ಬೆಂಗಳೂರು : ಮಾಜಿ ಪ್ರಧಾನಿ, ಜೆಡಿಎಸ್​ ರಾಷ್ಟ್ರೀಯ ಅಧ್ಯಕ್ಷ ಹೆಚ್.ಡಿ ದೇವೇಗೌಡ್ರು ಹಾಗೂ ಸಿಎಂ ಹೆಚ್.ಡಿ ಕುಮಾರಸ್ವಾಮಿ ಅವರ ನೇತೃತ್ವದಲ್ಲಿ ಇಂದು ಜೆಡಿಎಲ್​ಪಿ ಸಭೆ ನಡೆಯಲಿದೆ.
ಮುಖ್ಯಮಂತ್ರಿ ಹೆಚ್.ಡಿ ಕುಮಾರಸ್ವಾಮಿ ಅವರ ಜೆಪಿನಗರದ ನಿವಾಸದಲ್ಲಿ ಸಂಜೆ 4 ಗಂಟೆಗೆ ನಡೆಯಲಿರುವ ಸಭೆಯಲ್ಲಿ ಎಲ್ಲಾ ಜೆಡಿಎಸ್​​​ ಶಾಸಕರು ಹಾಜರಿರಲಿದ್ದಾರೆ. ರಾಜ್ಯ ರಾಜಕೀಯ ಬೆಳವಣಿಗೆಗಳ ಕುರಿತು ಚರ್ಚೆ ಮಾಡುವ ಸಾಧ್ಯತೆಗಳಿದ್ದು, ಪ್ರಮುಖವಾಗಿ ಪದೇ ಪದೇ ಮೈತ್ರಿ ಸರ್ಕಾರದಲ್ಲಿ ಉಟಾಂಗುತ್ತಿರುವ ಭಿನ್ನಾಭಿಪ್ರಾಯದ ಬಗ್ಗೆ ಚರ್ಚೆಯಾಗಲಿದೆ. ಸಚಿವ ಸಂಪುಟ ವಿಸ್ತರಿಸಿದ್ರೆ ಯಾರಿಗೆ ಸ್ಥಾನ ಕೊಡಬೇಕು? ತಮ್ಮ ಮುಂದಿನ ನಡೆ ಹೇಗಿರಬೇಕು. ಸ್ವ-ಪಕ್ಷದ ಶಾಸಕರ ನಡುವಿನ ಭಿನ್ನಾಭಿಪ್ರಾಯಗಳೇನು? ಹಾಗೂ ‘ಆಪರೇಷನ್ ಕಮಲ’ ಮೊದಲಾದ ವಿಷಯಗಳ ಕುರಿತು ಚರ್ಚೆ ನಡೆಯಲಿದೆ ಅಂತ ಹೇಳಲಾಗುತ್ತಿದೆ.

ಬೆಳಗಾವಿ : ರಮೇಶ್ ಜಾರಕಿಹೊಳಿಗೆ ಡಿಸಿಎಂ ಹುದ್ದೆ ನೀಡಿದ್ರೆ ಒಳ್ಳೆಯದು ಅಂತ ಅಥಣಿ ಶಾಸಕ ಮಹೇಶ್ ಕಮಟಳ್ಳಿ ಹೇಳಿದ್ದಾರೆ.
ಬೆಳಗಾವಿಯಲ್ಲಿ ಮಾತನಾಡಿದ ಅವರು, ‘ರಮೇಶ್​ ಜಾರಕಿಹೊಳಿಗೆ ಡಿಸಿಎಂ ಹುದ್ದೆ ನೀಡಿದ್ರೆ ಒಳ್ಳೆಯದು. ಯಾವ ಜವಾಬ್ದಾರಿ ಕೊಟ್ರೂ ರಮೇಶ್​ ಅವರು ನಿಭಾಯಿಸ್ತಾರೆ. ರಮೇಶ್​ ಜಾರಕಿಹೊಳಿ ಎಲ್ಲೂ ಹೋಗಿಲ್ಲ, ಇಲ್ಲೇ ಇದ್ದಾರೆ. ರಮೇಶ್​ ಜಾರಕಿಹೊಳಿ ಯಾವುದೇ ಲಕ್ಷ್ಮಣ ರೇಖೆ ದಾಟಿಲ್ಲ. ಹೀಗಾಗಿ ಅವರನ್ನು ಮನವೊಲಿಸುವ ಪ್ರಶ್ನೆಯೇ ಇಲ್ಲ. ನಾನು ಯಾವುದೇ ಸಚಿವ ಸ್ಥಾನ, ನಿಗಮ ಮಂಡಳಿ ಆಕಾಂಕ್ಷಿಯಲ್ಲ ಅಂತ ಹೇಳಿದ್ದಾರೆ.

ಕಾಂಗ್ರೆಸ್​ ಸೋಶಿಯಲ್ ಮೀಡಿಯಾ ಮುಖ್ಯಸ್ಥೆ ರಮ್ಯಾ ಅಲಿಯಾಸ್ ದಿವ್ಯ ಸ್ಪಂದನಾ ಇದ್ದಕ್ಕಿದ್ದಂತೆ ಇಂಥಾ ಒಂದು ನಿರ್ಧಾರ ತೆಗೆದುಕೊಂಡು ಬಿಟ್ರಾ? ದಿಢೀರ್ ಅಂತ ರಮ್ಯಾ ಹೀಗೆ ಮಾಡಿ ಬಿಟ್ರಾ?
ಅರೆ ಏನಿದು? ರಮ್ಯಾ ಏನ್ ಮಾಡಿದ್ರು ಅಂತ ಕೇಳ್ತಿದ್ದೀರಾ..? ಹೌದು, ರಮ್ಯ ಇದ್ದಕ್ಕಿದ್ದಂತೆ ಟ್ಟಿಟರ್​ ಖಾತೆಯನ್ನು ಡಿಲೀಟ್ ಮಾಡಿ ಬಿಟ್ಟಿದ್ದಾರೆ..! ಹೀಗಾಗಿ ಅವರು ಸೋಶಿಯಲ್ ಮೀಡಿಯಾ ಮುಂದಾಳತ್ವಕ್ಕೆ ಗುಡ್​ ಬೈ ಹೇಳಿ ಬಿಟ್ರಾ ಅನ್ನೋ ಪ್ರಶ್ನೆ ಮೂಡ್ತಾ ಇದೆ.
ರಮ್ಯಾ ಅವರ ಟ್ವಿಟರ್ ಅಕೌಂಡ್ ಡಿಸ್​ಪ್ಲೆ ಆಗ್ತಿಲ್ಲ. ಅಲ್ಲಿ ಕಾಂಗ್ರೆಸ್ ಸೋಶಿಯಲ್ ಮೀಡಿಯಾ ಮುಖ್ಯಸ್ಥೆ ಅನ್ನೋ ಅಡಿಬರಹ ಕೂಡ ಈಗ ಕಾಣಿಸ್ತಿಲ್ಲ..! ಎಲ್ಲಾ ಟ್ವೀಟ್ ಡಿಲೀಟ್ ಆಗಿದೆ. ಇದು ರಮ್ಯಾ ಅವರು ಕಾಂಗ್ರೆಸ್ ಸೋಶಿಯಲ್ ಮೀಡಿಯಾ ಸಾರಥ್ಯವನ್ನು ಬಿಟ್ಟಿದ್ದಾರೆ ಅನ್ನುವಂತಿದೆ. ಈ ಬಗ್ಗೆ ಖಚಿತವಾಗಿಲ್ಲ. ಆದ್ರೆ, ಅವರ ಅಕೌಂಟ್ ಮಾತ್ರ ಡಿಲೀಟ್ ಆಗಿ ಬಿಟ್ಟಿದೆ..!

Divya Spandana tweets deleted, has she left Congress social media?

Read @ANI story | https://t.co/ONmJLaMLcG pic.twitter.com/UqjmRbmr6y

— ANI Digital (@ani_digital) June 1, 2019

ಮಂಡ್ಯ ಲೋಕಸಭಾ ಕ್ಷೇತ್ರದ ಪರಾಜಿತ ಅಭ್ಯರ್ಥಿ, ನಟ ನಿಖಿಲ್ ಕುಮಾರಸ್ವಾಮಿ ಸುಮಲತಾ ಅಂಬರೀಶ್ ಅವರ ಗೆಲುವಿಗೆ ಹಾಗೂ ಅವರ ಪುತ್ರ ಅಭಿಷೇಕ್ ಅಂಬರೀಶ್ ಅವರ ಚೊಚ್ಚಲ ಸಿನಿಮಾ ‘ಅಮರ್​’ಗೆ ಟ್ವೀಟ್ ಮೂಲಕ ಶುಭಾಶಯ ಕೋರಿದ್ದರು. ನಿಖಿಲ್ ನಡೆಯನ್ನು ಬಿಜೆಪಿಯ ಹಿರಿಯ ನಾಯಕ, ಮಾಜಿ ಮುಖ್ಯಮಂತ್ರಿ ಎಸ್​.ಎಂ ಕೃಷ್ಣ ಪ್ರಶಂಸಿಸಿದ್ದಾರೆ.
‘’ನಿಖಿಲ್ ನಿಮ್ಮ ಸ್ಟೇಟ್ಮೆಂಟ್ ನಿಂದ ನಾನು ಪ್ರಭಾವಿತನಾಗಿದ್ದೇನೆ, ನಿಮ್ಮ ಮಾತು ಪ್ರಬುದ್ಧತೆಯಿಂದ ಕೂಡಿದೆ, ರಾಜಕೀಯದಲ್ಲಿ ಚುನಾವಣೆಗಳು ಬಂದು ಹೋಗುತ್ತವೆ ಬದುಕು ರಾಜಕಾರಣಕ್ಕಿಂತಲೂ ದೊಡ್ಡದು. ಇದೇ ರೀತಿ ಮುಂದುವರೆದ್ರೆ ಖಂಡಿತ ಜಯ ನಿಮ್ಮದಾಗುತ್ತೆ’’ ಅಂತ ಎಸ್​.ಎಂ ಕೃಷ್ಣ ಟ್ವೀಟ್ ಮಾಡಿದ್ದಾರೆ.

ರಾಜ್ಯದ 61 ನಗರ ಸ್ಥಳೀಯ ಸಂಸ್ಥೆಗಳಿಗೆ ಬುಧವಾರ ಚುನಾವಣೆ ನಡೆದಿತ್ತು. ಅದರ ಫಲಿತಾಂಶ ಇದೀಗ ಹೊರ ಬಿದ್ದಿದೆ.
ನಗರ ಸಭೆ ಫಲಿತಾಂಶ : ರಾಜ್ಯದ 7 ನಗರಸಭೆಗಳ ಪೈಕಿ 4 ನಗರಸಭೆಗಳು ಅತಂತ್ರವಾಗಿವೆ. ಹಿರಿಯೂರಿನಲ್ಲಿ ಒಟ್ಟು 31 ಸ್ಥಾನಗಳಲ್ಲಿ ಬಿಜೆಪಿ 6, ಕಾಂಗ್ರೆಸ್ 13, ಜೆಡಿಎಸ್​ 3, ಇತರೆ 9 ಸ್ಥಾನ ಪಡೆದಿವೆ.
ಹರಿಹರದಲ್ಲಿ 31 ಸ್ಥಾನಗಳಲ್ಲಿ ಬಿಜೆಪಿ 5, ಕಾಂಗ್ರೆಸ್​ 10, ಜೆಡಿಎಸ್​ 14, ಇತರೆ 2 ಸ್ಥಾನಗಳನ್ನು, ಶಿಡ್ಲಘಟ್ಟದ 31 ಸ್ಥಾನಗಳಲ್ಲಿ ಬಿಜೆಪಿ 2, ಕಾಂಗ್ರೆಸ್​ 13, ಜೆಡಿಎಸ್​ 10, ಇತರೆ 6 ಸ್ಥಾನ ಪಡೆದಿವೆ. ತಿಪಟೂರಲ್ಲಿ 31 ಸ್ಥಾನಗಳ ಪೈಕಿ ಬಿಜೆಪಿ 11, ಕಾಂಗ್ರೆಸ್​ 9, ಜೆಡಿಎಸ್​ 5, ಇತರೆ 6 ಸ್ಥಾನಗಳನ್ನು, ನಂಜನಗೂಡಲ್ಲಿ 31 ಸ್ಥಾನಗಳಲ್ಲಿ ಬಿಜೆಪಿ 15, ಕಾಂಗ್ರೆಸ್​ 10, ಜೆಡಿಎಸ್​ 3, ಇತರೆ 3, ಬಸವ ಕಲ್ಯಾಣದಲ್ಲಿ 31 ಸ್ಥಾನಗಳಲ್ಲಿ ಬಿಜೆಪಿ 5, ಕಾಂಗ್ರೆಸ್​ 18, ಜೆಡಿಎಸ್​ 3, ಇತರೆ 5,ಶಹಾಪುರದಲ್ಲಿ 31 – ಬಿಜೆಪಿ 13, ಕಾಂಗ್ರೆಸ್​ 16, ಎಸ್​ಡಿಪಿಐ 2 ಸ್ಥಾನಗಳನ್ನು ಪಡೆದಿದೆ.
ಪುರಸಭೆ ಫಲಿತಾಂಶ : ಇನ್ನು ರಾಜ್ಯದ 30 ಪುರಸಭೆಗಳಲ್ಲಿ ಎಲೆಕ್ಷನ್ ನಡೆದಿತ್ತು. ಅವುಗಳ ಪೈಕಿ 6 ಪುರಸಭೆಗಳಲ್ಲಿ ಬಿಜೆಪಿಗೆ ಬಹುಮತ ಬಂದಿದೆ. 12 ಪುರಸಭೆಗಳಲ್ಲಿ ಕಾಂಗ್ರೆಸ್​​​ ಮೇಲುಗೈ ಸಾಧಿಸಿದೆ. ಎರಡು ಪುರಸಭೆಗಳಲ್ಲಿ ಜೆಡಿಎಸ್​ ಜಯಭೇರಿ ಬಾರಿಸಿದೆ. ಬರೋಬ್ಬರಿ 10 ಪುರಸಭೆಗಳಲ್ಲಿ ಅತಂತ್ರ ಫಲಿತಾಂಶ ಬಂದಿದೆ.
ಪಟ್ಟಣ ಪಂಚಾಯತಿ : ರಾಜ್ಯದ 19 ಪಟ್ಟಣ ಪಂಚಾಯತ್​​​ಗಳಲ್ಲಿ 8ರಲ್ಲಿ ಬಿಜೆಪಿ, 3ರಲ್ಲಿ ಕಾಂಗ್ರೆಸ್ ಜಯಭೇರಿ ಬಾರಿಸಿದೆ. ಬರೋಬ್ಬರಿ 8 ಪಟ್ಟಣ ಪಂಚಾಯತಿಗಳಲ್ಲಿ ಅತಂತ್ರ ಫಲಿತಾಂಶ ಬಂದಿದೆ.

ಬಿಬಿಎಂಪಿ ರಿಸೆಲ್ಟ್ : ಬೆಂಗಳೂರು ಮಹಾನಗರ ಪಾಲಿಕೆಯ ಕಾವೇರಿಪುರ ವಾರ್ಡ್​​ ಮತ್ತು ಸಗಾಯಪುರಂ ವಾರ್ಡ್​ ಗೆ ನಡೆದ ಮರು ಚುನಾವಣೆ ಫಲಿತಾಂಶ ಕೂಡ ಹೊರ ಬಿದ್ದಿದ್ದು ಕಾಂಗ್ರೆಸ್​ ಮತ್ತು ಬಿಜೆಪಿ ತಲಾ 1ರಲ್ಲಿ ಗೆಲುವು ಸಾಧಿಸಿವೆ. ಕಾವೇರಿಪುರ ವಾರ್ಡ್​​ನಲ್ಲಿ ಬಿಜೆಪಿ ಅಭ್ಯರ್ಥಿ ಪಲ್ಲವಿ ಚನ್ನಪ್ಪ, ಸಗಾಯಪುರ ವಾರ್ಡ್​ನಲ್ಲಿ ಕಾಂಗ್ರೆಸ್​ನ ಪಳನಿ ಅಮ್ಮಾಳ್ ಗೆಲವು ಸಾಧಿಸಿದ್ದಾರೆ.

ಕಾವೇರಿಪುರ ವಾರ್ಡ್‌ ಹಾಗೂ ಸಗಾಯಪುರಂ ವಾರ್ಡ್ ಫಲಿತಾಂಶ ಹೊರಹೊಮ್ಮಿದ್ದು, ಬಿಜೆಪಿ ಹಾಗೂ ಕಾಂಗ್ರೆಸ್ ತಲಾ 1 ಕ್ಷೇತ್ರದಲ್ಲಿ ಜಯಗಳಿಸಿದೆ.

ನರೇಂದ್ರ ಮೋದಿ 2ನೇ ಅವಧಿಗೆ ಪ್ರಧಾನಿಯಾಗಿ ಅಧಿಕಾರವಹಿಸಿಕೊಂಡಿದ್ದಾರೆ. ಮೋದಿ ಸಂಪುಟಕ್ಕೆ 57 ಮಂದಿ ಸಚಿವರನ್ನು ನಿನ್ನೆಯೇ ನಿಯೋಜಿಸಲಾಗಿತ್ತು. ಕರ್ನಾಟಕದ ಡಿ.ವಿ ಸದಾನಂದಗೌಡ, ಪ್ರಹ್ಲಾದ್ ಜೋಶಿ, ಸುರೇಶ್ ಅಂಗಡಿ ಅವರು ಮೋದಿ ಸಂಪುಟವನ್ನು ಸೇರಿರೋದು ಗೊತ್ತೇ ಇದೆ. ಅಂತೆಯೇ ಕರ್ನಾಟಕದಿಂದ ರಾಜ್ಯಸಭೆಗೆ ಆಯ್ಕೆಯಾಗಿರುವ ನಿರ್ಮಲಾ ಸೀತರಾಮನ್ ಅವರು ಈ ಬಾರಿಯೂ ಮೋದಿ ಸಂಪುಟದಲ್ಲಿದ್ದಾರೆ. ಇಲ್ಲಿ ಯಾರಿಗೆ ಯಾವ ಖಾತೆ ಅನ್ನೋದರ ಸಂಪೂರ್ಣ ಪಟ್ಟಿ ಇದೆ.

ನರೇಂದ್ರ ಮೋದಿ – ಪ್ರಧಾನ ಮಂತ್ರಿಗಳು- ಸಿಬ್ಬಂದಿ ಖಾತೆ, ಅಣುಶಕ್ತಿ ಇಲಾಖೆ, ಬಾಹ್ಯಾಕಾಶ ಇಲಾಖೆ ಮತ್ತು ಎಲ್ಲ ಪ್ರಮುಖ ನೀತಿ ನಿರೂಪಣಾ ಅಧಿಕಾರ ಸಾರ್ವಜನಿಕ ಕುಂದುಕೊರತೆಗಳು ಮತ್ತು ಪಿಂಚಣಿ ಹಾಗೂ ಯಾರಿಗೂ ಹಂಚಿಕೆಯಾಗದ ಇತರ ಖಾತೆಗಳು. 

ಸಂಪುಟ ದರ್ಜೆ ಸಚಿವರು:

ಅಮಿತ್ ಶಾ- ಗೃಹ

ರಾಜನಾಥ್ ಸಿಂಗ್‌- ರಕ್ಷಣೆ

ಡಾ. ಸುಬ್ರಹ್ಮಣ್ಯಂ ಜೈಶಂಕರ್‌- ವಿದೇಶಾಂಗ ವ್ಯವಹಾರ

ನಿರ್ಮಲಾ ಸೀತಾರಾಮನ್‌- ಹಣಕಾಸು ಮತ್ತು ಕಾರ್ಪೊರೇಟ್ ವ್ಯವಹಾರ 

ನಿತಿನ್ ಗಡ್ಕರಿ- ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಹಾಗೂ ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಕೈಗಾರಿಕೆ

ಡಿ.ವಿ ಸದಾನಂದ ಗೌಡ- ರಾಸಾಯನಿಕ ಮತ್ತು ರಸಗೊಬ್ಬರ

ರಾಮ್‌ ವಿಲಾಸ್ ಪಾಸ್ವಾನ್‌- ಗ್ರಾಹಕ ವ್ಯವಹಾರ, ಆಹಾರ ಮತ್ತು ಪಡಿತರ ವಿತರಣೆ

ನರೇಂದ್ರ ಸಿಂಗ್ ತೋಮರ್‌- ಕೃಷಿ ಮತ್ತು ರೈತರ ಕಲ್ಯಾಣ; ಗ್ರಾಮೀಣಾಭಿವೃದ್ಧಿ ಹಾಗೂ ಪಂಚಾಯತ್‌ರಾಜ್ ಸಚಿವ

ರವಿಶಂಕರ್ ಪ್ರಸಾದ್‌- ಕಾನೂನು ಮತ್ತು ನ್ಯಾಯ; ಸಂಪರ್ಕ ಖಾತೆ ಮತ್ತು ಎಲೆಕ್ಟ್ರಾನಿಕ್ಸ್‌ ಮತ್ತು ಮಾಹಿತಿ ತಂತ್ರಜ್ಞಾನ 

ಹರ್‌ಸಿಮ್ರತ್‌ ಕೌರ್ ಬಾದಲ್‌- ಆಹಾರ ಸಂಸ್ಕರಣೆ

ತಾವರ್ ಚಂದ್ ಗೆಹ್ಲೋಟ್‌- ಸಾಮಾಜಿಕ ನ್ಯಾಯ ಮತ್ತು ಸಶಸ್ತೀಕರಣ

ರಮೇಶ್ ಪೊಕ್ರಿಯಾಲ್‌ ನಿಶಾಂಕ್- ಮಾನವ ಸಂಪನ್ಮೂಲ ಅಭಿವೃದ್ಧಿ

ಅರ್ಜುನ್ ಮುಂಡಾ- ಬುಡಕಟ್ಟು ವ್ಯವಹಾರ,

ಸ್ಮೃತಿ ಝುಬಿನ್ ಇರಾನಿ- ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಹಾಗೂ ಜವುಳಿ ಸಚಿವೆ. 

ಡಾ. ಹರ್ಷವರ್ಧನ್‌- ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ; ವಿಜ್ಞಾನ ಮತ್ತು ತಂತ್ರಜ್ಞಾನ ಹಾಗೂ ಭೂ ವಿಜ್ಞಾನ ಖಾತೆ

ಪ್ರಕಾಶ್ ಜಾವಡೇಕರ್‌- ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಹಾಗೂ ವಾರ್ತಾ ಮತ್ತು ಪ್ರಸಾರ ಖಾತೆ

ಪಿಯೂಷ್ ಗೋಯಲ್- ರೈಲ್ವೇ ಹಾಗೂ ವಾಣಿಜ್ಯ ಮತ್ತು ಕೈಗಾರಿಕೆ

ಧರ್ಮೇಂದ್ರ ಪ್ರಧಾನ್- ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಹಾಗೂ ಉಕ್ಕು ಖಾತೆ, ಮುಖ್ತಾರ್ ಅಬ್ಬಾಸ್ ನಖ್ವಿ- ಅಲ್ಪಸಂಖ್ಯಾತ ವ್ಯವಹಾರ,

 ಪ್ರಹ್ಲಾದ್ ಜೋಷಿ- ಸಂಸದೀಯ ವ್ಯವಹಾರಗಳು; ಕಲ್ಲಿದ್ದಲು ಮತ್ತು ಗಣಿ ಖಾತೆ ಸಚಿವರು,

ಡಾ. ಮಹೇಂದ್ರನಾಥ್ ಪಾಂಡೆ- ಕೌಶಲ್ಯಾಭಿವೃದ್ಧಿ ಮತ್ತು ಉದ್ಯಮಶೀಲತೆ

ಅರವಿಂದ ಗಣಪತ್ ಸಾವಂತ್‌- ಭಾರಿ ಕೈಗಾರಿಕೆ ಮತ್ತು ಸಾರ್ವಜನಿಕ ಉದ್ಯಮ

 ಗಿರಿರಾಜ್ ಸಿಂಗ್‌- ಜಾನುವಾರು ಮೇವು, ಹೈನುಗಾರಿಕೆ ಮತ್ತು ಮೀನುಗಾರಿಕೆ,

ಗಜೇಂದ್ರ ಸಿಂಗ್‌ ಶೇಖಾವತ್‌- ಜಲಶಕ್ತಿ ಖಾತೆ. 

ರಾಜ್ಯ ಸಚಿವರು (ಸ್ವತಂತ್ರ ನಿರ್ವಹಣೆ) 
ಸಂತೋಷ್ ಕುಮಾರ್ ಗಂಗ್ವಾರ್‌- ಕಾರ್ಮಿಕ ಮತ್ತು ಉದ್ಯೋಗ ಖಾತೆ ಸಹಾಯಕ ಸಚಿವರು (ಸ್ವತಂತ್ರ ನಿರ್ವಹಣೆ) 
ರಾವ್ ಇಂದ್ರಜಿತ್ ಸಿಂಗ್‌- ಅಂಕಿ-ಅಂಶ ಮತ್ತು ಕಾರ್ಯಕ್ರಮ ಅನುಷ್ಠಾನ (ಸ್ವತಂತ್ರ ನಿರ್ವಹಣೆ) ಹಾಗೂ ಯೋಜನಾ ಖಾತೆ ಸಹಾಯ ಸಚಿವರು (ಸ್ವತಂತ್ರ ನಿರ್ವಹಣೆ), 
ಶ್ರೀಪಾದ ಯಸ್ಸೋ ನಾಯಕ್‌- ಆಯುರ್ವೇದ, ಯೋಗ, ನ್ಯಾಚುರೋಪಥಿ, ಯುನಾನಿ, ಸಿದ್ಧ ಮತ್ತು ಹೋಮಿಯೋಪಥಿ (ಆಯುಷ್) ಹಾಗೂ ರಕ್ಷಣಾ ಖಾತೆ ಸಹಾಯಕ ಸಚಿವರು (ಸ್ವತಂತ್ರ ನಿರ್ವಹಣೆ), 
ಡಾ. ಜಿತೇಂದ್ರ ಸಿಂಗ್‌- ಈಶಾನ್ಯ ಪ್ರಾಂತ್ಯದ ಅಭಿವೃದ್ಧಿ ಖಾತೆ ಸಹಾಯಕ ಸಚಿವರು (ಸ್ವತಂತ್ರ ನಿರ್ವಹಣೆ); ಪ್ರಧಾನಿ ಕಾರ್ಯಾಲಯದ ಸಹಾಯಕ ಸಚಿವರು, ಸಿಬ್ಬಂದಿ, ಸಾರ್ವಜನಿಕ ಕುಂದುಕೊರತೆ ಮತ್ತು ಪಿಂಚಣಿ ಸಹಾಯಕ ಸಚಿವರು, ಅಣುಶಕ್ತಿ ಇಲಾಖೆ ಸಹಾಯಕ ಸಚಿವರು ಮತ್ತು ಬಾಹ್ಯಾಕಾಶ ಇಲಾಖೆ ಸಹಾಯಕ ಸಚಿವರು, 
ಕಿರಣ್‌ ರೆಜಿಜು- ಯುವಜನ ವ್ಯವಹಾರ ಮತ್ತು ಕ್ರೀಡೆ (ಸ್ವತಂತ್ರ ನಿರ್ವಹಣೆ), ಅಲ್ಪಸಂಖ್ಯಾತ ವ್ಯವಹಾರಗಳ ಸಹಾಯಕ ಸಚಿವರು, 

ಪ್ರಹ್ಲಾದ್ ಸಿಂಗ್ ಪಟೇಲ್- ಸಂಸ್ಕೃತಿ ಖಾತೆ ಸಹಾಯಕ ಸಚಿವರು (ಸ್ವತಂತ್ರ ನಿರ್ವಹಣೆ) ಮತ್ತು ಪ್ರವಾಸೋದ್ಯಮ ಖಾತೆ ಸಹಾಯಕ ಸಚಿವರು (ಸ್ವತಂತ್ರ ನಿರ್ವಹಣೆ), 

ರಾಜ್‌ಕುಮಾರ್ ಸಿಂಗ್- ವಿದ್ಯುತ್‌ ಖಾತೆ ಸಹಾಯಕ ಸಚಿವರು (ಸ್ವತಂತ್ರ ನಿರ್ವಹಣೆ), ನವೀನ ಮತ್ತು ಪುನರ್‌ ನವೀಕರಿಸಬಹುದಾದ ಇಂಧನ ಖಾತೆ ಸಹಾಯಕ ಸಚಿವರು (ಸ್ವತಂತ್ರ ನಿರ್ವಹಣೆ), ಕೌಶಲ್ಯಾಭಿವೃದ್ಧಿ ಮತ್ತು ಉದ್ಯಮಶೀಲತೆ ಸಹಾಯಕ ಸಚಿವರು. 

ಹರ್‌ದೀಪ್ ಸಿಂಗ್‌ ಪುರಿ- ಗೃಹ ಮತ್ತು ನಗರ ವ್ಯವಹಾರಗಳ ಖಾತೆ ಸಹಾಯಕ ಸಚಿವರು (ಸ್ವತಂತ್ರ ನಿರ್ವಹಣೆ); ನಾಗರಿಕ ವಿಮಾನಯಾನ ರಾಜ್ಯಸ ಚಿವರು (ಸ್ವತಂತ್ರ ನಿರ್ವಹಣೆ); ವಾಣಿಜ್ಯ ಮತ್ತು ಉದ್ಯಮ ಖಾತೆ ಸಹಾಯಕ ಸಚಿವರು (ಸ್ವತಂತ್ರ ನಿರ್ವಹಣೆ). 

ಮನ್‌ಸುಖ್‌ ಎಲ್‌ ಮಾಂಡವೀಯ- ಹಡಗು ಖಾತೆ ರಾಜ್ಯ ಸಚಿವರು (ಸ್ವತಂತ್ರ ನಿರ್ವಹಣೆ) ಮತ್ತು ರಾಸಾಯನಿಕ ಮತ್ತು ರಸಗೊಬ್ಬರ ಖಾತೆ ಸಹಾಯಕ ಸಚಿವರು. 

ರಾಜ್ಯ ದರ್ಜೆ ಸಚಿವರು: 
ಫಗನ್‌ ಸಿಂಗ್ ಕುಲಸ್ತೆ- ಉಕ್ಕು ಖಾತೆ ಸಹಾಯಕ ಸಚಿವರು. 
ಆಶ್ವಿನಿ ಕುಮಾರ್ ಚೌಬೆ- ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಹಾಯಕ ಸಚಿವ. 
ಅರ್ಜುನ್ ರಾಮ್ ಮೇಘ್ವಾಲ್- ಸಂಸದೀಯ ವ್ಯವಹಾರಗಳ ಖಾತೆ ಸಹಾಯಕ ಸಚಿವರು; ಭಾರೀ ಕೈಗಾರಿಕೆ ಮತ್ತು ಸಾರ್ವಜನಿಕ ಉದ್ಯಮ ಖಾತೆ ಸಹಾಯಕ ಸಚಿವರು. 
ಜನರಲ್ (ನಿವೃತ್ತ) ವಿ.ಕೆ ಸಿಂಗ್- ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಖಾತೆ ಸಹಾಯಕ ಸಚಿವ. 
ಕೃಷ್ಣ ಪಾಲ್- ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಖಾತೆ ಸಹಾಯಕ ಸಚಿವ. 
ಧನ್ವೇ ರಾವ್ ಸಾಹೇಬ್‌- ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಪಡಿತರ ವಿತರಣೆ ಸಹಾಯಕ ಸಚಿವರು. 

ಜಿ. ಕಿಶನ್ ರೆಡ್ಡಿ- ಗೃಹ ಖಾತೆ ಸಹಾಯಕ ಸಚಿವ. 
ಪುರ್ಷೋತ್ತಮ್ ರೂಪಾಲ- ಕೃಷಿ ಮತ್ತು ರೈತರ ಕಲ್ಯಾಣ ಖಾತೆ ಸಹಾಯಕ ಸಚಿವ. 
ರಾಮದಾಸ್ ಅಠವಳೆ- ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಸಹಾಯಕ ಸಚಿವ. 
ಸಾಧ್ವಿ ನಿರಂಜನ್ ಜ್ಯೋತಿ- ಗ್ರಾಮೀಣಾಭಿವೃದ್ಧಿ ಸಹಾಯಕ ಸಚಿವೆ. 
ಬಾಬುಲ್ ಸುಪ್ರಿಯೋ- ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಖಾತೆ ಸಹಾಯಕ ಸಚಿವ. 
ಸಂಜೀವ್ ಕುಮಾರ್ ಬಲ್ಯಾನ್- ಜಾನುವಾರು ಮೇವು, ಹೈನುಗಾರಿಕೆ ಮತ್ತು ಮೀನುಗಾರಿಕೆ ಸಹಾಯಕ ಸಚಿವ. 
ಧೋತ್ರೆ ಸಂಜಯ್‌ ಶಾಮ್‌ರಾವ್- ಮಾನವ ಸಂಪನ್ಮೂಲ ಅಭಿವೃದ್ಧಿ, ಸಂಪರ್ಕ ಹಾಗೂ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಖಾತೆಗಳ ಸಹಾಯಕ ಸಚಿವರು. 
ಅನುರಾಗ್ ಸಿಂಗ್‌ ಠಾಕೂರ್- ಹಣಕಾಸು ಮತ್ತು ಕಾರ್ಪೊರೇಟ್ ವ್ಯವಹಾರಗಳ ಖಾತೆಗಳ ಸಚಹಾಯಕ ಸಚಿವರು. 

ಅಂಗಡಿ ಸುರೇಶ್ ಚನ್ನಬಸಪ್ಪ- ರೈಲ್ವೇ ಖಾತೆ ಸಹಾಯಕ ಸಚಿವ. 
ನಿತ್ಯಾನಂದ ರಾಯ್– ಗೃಹ ಖಾತೆ ಸಹಾಯಕ ಸಚಿವ. 
ರತನ್‌ಲಾಲ್‌ ಖಟಾರಿಯಾ- ಜಲಶಕ್ತಿ ಖಾತೆ, ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಖಾತೆಗಳ ಸಹಾಯಕ ಸಚಿವರು. 
ವಿ. ಮುರಳೀಧರನ್‌- ವಿದೇಶಾಂಗ ವ್ಯವಹಾರಗಳ ಖಾತೆ ಮತ್ತು ಸಂಸದೀಯ ವ್ಯವಹಾರಗಳ ಖಾತೆ ಸಹಾಯಕ ಸಚಿವರು. 
ರೇಣುಕಾ ಸಿಂಗ್‌ ಸರುತಾ- ಬುಡಕಟ್ಟು ವ್ಯವಹಾರಗಳ ಸಹಾಯಕ ಸಚಿವೆ. 
ಸೋಮ್ ಪ್ರಕಾಶ್- ವಾಣಿಜ್ಯ ಮತ್ತು ಕೈಗಾರಿಕೆ ಖಾತೆ ಸಹಾಯಕ ಸಚಿವ. 
ರಾಮೇಶ್ವರ ತೆಲಿ- ಆಹಾರ ಸಂಸ್ಕರಣೆ ಉದ್ಯಮ ಖಾತೆ ಸಹಾಯಕ ಸಚಿವ. 
ಪ್ರತಾಪ್ ಚಂದ್ರ ಸಾರಂಗಿ- ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಕೈಗಾರಿಕೆ ಖಾತೆ ಹಾಗೂ ಜಾನುವಾರು ಮೇವು, ಹೈನುಗಾರಿಕೆ ಮತ್ತು ಮೀನುಗಾರಿಕೆ ಖಾತೆಗಳ ಸಹಾಯಕ ಸಚಿವರು. 
ಕೈಲಾಶ್ ಚೌಧರಿ- ಕೃಷಿ ಮತ್ತು ರೈತರ ಕಲ್ಯಾಣ ಸಹಾಯ ಸಚಿವರು. 
ದೇಬಶ್ರೀ ಚೌಧರಿ- ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಖಾತೆ ಸಹಾಯಕ ಸಚಿವೆ. 

ನವದೆಹಲಿ : ನರೇಂದ್ರ ಮೋದಿ ನೇತೃತ್ವದ ಎನ್​ಡಿಎ ಎರಡನೇ ಅವಧಿಯ ಸರ್ಕಾರವನ್ನು ರಚಿಸಿದೆ. ನಿನ್ನೆ ಪ್ರಧಾನಿ ನರೇಂದ್ರ ಮೋದಿ ಹಾಗೂ 57 ಸಚಿವರು ಪ್ರಮಾಣವಚನ ಸ್ವೀಕರಿಸಿದ್ರು.
ಬಿಜೆಪಿಯ ಹಿರಿಯ ನಾಯಕಿ ಸುಷ್ಮಾ ಸ್ವರಾಜ್​ ಈ ಬಾರಿ ಸಂಪುಟದಿಂದ ದೂರ ಉಳಿದಿದ್ದಾರೆ. ಮೋದಿ ನೇತೃತ್ವದ ಮೊದಲ ಅವಧಿ ಸರ್ಕಾರದಲ್ಲಿ ವಿದೇಶಾಂಗ ಖಾತೆಯನ್ನು ನಿಭಾಯಿಸಿ ಅಪಾರ ಜನಮನ್ನಣೆ ಗಳಿಸಿದ್ದಾರೆ. ಅವರೀಗ ವಿದಾಯದ ಭಾವನಾತ್ಮಕ ಟ್ವೀಟ್ ಅನ್ನು ಮಾಡಿದ್ದಾರೆ.
‘ನಾನು ನಿಮ್ಗೆ ಕೃತಜ್ಞಳಾಗಿದ್ದೇನೆ. ಸರ್ಕಾರ ಅದ್ಭುತವಾಗಿ ಮುನ್ನಡೆಯಲಿ’ ಅಂತ ವಿಶ್ ಮಾಡಿರೋ ಸುಷ್ಮಾ ಸ್ವರಾಜ್, ಭಾರತೀಯ, ಅನಿವಾಸಿ ಭಾರತೀಯರಿಗೆ 5 ವರ್ಷಗಳ ಕಾಲ ಸೇವೆ ಸಲ್ಲಿಸೋಕೆ ಅವಕಾಶ ಮಾಡಿಕೊಟ್ಟಿದ್ದಕ್ಕೆ ಧನ್ಯವಾದ ತಿಳಿಸಿದ್ದಾರೆ. ಅವರು ವಿದೇಶದಲ್ಲಿರುವ ಭಾರತೀಯರ ಸಮಸ್ಯೆಗಳಿಗೆ, ಕಷ್ಟಗಳಿಗೆ ಸ್ಪಂದಿಸೋದಕ್ಕಂತ ಮೈಕ್ರೋ ಬ್ಲಾಗಿಂಗ್​ ಸೈಟ್​ ಅಳವಡಿಸಿಕೊಂಡಿದ್ದರು. ಈ ಮೂಲಕ ಅನಿವಾಸಿ ಭಾರತೀಯರ ಸಹಾಯಕ್ಕೆ ನಿಂತಿದನ್ನು ಈ ವೇಳೆ ಸ್ಮರಿಸಬಹುದು.
ಇನ್ನು ಯುಪಿಎ 10ವರ್ಷಗಳ ಅವಧಿಯಲ್ಲಿ ಲೋಕಸಭೆಯ ವಿರೋಧ ಪಕ್ಷದ ನಾಯಕಿಯಾಗಿ ಸೇವೆ ಸಲ್ಲಿಸಿದ್ರು. ಗುರುವಾರ ನರೇಂದ್ರ ಮೋದಿ ನೂತನ ಸಂಪುಟದ ಪ್ರಮಾಣವಚನ ಕಾರ್ಯಕ್ರಮದಲ್ಲಿ ಪ್ರೇಕ್ಷಕರ ಸಾಲಿನಲ್ಲಿ ಕುಳಿತು ಕಾರ್ಯಕ್ರಮ ವೀಕ್ಷಿಸಿದ್ರು.

ಭಾರತದ 14ನೇ ಪ್ರಧಾನಿಯಾಗಿ 2ನೇ ಬಾರಿ ನರೇಂದ್ರ ಮೋದಿ ಪ್ರಮಾಣ ಸ್ವೀಕರಿಸಿದ್ದಾರೆ. ಈಶ್ವರನ ಹೆಸರಿನಲ್ಲಿ ಪ್ರಮಾಣವಚನ ಸ್ವೀಕರಿಸಿದ್ರು. ಸತತ 2 ಬಾರಿ ಪೂರ್ಣ ಬಹುಮತ ಪಡೆದು ಪಟ್ಟಕ್ಕೇರಿದ 3ನೇ ಪ್ರಧಾನಿ ಅನ್ನೋ ಕೀರ್ತಿಗೆ ಮೋದಿ ಪಾತ್ರರಾಗಿದ್ದಾರೆ. ಮೋದಿ ಅವರೊಡನೆ ಅವರ ಸಂಪುಟದ  57 ಸಚಿವರು ಪ್ರಮಾಣ ಸ್ವೀಕಾರ ಮಾಡಿದ್ರು.

24 ಸಚಿವರಿಗೆ ಸಂಪುಟ ದರ್ಜೆ ಸ್ಥಾನ, 9 ಸಚಿವರಿಗೆ ರಾಜ್ಯ ಖಾತೆ (ಸ್ವತಂತ್ರ), 24 ಸಚಿವರಿಗೆ ರಾಜ್ಯ ಖಾತೆ ಸಚಿವ ಸ್ಥಾನ ನೀಡಲಾಗಿದೆ. ರಾಜ್ಯದ ಡಿ.ವಿ ಸದಾನಂದಗೌಡ ಮತ್ತು ಪ್ರಹ್ಲಾದ್ ಜೋಶಿ ಅವರು ಸಂಪುಟ ದರ್ಜೆ ಸಚಿವಸ್ಥಾನವನ್ನು, ಸುರೇಶ್ ಅಂಗಡಿ ಅವರು ರಾಜ್ಯ ಖಾತೆ ಮಂತ್ರಿಗಿರಿಯನ್ನು ಪಡೆದಿದ್ದಾರೆ. 

ಇಲ್ಲಿದೆ ಮೋದಿ ಟೀಮ್ 

1. ನರೇಂದ್ರ ಮೋದಿ – ಪ್ರಧಾನ ಮಂತ್ರಿ 

ಸಂಪುಟ ದರ್ಜೆ ಸಚಿವರು 
2. ರಾಜನಾಥ್​ ಸಿಂಗ್​ –  ಲಖನೌ – ಯುಪಿ
3. ಅಮಿತ್ ಶಾ – ಗಾಂಧಿನಗರ – ಗುಜರಾತ್​
4. ನಿತಿನ್​ ಗಡ್ಕರಿ – ನಾಗಪುರ – ಮಹಾರಾಷ್ಟ್ರ
5. ಸದಾನಂದಗೌಡ – ಬೆಂಗಳೂರು ಉತ್ತರ
6. ನಿರ್ಮಲಾ ಸೀತಾರಾಮನ್​ – ರಾಜ್ಯಸಭಾ ಕರ್ನಾಟಕ
7. ರಾಮ್​ ವಿಲಾಸ್​ ಪಾಸ್ವಾನ್​ – ಹಾಜಿಪುರ – ಬಿಹಾರ
8. ನರೇಂದ್ರ ಸಿಂಗ್ ತೋಮರ್​ – ಗ್ವಾಲಿಯರ್​ – ಮಧ್ಯಪ್ರದೇಶ
9. ರವಿಶಂಕರ್​ ಪ್ರಸಾದ್​ – ಪಾಟ್ನಾಸಾಹಿಬ್​ 
10. ಹರ್​ಸಿಮೃತ್​ ಕೌರ್​ ಬಾದಲ್​ – ಬಠಿಂಡಾ / ಪಂಜಾಬ್​ / 
11. ತಾವರ್​ಚಂದ್​ ಗೆಹ್ಲೋಟ್​ – ಶಾಜಾಪುರ / ಮಧ್ಯಪ್ರದೇಶ 
12. ಎಸ್​. ಜೈಶಂಕರ್​ – ಮಾಜಿ ವಿದೇಶಾಂಗ ಕಾರ್ಯದರ್ಶಿ
13. ರಮೇಶ್​ ಪೋಖ್ರಿಯಾಲ್​ ನಿಶಾಂಕ್​ – ಹರಿದ್ವಾರ – ಉತ್ತರಾಖಂಡ / ಮಾಜಿ ಸಿಎಂ
14. ಅರ್ಜುನ್​ ಮುಂಡಾ – ಖುಂಟಿ – ಜಾರ್ಖಂಡ್​ – ಮಾಜಿ ಸಿಎಂ
15. ಸ್ಮೃತಿ ಇರಾನಿ – ಅಮೇಥಿ – ಯುಪಿ 
16. ಹರ್ಷವರ್ಧನ – ಚಾಂದಿನಿ ಚೌಕ್​ / ದೆಹಲಿ /
17. ಪ್ರಕಾಶ್​ ಜಾವ್ಡೇಕರ್​ – ರಾಜ್ಯಸಭಾ ಸದಸ್ಯ / ಮಹಾರಾಷ್ಟ್ರ
18. ಪಿಯೂಶ್​ ಗೋಯಲ್​ – ರಾಜ್ಯಸಭಾ ಸದಸ್ಯ / ಮಹಾರಾಷ್ಟ್ರ 
19. ಧರ್ಮೇಂದ್ರ ಪ್ರಧಾನ್​ – ಮಧ್ಯಪ್ರದೇಶ ರಾಜ್ಯಸಭಾ ಸದಸ್ಯರು 
20. ಮುಖ್ತಾರ್​ ಅಬ್ಬಾಸ್​ ನಕ್ವಿ – ರಾಜ್ಯಸಭಾ ಸದಸ್ಯ / ಯುಪಿ 
21. ಪ್ರಹ್ಲಾದ್​ ಜೋಶಿ – ಧಾರವಾಡ  
22. ಡಾ. ಮಹೇಂದ್ರನಾಥ್​ ಪಾಂಡೆ – ಚಾಂಡೌಲಿ / ಯುಪಿ
23. ಅರವಿಂದ್​ ಗಣಪತ್ ಸಾವಂತ್​ – ಸೌಥ್​ ಮುಂಬೈ 
24. ಗಿರಿರಾಜ್​ ಸಿಂಗ್​ – ಬೇಗುಸರಾಯ್​ – ಬಿಹಾರ 
25. ಗಜೇಂದ್ರ ಸಿಂಗ್ ಶೇಖಾವತ್​ – ಜೋಧಪುರ 

ರಾಜ್ಯ ಖಾತೆ ಸಚಿವರು​ (ಸ್ವತಂತ್ರ ಖಾತೆ)
26. ಸಂತೋಷ್​ ಕುಮಾರ್​ ಗಂಗ್ವಾರ್​ – ಬರೇಲಿ / ಯುಪಿ 
27. ಇಂದ್ರಜಿತ್ ಸಿಂಗ್​ – ಮಹೇಂದ್ರಗಢ – ಹರ್ಯಾಣ
28. ಶ್ರೀಪಾದ್​ ಯಶೋ​ ನಾಯ್ಕ್​​ – ಉತ್ತರ ಗೋವಾ
29. ಡಾ. ಜಿತೇಂದ್ರ ಸಿಂಗ್​ – ಉಧಮ್​ಪುರ / ಜಮ್ಮು ಕಾಶ್ಮೀರ  
30. ಕಿರಣ್​ ರಿಜಿಜು – ಅರುಣಾಚಲ ಪ್ರದೇಶ ವೆಸ್ಟ್​ 
31. ಪ್ರಹ್ಲಾದ್​ ಸಿಂಗ್​ ಪಟೇಲ್​ – ಮಧ್ಯಪ್ರದೇಶ 
32. ರಾಜ್​ಕುಮಾರ್​ ಸಿಂಗ್​ – ಬಿಹಾರ 
33. ಹರ್ದಿಪ್​ ಸಿಂಗ್​ ಪುರಿ 
34. ಮನಸುಖ್​ ಮಾಂಡವಿಯಾ

ರಾಜ್ಯ ಖಾತೆ ಸಚಿವರು 

35. ಫಗನ್​ ಸಿಂಗ್​ ಖುಲಾಸ್ತೆ  
36. ಅಶ್ವಿನಿ ಕುಮಾರ್​ 
37. ಅರ್ಜುನ್​ ರಾಮ್​ ಮೇಘವಾಲ್​ – ಬಿಕಾನೇರ್​ – ರಾಜಸ್ಥಾನ 
38. ವಿ.ಕೆ. ಸಿಂಗ್​ – ಗಾಜಿಯಾಬಾದ್​ – ಯುಪಿ 
39. ಕೃಷ್ಣಾಪಾಲ್​ – ಫರಿದಾಬಾದ್​ – ಹರ್ಯಾಣ 
40. ಶ್ರೀ ದಾನವೆ ರಾವ್​ಸಾಹೇಬ್​ ದಾದಾರಾವ್
41. ಜಿ. ಕಿಶನ್​ ರೆಡ್ಡಿ – ಸಿಕಂದರಾಬಾದ್​ – ತೆಲಂಗಾಣ 
42. ಪುರುಶೋತ್ತಮ್​ ರೂಪಾಲಾ – ರಾಜ್ಯಸಭಾ ಸದಸ್ಯ 
43. ರಾಮದಾಸ್​ ಆಠವಳೆ – ರಾಜ್ಯಸಭಾ ಸದಸ್ಯ 
44. ಸಾಧ್ವಿ ನಿರಂಜನ್​ ಜ್ಯೋತಿ – ಫತೇಹಪುರ 
45. ಬಾಬುಲ್​ ಸುಪ್ರಿಯೊ – ಅಸಾನ್ಸೋಲ್​ – ಪಶ್ಚಿಮ ಬಂಗಾಳ
46. ಸಂಜೀವ್​ ಕುಮಾರ್​ ಬಲ್ಯಾನ್​ – ಮುಜಫ್ಫರನಗರ – ಯುಪಿ /
47. ಶಾಮರಾವ್​ ಸಂಜಯ್​ ಧೋತ್ರೆ – ಅಕೊಲಾ – ಮಹಾರಾಷ್ಟ್ರ 
48. ಅನುರಾಗ್ ಸಿಂಗ್​ ಠಾಕೂರ್​ – ಹಮೀರ್​ಪುರ – ಹಿಮಾಚಲ ಪ್ರದೇಶ
49. ಸುರೇಶ್​ ಅಂಗಡಿ – ಬೆಳಗಾವಿ
50. ನಿತ್ಯಾನಂದ ರಾಯ್​ – ಹಾಜಿಪುರ / ಬಿಹಾರ /
51. ರತನ್​ ಲಾಲ್​ ಕಟಾರಿಯಾ – ಅಂಬಾಲಾ / ಹರ್ಯಾಣ / ದಲಿತ ಮುಖಂಡ
52. ವಿ. ಮುರಳೀಧರನ್​ – ರಾಜ್ಯಸಭಾ ಸದಸ್ಯ / ಕೇರಳ / ಬಿಜೆಪಿ ರಾಜ್ಯಾಧ್ಯಕ್ಷ
53. ಶ್ರೀಮತಿ ರೇಣುಕಾ ಸಿಂಹ – ಸರಗುಜಾ / ಛತ್ತೀಸ್​ಗಢ  
54. ಸೋಮ್​ ಪ್ರಕಾಶ್​ – ಹೋಶಿಯಾರ್​ಪುರ – ಪಂಜಾಬ್​ / (ಮಾಜಿ ಐಎಎಸ್​)
55. ರಾಮೇಶ್ವರ್​ ತೇಲಿ – ದಿಬ್ರುಗಢ – ಅಸ್ಸಾಂ 
56. ಪ್ರತಾಪ್​ ಚಂದ್ರ ಸಾರಂಗಿ – ಬಾಲ್​ಸೋರ್​ / ಒಡಿಶಾ (ಸೈಕಲ್​ನಲ್ಲಿ ಪ್ರಚಾರ / ಓಡಿಶಾ ಮೋದಿ)
57. ಕೈಲಾಶ್​ ಚೌಧರಿ – ಬಾಡ್ಮೇರ್​ – ರಾಜಸ್ಥಾನ 
58. ಶ್ರೀಮತಿ ದೇಬಶ್ರೀ ಚೌಧರಿ – ರಾಯಗಂಜ್​ – ಪಶ್ಚಿಮ ಬಂಗಾಳ

ನರೇಂದ್ರ ಮೋದಿ ಅವರು ಎರಡನೇ ಬಾರಿ ಪ್ರಧಾನಿಯಾಗಿ ಪ್ರಮಾಣ ವಚನ ಸ್ವೀಕರಿಸಲು ಕ್ಷಣಗಣನೆ ಆರಂಭವಾಗಿದೆ. ಮೋದಿ ಸಂಪುಟದಲ್ಲಿ ಯಾರಿಗೆಲ್ಲಾ ಸಿಗುತ್ತೆ ಚಾನ್ಸ್​​ ಅನ್ನೋ ಕುತೂಹಲಕ್ಕೆ ತಕ್ಕಮಟ್ಟಿಗೆ ಬ್ರೇಕ್ ಬಿದ್ದಿದೆ.
ಕರ್ನಾಟಕದಿಂದ ಬೆಂಗಳೂರು ಉತ್ತರ ಕ್ಷೇತ್ರದ ಸಂಸದ ಸದಾನಂದ ಗೌಡ, ಧಾರವಾಡ ಸಂಸದ ಪ್ರಹ್ಲಾದ್​ ಜೋಶಿ, ಬೆಳಗಾವಿ ಸಂಸದ ಸುರೇಶ್ ಅಂಗಡಿ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸೋದು ಪಕ್ಕಾ ಆಗಿದೆ. ಕರ್ನಾಟಕದಿಂದ ರಾಜ್ಯಸಭೆಗೆ ಆಯ್ಕೆಯಾಗಿರುವ ನಿರ್ಮಲಾ ಸೀತಾರಾಮನ್ ಅವರು ಈ ಬಾರಿಯೂ ಮೋದಿ ಸಂಪುಟದಲ್ಲಿ ಸಚಿವರಾಗಲಿದ್ದಾರೆ.
ಇನ್ನುಳಿದಂತೆ ಅರ್ಜುನ್ ರಾಮ್‌ ಮೆಘ್ವಾಲ್, ಜಿತೇಂದ್ರ ಸಿಂಗ್ ಪಿಯೂಷ್‌ ಗೋಯಲ್, ಕಿಶನ್ ರೆಡ್ಡಿ, ಆರ್‌ಪಿಐನ ರಾಮದಾಸ್‌ ಅಠವಾಳೆಗೆ ಚಾನ್ಸ್‌ . ಎಲ್‌ಜೆಪಿಯ ರಾಮ್‌ ವಿಲಾಸ್‌ ಪಾಸ್ವಾನ್ ಲಕ್ . ಧರ್ಮೇಂದ್ರ ಪ್ರಧಾನ್, ಪ್ರಕಾಶ್ ಜಾವ್ಡೇಕರ್, ರವಿಶಂಕರ್ ಪ್ರಸಾದ್, ಸ್ಮೃತಿ ಇರಾನಿ. ರಾಜನಾಥ್ ಸಿಂಗ್, ಡಾ.ಜಿತೇಂದ್ರ ಸಿಂಗ್ . ಹರ್ ಸಿಮ್ರತ್ ಕೌರ್, ಬಾಬುಲ್ ಸುಪ್ರಿಯೋ, ಮುಕ್ತಾರ್ ಅಬ್ಬಾಸ್ ನಖ್ವಿ, ಕೃಷ್ಣಲಾಲ್ ಜೋಷಿ, ಕಿರಣ್ ರಿಜಿಜು, ನಿತ್ಯನಂದ ರಾಯ್‌, ಪುರುಷೋತ್ತಮ್ ರೂಪಾಲ್​, ನರೇಂದ್ರಸಿಂಗ್ ತೋಮರ್, ಸಾಧ್ವಿ ನಿರಂಜನ್ ಜ್ಯೋತಿ, ತಾವರ್‌ ಚಂದ್‌ ಗೆಹ್ಲೋಟ್, ನಿತಿನ್ ಗಡ್ಕರಿ, ಕಿಶನ್‌ ಪಾಲ್‌ ಗುರ್ಜರ್, ಸಂತೋಷ್‌ ಗಂಗ್ವಾರ್ ಮೋದಿ ಸಂಪುಟ ಸೇರಲಿದ್ದಾರೆ

ನರೇಂದ್ರ ಮೋದಿ ಅವರು 2ನೇ ಬಾರಿಗೆ ಪ್ರಧಾನಿಯಾಗಿ ಪ್ರಮಾಣವಚನ ಸ್ವೀಕರಿಸಿದ್ದಾರೆ. ಇದೇ ವೇಳೆ ಕನಿಷ್ಠ 42 -52 ಸಚಿವರು ಇಂದೇ ಪ್ರಮಾಣ ವಚನ ಸ್ವೀಕರಿಸುವ ಸಾಧ್ಯತೆಯಿದೆ.
ಮೋದಿ ಸಂಪುಟದಲ್ಲಿ ಯಾರಿಗೆಲ್ಲಾ ಮಂತ್ರಿಗಿರಿ ಸಿಗುತ್ತೆ ಅನ್ನೋ ಕುತೂಹಲವಿದೆ. ಅದರಲ್ಲೂ ಮುಖ್ಯವಾಗಿ 25 ಸಂಸದರನ್ನು ನೀಡಿ ಮೋದಿ ಸರ್ಕಾರಕ್ಕೆ ಬಲ ತುಂಬಿರುವ ಕರ್ನಾಟಕದ ಮೇಲೂ ನಿರೀಕ್ಷೆ ದುಪ್ಪಟ್ಟಿತ್ತು. ಇದೀಗ ಮೊದಲ ಹಂತದಲ್ಲಿ ರಾಜ್ಯದ ಮೂವರಿಗೆ ಸಚಿವ ಸ್ಥಾನ ನೀಡಲಾಗಿದೆ.
ಈ ಹಿಂದೆ ಕೇಂದ್ರ ಸಚಿವರಾಗಿದ್ದ ಡಿ.ವಿ ಸದಾನಂದಗೌಡರಿಗೆ ಈ ಬಾರಿಯೂ ಮೋದಿ ಕ್ಯಾಬಿನೆಟ್​ನಲ್ಲಿ ಅವಕಾಶ ನೀಡಲಾಗುತ್ತಿದೆ. ಡಿ.ವಿ ಸದಾನಂದಗೌಡರು ಬೆಂಗಳೂರು ಉತ್ತರದಿಂದ ಮತ್ತೆ ಸಂಸತ್ತಿಗೆ ಆಯ್ಕೆಯಾಗಿರುವವರು. ಇನ್ನು ಧಾರವಾಡ ಸಂಸದ ಪ್ರಹ್ಲಾದ್ ಜೋಶಿ ಹಾಗೂ ಬೆಳಗಾವಿ ಸಂಸದ ಸುರೇಶ್ ಅಂಗಡಿ ಅವರಿಗೂ ಮೋದಿ ಸಂಪುಟದಲ್ಲಿ ಮಂತ್ರಿಗಿರಿ ನೀಡಲಾಗುತ್ತಿದೆ. ಯಾರಿಗೆ ಯಾವ ಖಾತೆ ಸಿಗುತ್ತದೆ ಅನ್ನೋದನ್ನು ಕಾದುನೋಡಬೇಕು.