Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Tuesday, March 26, 2019

ಭರ್ಜರಿ ರೋಡ್​ಶೋ ಮೂಲಕ ತೆರಳಿ ನಾಮಪತ್ರ ಸಲ್ಲಿಸಿದ ನಿಖಿಲ್..!

0

ಮಂಡ್ಯ : ಇಡೀ ರಾಜ್ಯದ ಗಮನ ಸೆಳೆದಿರುವ ಮಂಡ್ಯ ಲೋಕಸಭಾ ಕ್ಷೇತ್ರ ದಿನೇ ದಿನೇ ರಂಗೇರುತ್ತಿದೆ. ಮೈತ್ರಿ ಅಭ್ಯರ್ಥಿ ನಿಖಿಲ್​ ಕುಮಾರಸ್ವಾಮಿ ಭರ್ಜರಿ ರೋಡ್​ ಶೋ ಮೂಲಕ ಜಿಲ್ಲಾಧಿಕಾರಿ ಕಚೇರಿಗೆ ತೆರಳಿ ನಾಮಪತ್ರ ಸಲ್ಲಿಸಿದ್ದಾರೆ.
ಪಕ್ಷೇತರ ಅಭ್ಯರ್ಥಿ ಸುಮಲತಾ ಅವರು ಕೂಡ ಬೃಹತ್ ರ್ಯಾಲಿ ಮೂಲಕ ತೆರಳಿ ನಾಮಪತ್ರ ಸಲ್ಲಿಸಿದ್ದರು. ಅವರಿಗೆ ಟಾಂಗ್ ಕೊಡುವಂತೆ ನಿಖಿಲ್ ಅವರೂ ಬೃಹತ್ ಮೆರವಣಿಗೆ ಮೂಲಕ ತೆರಳಿ ನಾಮಿನೇಷನ್ ಫೈಲ್ ಮಾಡಿದ್ದಾರೆ. ನಿಖಿಲ್​ಗೆ ಸಿಎಂ ಕುಮಾರಸ್ವಾಮಿ, ಸಚಿವ ಹೆಚ್​.ಡಿ ರೇವಣ್ಣ, ತಾಯಿ ಅನಿತಾ ಕುಮಾರಸ್ವಾಮಿ ಸಾಥ್ ನೀಡಿದ್ದಾರೆ.

ತುಮಕೂರಲ್ಲಿ ಗೌಡ್ರು VS ಗೌಡ್ರು : ನಾಮಪತ್ರ ಸಲ್ಲಿಸಿದ ದೇವೇಗೌಡ್ರು, ಮುದ್ದಹನುಮೇಗೌಡ್ರು..!

0

ತುಮಕೂರು : ಮಾಜಿ ಪ್ರಧಾನಿ ಹೆಚ್​.ಡಿ ದೇವೇಗೌಡರು ಹಾಗೂ ಹಾಲಿ ಸಂಸದ ಎಸ್​.ಪಿ ಮುದ್ದಹನುಮೇಗೌಡ ಅವರು ನಾಮಪತ್ರ ಸಲ್ಲಿಸಿ ಅಧಿಕೃತವಾಗಿ ಚುನಾವಣಾ ಅಖಾಡಕ್ಕೆ ಧುಮುಕಿದ್ದಾರೆ.
ದೇವೇಗೌಡ್ರು ಬೃಹತ್ ಮೆರವಣಿಗೆ ಮೂಲಕ ಜಿಲ್ಲಾಧಿಕಾರಿ ಕಚೇರಿಗೆ ತೆರಳಿ ಮಧ್ಯಾಹ್ನ 2.11ಕ್ಕೆ ನಾಮಪತ್ರ ಸಲ್ಲಿಸಿದರು. ಸ್ವಕ್ಷೇತ್ರ ಹಾಸನವನ್ನು ಮೊಮ್ಮಗ ಪ್ರಜ್ವಲ್​ ರೇವಣ್ಣ ಅವರಿಗೆ ಬಿಟ್ಟುಕೊಟ್ಟ ಗೌಡರು, ಬೆಂಗಳೂರು ಉತ್ತರದಲ್ಲಿ ಕಣಕ್ಕಿಳಿಯುತ್ತಾರಾ ಅಥವಾ ತುಮಕೂರಲ್ಲಿ ಕಣಕ್ಕಿಳಿಯುತ್ತಾರೋ ಅನ್ನೋ ಕುತೂಹಲವಿತ್ತು. ಕೊನೆಗೆ ಗೌಡರು ತುಮಕೂರನ್ನು ಆಯ್ಕೆ ಮಾಡಿಕೊಂಡು, ಇವತ್ತು ನಾಮಪತ್ರವನ್ನೂ ಸಲ್ಲಿಸಿದ್ದಾರೆ. ಆದರೆ, ತುಮಕೂರಲ್ಲಿ ಗೌಡರ ವಿರುದ್ಧ ಕಾಂಗ್ರೆಸ್ ಸಂಸದ ಎಸ್​.ಪಿ ಮುದ್ದಹನುಮೇಗೌಡ ಕೂಡ ನಾಮಪತ್ರ ಸಲ್ಲಿಸಿದ್ದಾರೆ. ಹಾಲಿ ಸಂಸದ ಆಗಿದ್ದರೂ ಅವರನ್ನು ಕಡೆಗಾಣಿಸಿ ಜೆಡಿಎಎಸ್​ಗೆ ಕ್ಷೇತ್ರ ಬಿಟ್ಟುಕೊಟ್ಟಿದ್ದಕ್ಕೆ ಮುದ್ದಹನುಮೇಗೌಡರ ಆಕ್ರೋಶಕ್ಕೆ ಕಾರಣವಾಗಿದೆ. ಅವರು ಹಠಕ್ಕೆ ಬಿದ್ದು ದೊಡ್ಡಗೌಡರ ವಿರುದ್ಧ ಸ್ವಕ್ಷೇತ್ರದಲ್ಲಿ ಅಖಾಡಕ್ಕೆ ಇಳಿದಿದ್ದಾರೆ.

ನಾಮಪತ್ರ ಸಲ್ಲಿಸುವ ದಿನವೇ ಪ್ರತಾಪ್​ ಸಿಂಹ ವಿರುದ್ಧ ಎಫ್​ಐಆರ್..!

0

ಮೈಸೂರು : ಮೈಸೂರು-ಕೊಡುಗು ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಪ್ರತಾಪ್ ಸಿಂಹ ಅವರಿಗೆ ನಾಮಮಪತ್ರ ಸಲ್ಲಿಸುವ ದಿನವೇ ಶಾಕ್ ಆಗಿದೆ.
ಇಂದು ಪ್ರತಾಪ್​ ಸಿಂಹ ನಾಮಪತ್ರ ಸಲ್ಲಿಸಲಿದ್ದಾರೆ. ಇದರ ಬೆನ್ನಲ್ಲೇ ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆ ಆರೋಪದ ಮೇಲೆ ಸಿಂಹ ವಿರುದ್ಧ ಎಫ್​ಐಆರ್ ದಾಖಲಾಗಿದೆ.
ಪ್ರತಾಪ್​​ ಸಿಂಹ ಸರ್ಕಾರಿ ಅಂಚೆಕಚೇರಿ ಮೂಲಕ ಕೇಂದ್ರ ಸರ್ಕಾರದ ಸಾಧನಾ ಕೈಪಿಡಿಯನ್ನು​ ಹಂಚಿಸಿದ್ದರು. ಈ ಹಿನ್ನೆಲೆಯಲ್ಲಿ ಪ್ರತಾಪ್​ ಸಿಂಹ ಅವರ ವಿರುದ್ಧ ಕಾಂಗ್ರೆಸ್​ ದೂರು ನೀಡಿತ್ತು. ಮೈಸೂರಿನ ವಿವಿ ಪುರಂ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ರಾತ್ರೋರಾತ್ರಿ ಬೆಂಗಳೂರು ಉತ್ತರ ‘ಕೈ’ ತೆಕ್ಕೆಗೆ..!

0

ಬೆಂಗಳೂರು : ರಾತ್ರೋರಾತ್ರಿ ದೋಸ್ತಿ ಪಾಳಯದಲ್ಲಿ ನಡೆದ ಮಹತ್ವದ ಬೆಳವಣಿಗೆಯಲ್ಲಿ ಜೆಡಿಎಸ್​ ಬೆಂಗಳೂರು ಉತ್ತರವನ್ನು ಕಾಂಗ್ರೆಸ್​ಗೆ ಬಿಟ್ಟುಕೊಟ್ಟಿದೆ.
ರಾಜ್ಯದ 28 ಲೋಕಸಭಾ ಕ್ಷೇತ್ರಗಳಲ್ಲಿ 20 ಕ್ಷೇತ್ರಗಳಲ್ಲಿ ಕಾಂಗ್ರೆಸ್ ಹಾಗೂ 8 ಕ್ಷೇತ್ರಗಳಲ್ಲಿ ಜೆಡಿಎಸ್​ ಅಭ್ಯರ್ಥಿಯನ್ನು ಕಣಕ್ಕಿಳಿಸೋದು ಅಂತ ನಿರ್ಧಾರವಾಗಿತ್ತು.
ತುಮಕೂರು, ಹಾಸನ, ಮಂಡ್ಯ, ಶಿವಮೊಗ್ಗ, ಉತ್ತರ ಕನ್ನಡ, ಬೆಂಗಳೂರು ಉತ್ತರ, ವಿಜಯಪುರ ಮತ್ತು ಉಡುಪಿ-ಚಿಕ್ಕಮಗಳೂರು ಕ್ಷೇತ್ರವನ್ನು ಜೆಡಿಎಸ್​ಗೆ ಕಾಂಗ್ರೆಸ್ ಬಿಟ್ಟುಕೊಟ್ಟಿತ್ತು. ಆದರೆ ಜೆಡಿಎಸ್​ ಬೆಂಗಳೂರು ಉತ್ತರವನ್ನೀಗ ಕಾಂಗ್ರೆಸ್​ಗೆ ಬಿಟ್ಟು ಕೊಟ್ಟಿದೆ. 21 ಕ್ಷೇತ್ರಗಳಲ್ಲಿ ಕಾಂಗ್ರೆಸ್​ ಹಾಗೂ 7 ಕ್ಷೇತ್ರಗಳಲ್ಲಿ ಜೆಡಿಎಸ್​ ಅಭ್ಯರ್ಥಿಗಳು ಕಣಕ್ಕಿಳಿಯಲಿದ್ದಾರೆ.

ಸಿಎಂ ವಿರುದ್ಧ ದರ್ಶನ್​ ಫ್ಯಾನ್ಸ್ ಕೆಂಡಾಮಂಡಲ..!

0

ಬೆಂಗಳೂರು : ಮಂಡ್ಯ ಲೋಕಸಭಾ ಕ್ಷೇತ್ರದ ಪಕ್ಷೇತರ ಅಭ್ಯರ್ಥಿ ಸುಮಲತಾ ಅವರ ಪರ ಪ್ರಚಾರಕ್ಕೆ ಬಂದಿರುವ ನಟರಾದ ದರ್ಶನ್ ಮತ್ತು ಯಶ್ ಅವರನ್ನು ಜೆಡಿಎಸ್​ ಬೆಂಬಲಿಗರು ವಿರೋಧಿಸ್ತಿದ್ದಾರೆ. ಎಲ್ಲಕ್ಕಿಂತ ಮುಖ್ಯವಾಗಿ ತನ್ನ ಪುತ್ರನನ್ನೇ ಮಂಡ್ಯದಲ್ಲಿ ಕಣಕ್ಕಿಳಿಸಿರುವ ಸಿಎಂ ಹೆಚ್.ಡಿ ಕುಮಾರಸ್ವಾಮಿ ಅವರು ಪದೇ ಪದೇ ಸುಮಲತಾ ಅವರ ವಿರುದ್ಧ ಹಾಗೂ ಅವರ ಪರ ನಿಂತಿರುವ ದರ್ಶನ್ ಮತ್ತು ಯಶ್ ವಿರುದ್ಧವೂ ಮಾತನಾಡುತ್ತಿದ್ದಾರೆ.
ಇದರಿಂದ ನಟರ ಫ್ಯಾನ್ಸ್ ಫುಲ್ ಗರಂ ಆಗಿದ್ದಾರೆ. ‘ಜೋಡೆತ್ತುಗಳಲ್ಲ ಕಳ್ಳ ಎತ್ತುಗಳು’ ಎಂಬ ಸಿಎಂ ಹೇಳಿಕೆ ಟೀಕೆಗೆ ಗುರಿಯಾಗಿದೆ. ಅಷ್ಟೇ ಅಲ್ಲದೆ ಸಿಎಂ ವಿರುದ್ಧದ ಆಕ್ರೋಶಕ್ಕೂ ಕಾರಣವಾಗಿದೆ. ದರ್ಶನ್ ಫ್ಯಾನ್ಸ್ ಅಂತೂ ಕೆಂಡಾಮಂಡಲವಾಗಿದ್ದಾರೆ. ಸಿಎಂ ಅವರ ಹೇಳಿಕೆಗೆ ಕೋಪಗೊಂಡಿರುವ ದರ್ಶನ್ ಅಭಿಮಾನಿಗಳು, ‘ಮಂಡ್ಯದಲ್ಲಿ ಮಾತ್ರವಲ್ಲ ಇಡೀ ರಾಜ್ಯದಲ್ಲಿ ಎಲ್ಲಿಯೂ ಕೂಡ ಜೆಡಿಎಸ್​ಗೆ ಮತ ಹಾಕಬಾರದು’ ಎಂದು ದರ್ಶನ್ ಫ್ಯಾನ್ಸ್ ಡಿಸೈಡ್ ಮಾಡಿದ್ದಾರೆ. ಯಾರೂ ಕೂಡ ಎಲ್ಲಿಯೂ ಜೆಡಿಎಸ್​ಗೆ ಮತ ಹಾಕ್ಬೇಡಿ ಅಂತ ಸೋಶಿಯಲ್ ಮೀಡಿಯಾದಲ್ಲಿ ಅಭಿಯಾನದ ಮೂಲಕ ಮನವಿ ಮಾಡ್ತಿದ್ದಾರೆ ಡಿ.ಬಾಸ್ ಫ್ಯಾನ್ಸ್​..!

ಬಿಎಸ್​ವೈ ಭೇಟಿ ಮಾಡಿದ ಸುಮಲತಾ

0

ಬೆಂಗಳೂರು : ಮಂಡ್ಯ ‘ಲೋಕ’ ಕಣದ ಪಕ್ಷೇತರ ಅಭ್ಯರ್ಥಿ ಸುಮಲತಾ ಅವರು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್​ ಯಡಿಯೂರಪ್ಪ ಅವರನ್ನು ಭೇಟಿ ಮಾಡಿದ್ದಾರೆ.
ಡಾಲರ್ಸ್ ಕಾಲೋನಿಯಲ್ಲಿರುವ ಬಿ.ಎಸ್​ ಯಡಿಯೂರಪ್ಪ ಅವರ ಮನೆಗೆ ಭೇಟಿ ನೀಡಿದ ಸುಮಲತಾ, ತಮಗೆ ಬೆಂಬಲ ನೀಡಲು ಮುಂದಾಗಿರುವುದಕ್ಕೆ ಬಿಎಸ್​ವೈಗೆ ಕೃತಜ್ಞತೆಸಲ್ಲಿಸಿದ್ರು.
ಜೆಡಿಎಸ್​ ಅಭ್ಯರ್ಥಿ (ಮೈತ್ರಿ ಅಭ್ಯರ್ಥಿ) ನಿಖಿಲ್ ಕುಮಾರಸ್ವಾಮಿ ಅವರ ವಿರುದ್ಧ ಪಕ್ಷೇತರ ಅಭ್ಯರ್ಥಿಯಾಗಿ ಸುಮಲತಾ ಅಂಬರೀಶ್ ಕಣಕ್ಕಿಳಿದಿದ್ದಾರೆ. ಬಿಜೆಪಿ ತನ್ನ ಅಭ್ಯರ್ಥಿಯನ್ನು ಕಣಕ್ಕಿಳಿಸದೇ ಸುಮಲತಾ ಅವರಿಗೆ ಬೆಂಬಲ ಘೋಷಿಸಿದೆ. ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್​ ಯಡಿಯೂರಪ್ಪ ಅವರು ಸುಮಲತಾಗೆ ಬೆಂಬಲ ನೀಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಸುಮಲತಾ ಅವರ ಔಪಚಾರಿಕ ಭೇಟಿ ಮಾಡಿದ್ದಾರೆ.

ಬೆಂಗಳೂರು ದಕ್ಷಿಣದಿಂದ ಬಿ.ಕೆ ಹರಿಪ್ರಸಾದ್ ಕಣಕ್ಕೆ..! ಧಾರವಾಡಕ್ಕೆ ಮಾತ್ರ ‘ಕೈ’ಗೆ ಸಿಕ್ಕಿಲ್ವಾ ಕ್ಯಾಂಡಿಡೇಟ್?

0

ಕಾಂಗ್ರೆಸ್​ ಬೆಂಗಳೂರು ದಕ್ಷಿಣಕ್ಕೂ ತನ್ನ ಅಭ್ಯರ್ಥಿಯನ್ನು ಘೋಷಿಸಿದೆ. ರಾಜ್ಯಸಭಾ ಸದಸ್ಯ ಬಿ.ಕೆ ಹರಿಪ್ರಸಾದ್ ಅವರ ಹೆಸರನ್ನು ‘ಕೈ’ ಪಡೆ ಅಂತಿಮಗೊಳಿಸಿದೆ.
ಬಿಜೆಪಿಯಿಂದ ಪ್ರಧಾನಿ ನರೇಂದ್ರ ಮೋದಿ ಅವರು ಕಣಕ್ಕಿಳಿಯುವ ಸಾದ್ಯತೆ ಇರೋದ್ರಿಂದ ಬಿಜೆಪಿ ಅಭ್ಯರ್ಥಿ ಘೋಷಣೆ ಬಳಿಕ ಕಾಂಗ್ರೆಸ್​ ತನ್ನ ಕ್ಯಾಂಡಿಡೇಟ್ ಅನ್ನು ಫೈನಲ್ ಮಾಡುತ್ತೆ ಎಂದು ಹೇಳಲಾಗಿತ್ತು. ಒಂದು ವೇಳೆ ಮೋದಿ ಸ್ಪರ್ಧಿಸಿದ್ರೆ ಟ್ರಬಲ್ ಶೂಟರ್ ಡಿ.ಕೆ ಶಿವಕುಮಾರ್ ಅವರನ್ನು ಕಣಕ್ಕಿಳಿಸಲು ಕಾಂಗ್ರೆಸ್​ ಪ್ಲಾನ್ ಮಾಡಿದೆ ಅನ್ನೋ ಮಾತು ಕೇಳಿಬಂದಿತ್ತು. ಆದರೆ, ಇದೀಗ ಕಾಂಗ್ರೆಸ್​ ತನ್ನ ಅಭ್ಯರ್ಥಿಯನ್ನಾಗಿ ಬಿ.ಕೆ ಹರಿಪ್ರಸಾದ್ ಅವರನ್ನು ಕಣಕ್ಕಿಳಿಸಿದೆ.
ಬಿಜೆಪಿ ಬೆಂಗಳೂರು ದಕ್ಷಿಣದಿಂದ ತನ್ನ ಅಭ್ಯರ್ಥಿಯನ್ನ ಘೋಷಿಸಿಲ್ಲ.. ಬಿಜೆಪಿಗೂ ಮುನ್ನವೇ ಕಾಂಗ್ರೆಸ್​ ತನ್ನ ಅಭ್ಯರ್ಥಿಯನ್ನ ಘೋಷಿಸಿದ್ದು, ಒಟ್ಟು ಇಲ್ಲಿಯ ವರೆಗೆ 19 ಕ್ಷೇತ್ರಗಳಿಗೆ ಅಭ್ಯರ್ಥಿಗಳನ್ನ ಕಾಂಗ್ರೆಸ್​​ ಫೈನಲ್ ಮಾಡಿದೆ. ಇನ್ನು ಧಾರವಾಡಕ್ಕೆ ಮಾತ್ರ ಕಾಂಗ್ರೆಸ್​ ಅಭ್ಯರ್ಥಿಯನ್ನ ಅಂತಿಮಗೊಳಿಸಿಲ್ಲ. ಈ ಕ್ಷೇತ್ರಕ್ಕೆ ಮಾತ್ರ ಕಾಂಗ್ರೆಸ್​ಗೆ ಕ್ಯಾಂಡಿಡೇಟ್ ಸಿಕ್ಕಿಲ್ವಾ..?

ರಾಜ್ಯ ಕಾಂಗ್ರೆಸ್​ನ ಅಭ್ಯರ್ಥಿಗಳ ಪಟ್ಟಿ
ಚಿಕ್ಕಬಳ್ಳಾಪುರ – ವೀರಪ್ಪ ಮೊಯ್ಲಿ
ಕೋಲಾರ – ಕೆ.ಎಚ್​. ಮುನಿಯಪ್ಪ
ರಾಯಚೂರು – ಬಿ.ವಿ. ನಾಯ್ಕ್​​
ಬೆಂಗಳೂರು ಕೇಂದ್ರ – ರಿಜ್ವಾನ್ ಅರ್ಷದ್
ಬಾಗಲಕೋಟೆ – ವೀಣಾ ಕಾಶಪ್ಪನವರ್​
ಬೀದರ್ – ಈಶ್ವರ್ ಖಂಡ್ರೆ
ಕಲಬುರಗಿ – ಮಲ್ಲಿಕಾರ್ಜುನ್ ಖರ್ಗೆ
ಬೆಂಗಳೂರು ಗ್ರಾಮಾಂತರ – ಡಿ.ಕೆ. ಸುರೇಶ್
ಚಾಮರಾಜ ನಗರ – ಧ್ರುವ ನಾರಾಯಣ್​​
ಬಳ್ಳಾರಿ – ವಿ.ಎಸ್​. ಉಗ್ರಪ್ಪ
ಚಿಕ್ಕೋಡಿ – ಪ್ರಕಾಶ್ ಹುಕ್ಕೇರಿ
ಮೈಸೂರು – ಕೊಡಗು – ವಿಜಯ್ ಶಂಕರ್​
ಚಿತ್ರದುರ್ಗ – ಬಿ.ಎನ್​​. ಚಂದ್ರಪ್ಪ
ಬೆಳಗಾವಿ – ವಿರುಪಾಕ್ಷಿ ಎಸ್​. ಸಾಧುನ್ನವರ್​​​
ದಾವಣಗೆರೆ – ಶಾಮನೂರು ಶಿವಶಂಕರಪ್ಪ
ದಕ್ಷಿಣ ಕನ್ನಡ – ಮಿಥುನ್​​​ ರೈ​​
ಕೊಪ್ಪಳ – ರಾಜಶೇಖರ್​ ಹಿಟ್ನಾಳ್​​
ಹಾವೇರಿ- ಡಿ.ಆರ್​​. ಪಾಟೀಲ್​​​​​​

ಬೆಂಗಳೂರು ದಕ್ಷಿಣ – ಬಿ.ಕೆ ಹರಿಪ್ರಸಾದ್

ಪಟ್ಟಿ ಬಿಡುಗಡೆಗೆ ಬಾಕಿ ಇರುವ ಕ್ಷೇತ್ರಗಳು
ಧಾರವಾಡ

ಸುಮಲತಾ ಕರೆದ್ರೂ ಪ್ರಚಾರಕ್ಕೆ ಹೋಗಲ್ಲ ಅಂದ್ರು ಶಿವಣ್ಣ..!

0

ಮೈಸೂರು : ಮಂಡ್ಯ ಲೋಕಸಭಾ ರಣಕಣ ಸ್ಟಾರ್​​ವಾರ್​ಗೆ ವೇದಿಕೆ ಆಗಿರೋದು ಗೊತ್ತೇ ಇದೆ. ಪಕ್ಷೇತರ ಅಭ್ಯರ್ಥಿ ಸುಮಲತಾ ಅವರ ಪರವಾಗಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತು ರಾಕಿಂಗ್​ ಸ್ಟಾರ್​ ಯಶ್​ ನಿಂತಿದ್ದಾರೆ. ಹೀಗಾಗಿ ಮತ್ಯಾವೆಲ್ಲಾ ನಟರು ಸುಮಲತಾ ಪರ ಪ್ರಚಾರಕ್ಕೆ ಬರ್ತಾರೆ ಅನ್ನೋ ಕುತೂಹಲ ಎಲ್ಲರದ್ದು. ಹಾಗೆಯೇ ಮೈತ್ರಿ ಅಭ್ಯರ್ಥಿ ನಿಖಿಲ್ ಕುಮಾರಸ್ವಾಮಿ ಅವರು ಕೂಡ ಸಿನಿಮಾ ರಂಗದಲ್ಲಿ ಇರುವುದರಿಂದ ಅವರ ಪರ ಯಾವ ಸ್ಟಾರ್ ನಟರು ಬರುವರು ಅನ್ನೋದು ಸಹ ಕುತೂಹಲ.
ಈ ಪ್ರಶ್ನೆ ಕರುನಾಡ ಚಕ್ರವರ್ತಿ, ಹ್ಯಾಟ್ರಿಕ್ ಹೀರೋ ಶಿವರಾಜ್​ಕುಮಾರ್ ಅವರಿಗೂ ಎದುರಾಯ್ತು. ಸುಮಲತಾ ಪರ ಪ್ರಚಾರಕ್ಕೆ ಹೋಗ್ತೀರಾ ಅನ್ನೋ ಪ್ರಶ್ನೆಗೆ ಶಿವಣ್ಣ ಅವರದ್ದು ನೇರ ಉತ್ತರ, ‘ಇಲ್ಲ ನಾನು ಪ್ರಚಾರ ಮಾಡಲ್ಲ’..!
ಹೌದು ಶಿವಣ್ಣ ಸುಮಲತಾ ಪರ ಪ್ರಚಾರ ಮಾಡುವುದಿಲ್ಲ ಅಂದಿದ್ದಾರೆ. ಮೈಸೂರಿನಲ್ಲಿ ಮಾತನಾಡಿದ ಅವರು, ‘ಸುಮಲತಾ ನನ್ನ ಬಳಿ ಬೆಂಬಲಿಸಿ ಎಂದು ಕೇಳಿದರು ಹೋಗಲ್ಲ. ರಾಜಕೀಯಕ್ಕೆ ಹೋಗಲು ತುಂಬಾ ಬುದ್ಧಿ ಬೇಕು. ನಾನು ಅಷ್ಟು ಬುದ್ಧಿವಂತ ಅಲ್ಲ. ಶಿವಮೊಗ್ಗಕ್ಕೂ ನಾನು ಪ್ರಚಾರಕ್ಕೆ ಹೋಗುವುದಿಲ್ಲ’ ಅಂತ ಹೇಳಿದ್ದಾರೆ. ಶಿವಮೊಗ್ಗದಲ್ಲಿ ಶಿವಣ್ಣ ಅವರ ಸಂಬಂಧಿ ಮಧುಬಂಗಾರಪ್ಪ ಅವರು ರಣಕಣದಲ್ಲಿದ್ದಾರೆ.

ಗ್ರೌಂಡ್​ ರಿಪೋರ್ಟ್ : ಮೊಯ್ಲಿ ಕೋಟೆಯಲ್ಲಿ ಬಚ್ಚೇಗೌಡ ಅರಳಿಸ್ತಾರಾ ಕಮಲ?

0

ಗ್ರೌಂಡ್​ ರಿಪೋರ್ಟ್ – 2 : ಚಿಕ್ಕಬಳ್ಳಾಪುರ ಲೋಕಸಭಾ ಕ್ಷೇತ್ರ

ಚಿಕ್ಕಬಳ್ಳಾಪುರ : ಮಾಜಿ ಮುಖ್ಯಮಂತ್ರಿ ವೀರಪ್ಪ ಮೊಯ್ಲಿ ಅವರ ಕೋಟೆ ಚಿಕ್ಕಬಳ್ಳಾಪುರ. ಕಳೆದ ಎರಡು ಅವಧಿಯಲ್ಲಿ ಗೆಲುವಿನ ನಗೆ ಬೀರಿ ಸಂಸತ್ ಪ್ರವೇಶಿಸಿದ್ದಾರೆ. ಮೂರನೇ ಗೆಲುವನ್ನು ಎದುರು ನೋಡುತ್ತಿರುವ ಮೊಯ್ಲಿಯವರಿಗೆ ಈ ಬಾರಿ ‘ಮೈತ್ರಿ’ ಬಲವಿದೆ. ದೋಸ್ತಿ ಕೋಟೆಯಲ್ಲಿ ಬಿಜೆಪಿ ರಣಕಲಿ ಬಿ.ಎನ್ ಬಚ್ಚೇಗೌಡರು ಕಮಲ ಅರಳಿಸೋಕೆ ರೆಡಿಯಾಗಿದ್ದಾರೆ. ಮೊಯ್ಲಿ – ಬಚ್ಚೇಗೌಡರ ನಡುವಿನ ಜಿದ್ದಾಜಿದ್ದಿನ ಸ್ಪರ್ಧೆಗೆ ವೇದಿಕೆ ಆಗಿರೋ ಚಿಕ್ಕಬಳ್ಳಾಪುರದ ಗ್ರೌಂಡ್ ರಿಪೋರ್ಟ್ ಇಲ್ಲಿದೆ.
8 ವಿಧಾನಸಭಾ ಕ್ಷೇತ್ರಗಳನ್ನು ಒಳಗೊಂಡ ಲೋಕಸಭಾ ಕ್ಷೇತ್ರ ಚಿಕ್ಕಬಳ್ಳಾಪುರ. 8 ಎಂಎಲ್​ಎಗಳಲ್ಲಿ 5 ಮಂದಿ ಕಾಂಗ್ರೆಸ್​ವರು, ಇಬ್ಬರು ಜೆಡಿಎಸ್​ನವರು ಒಬ್ಬರು ಮಾತ್ರ ಬಿಜೆಪಿ ಎಂಎಲ್​ಎ. ಅಂದರೆ ಸದ್ಯ ಒಟ್ಟು 7 ಕ್ಷೇತ್ರಗಳು ಮೈತ್ರಿ ಕೈಯಲ್ಲಿದೆ. ಹೀಗಾಗಿ ಮೊಯ್ಲಿ ಅವರಿಗೆ ಬಲ ಸಿಕ್ಕಂತಾಗಿದೆ.
ಅಸೆಂಬ್ಲಿ ಕ್ಷೇತ್ರಗಳು ಮತ್ತು ಶಾಸಕರು 
ಗೌರಿಬಿದನೂರು – ಕಾಂಗ್ರೆಸ್ (ಎನ್.ಎಚ್.ಶಿವಶಂಕರ ರೆಡ್ಡಿ, ಕೃಷಿ ಸಚಿವ)
ಬಾಗೇಪಲ್ಲಿ- ಕಾಂಗ್ರೆಸ್ (ಸುಬ್ಬಾರೆಡ್ಡಿ , ನಿಗಮ ಮಂಡಳಿ ಅಧ್ಯಕ್ಷ)
ಚಿಕ್ಕಬಳ್ಳಾಪುರ- ಕಾಂಗ್ರೆಸ್ (ಕೆ. ಸುಧಾಕರ್)
ಹೊಸಕೋಟೆ -ಕಾಂಗ್ರೆಸ್ (ಎಂಟಿಬಿ ನಾಗರಾಜ್ / ವಸತಿಸಚಿವ)
ದೊಡ್ಡಬಳ್ಳಾಪುರ – ಕಾಂಗ್ರೆಸ್ (ವೆಂಕಟರಾಮಯ್ಯ /ನಿಗಮ ಮಂಡಳಿ)
ದೇವನಹಳ್ಳಿ (ಎಸ್ಸಿ) – ಜೆಡಿಎಸ್ (ನಿಸರ್ಗ ನಾರಾಯಣಸ್ವಾಮಿ)
ನೆಲಮಂಗಲ (ಎಸ್ಸಿ) -ಜೆಡಿಎಸ್ (ಡಾ. ಶ್ರೀನಿವಾಸಮೂರ್ತಿ)
ಯಲಹಂಕ ಬಿಜೆಪಿ – (ಎಸ್.ಆರ್.ವಿಶ್ವನಾಥ್)

ಖಾತೆ ತೆರೆಯದ ಬಿಜೆಪಿ
ಇದುವರೆಗೆ ನಡೆದ ಚಿಕ್ಕಬಳ್ಳಾಪುರ ಕ್ಷೇತ್ರದ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್​ 10 ಬಾರಿ, ಜನತಾದಳ 1 ಬಾರಿ ಜಯ ಸಾಧಿಸಿದ್ದು, ಬಿಜೆಪಿ ಖಾತೆ ತೆರೆದೇ ಇಲ್ಲ..!
1977 : ಎಂ.ವಿ ಕೃಷ್ಣಪ್ಪ, ಕಾಂಗ್ರೆಸ್
1980 : ಎಸ್​.ಎನ್​ ಪ್ರಸನ್ನಕುಮಾರ್, ಕಾಂಗ್ರೆಸ್​
1984, 1989, 1991 : ವಿ.ಕೃಷ್ಣ ರಾವ್​, ಕಾಂಗ್ರೆಸ್​
1996 : ಆರ್​.ಎಲ್ ಜಲಪ್ಪ, ಜನತಾ ದಳ
1998, 1999, 2004 : ಆರ್​.ಎಲ್ ಜಲಪ್ಪ, ಕಾಂಗ್ರೆಸ್​
2009, 2014 : ವೀರಪ್ಪ ಮೊಯ್ಲಿ, ಕಾಂಗ್ರೆಸ್​
ಇನ್ನು 1952-66ರಲ್ಲಿ ಕ್ಷೇತ್ರವಿರಲಿಲ್ಲ. 1977ರ ಮೊದಲು ಚಿಕ್ಕಬಳ್ಳಾಪುರ ಕ್ಷೇತ್ರದ ಬದಲು ಮಧುಗಿರಿ ಕ್ಷೇತ್ರವಿತ್ತು. 1967ರಿಂದ 77ರವರೆಗೆ ಮಧುಗಿರಿ ಕ್ಷೇತ್ರವಾಗಿತ್ತು. ಆ ವೇಳೆ 1967ರಲ್ಲಿ ಮಾಲಿ ಮರಿಯಪ್ಪ (ಕಾಂಗ್ರೆಸ್), 1967 ಸುಧಾ ವಿ. ರೆಡ್ಡಿ (ಕಾಂಗ್ರೆಸ್), 1971ರಲ್ಲಿ ಕೆ.ಮಲ್ಲಣ್ಣ (ಕಾಂಗ್ರೆಸ್​) ಮಧುಗಿರಿ ಕ್ಷೇತ್ರದಿಂದ ಸಂಸತ್ತಿಗೆ ಆಯ್ಕೆಯಾಗಿದ್ದರು.

2014 ರಲ್ಲಿ ಬಲಾಬಲ : ಕಳೆದ ಲೋಕಸಭಾ ಚುನಾವಣೆಯಲ್ಲಿ ವೀರಪ್ಪ ಮೊಯ್ಲಿಯವರು ಬಿಜೆಪಿಯ ಬಿ.ಎನ್ ಬಚ್ಚೇಗೌಡರ ವಿರುದ್ಧ 9,520 ಮತಗಳ ಅಂತರದ ಗೆಲುವು ದಾಖಲಿಸಿದ್ದರು. ಎಂ. ವೀರಪ್ಪ ಮೊಯ್ಲಿ (ಕಾಂಗ್ರೆಸ್) 4,24,800 ಮತಗಳನ್ನು, ಬಿ.ಎನ್.ಬಚ್ಚೇಗೌಡ (ಬಿಜೆಪಿ) 4,15,280 ಮತಗಳನ್ನು, ಹೆಚ್.ಡಿ.ಕುಮಾರಸ್ವಾಮಿ (ಜೆಡಿಎಸ್ 3,46,339) ಮತಗಳನ್ನು ಪಡೆದಿದ್ದರು.

‘ಮತ’ಗಣಿತ
ಪುರುಷರು 9,02,487
ಮಹಿಳೆಯರು 8,87,921
ಒಟ್ಟು 17,90,408

‘ಜಾತಿ’ಗಣಿತ
ಎಸ್ಸಿ/ಎಸ್ಟಿ 3,30,000
ಒಕ್ಕಲಿಗರು 3,00,000
ಕುರುಬರು 2,30,000
ಬಲಜಿಗರು 1,65,000
ಮುಸ್ಲಿಂ 1,50,000
ಗೊಲ್ಲರು 90,000
ಇತರರು 5,26,000 ( ಗಾಣಿಗ, ದೇವಾಂಗ, ಲಿಂಗಾಯತ, ಈಡಿಗರು, ಸವಿತಾ ಸಮಾಜ, ರೆಡ್ಡಿ)

ಚಿಕ್ಕಬಳ್ಳಾಪುರ ಕದನ ಕಲಿಗಳ ಬಲಾಬಲ

ವೀರಪ್ಪ ಮೊಯ್ಲಿಗೆ ಪೂರಕ ಅಂಶಗಳು
ಮಾಜಿ ಸಿಎಂ, ಮಾಜಿ ಕೇಂದ್ರ ಸಚಿವರಾಗಿ ‘ಕೈ’ಕಮಾಂಡ್ ನಿಕಟ ಸಂಪರ್ಕ
ಕಳೆದ ಎರಡು ಲೋಕಸಭಾ ಚುನಾವಣೆಯಲ್ಲಿ ಗೆದ್ದಿರುವ ಆತ್ಮವಿಶ್ವಾಸ
ಸಂಸದರ ಅನುದಾನ ಬಳಕೆ ಮಾಡಿಕೊಂಡು ಹಲವು ಅಭಿವೃದ್ಧಿ ಕಾರ್ಯ
ದೋಸ್ತಿ ಪಕ್ಷಗಳ ಒಮ್ಮತದ ಅಭ್ಯರ್ಥಿ ಆಗಿರುವುದು ಅನುಕೂಲಕರ
ಲೋಕ ವ್ಯಾಪ್ತಿಯಲ್ಲಿ ಇಬ್ಬರು ಸಚಿವರು ಸೇರಿ 7 ಶಾಸಕರ ಬೆಂಬಲ (5 ಕಾಂಗ್ರೆಸ್ / 2 ಜೆಡಿಎಸ್ ಶಾಸಕ)

ವೀರಪ್ಪ ಮೊಯ್ಲಿಗೆ ಇರುವ ಆತಂಕಗಳು

ಕಳೆದೆರಡು ಅವಧಿಯಲ್ಲಿ ಗೆದ್ರೂ ರೈತರಿಗೆ ಸ್ಪಂದಿಸಿಲ್ಲ ಎನ್ನುವ ಆರೋಪ
ಎತ್ತಿನಹೊಳೆ ನೀರುವ ತರುವ ಭರವಸೆಯಲ್ಲಿ ಸಂಪೂರ್ಣ ವೈಫಲ್ಯ
2 ವರ್ಷಗಳಲ್ಲೇ ನೀರು ಹರಿಸುವ ಭರವಸೆ ಈಡೇರಿಸುವಲ್ಲಿ ವಿಫಲರಾಗಿದ್ದು
ಪ್ರಸಕ್ತ ಅವಧಿಯಲ್ಲಿ ಕ್ಷೇತ್ರಕ್ಕೆ ಬಾರದೇ ನಿರ್ಲಕ್ಷ್ಯ ತೋರಿರುವ ಆರೋಪ
ಜಾತಿ ಸಮೀಕರಣ ವೀರಪ್ಪ ಮೊಯ್ಲಿ ಪರವಾಗಿ ಇಲ್ಲದಿರುವುದು
ಕಳೆದ ಬಾರಿ ಹೆಚ್ಡಿಕೆ ಸ್ಪರ್ಧೆ ಮೊಯ್ಲಿ ಗೆಲುವಿಗೆ ಪರೋಕ್ಷ ಕಾರಣವಾಗಿದ್ದು
ಕ್ಷೇತ್ರದಲ್ಲಿ ಹೊರಗಿನ ಅಭ್ಯರ್ಥಿ ಎನ್ನುವ ಅಭಿಪ್ರಾಯ ದಟ್ಟ ಆಗ್ತಿರುವುದು

ಬಚ್ಚೇಗೌಡಗೆ ಪೂರಕ ಅಂಶಗಳೇನು?

ಕಳೆದ ಅವಧಿಯಲ್ಲಿ ಅತೀ ಕಡಿಮೆ ಅಂತರದಲ್ಲಿ ಸೋತಿರುವ ಅನುಕಂಪ
ಜಾತಿ ಸಮೀಕರಣದಲ್ಲಿ ಬಚ್ಚೇಗೌಡರು ಹೆಚ್ಚು ಮತ ಗಳಿಸುವ ನಿರೀಕ್ಷೆ
ಸ್ಥಳೀಯರಾಗಿ ಎಲ್ಲರ ಜೊತೆ ಸಂಪರ್ಕ ಚೆನ್ನಾಗಿರುವುದು ಪ್ಲಸ್ ಪಾಯಿಂಟ್
5 ಬಾರಿ ಶಾಸಕರಾಗಿ, ಸಚಿವರಾಗಿ ಕೆಲಸ ನಿರ್ವಹಿಸಿದ ಅನುಭವ
ನರೇಂದ್ರ ಮೋದಿ ಪ್ರಭಾವದಲ್ಲಿ ಬಿಜೆಪಿ ಪರ ಅಲೆ ಇರುವುದು

ಬಚ್ಚೇಗೌಡಗೆ ಇರುವ ಆತಂಕಗಳೇನು?
ಬಚ್ಚೇಗೌಡ, ಇವರ ಕುಟುಂಬದ ಮೇಲೆ ಹತ್ತಾರು ಆರೋಪಗಳು ಇರುವುದು
ಮಿನಿ ಬಿಹಾರ್ನಂತೆ ಹೊಸಕೋಟೆಯಲ್ಲಿ ತಮ್ಮದೇ ಸಾಮ್ರಾಜ್ಯ ಸ್ಥಾಪಿಸಿದ ಆರೋಪ
ಲೋಕಸಭಾ ವ್ಯಾಪ್ತಿಯಲ್ಲಿ ಬಿಜೆಪಿಗೆ ಹೆಚ್ಚಿನ ನೆಲೆ ಇಲ್ಲದಿರುವುದು
8 ವಿಧಾನಸಭಾ ಕ್ಷೇತ್ರಗಳ ಪೈಕಿ ಕೇವಲ ಓರ್ವ ಬಿಜೆಪಿ ಶಾಸಕ ಇರುವುದು
ಚುನಾವಣೆಯಲ್ಲಿ ಪ್ರಭಾವ ಬೀರುವ ಅಂಶಗಳು
ಬರಗಾಲ ಪೀಡಿತ ಪ್ರದೇಶದಲ್ಲಿ ಶಾಶ್ವತ ನೀರಾವರಿ ಯೋಜನೆ
ಎತ್ತಿನಹೊಳೆ ಯೋಜನೆ ಜಾರಿಯಾಗುತ್ತಾ? ನೀರು ಯಾವಾಗ ಬರುತ್ತೆ?
ಆಮೆ ಗತಿಯಲ್ಲಿ ಬೆಂಗಳೂರಿನ ಕೆರೆಗಳ ಕೊಳಚೆ ನೀರು ಶುದ್ಧೀಕರಿಸಿ ಹರಿಸುವ ಯೋಜನೆ
ಕ್ಷೇತ್ರದಲ್ಲಿ ಮೂಲಸೌಕರ್ಯಗಳ ಕೊರತೆ, ಕೃಷಿಕರು ಎದುರಿಸುತ್ತಿರುವ ಸಮಸ್ಯೆಗಳು
ಬೆಂಗಳೂರು ನಗರದ ಹೊರಭಾಗದ ಪ್ರದೇಶಗಳಲ್ಲಿ ಭೂಗಳ್ಳರ ಹಾವಳಿ

ಹಾಲಿ ಸಂಸದ ವೀರಪ್ಪ ಮೊಯ್ಲಿಯವರು ಕ್ಷೇತ್ರಕ್ಕೆ ನೀಡಿದ ಕೊಡುಗೆ

ಹೆಬ್ಬಾಳ, ನಾಗವಾರ ಕೆರೆ ಕೊಳಚೆ ನೀರು ಶುದ್ಧೀಕರಿಸಿ ಹರಿಸುವ ಕಾಮಗಾರಿ
ಸೆಂಟರ್ ಫಾರ್ ಟ್ರೇನಿಂಗ್ ಮಾಸ್ಟರ್ ಟ್ರೇನರ್ ಇನ್ ಸ್ಕಿಲ್ ಡೆವಲಪ್ಮೆಂಟ್ ಸ್ಥಾಪನೆ
(ವಿಶ್ವೇಶ್ವರಯ್ಯ ಹುಟ್ಟೂರು ಮುದ್ದೇನಹಳ್ಳಿಯಲ್ಲಿ)
ಹೊಸಕೋಟೆಯಲ್ಲಿ 150 ಎಕರೆ ಪ್ರದೇಶದಲ್ಲಿ ಡಿ.ವಿ.ಗುಂಡಪ್ಪ ವಿವಿ ಸ್ಥಾಪನೆ
ದೇವನಹಳ್ಳಿಯಲ್ಲಿ ಹಾರ್ಡ್ವೇರ್ ಪಾರ್ಕ್ ಸ್ಥಾಪನೆ
ಹೊಸಕೋಟೆಯಲ್ಲಿ ಹೆಚ್ಪಿಸಿಎಲ್ ಸಂಸ್ಥೆಯ ಸಂಶೋಧನಾ ಮತ್ತು ಅಭಿವೃದ್ಧಿ ಕೇಂದ್ರ
ಕಿಸಾನ್ ಸಭಾ ಟ್ರಸ್ಟ್ ವತಿಯಿಂದ ಬಡಮಕ್ಕಳಿಗೆ ಉಚಿತ ವಸತಿ ಪ್ರೌಢ ಶಾಲೆ
600 ಹಾಸಿಗೆಗಳ ಹೈಟೆಕ್ ಆಸ್ಪತ್ರೆ ನಿರ್ಮಾಣಕ್ಕೆ ಕೇಂದ್ರದಿಂದ 100 ಕೋಟಿ ಒದಗಿಸಿದ್ದು

ಚಿಕ್ಕಬಳ್ಳಾಪುರ ಕ್ಷೇತ್ರ ವಿಶೇಷ

ಕೆಆರ್​ಎಸ್​ ಡ್ಯಾಮ್ ಹರಿಕಾರರಾದ ಎಂ.ವಿಶ್ವೇಶ್ವರಯ್ಯ ಇದೇ ಜಿಲ್ಲೆಯ ಮುದ್ದೇನಹಳ್ಳಿಯವರು
ಬೆಂಗಳೂರಿಗರ ಫೇವರಿಟ್ ಸ್ಪಾಟ್ ನಂದಿ ಹಿಲ್ಸ್ ಈ ಕ್ಷೇತ್ರ ವ್ಯಾಪ್ತಿಯಲ್ಲಿದೆ
ಗೊಲ್ಲಹಳ್ಳಿಯ ವೀರಾಂಜನೇಯ ಸ್ವಾಮಿ ದೇವಸ್ಥಾನ ಸಖತ್ ಫೇಮಸ್
ಮಿನಿ ಜಲಿಯನ್ ವಾಲಾಬಾಗ್ ಎಂದೇ ಹೆಸರಾದ ವಿದುರಾಶ್ವತ್ಥ ದೇವಸ್ಥಾನ
ಚಿಕ್ಕಬಳ್ಳಾಪುರ ಸಮೀಪದ ಶ್ರೀ ಸತ್ಯ ಸಾಯಿ ಬಾಬಾ ಸ್ಕೂಲ್, ಯುನಿವರ್ಸಿಟಿ

ಸಿನಿಮಾ ರೀತಿ ಡ್ರಾಮಾ ಬಹಳ ದಿನ ನಡೆಯಲ್ಲ : ದರ್ಶನ್​ ವಿರುದ್ಧ ಸಿಎಂ ಗರಂ..!

0

ಮಂಡ್ಯ : ಸಿನಿಮಾ ರೀತಿ ಡ್ರಾಮಾ ಬಹಳ ದಿನ ನಡೆಯಲ್ಲ ಅಂತ ಮುಖ್ಯಮಂತ್ರಿ ಹೆಚ್​.ಡಿ ಕುಮಾರಸ್ವಾಮಿ ಅವರು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
ದರ್ಶನ್ ಅವರ ಮನೆ ಮೇಲೆ ನಡೆದ ಕಲ್ಲುತೂರಾಟದ ಬಗ್ಗೆ ಪ್ರತಿಕ್ರಿಯೆ ನೀಡಿದ ಅವರು, ರಾತ್ರಿ 3 ಗಂಟೆಗೆ ಯಾರಾದ್ರು ಕಲ್ಲು ತೂರ್ತಾರಾ? ಅಧಿಕಾರಿಗಳಿಗೆ ಭದ್ರತೆ ಕೊಡಿ ಅಂತ ಅಂದೆ. ಸಿಸಿಟಿವಿ ದೃಶ್ಯ ಪರಿಶೀಲಿಸಲು ಹೇಳಿದ್ದೆ. ಆದರೆ ದರ್ಶನ್​ ಅವರ ಮನೆ ಹತ್ತಿರದ ಸಿಸಿಟಿವಿ ಕ್ಯಾಮರ ಆಫ್ ಆಗಿವೆ. ಆ ಕ್ಯಾಮರಾಗಳು ಯಾಕೆ ಆಫ್ ಆದವು? ಕೆ.ಆರ್.ಪೇಟೆಯಲ್ಲಿ ಯಾರ ಕಾರಿಗೆ ಯಾರು ಕಲ್ಲು ತೂರಿದ್ದಾರೆ‌ ಎಂದು ಪ್ರಶ್ನಿಸಿದ್ರು.
ಸಿನಿಮಾ ರೀತಿ ಡ್ರಾಮಾ ಬಹಳ ದಿನ ಇರಲ್ಲ. ಸಿನಿಮಾದಲ್ಲಿ ಚಾಲೆಂಜಿಂಗ್ ಸ್ಟಾರ್ ಅಂತಾರೆ. ರಾಜ್ಯದ ಜನರಿಗೆ ರಕ್ಷಣೆ ಕೊಡೋದು ನನ್ನ ಕರ್ತವ್ಯ ಎಂದು ತಿರುಗೇಟು ನೀಡಿದ್ರು.

Popular posts