃತ ಸಿಟಿ ಯೋಜನೆಗೆ 96 ಕೋಟಿ ವಿನಿಯೋಗ
ದೊಡ್ಡಕೆರೆ, ಉದ್ಯಾನವನ, ನೀರು ಸರಬರಾಜು ಯೋಜನೆಗೆ ಕಾಯಕಲ್ಪ
ಕ್ಷೇತ್ರದಲ್ಲಿ ಎರಡೂವರೆ ಲಕ್ಷ ಬಡವರಿಗೆ ಅನಿಲ ಸಂಪರ್ಕ, ಸಿಲಿಂಡರ್ ವಿತರಣೆ
ಹಾವೇರಿ-ಗದಗ ಜಿಲ್ಲೆಗೆ ಪಾಸ್​ಪೋರ್ಟ್​​ ಸೇವಾ ಕೇಂದ್ರ ಸ್ಥಾಪನೆ
ರಾಷ್ಟ್ರೀಯ ಬಾಲ ಸ್ವಾಸ್ಥ್ಯ ಕಾರ್ಯಕ್ರಮದಡಿ ಹಲವಾರು ಕಾರ್ಯಕ್ರಮ

ಕ್ಷೇತ್ರ ಪರಿಚಯ
ಏಲಕ್ಕಿ ಕಂಪಿನ ನಾಡು
ಬೀಜೋತ್ಪನ್ನದಲ್ಲಿ ರಾಷ್ಟ್ರಮಟ್ಟದಲ್ಲಿ ಹೆಸರು ಮಾಡಿದ ಜಿಲ್ಲೆ
ವಿಶ್ವವಿಖ್ಯಾತ ಬ್ಯಾಡಗಿ ಮೆಣಸಿನ ಕಾಯಿ
ಕರುನಾಡಿಗೆ ಸಂಗೀತ ವಿದ್ಯೆ ನೀಡಿದ ಹಾನಗಲ್
ಸರ್ವಜ್ಞನ ನಾಡು ಹಿರೇಕೆರೂರು, ನವಾಬರ ಸವಣೂರು
ಸಂತ ಶಿಶುನಾಳ ಷರೀಫ್​​ ಅವರ ತವರೂರು ಶಿಗ್ಗಾಂವಿ
ಅಮರಶಿಲ್ಪಿ ಜಕಣಾಚಾರಿ ಕೆತ್ತಿದ ಶಿಲ್ಪಕಲೆಗಳ ನೆಲೆವೀಡು
ಒಂದೆಡೆ ಬಯಲು, ಮತ್ತೊಂದೆಡೆ ದಟ್ಟವಾದ ಅರಣ್ಯ

ಮೊದಲ ಹಂತದ ಚುನಾವಣೆ: ಎಲ್ಲೆಲ್ಲಿ ಎಷ್ಟೆಷ್ಟು ಮತದಾನ..?

0

ನವದೆಹಲಿ: ಪ್ರಜಾಪ್ರಭುತ್ವದ ಮಹಾ ಹಬ್ಬ ಮುಗಿದಿದೆ. ಲೋಕಸಭಾ ಚುನಾವಣೆಯ ಮೊದಲ ಹಂತದ ಮತದಾನ ಪ್ರಕ್ರಿಯೆಯಲ್ಲಿ 20 ರಾಜ್ಯಗಳಲ್ಲಿ ಶಾಂತಿಯುತ ಮತದಾನ ನಡೆದಿದ್ದು, ಶೇ.65ರಷ್ಟು ಮತದಾರರಿಂದ ಹಕ್ಕು ಚಲಾವಣೆಯಾಗಿದೆ.

ಪ್ರಜಾಪ್ರಭುತ್ವದ ಮಹಾ ಹಬ್ಬವನ್ನ ವಿಜೃಂಭಣೆಯಿಂದಲೇ ಆಚರಿಸಲಾಯ್ತು. 18 ರಾಜ್ಯ ಹಾಗೂ ಎರಡು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಲೋಕಸಭಾ ಚುನಾವಣೆ ಮೊದಲ ಹಂತದ ಮತದಾನ ಪ್ರಕ್ರಿಯೆ ಬಹುಪಾಲು ಶಾಂತಿಯುವಾಗಿ ನಡೆಯಿತು. ಉತ್ತರ ಪ್ರದೇಶದಲ್ಲಿ ಶೇ.59, ಬಿಹಾರದಲ್ಲಿ ಶೇ.50, ಮೇಘಾಲಯದಲ್ಲಿ ಶೇ.62, ಅಂಡಾಮಾನ್ ಮತ್ತು ನಿಕೋಬಾರ್ ನಲ್ಲಿ ಶೇ.70, ಆಂಧ್ರ ಪ್ರದೇಶದಲ್ಲಿ ಶೇ.66, ಛತ್ತೀಸ್ ಗಢದಲ್ಲಿ ಶೇ.56, ತೆಲಂಗಾಣದಲ್ಲಿ ಶೇ.57, ಜಮ್ಮು ಮತ್ತು ಕಾಶ್ಮೀರದಲ್ಲಿ 54, ಮಿಜೋರಾಂನಲ್ಲಿ ಶೇ.60, ನಾಗಾಲ್ಯಾಂಡ್ ನಲ್ಲಿ ಶೇ.73, ಮಣಿಪುರದಲ್ಲಿ ಶೇ.78, ಸಿಕ್ಕಿಂನಲ್ಲಿ ಶೇ.75 ಅಸ್ಸಾಂನಲ್ಲಿ ಶೇ.67 ಹಾಗೂ ಅರುಣಾಚಲ ಪ್ರದೇಶದಲ್ಲಿ ಶೇ.58ರಷ್ಟು ಮತದಾನವಾಗಿದೆ ಎಂದು ಚುನಾವಣಾ ಆಯೋಗ ತಿಳಿಸಿದೆ.

ಎಲ್ಲೆಲ್ಲಿ ಎಷ್ಟೆಷ್ಟು ಮತದಾನ?

ಉತ್ತರ ಪ್ರದೇಶ – ಶೇ.59%    ಬಿಹಾರ – ಶೇ.50%

ಮೇಘಾಲಯ – ಶೇ.62%       ಅಂಡಮಾನ್​  & ನಿಕೋಬಾರ್ – ಶೇ.70%

ಆಂಧ್ರಪ್ರದೇಶ – ಶೇ.66%      ಛತ್ತೀಸ್​ಗಢ – ಶೇ.56%

ತೆಲಂಗಾಣ – ಶೇ.57%          ಜಮ್ಮು & ಕಾಶ್ಮೀರ – ಶೇ.54%

ಒಡಿಶಾ – ಶೇ.66%       ಮಿಜೋರಾಂ – ಶೇ.60%

ನಾಗಾಲ್ಯಾಂಡ್‌ – ಶೇ.73%   ಮಣಿಪುರಂ – ಶೇ.78%

ಸಿಕ್ಕಿಂ – ಶೇ.75%   ಅಸ್ಸಾಂ – ಶೇ.67%

ಅರುಣಾಚಲ ಪ್ರದೇಶ – ಶೇ.58%

ತ್ರಿಪುರದಲ್ಲಿ ಅತಿ ಹೆಚ್ಚು ಶೇ.81% ಮತದಾನ

ರಾಜಕೀಯ ಮಾಡುವುದಾದ್ರೆ ‘ಕವಚ’ ತೆಗೆದಿಟ್ಟು ಬರಲಿ : ಶಿವಣ್ಣ ವಿರುದ್ಧ ಬಾವ ಕುಮಾರ್​​​ ಕಿಡಿ..!

0

ಶಿವಮೊಗ್ಗ : ಕರುನಾಡ ಚಕ್ರವರ್ತಿ, ಹ್ಯಾಟ್ರಿಕ್​ ಹೀರೊ ಡಾ. ಶಿವರಾಜ್​ಕುಮಾರ್​​ ಅವರ ವಿರುದ್ಧ ಅವರ ಬಾವ, ಬಿಜೆಪಿ ಶಾಸಕ ಕುಮಾರ್​ ಬಂಗಾರಪ್ಪ ಫುಲ್ ಗರಂ ಆಗಿದ್ದಾರೆ.
ಶಿವಮೊಗ್ಗದಲ್ಲಿ ಮಾತನಾಡಿದ ಕುಮಾರ್​ ಬಂಗಾರಪ್ಪ, ”ಶಿವರಾಜ್​​ಕುಮಾರ್​​ ಅವರು ತಮ್ಮ ‘ಕವಚ’ ಸಿನಿಮಾದ ಪ್ರಚಾರದ ಹೆಸರಿನಲ್ಲಿ ರಾಜಕೀಯ ಮಾಡಲು ಶಿವಮೊಗ್ಗಕ್ಕೆ ಬಂದಿದ್ದಾರೆ. ಅವರಿಗೆ ರಾಜಕೀಯ ಮಾಡುವ ಆಸೆಯಿದ್ದರೆ ಧರಿಸಿರೋ ಕವಚ ತೆಗೆದಿಟ್ಟು ರಾಜಕೀಯ ಮಾಡಲಿ. ಅದು ಬಿಟ್ಟು ಸಿನಿಮಾವನ್ನು ಮುಂದಿಟ್ಟುಕೊಂಡು ಅದರ ಪ್ರಚಾರ ಮಾಡ್ತೀನಿ ಅಂತ ಬಂದು ರಾಜಕೀಯ ಪ್ರಚಾರ ಮಾಡೋದು ಬೇಡ ಅಂತ” ಕಿಡಿಕಾರಿದರು.
ಎಲೆಕ್ಷನ್​​ ಹತ್ತಿರ ಬರುತ್ತಿದ್ದಂತೆ ಗೀತಾ ಮತ್ತು ಶಿವರಾಜ್​ಕುಮಾರ್ ಶಿವಮೊಗ್ಗದಲ್ಲಿ ಕಾಣಿಸಿಕೊಂಡಿದ್ದಾರೆ. ಬಳಿಕ ಅವರು ಇಲ್ಲಿ ಕಾಣಿಸಲ್ಲ. ಇದೀಗ ಅವರು ಮಧು ಬಂಗಾರಪ್ಪ ಅವರ ಪರ ಪ್ರಚಾರಕ್ಕೆ ಬಂದಿದ್ದಾರೆ. 5 ವರ್ಷದ ಬಳಿಕ ಇದೀಗ ಶಿವಮೊಗ್ಗ ಅವರಿಗೆ ನೆನಪು ಬಂದಿದೆ. ಈ ವರ್ತನೆ ಶಿವರಾಜ್ ಕುಮಾರ್ ಹಾಗೂ ನನ್ನ ತಂಗಿ ಗೀತಾ ಅವರಿಗೆ ಶೋಭೆ ತರುವಂತಹದ್ದಲ್ಲ. ಅವರಿಗೆ ರಾಜಕೀಯ ಮಾಡುವ ಆಸೆ ಇದ್ದರೆ ಧರಿಸಿರುವ ಕವಚ ತೆಗೆದಿಟ್ಟು ರಾಜಕೀಯ ಮಾಡಲಿ. ಅದು ಬಿಟ್ಟು ಚಿತ್ರವನ್ನು ಮುಂದಿಟ್ಟುಕೊಂಡು ಅದರ ಪ್ರಚಾರ ಮಾಡುತ್ತೇನೆಂದು ರಾಜಕೀಯ ಪ್ರಚಾರ ಮಾಡುವುದು ಸರಿಯಲ್ಲ ಅಂತ ಟೀಕಿಸಿದರು.
ರಾಜಕುಮಾರ್ ಕುಟುಂಬ ರಾಜಕೀಯದಲ್ಲಿ ಇಲ್ಲ ಅಂತ ಹೇಳ್ತಾರೆ. ಆದರೆ, ಇಲ್ಲಿ ಪ್ರಚಾರಕ್ಕೆ ಬರ್ತಾರೆ. ರಾಜಕೀಯದಲ್ಲಿ ದ್ವೇಷ ಇಟ್ಟುಕೊಂಡು ಮಾತನಾಡಬಾರದು ಎಂದು ಚಿತ್ರನಟ ಶಿವರಾಜ್ ಕುಮಾರ್ ಹೇಳಿದ್ದಾರೆ. ಒಮ್ಮೆ ಮಂಡ್ಯಕ್ಕೆ ಹೋಗಿ ಅಲ್ಲಿನ ರಾಜಕೀಯ ನೋಡಲಿ. ಆಗ ಯಾರು ದ್ವೇಷ ಮಾಡುತ್ತಿದ್ದಾರೆ ಎಂಬುದು ಶಿವರಾಜ್ ಕುಮಾರ್​ಗೆ ಅರಿವಾಗುತ್ತದೆ. ಹಿಂಬದಿಯಲ್ಲಿ ಕಾಂಗ್ರೆಸ್​​ನ್ನು ನಿಲ್ಲಿಸಿಕೊಂಡು ಮುಂದೆ ಕವಚ ಇಟ್ಟುಕೊಂಡು ಮಾತನಾಡುವುದು ಸರಿಯಲ್ಲ ಅಂತ ಶಿವರಾಜ್ ಕುಮಾರ್ ವಿರುದ್ಧ ಕುಮಾರ್​ ಬಂಗಾರಪ್ಪ ಹರಿಹಾಯ್ದರು.

ಗ್ರೌಂಡ್​​​​​​​​​​​​​ರಿಪೋರ್ಟ್​​​ : ಯಾರಿಗೆ ‘ರಾಯರ’ ಪ್ರಸಾದ?

0

ಗ್ರೌಂಡ್​​ರಿಪೋರ್ಟ್​ 20 : ರಾಯಚೂರು ಲೋಕಸಭಾ ಕ್ಷೇತ್ರ
ರಾಯಚೂರು : ಪ್ರತಿಷ್ಠಿತ ರಾಯಚೂರು ಲೋಕಸಭಾ ಕ್ಷೇತ್ರದಲ್ಲಿ ಹಾಲಿ ಸಂಸದ ಬಿ.ವಿ ನಾಯಕ್ ಕಾಂಗ್ರೆಸ್ ಅಭ್ಯರ್ಥಿ. ಇವರ ಪ್ರತಿಸ್ಪರ್ಧಿ ಬಿಜೆಪಿ ರಣಕಲಿ ಅಮರೇಶ್ವರ ನಾಯಕ್.
ಈ ಕ್ಷೇತ್ರ ವ್ಯಾಪ್ತಿಯ 8 ವಿಧಾನಸಭಾ ಕ್ಷೇತ್ರಗಳಲ್ಲಿ 4 ಕಡೆಗಳಲ್ಲಿ ಬಿಜೆಪಿ, 3 ಕಡೆಗಳಲ್ಲಿ ಕಾಂಗ್ರೆಸ್​, 1 ಕಡೆ ಜೆಡಿಎಸ್​​ ಶಾಸಕರಿದ್ದಾರೆ.

ಅಸೆಂಬ್ಲಿ ಕ್ಷೇತ್ರಗಳು ಮತ್ತು ಶಾಸಕರು
ರಾಯಚೂರು ನಗರ – ಬಿಜೆಪಿ – ಡಾ.ಶಿವರಾಜ್ ಪಾಟೀಲ್
ರಾಯಚೂರು ಗ್ರಾಮಾಂತರ – ಕಾಂಗ್ರೆಸ್​ -ಬಸನಗೌಡ ದದ್ದಲ್
ದೇವದುರ್ಗ – ಬಿಜೆಪಿ – ಕೆ ಶಿವನಗೌಡ ನಾಯಕ್
ಮಾನ್ವಿ – ಜೆಡಿಎಸ್ -​ ರಾಜ ವೆಂಕಟಪ್ಪ ನಾಯಕ
ಲಿಂಗಸುಗೂರು – ಕಾಂಗ್ರೆಸ್​ – ಡಿ.ಎಸ್ ಹೂಲಗೇರಿ
ಸುರಪುರ – ಬಿಜೆಪಿ – ರಾಜೂಗೌಡ
ಶಹಾಪುರ – ಕಾಂಗ್ರೆಸ್​​ – ಶರಣಬಸ್ಸಪ್ಪ ದರ್ಶನಾಪುರ
ಯಾದಗಿರಿ – ಬಿಜೆಪಿ  – ವೆಂಕಟರೆಡ್ಡಿ ಮುದ್ದನಾಳ

ಪಕ್ಷಗಳ ಬಲಾಬಲ
ಇದುವರೆಗೆ ನಡೆದಿರೋ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್​​​ 13 ಬಾರಿ, ಬಿಜೆಪಿ 1, ಜನತಾ ದಳ 1, ಸ್ವತಂತ್ರ ಪಾರ್ಟಿ ಅಭ್ಯರ್ಥಿಗಳು 1 ಬಾರಿ ಗೆಲುವು ಸಾಧಿಸಿದ್ದಾರೆ.
1952 : ಕೃಷ್ಣಮಾಚಾರಿ, ಕಾಂಗ್ರೆಸ್​
1957 : ಬಿ ಎಸ್ ಮೇಲೂ ಕೋಟೆ, ಕಾಂಗ್ರೆಸ್​
1962 : ಜಗನ್ನಾಥ್ ರಾವ್, ಕಾಂಗ್ರೆಸ್
1967 : ಆರ್​.ವಿ ನಾಯಕ್​, ಸ್ವತಂತ್ರ ಪಾರ್ಟಿ
1971 : ಪಂಪನ್​​ಗೊಡ್ಡ ಸಕ್ರೆಪ್ಪ ಗೌಡ ಅತ್ನೂರ್, ಕಾಂಗ್ರೆಸ್
1977 : ರಾಜಶೇಖರ್​​​​​ ಮಲ್ಲಪ್ಪ, ಕಾಂಗ್ರೆಸ್
1980, 1984 : ಬಿ.ವಿ ದೇಸಾಯಿ, ಕಾಂಗ್ರೆಸ್
1989 : ಆರ್​. ಅಂಬಣ್ಣ ನಾಯಕ್ ದೊರೆ, ಕಾಂಗ್ರೆಸ್
1991 : ಎ. ವೆಂಕಟೇಶ್​ ನಾಯಕ್, ಕಾಂಗ್ರೆಸ್
1996 : ರಾಜ ರಂಗಪ್ಪ ನಾಯಕ್, ಜನತಾ ದಳ
1998, 1999, 2004 : ಎ. ವೆಂಕಟೇಶ್​ ನಾಯಕ್, ಕಾಂಗ್ರೆಸ್
2009 : ಸಣ್ಣ ಪಕೀರಪ್ಪ, ಬಿಜೆಪಿ
2014 : ಬಿ.ವಿ ನಾಯಕ್​​ , ಕಾಂಗ್ರೆಸ್

2014 – ರಾಯಚೂರು ಲೋಕ ಸಮರ

ಬಿ.ವಿ. ನಾಯಕ್ ಕಾಂಗ್ರೆಸ್​ 4,43,659

ಕೆ. ಶಿವನಗೌಡ ನಾಯಕ್ ಬಿಜೆಪಿ 4,42,160

ಅಂತರ 1,499

‘ಮತ’ ಗಣಿತ

ಪುರುಷರು 9,39,752

ಮಹಿಳೆಯರು 9,53,457

ತೃತೀಯ ಲಿಂಗಿಗಳು 367

ಒಟ್ಟು 18,93,576

 

‘ಜಾತಿ’ ಗಣಿತ

ಪರಿಶಿಷ್ಟ ಪಂಗಡ 3,60,000

ಪರಿಶಿಷ್ಟ ಜಾತಿ 3,40,000

ಲಿಂಗಾಯತ 2,65,000

ಮುಸ್ಲಿಂ 2,55,000

ಕುರುಬರು 2,40,000

ಗಂಗಾಮತಸ್ಥರು 2,00,000

ಇತರೆ 5,50,000

ಅಭ್ಯರ್ಥಿಗಳ ಬಲಾಬಲ
ಬಿ.ವಿ ನಾಯಕ್​ ಅವರಿಗೆ ಪೂರಕ ಅಂಶಗಳೇನು?

ರಾಜ್ಯದಲ್ಲಿ ಅಧಿಕಾರದಲ್ಲಿರುವ ದೋಸ್ತಿ ಪಕ್ಷದ ಒಮ್ಮತದ ಅಭ್ಯರ್ಥಿ
4 ಬಾರಿ ‘ಲೋಕ’ ಸಮರ ಗೆದ್ದ ತಂದೆ ದಿ. ಎ. ವೆಂಕಟೇಶ್ ನಾಯಕ್ ಪ್ರಭಾವ
3 ಕ್ಷೇತ್ರಗಳಲ್ಲಿ ‘ಕೈ’​ ಶಾಸಕರು, ಮತ್ತೊಂದು ಕ್ಷೇತ್ರದಲ್ಲಿ ಜೆಡಿಎಸ್ ಶಾಸಕ ಇದ್ದಾರೆ
ಸರಳ, ಸಜ್ಜನಿಕೆಯ ವ್ಯಕ್ತಿತ್ವದ ರಾಜಕಾರಣಿ
ಶೀಘ್ರವೇ ಕ್ಷೇತ್ರದ ಜನರ ಕಷ್ಟಗಳಿಗೆ ಸ್ಪಂದಿಸುವುದು
ಕ್ಷೇತ್ರ ವ್ಯಾಪ್ತಿಯ ಶಾಸಕರ ಜೊತೆಗೆ ಸ್ನೇಹ ಬಾಂಧವ್ಯ

ಬಿ. ವಿ. ನಾಯಕ್ ಅವರಿಗೆ ಆತಂಕಗಳೇನು?
ಪ್ರಧಾನಿ ನರೇಂದ್ರ ಮೋದಿ ಪರ ಇರುವ ಅಲೆ
ನಿರೀಕ್ಷಿತ ಮಟ್ಟದಲ್ಲಿ ಕ್ಷೇತ್ರ ಅಭಿವೃದ್ಧಿ ಆಗದಿರುವುದು
ಮರಳು ದಂಧೆಗೆ ಪರೋಕ್ಷವಾಗಿ ಬೆಂಬಲ ನೀಡುತ್ತಿರುವುದು
ಕ್ಷೇತ್ರಕ್ಕೆ ಹೆಚ್ಚುವರಿ ಅನುದಾನ ತರುವಲ್ಲಿ ವಿಫಲ
ಸ್ಥಳೀಯ ಕಾಂಗ್ರೆಸ್​ ನಾಯಕರಲ್ಲಿ ಒಳಜಗಳ
‘ಪಾಕ್​​ ಎಂಬ ಬಡ ರಾಷ್ಟ್ರದ ಮೇಲೆ ಗೂಬ್ಬಿ ಮೇಲೆ ಬ್ರಹ್ಮಾಸ್ತ್ರ ಬಿಟ್ಟಿದ್ದಾರೆ’ ಎಂಬ ಹೇಳಿಕೆ
ಹೀಗಾಗಿ ಸೋಷಿಯಲ್ ಮೀಡಿಯಾದಲ್ಲಿ ಆಗುತ್ತಿರುವ ಟ್ರೋಲ್ ಅವಮಾನ

ಅಮರೇಶ್ವರ್ ನಾಯಕ್ ಅವರಿಗೆ ಪೂರಕ ಅಂಶಗಳೇನು?
ದೇಶಾದ್ಯಂತ ಇರುವ ಮೋದಿ ಅಲೆ ಜಿಲ್ಲೆಗೂ ವ್ಯಾಪಿಸಿರುವುದು
ಮೋದಿ ಪರ ಇರುವ ಯುವ ಪೀಳಿಗೆಯ ಒಲವು
ಸರಳ ವ್ಯಕ್ತಿತ್ವ, ರಾಜಕೀಯದ ಅನುಭವ
4 ವಿಧಾನಸಭಾ ಕ್ಷೇತ್ರಗಳಲ್ಲಿ ಬಿಜೆಪಿ ಶಾಸಕರಿರುವುದು
ಬಿ. ವಿ. ನಾಯಕ್ ಅವರ ವೈಫಲ್ಯ

ಅಮರೇಶ್ವರ್ ನಾಯಕ್​​ ಅವರಿಗೆ ಆತಂಕಗಳೇನು?
ಕ್ಷೇತ್ರದ ಜನರೊಂದಿಗೆ ಅತಿಹೆಚ್ಚು ಒಡನಾಟ ಇಲ್ಲದಿರುವುದು
ಅನ್ಯ ಪಕ್ಷದಿಂದ ಬಿಜೆಪಿಗೆ ಬಂದಿದ್ದರಿಂದ ಹಳೆಯ ನಾಯಕರ ಸಹಕಾರವಿಲ್ಲ
ಜಿಲ್ಲೆಯ ಜನರಿಗೆ ಮುಖ ಪರಿಚಯ ಇಲ್ಲದೇ ಇರುವುದು
ಜಿಲ್ಲಾ ಬಿಜೆಪಿಯಲ್ಲಿ ಸದೃಢ ಸಂಘಟನೆಯ ಕೊರತೆ

ಪ್ರಭಾವ ಬೀರುವ ಅಂಶಗಳು
ಸಮರ್ಪಕ ನೀರಾವರಿ ಯೋಜನೆ ಜಾರಿ ಆಗಿಲ್ಲ
ತುಂಗಭದ್ರಾ ಬೆಳೆಗಾರರಿಗೆ 2ನೇ ಬೆಳೆಗೆ ನೀರು ತರುವಲ್ಲಿ ವಿಫಲ
ಜಿಲ್ಲೆಗೆ ಐಐಟಿ ತಂದಿಲ್ಲ, ತ್ರಿಬಲ್ ಐಐಐಟಿ ಜಾರಿಯಲ್ಲಿ ವಿಳಂಬ
ಬರಗಾಲಕ್ಕೆ ಶಾಶ್ವತ ಪರಿಹಾರ ಕೃಷಿಗೆ ಒತ್ತು ನೀಡಿಲ್ಲ
ಕೈಗಾರಿಕಾ ಕ್ಷೇತ್ರದಲ್ಲಿ ಯಾವುದೇ ರೀತಿಯ ಪ್ರಗತಿ ಇಲ್ಲ
ಉದ್ಯೋಗಕ್ಕಾಗಿ ಗುಳೆ ಹೋಗುತ್ತಿರುವ ಯುವ ಸಮುದಾಯ
ಪ್ರತಿ ಗ್ರಾಮದಲ್ಲಿಯೂ ಶುದ್ಧ ಕುಡಿಯುವ ನೀರಿನ ಘಟಕ ಇಲ್ಲದಿರುವುದು
ತುಂಗಭದ್ರಾ ನೀರಾವರಿಗೆ 2ನೇ ಬೆಳೆಗೆ ನೀರು ಹರಿಸದೇ ಇರುವುದು
ರೈತರು ಬೆಳೆದ ಬೆಳೆಗೆ ಸೂಕ್ತ ಮಾರುಕಟ್ಟೆ ವ್ಯವಸ್ಥೆ ಇಲ್ಲದಿರುವುದು
ಬೆಳೆ ನಷ್ಟ ಪರಿಹಾರದಂತಹ ಸಮಸ್ಯೆ ನಿಭಾಯಿಸಲು ವಿಫಲ

ಸಂಸದರು ಮಾಡಿದ್ದೇನು? (ಅನುದಾನ ಬಳಕೆ)

ಸಾಂಸ್ಕೃತಿಕ ಭವನ, ಸಮುದಾಯ ಭವನಗಳ ನಿರ್ಮಾಣ
ಗ್ರಾಮೀಣ ಪ್ರದೇಶಗಳಲ್ಲಿ ಸಣ್ಣ ಪುಟ್ಟ ರಸ್ತೆ ಕಾಮಗಾರಿಗಳು
ಬೆರಳೆಣಿಕೆಯಷ್ಟು ಸೇತುವೆಗಳ ನಿರ್ಮಾಣ
ಕೆಲವೇ ಕೆಲವು ಕಡೆಗಳಲ್ಲಿ ಶುದ್ಧ ಕುಡಿಯುವ ನೀರಿನ ಘಟಕಗಳ ಸ್ಥಾಪನೆ
ರೈಲ್ವೆ ಅಂಡರ್​ಪಾಸ್ ನಿರ್ಮಾಣ, ನಗರದ ಪ್ರಮುಖ ರಸ್ತೆ ನಿರ್ಮಾಣ

ಕ್ಷೇತ್ರದ ಪರಿಚಯ

ವಿದ್ಯುತ್​ ಉತ್ಪಾದನಾ ಕೇಂದ್ರಗಳಾದ YTPS ಮತ್ತು RTPS ರಾಯಚೂರಿನಲ್ಲಿವೆ
ದೇಶಕ್ಕೆ ಚಿನ್ನ ಕೊಡುವ ಪ್ರಮುಖ ಹಟ್ಟಿ ಚಿನ್ನದ ಗಣಿ ಇರುವುದು ಲಿಂಗಸುಗೂರಿನಲ್ಲಿ
ಕೃಷ್ಣಾ, ತುಂಗಭದ್ರಾ ನದಿ ಹರಿಯುವ ಜಿಲ್ಲೆ
ಪ್ರಸಿದ್ಧ ಧಾರ್ಮಿಕ ಕ್ಷೇತ್ರ ಮೌನೇಶ್ವರ ಸ್ವಾಮಿ ನೆಲೆಸಿರುವ ತಿಂತಿಣಿ
12ನೇ ಶತಮಾನದ ಶ್ರೀಗುರು ಅಲ್ಲಮ ಪ್ರಭುಲಿಂಗೇಶ್ವರ ದೇವಸ್ಥಾನ ಗೂಗಲ್
ಗುರುಗುಂಟದ ಶ್ರೀ ಅಮರೇಶ್ವರ ದೇವಸ್ಥಾನ
ಜಿಲ್ಲೆಯ ಪಕ್ಕದ ಮಂತ್ರಾಲಯದಲ್ಲಿರುವ ಶ್ರೀ ಗುರು ರಾಘವೇಂದ್ರ ಸ್ವಾಮಿ ಮಠ

ಸಿಎಂ ವಿರುದ್ಧ ಸುಮೋಟೊ ಕೇಸು ದಾಖಲಿಸಲು ಒತ್ತಾಯ..!

0

ಶಿವಮೊಗ್ಗ: ಮಾಧ್ಯಮಗಳ ಮೇಲೆ ಹಲ್ಲೆ ನಡೆದರೆ ನಾನು ಜವಬ್ದಾರನಲ್ಲ ಎಂದು ಮುಖ್ಯಮಂತ್ರಿ ಹೆಚ್​.ಡಿ. ಕುಮಾರಸ್ವಾಮಿ ನಿನ್ನೆ ಅಡ್ವಾನ್ಸಾಗಿ ಹೇಳಿದ ನಂತರ ಮಾಧ್ಯಮಗಳ ಮೇಲೆ ಹಲ್ಲೆ ನಡೆದಿದೆ.  ಮುಖ್ಯಮಂತ್ರಿ ಕುಮಾರಸ್ವಾಮಿ ವಿರುದ್ಧ ಸುಮೋಟೋ ಕೇಸು ದಾಖಲಿಸಬೇಕೆಂದು ವಿಧಾನ ಪರಿಷತ್ ಸದಸ್ಯ ಆಯನೂರು ಮಂಜುನಾಥ್ ಆರೋಪಿಸಿದ್ದಾರೆ.

ಇಂದು ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, “ಕುಮಾರಸ್ವಾಮಿ ಮಾಧ್ಯಮಗಳ ವಿರುದ್ಧವಾಗಿರುವುದು ಎಲ್ಲರ ಅನುಭವಕ್ಕೂ ಬಂದಿದೆ.  ಕುಮಾರಸ್ವಾಮಿ ಹಲವಾರು ಬಾರಿ, ಮಾಧ್ಯಮದ ವಿರುದ್ಧ ಅನಗತ್ಯ ವಾಗ್ದಾಳಿ ನಡೆಸಿದ್ದಾರೆ. ವಿಧಾನಸೌಧದ ಮೂರನೇ ಮಹಡಿಗೆ ಬಾರದಂತೆ, ಮಾಧ್ಯಮಗಳಿಗೆ ನಿರ್ಬಂಧ ಹೇರಿದ್ದರು. ರಾಜ್ಯದ ಮುಖ್ಯಮಂತ್ರಿ ಚುನಾವಣೆ ಸಂದರ್ಭದಲ್ಲಿ, ಮತದಾರ ಹಾಗೂ ಅಭ್ಯರ್ಥಿಗಳ ನಡುವಿನ ಸಂವಹನ ಕೊಂಡಿಯಾಗಿರುವ ಮಾಧ್ಯಮಕ್ಕೆ ಬೆದರಿಕೆ ಹಾಕಿದ್ದಾರೆ. ಈಗ ಹಲ್ಲೆಯ ಪ್ರಯತ್ನ ನಡೆದಿದೆ. ಅಡ್ವಾನ್ಸ್​ ಆಗಿ ಮಾಧ್ಯಮಗಳಿಗೆ ವಾರ್ನಿಂಗ್​ ಮಾಡೋ ಮೂಲಕ, “ನನ್ನ ಪರ ಮಾತನಾಡಬೇಕು. ನನ್ನ ಮಗನ ಪರ, ನನ್ನ ಅಪ್ಪನ ಪರ ಮಾತನಾಡಬೇಕು. ಇಲ್ಲದೆ ಹೋದರೆ ಹಲ್ಲೆಯಾಗುತ್ತೆ” ಎಂದು ಹೇಳಿಕೆ ನೀಡಿರುವುದು ಸರಿಯಲ್ಲ” ಎಂದು ಹೇಳಿದ್ರು.

“ಮುಖ್ಯಮಂತ್ರಿಯಾಗಿ ಸಂವಿಧಾನದತ್ತ ಜಾಗದಲ್ಲಿ ಕುಳಿತು ಮಾಧ್ಯಮಗಳ ಮೇಲೆ ಹಲ್ಲೆ ನಡೆಯಲು ಪ್ರಚೋದನೆ ನೀಡಿರುವುದು ಸರಿಯಲ್ಲ.  ನಡೆದ ಘಟನೆ ಮತ್ತು ಹೇಳಿಕೆ ಆಧಾರಿಸಿ ಪೊಲೀಸರು ಸುಮೋಟೋ ಕೇಸು ದಾಖಲಿಸಬೇಕೆಂದು ಆಗ್ರಹಿಸಿದ್ದಾರೆ.

Popular posts