Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Thursday, February 27, 2020

ಮಾಜಿ ಚಾಂಪಿಯನ್​ಗಳ ಕದನದಲ್ಲಿ ಗೆಲುವು ಯಾರಿಗೆ?

0

ಇಂದು ವರ್ಲ್ಡ್ ಕಪ್ ಹಬ್ಬದ ಎರಡನೇ ದಿನ. ವೆಸ್ಟ್​ ಇಂಡೀಸ್ ಮತ್ತು ಪಾಕಿಸ್ತಾನ್ ಮುಖಾಮುಖಿಯಾಗಲಿವೆ. ಒಂದು ಕಾಲದಲ್ಲಿ ಕ್ರಿಕೆಟ್​ ಜಗತ್ತನ್ನು ಆಳಿದ್ದ ವೆಸ್ಟ್ ಇಂಡೀಸ್ ಮತ್ತೆ ತನ್ನ ಹಳೆಯ ವೈಭವನ್ನು ನೆನಪಿಸುವ ದಿಕ್ಕಿನಲ್ಲಿ ಹೆಜ್ಜೆ ಇಡುತ್ತಿದೆ. ಹಂತ ಹಂತವಾಗಿ ವೆಸ್ಟ್ ಇಂಡೀಸ್​ ಸೂಪರ್ ಕಮ್ ಬ್ಯಾಕ್ ಆಗುತ್ತಿದೆ. ವಿಶ್ವ ಕ್ರಿಕೆಟ್​ನ ದಿಗ್ಗಜ ತಂಡಗಳನ್ನು ಮಣಿಸಿ ಪ್ರಶಸ್ತಿಗೆ ಮುತ್ತಿಕ್ಕಬಲ್ಲ ತಾಕತ್ತು ವಿಂಡೀಸ್​ಗಿದೆ.
ಅಂತೆಯೇ ಪಾಕಿಸ್ತಾನ ಕೂಡ ವಿಶ್ವ ಕ್ರಿಕೆಟ್​ನಲ್ಲಿ ತನ್ನದೇಯಾದ ಛಾಪು ಮೂಡಿಸಿರೋ ಟೀಮ್. 12ನೇ ವಿಶ್ವಸಮರದ 2ನೇ ಪಂದ್ಯದಲ್ಲಿ ಈ ಎರಡು ತಂಡಗಳು ಮುಖಾಮುಖಿಯಾಗುತ್ತಿವೆ. ವೆಸ್ಟ್ ಇಂಡೀಸ್​ ಮತ್ತು ಪಾಕಿಸ್ತಾನ್ ನಡುವಿನ ಪಂದ್ಯಕ್ಕೆ ನಾಟಿಂಗ್ಯಾಮ್​ನ ಟ್ರೆಂಟ್​ ಬ್ರಿಡ್ಜ್​ ಸ್ಟೇಡಿಯಂ ಸನ್ನದ್ಧವಾಗಿದೆ.
ಸರ್ಫರಾಜ್ ಅಹ್ಮದ್ ನಾಯಕತ್ವದ ಪಾಕಿಸ್ತಾನ ಅಪ್ಘಾನಿಸ್ತಾನ ವಿರುದ್ಧದ ಮೊದಲ ಅಭ್ಯಾಸ ಪಂದ್ಯದಲ್ಲಿ 3 ವಿಕೆಟ್​ ಗಳಿಂದ ಸೋತು ನಿರಾಸೆ ಅನುಭವಿಸಿತ್ತು. ಎರಡನೇ ಬಾಂಗ್ಲ ವಿರುದ್ಧದ ಎರಡನೇ ಪಂದ್ಯ ಮಳೆಯಿಂದಾಗಿ ರದ್ದಾಗಿತ್ತು.
ಜೇಸನ್ ಹೋಲ್ಡರ್​ ನಾಯಕತ್ವದ ವೆಸ್ಟ್​ಇಂಡೀಸ್​ ತನ್ನ ಮೊದಲ ಪ್ರಾಕ್ಟಿಸ್​ ಮ್ಯಾಚ್​ನಲ್ಲಿ ಸೌತ್​ ಆಫ್ರಿಕಾವನ್ನು ಎದುರಿಸಿತು. ಮೊದಲು ಬ್ಯಾಟಿಂಗ್ ಮಾಡಿದ ಸೌತ್ ಆಫ್ರಿಕಾ 95 ರನ್​ ಗಳಿಸಿದ್ದಾಗ ವರುಣ ಆಟಕ್ಕೆ ಅಡ್ಡಿಪಡಿಸಿದ. ಬಳಿಕ ಪಂದ್ಯ ನಡೆಯಲೇ ಇಲ್ಲ. ಎರಡನೇ ಪ್ರಾಕ್ಟಿಸ್​ ಮ್ಯಾಚ್​ನಲ್ಲಿ ವಿಂಡೀಸ್​ ನ್ಯೂಜಿಲೆಂಡ್​ ಅನ್ನು ಎದುರಿಸಿತು. ಮೊದಲು ಬ್ಯಾಟಿಂಗ್ ಮಾಡಿದ ವಿಂಡೀಸ್​ 421ರನ್​ಗಳ ಬೃಹತ್ ಮೊತ್ತವನ್ನು ಪೇರಿಸಿತು. ನ್ಯೂಜಿಲೆಂಡ್​ 330ರನ್​ಗಳಿಸಲಷ್ಟೇ ಸಾದ್ಯವಾಗಿದ್ದರಿಂದ ವೆಸ್ಟ್ ಇಂಡೀಸ್​ 90ರನ್​ ಗಳ ಭರ್ಜರಿ ಜಯ ದಾಖಲಿಸಿ. ವರ್ಲ್ಡ್​​ಕಪ್ ಪಂದ್ಯಾವಳಿಗಳಿಗೆ ಆತ್ಮವಿಶ್ವಾಸ ಹೆಚ್ಚಿಸಿಕೊಂಡಿತು.
ಒಂದು ಕಡೆಯಿಂದ ಅಭ್ಯಾಸ ಪಂದ್ಯದಲ್ಲಿ ಸೋಲು ಪಾಕಿಸ್ತಾನದ ಆತ್ಮ ಬಲವನ್ನು ಕುಗ್ಗಿಸಿದ್ದರೆ, ಇನ್ನೊಂದುಕಡೆ ವೆಸ್ಟ್ಇಂಡೀಸ್​ ವಿರುದ್ಧ ಕೂಡ ಪಾಕ್​ನಿಂದ ಹೇಳಿಕೊಳ್ಳುವಂತ ಪ್ರದರ್ಶನ ಕಂಡು ಬಂದಿಲ್ಲ.
ವಿಶ್ವಕಪ್ ಇತಿಹಾಸದಲ್ಲಿ ವೆಸ್ಟ್ ಇಂಡೀಸ್ ಮತ್ತು ಪಾಕಿಸ್ತಾನ ಇದುವರೆಗೆ 10 ಬಾರಿ ಮುಖಾಮುಖಿಯಾಗಿವೆ. ಈ 10 ರಲ್ಲಿ 7 ಬಾರಿ ವೆಸ್ಟ್ ಇಂಡೀಸ್ ಗೆದ್ದಿದ್ದು, 3 ಬಾರಿ ಮಾತ್ರ ಪಾಕ್ ಜಯಿಸಿದೆ.
ಇನ್ನು ವಿಶ್ವಕಪ್ ಇತಿಹಾಸವನ್ನು ನೋಡಿದ್ರೆ, ವೆಸ್ಟ್ ಇಂಡೀಸ್​ ಎರಡು ಬಾರಿ ಹಾಗೂ ಪಾಕಿಸ್ತಾನ ಒಮ್ಮೆ ಚಾಂಪಿಯನ್ ಆಗಿದೆ. ವಿಶ್ವಕಪ್​ನ ಆರಂಭಿಕ ಎರಡು ಟೂರ್ನಿಗಳಲ್ಲಿ, ಅಂದ್ರೆ 1975 ಮತ್ತು 1979ರಲ್ಲಿ ವೆಸ್ಟ್​ ಇಂಡೀಸ್​ ಚಾಂಪಿಯ ಆಗಿ ಹೊರಹೊಮ್ಮಿತ್ತು. ಮೂರನೇ ಟೂರ್ನಿಯಲ್ಲಿ ಅಂದರೆ 1983ರಲ್ಲಿ ರನ್ನರ್​ ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟಿತ್ತು. ಆ ವರ್ಷ ಕಪಿಲ್ ದೇವ್​ ನೇತೃತ್ವದ ಭಾರತ ಪ್ರಶಸ್ತಿಗೆ ಮುತ್ತಿಕ್ಕಿತ್ತು.
ಪಾಕಿಸ್ತಾನ 1992ರಲ್ಲಿ ಚಾಂಪಿಯನ್ ಆಗಿತ್ತು. ಬಳಿಕ 1999ರಲ್ಲಿ ರನ್ನರ್ ಅಪ್ ಸ್ಥಾನ ಪಡೆದಿತ್ತು, ಅಷ್ಟು ಹೊರತು ಪಡಿಸಿದರೆ ಪಾಕ್​ನಿಂದ ಅಂಥಾ ಹೇಳಿಕೊಳ್ಳುವಂತಹ ಪ್ರದರ್ಶನ ಕಂಡು ಬಂದಿಲ್ಲ.
ಈ ಬಾರಿಯ ತಂಡಗಳ ಬಲಾ-ಬಲ ನೋಡುವುದಾದರೆ ಪಾಕಿಸ್ತಾನಕ್ಕೆ ನಾಯಕ ಸರ್ಫರಾಜ್ ಅಹ್ಮದ್, ಬಿ. ಅಜಮ್, ಎಫ್. ಜಮಾನ್, ಇಮ್ರಾನ್ ಉಲ್​-ಹಕ್ ಪ್ರಮುಖ ಬ್ಯಾಟಿಂಗ್ ಶಕ್ತಿಗಳಾಗಿದ್ದಾರೆ. ಮೊಹಮ್ಮದ್​ ಹಫೀಜ್ ಆಲ್​ರೌಂಡರ್ ಆಗಿ ತಂಡಕ್ಕೆ ನೆರವಾಗ ಬಲ್ಲರು. ಎಸ್​.ಅಫ್ರೀದಿ. ಹಸನ್ ಅಲಿ, ಅಮಿರ್​ ಬೌಲಿಂಗ್ ವಿಭಾಗದ ಅಸ್ತ್ರಗಳು.
ಇನ್ನು ವೆಸ್ಟ್ ಇಂಡೀಸ್​ಗೆ ಕ್ರಿಸ್​ ಗೇಲ್, ವಿಕೆಟ್​ ಕೀಪರ್ ಶೇಯ್ ಹೋಪ್, ಲಿವಿಸ್, ರಸೆಲ್​​ ಬ್ಯಾಟಿಂಗ್ ವಿಭಾಗದಲ್ಲಿ ಬಲ ತುಂಬುತ್ತಾರೆ. ಜೊತೆಗೆ ಬ್ರಾಥ್​​ವೈಟ್, ಬ್ರಾವೋ ಆಲ್​ ರೌಂಡರ್ ಗಳಾಗಿ ತಂಡಕ್ಕೆ ಎಂಥಾ ಸಂದರ್ಭದಲ್ಲೂ ನೆರವಾಗಬಲ್ಲರು. ಕೀಮರ್ ರೋಚ್​. ಒಶಾನೆ ಥೋಮಸ್​​, ಶಲ್ಡನ್ ಕಟ್ರೆಲ್ ಬೌಲಿಂಗ್ ವಿಭಾಗದ ಶಕ್ತಿಗಳಾಗಿದ್ದಾರೆ.

ತಂಡಗಳು
ವೆಸ್ಟ್​ ಇಂಡೀಸ್ : ಜೇಸನ್ ಹೋಲ್ಡರ್ (ನಾಯಕ) , ಶಿಮ್ರೋನ್ ಹೆಟ್ಮೇರ್ ,ಶಾಹ್ ಹೋಪ್ , ಡ್ಯಾರೆನ್ ಬ್ರಾವೋ, ಎವಿನ್ ಲೆವಿಸ್, ಫಾಬಿನ್ ಅಲೆನ್, ಕಾರ್ಲೊಸ್ ಬ್ರಾಥ್​​ವೈಟ್, ಕ್ರಿಸ್ ಗೇಲ್, ಆಂಡ್ರೋ ರಸೆಲ್, ನಿಕೋಲಸ್ ಪೂರನ್, ಒಶಾನೆ ಥೋಮಸ್ , ಕೀಮರ್ ರೋಚ್ , ಶನ್ನೂನ್ ಗ್ಯಾಬ್ರಿಯಲ್, ಶೆಲ್ಡನ್ ಕಟ್ರೆಲ್, ಆಶ್ಲೆ ನರ್ಸ್​

ಪಾಕಿಸ್ತಾನ : ಸರ್ಫರಾಜ್ ಅಹ್ಮದ್ (ನಾಯಕ), ಫಕರ್ ಜಮಾನ್, ಇಮಾಮ್ ಉಲ್ ಹಖ್, ಅಬಿದ್ ಅಲಿ , ಬಾಬರ್ ಅಜಾಮ್, ಶೋಯೆಬ್ ಮಲ್ಲಿಕ್ , ಮೊಹಮ್ಮದ್ ಹಫೀಜ್, ಹ್ಯಾರಿಸ್ ಸೊಹೈಲ್, ಶಬಾದ್ ಖಾನ್, ಇಮಾದ್ ವಾಸಿಮ್, ಫಹಿಮ್ ಅಶ್ರಫ್​, ಹಸನ್ ಅಲಿ, ಶಹೀನ್ ಶಾ ಆಫ್ರೀದಿ, ಜುನೈದ್ ಖಾನ್, ಮೊಹಮ್ಮದ್ ಹಸ್​​ನೈನ್

ವರ್ಲ್ಡ್​​​ಕಪ್​​ ಫಸ್ಟ್​ ಮ್ಯಾಚ್​ನಲ್ಲೇ ದ.ಆಫ್ರಿಕಾಕ್ಕೆ ಇಂಗ್ಲೆಂಡ್​ ‘ಸ್ಟ್ರೋಕ್’ ..!

0

ವಿಶ್ವಕಪ್​​​ ಉದ್ಘಾಟನಾ ಪಂದ್ಯದಲ್ಲಿ ಅತಿಥೇಯ ಇಂಗ್ಲೆಂಡ್​​​ ಶುಭಾರಂಭ ಮಾಡಿದೆ. ಪ್ರಬಲ ದಕ್ಷಿಣ ಆಫ್ರಿಕಾವನ್ನು 104 ರನ್​ಗಳಿಂದ ಮಣಿಸುವ ಮೂಲಕ ಇಂಗ್ಲೆಂಡ್​ ಗೆಲುವಿನಿಂದ ವರ್ಲ್ಡ್​ಕಪ್ ಅಭಿಯಾನವನ್ನು ಆರಂಭಿಸಿದೆ. ಹಾಗಾದ್ರೆ 2019ರ ಚೊಚ್ಚಲ ಪಂದ್ಯ ಹೇಗಿತ್ತು? ಯಾರು ಹೇಗೆ ಆಡಿದ್ರು ಅನ್ನೋದನ್ನು ನೋಡ್ಕೊಂಡು ಬರೋಣ ಬನ್ನಿ.

ಕ್ರಿಕೆಟ್​ ಪ್ರಿಯರು ಬರೋಬ್ಬರಿ ನಾಲ್ಕು ವರ್ಷದಿಂದ ಕಾಯ್ತ ಇದ್ದ ಆ ದಿನ ನಿನ್ನೆ ಬಂದೇ ಬಿಟ್ಟಿದೆ. ಐಸಿಸಿ ವಿಶ್ವಕಪ್ ಹಬ್ಬ ಶುರುವಾಗಿದೆ. ಅತಿಥೇಯ ಇಂಗ್ಲೆಂಡ್​ ಮತ್ತು ವಿಶ್ವ ಕ್ರಿಕೆಟ್​​ನ ಪ್ರಬಲ ತಂಡಗಳಲ್ಲಿ ಒಂದಾಗಿರುವ ದಕ್ಷಿಣ ಆಫ್ರಿಕಾ ಉದ್ಘಾಟನ ಪಂದ್ಯದಲ್ಲಿ ಮುಖಾಮುಖಿಯಾದವು.

ಲಂಡನ್​ನ ಕಿಂಗ್​ಸ್ಟನ್ ಓವೆಲ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದ ಪ್ರವಾಸಿ ಸೌತ್​ಆಫ್ರಿಕಾ ಮೊದಲು ಫೀಲ್ಡಿಂಗ್ ಮಾಡುವ ತೀರ್ಮಾನ ತೆಗೆದುಕೊಂಡಿತು. ದಕ್ಷಿಣ ಆಫ್ರಿಕಾ ನೀಡಿದ ಆಹ್ವಾನದ ಮೇರೆಗೆ ಮೊದಲು ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್​ಗೆ ಆರಂಭದಲ್ಲೇ ಶಾಕ್ ಕಾದಿತ್ತು.

ತಂಡಕ್ಕೆ ಕೇವಲ 1 ರನ್ ಸೇರುವಷ್ಟರಲ್ಲೇ ಆರಂಭಿಕ ಆಟಗಾರ , ಜಾನಿ ಬೈರ್​ಸ್ಟೋ ಶೂನ್ಯ ಸಂಪಾದನೆಯೊಂದಿಗೆ ಪೆವಿಲಿಯನ್ ಕಡೆ ಹೆಜ್ಜೆ ಹಾಕಿದ್ರು. ವೇಗಿ ತಾಹಿರ್​ ತಮ್ಮ ತಂಡಕ್ಕೆ ಮೊದಲ ಯಶಸ್ಸು ತಂದು ಕೊಟ್ರು.
ರಾಯ್​, ರೂಟ್​ ಅಬ್ಬರಕ್ಕೆ ದ.ಆಫ್ರಿಕಾ ಬೌಲರ್​ಗಳ ಪರದಾಟ
ಇಯಾನ್, ಸ್ಟ್ರೋಕ್​ ಕೂಡ ಕೊಟ್ರು ಕಾಟ

ಸೌತ್​ ಆಫ್ರಿಕಾದ ಆರಂಭಿಕ ಖುಷಿ ಹೆಚ್ಚು ಹೊತ್ತು ಉಳಿಯಲಿಲ್ಲ. ಮತ್ತೊಬ್ಬ ಓಪನರ್ ಜೇಸನ್ ರಾಯ್​ ಅವರನ್ನು ಜೊತೆಯಾದ ಜೇಸನ್ ರೂಟ್​​ ತಂಡಕ್ಕೆ ಉತ್ತಮ ಅಡಿಪಾಯ ಹಾಕಿದ್ರು. ಈ ಜೋಡಿ 106ರನ್​ಗಳ ಜೊತೆಯಾಟವಾಡಿತು. ಈ ಹಂತದಲ್ಲಿ 54ರನ್​ ಗಳಿಸಿ ಆಡುತ್ತಿದ್ದ ರಾಯ್ ಅಂಡಿಲ್ ಫೆಹ್ಲುಕ್ವೇವೊ ಅವರ ಎಸೆತದಲ್ಲಿ ಡುಪ್ಲೆಸಿಸ್​ಗೆ ಕ್ಯಾಚ್ ನೀಡಿ ಪೆವಿಲಿಯನ್ ಸೇರಿದ್ರು. ಅವರ ಬೆನ್ನಲ್ಲೇ ರೂಟ್​​ ರಬಡಾಗೆ ವಿಕೆಟ್​ ಒಪ್ಪಿಸಿದ್ರು.

111 ರನ್​ಗಳಿಗೆ 3 ವಿಕೆಟ್ ಕಳೆದುಕೊಂಡಾಗ ನಾಯಕ ಇಯಾನ್ ಮಾರ್ಗನ್ ಮತ್ತು ಬೆನ್​ ಸ್ಟ್ರೋಕ್​ ಜೊತೆಯಾಗಿ ಇಂಗ್ಲೆಂಡ್​ ಅನ್ನು ಬೃಹತ್ ಮೊತ್ತದತ್ತ ಕೊಂಡೊಯ್ಯಿದ್ರು. ಈ ಜೋಡಿ ಕೂಡ ಶತಕದ ಜೊತೆಯಾಟವಾಡಿತು. ಸ್ಟ್ರೋಕ್ 9 ಬೌಂಡರಿಗಳನ್ನು ಒಳಗೊಂಡ 89ರನ್ ಸಿಡಿಸಿ ಮಿಂಚಿದ್ರು. ನಾಯಕ ಮಾರ್ಗನ್ 57ರನ್ ಮಾಡಿದ್ರು. ನಂತರ ಬಂದ ಬ್ಯಾಟ್ಸ್​ಮನ್ ಗಳಿಂದ ನಿರೀಕ್ಷಿತ ಪ್ರದರ್ಶನ ಬರಲಿಲ್ಲ. ಜಾಸ್ ಬಟ್ಲರ್ 18, ಮೋಯಿನ್ ಅಲಿ 3, ವೋಕ್ಸ್ 13 ರನ್ ಗಳಿಸಿದ್ರು. ಲ್ಯಾಮ್ ಪ್ಲಂಕೆಟ್​​ 9, ಆರ್ಚರ್ 7ರನ್ ಮಾಡಿ ಅಜಯರಾಗಿ ಉಳಿದ್ರು. ಅಂತಿಮವಾಗಿ ಇಂಗ್ಲೆಂಡ್ ನಿಗದಿತ 50 ಓವರ್ ಗಳಲ್ಲಿ 311ರನ್ ಗಳಿಸಿತು.

ಇನ್ನು ಇಂಗ್ಲೆಂಡ್ ನೀಡಿದ ಗುರಿಯನ್ನು ಬೆನ್ನತ್ತಿದ ದಕ್ಷಿಣ ಆಫ್ರಿಕಾಕ್ಕೆ ಆರಂಭಿಕರಾದ ಕ್ವಿಂಟನ್ ಡಿಕಾಕ್ ಮತ್ತು ಹಸಿಮ್​ ಆಮ್ಲ ಉತ್ತಮ ಅಡಿಪಾಯ ಹಾಕುವ ಸೂಚನೆ ನೀಡಿದ್ರು. ಆದರೆ, ಹಶೀಮ್ ಆಮ್ಲ ಗಾಯಗೊಂಡು ಪೆವಿಲಿಯನ್ ಸೇರಿದ್ದು ದೊಡ್ಡ ಹೊಡೆತ ಬಿತ್ತು. ಬಳಿಕ ತಂಡದ ಮೊತ್ತ 36 ರನ್ ಆಗುವಷ್ಟರಲ್ಲಿ ಆಮ್ಲ ಜಾಗಕ್ಕೆ ಬಂದಿದ್ದ ಆ್ಯಡಂ ಮರ್​ಕ್ರಂ ಆರ್ಚರ್​ ಗೆ ವಿಕೆಟ್ ಒಪ್ಪಿಸಿ ಪೆವಿಯನ್ ಸೇರಿದ್ರು. ನಾಯಕ ಫಾಫ್​ ಡುಪ್ಲೆಸಿಸ್​ ಕೂಡ ಫ್ಲಾಫ್ ಆದ್ರು.

ಸೌತ್ ಆಫ್ರಿಕಾ ಪರ ಡಿಕಾಕ್ 2 ಸಿಕ್ಸರ್​ 6 ಬೌಂಡರಿ ಸಮೇತ 68ರನ್ ಹಾಗೂ ರಸ್ಸಿ ವಾನ್​​​ ಡೆರ್ ಡಸ್ಸೆನ್ 1 ಸಿಕ್ಸರ್ ಹಾಗೂ 4 ಬೌಂಡರಿ ಸಹಿತ 50ರನ್ ಗಳಿಸಿ ಹೋರಾಡಿದ್ದು ಬಿಟ್ಟರೆ ಉಳಿದ ಯಾವ ಬ್ಯಾಟ್ಸ್​ಮನ್​ ಗಳಿಂದಲೂ ರನ್ ಮಳೆ ಸುರಿಸಲು ಇಂಗ್ಲೆಂಡ್ ಬೌಲರ್​ಗಳು ಬಿಟ್ಟುಕೊಡಲಿಲ್ಲ. ಆರಂಭದಲ್ಲಿ ಗಾಯಗೊಂಡಿದ್ದ ಹಶೀಮ್ ಆಮ್ಲ ವಾಪಸ್ ಬ್ಯಾಟಿಂಗ್​ ಗೆ ಇಳಿದರೂ ಬೃಹತ್ ಮೊತ್ತದ ಕೊಡುಗೆ ನೀಡಿ ತಂಡವನ್ನು ಗೆಲುವಿನ ಸಮೀಪ ಕೂಡ ಕೊಂಡಯ್ಯಲು ಆಗಲಿಲ್ಲ.

ಇಂಗ್ಲೆಂಡ್ ಸಂಘಟಿತ ದಾಳಿಗೆ ತಲೆಬಾಗಿ ಸೌತ್ ಆಫ್ರಿಕಾ ಕೇವಲ 207ರನ್​ ಗಳಿಗೆ ಆಲೌಟ್ ಆಯ್ತು. 89ರನ್ ಗಳಿಸಿದಲ್ಲದೆ ಬೌಲಿಂಗ್​ನಲ್ಲಿ ಸೌತ್ಆಫ್ರಿಕಾ ಬ್ಯಾಟ್ಸ್​ಮನ್ ಗಳನ್ನು ಇನ್ನಿಲ್ಲದಂತೆ ಕಾಡಿ 2 ವಿಕೆಟ್​ ಕಿತ್ತ ಬೆನ್ ಸ್ಟ್ರೋಕ್ಸ್​ ಪಂದ್ಯಪುರಷ ( ಮ್ಯಾನ್​ಆಫ್​ದಿ ಮ್ಯಾಚ್) ಪ್ರಶಸ್ತಿಗೆ ಭಾಜನರಾದ್ರು.

ವಿಮಾನದಿಂದ ಹೊರದಬ್ಬಿಸಿಕೊಂಡ ಮಾಜಿ ಕ್ರಿಕೆಟಿಗ..!

0

ಮಹಿಳೆಯರ ಜೊತೆ ವಾಗ್ವಾದ ನಡೆಸಿ, ಅನುಚಿತ ವರ್ತನೆ ತೋರಿದ ಹಿನ್ನೆಲೆಯಲ್ಲಿ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಮೈಕೆಲ್ ಸ್ಲೇಟರ್ ಅವರನ್ನು ವಿಮಾನದಿಂದ ಹೊರದಬ್ಬಿದ ಘಟನೆ ನಡೆದಿದೆ.
ಮೈಕೆಲ್​ ಸ್ಲೇಟರ್​​ ಸಿಡ್ನಿಯಿಂದ ವಾಗಾ ವಾಗಾಕ್ಕೆ ತೆರಳುತ್ತಿದ್ದರು. ವಿಮಾನ ಹೊರಡೋ ವೇಳೆ ಅಪರಿಚಿತ ಮಹಿಳೆಯರ ಜೊತೆ ವಾಗ್ವಾದ ನಡೆಸಿದ್ದಾರೆ, ನಂತ್ರ ಶೌಚಾಲಯದೊಳಗೆ ಹೋಗಿ ಬಾಗಿಲು ಹಾಕಿ ಕುಳಿತಿದ್ದಾರೆ. ಆಗ ಸಿಬ್ಬಂದಿ ಸ್ಲೇಟರ್ ಅವರನ್ನು ಹೊರಗೆ ಕರೆಸಿ ವಿಮಾನದಿಂದ ಹೊರದಬ್ಬಿದ್ದಾರೆ. ಈ ಗಲಾಟೆಯಿಂದ ವಿಮಾನ 30 ನಿಮಿಷ ತಡವಾಗಿ ಟೇಕ್ಆಫ್ ಆಯ್ತು .

ವರ್ಲ್ಡ್​ಕಪ್​ನಲ್ಲಿ ನಾವು ಕಠಿಣ ಸವಾಲುಗಳನ್ನು ಎದುರಿಸಬೇಕಿದೆ : ಕೊಹ್ಲಿ

0

ಮುಂಬೈ : ವರ್ಲ್ಡ್​ಕಪ್​ಗೆ ದಿನಗಣನೆ ಆರಂಭವಾಗಿದೆ. ಮೇ.30ರಿಂದ ಇಂಗ್ಲೆಂಡ್ ಮತ್ತು ವೇಲ್ಸ್​ನಲ್ಲಿ ವರ್ಲ್ಡ್​ಕಪ್​ ಹಬ್ಬ ಶುರುವಾಗಲಿದೆ. ವಿಶ್ವಕಪ್ ಗೆಲ್ಲುವ ನೆಚ್ಚಿನ ಟೀಮ್​ಗಳಲ್ಲಿ ವಿರಾಟ್​ ಕೊಹ್ಲಿ ನಾಯಕತ್ವದ ನಮ್ಮ ಭಾರತ ತಂಡ ಕೂಡ ಒಂದು.
ವರ್ಲ್ಡ್​ಕಪ್​ನಲ್ಲಿ ಪಾಲ್ಗೊಳ್ಳಲು ವಿರಾಟ್​ ಪಡೆ ಇಂಗ್ಲೆಂಡ್​ನತ್ತ ಪ್ರಯಾಣ ಬೆಳೆಸಿದೆ. ಅದಕ್ಕು ಮುನ್ನ ಕೊಹ್ಲಿ ಮತ್ತು ಕೋಚ್ ರವಿಶಾಸ್ತ್ರಿ ಪ್ರೆಸ್​ಮೀಟ್ ನಡೆಸಿದ್ರು.
ವರ್ಲ್ಡ್​​ಕಪ್​ನಲ್ಲಿ ನಾವು ಅತ್ಯಂತ ಕಠಿಣ ಸವಾಲುಗಳನ್ನು ಎದುರಿಸಬೇಕಿದೆ. ಆದ್ರೆ, ನಮ್ಮ ತಂಡದ ಎಲ್ಲಾ ಆಟಗಾರರು ಒಳ್ಳೆಯ ಫಾರ್ಮ್​​ನಲ್ಲಿದ್ದಾರೆ. ವರ್ಲ್ಡ್​​ಕಪ್​ನಲ್ಲಿ ಉತ್ತಮ ಆಟ ಪ್ರದರ್ಶಿಸಲಿದ್ದೇವೆ ಅಂತ ವಿರಾಟ್​ ಕೊಹ್ಲಿ ಹೇಳಿದ್ರು. ರವಿಶಾಸ್ತ್ರಿ ಕೂಡ ವಿಶ್ವಕಪ್​ ಗೆಲ್ಲುವ ವಿಶ್ವಾಸವನ್ನು ವ್ಯಕ್ತಪಡಿಸಿದ್ರು.

ನಿವೃತ್ತಿ ಬಳಿಕ ಧೋನಿ ಏನ್ ಮಾಡ್ತಾರೆ ಗೊತ್ತಾ?

0

ಟೀಮ್ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ತಾವು ಅಂತರಾಷ್ಟ್ರೀಯ ಕ್ರಿಕೆಟ್​ನಿಂದ ನಿವೃತ್ತರಾದ ಮೇಲೆ ಏನ್ ಮಾಡ್ತೀನಿ ಅಂತ ಸೂಚನೆಯನ್ನು ನೀಡಿದ್ದಾರೆ!
ವಿಶ್ವ ಕ್ರಿಕೆಟ್ ಕಂಡ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರಾಗಿರುವ ಧೋನಿ ಭಾರತಕ್ಕೆ ಎರಡು ವಿಶ್ವಕಪ್ ತಂದು ಕೊಟ್ಟ ನಾಯಕ. ಇಂಗ್ಲೆಂಡ್ ಮತ್ತು ವೇಲ್ಸ್​ನಲ್ಲಿ ನಡೆಯಲಿರುವ ಈ ಬಾರಿಯ ವರ್ಲ್ಡ್ ಕಪ್​ ಬಹುಶಃ ಧೋನಿ ಅವರ ಕೊನೆಯ ವಿಶ್ವಕಪ್ ಆಗುವ ಸಾಧ್ಯತೆ ಇದೆ. ವರ್ಲ್ಡ್​ಕಪ್ ಬಳಿಕ ಧೋನಿ ನಿವೃತ್ತಿ ಘೋಷಿಸಲಿದ್ದಾರೆ ಎನ್ನಲಾಗುತ್ತಿದೆ. ಈ ನಡುವೆ ನಿವೃತ್ತಿಯ ನಂತರದದ ತಾವೇನು ಮಾಡಬಹುದು ಅನ್ನೋ ಸಿಕ್ರೇಟ್​ ಬಿಟ್ಟುಕೊಟ್ಟಿದ್ದಾರೆ.
ಧೋನಿ ಸೋಶಿಯಲ್ ಮೀಡಿಯಾದಲ್ಲೊಂದು ವಿಡಿಯೋ ಹರಿ ಬಿಟ್ಟಿದ್ದಾರೆ. ಆ ವಿಡಿಯೋ ಈಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
‘ನಾನು ನಿಮ್ ಜೊತೆ ಒಂದು ಸಿಕ್ರೇಟ್​ ಶೇರ್ ಮಾಡ್ಕೋಳಕ್ಕೆ ಇಷ್ಟಪಡ್ತೀನಿ. ನಾನು ಚಿಕ್ಕ ವಯಸ್ಸಲ್ಲಿ ಕಲಾವಿದನಾಗ್ಬೇಕು ಅಂತ ಬಯಸಿದ್ದೆ. ಆದ್ರೆ ಕ್ರಿಕೆಟ್​ನಲ್ಲಿ ಹೆಚ್ಚಾಗಿ ತೊಡಗಿಸಿಕೊಂಡು ಕ್ರಿಕೆಟರ್ ಆದೆ. ಕಲಾವಿದನಾಗಿ ಮುಂದುವರೆಯೋಕೆ ಇದು ಒಂದೊಳ್ಳೆ ಸಮಯ ಅಂತ ಅನ್ಕೊಂಡು ಕೆಲವೊಂದಿಷ್ಟು ಚಿತ್ರಗಳನ್ನು ರಚಿಸಿದ್ದೇನೆ’ ಅಂದಿದ್ದಾರೆ. ಜೊತೆ ಮೂರು ಫೋಟೋಗಳನ್ನು ಪ್ರದರ್ಶಿಸಿದ್ದಾರೆ. ಒಂದು ಚಿತ್ರದಲ್ಲಿ ಪರಿಸರವಿದೆ, ಇನ್ನೊಂದರಲ್ಲಿ ಬಾಹ್ಯಾಕಾಶಯಾನದ ಬಗ್ಗೆ ಚಿತ್ರಿಸಿದ್ದಾರೆ. ಮೂರನೇ ಚಿತ್ರದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್​​ನ ಜೆರ್ಸಿಯಲ್ಲಿನ ಬ್ಯಾಟ್ಸ್​​ಮನ್ ಅನ್ನು ಚಿತ್ರಿಸಿದ್ದಾರೆ.

ಧೋನಿ ಇದ್ರೆ ಎಬಿಡಿ ಕಮ್​​​​​​ಬ್ಯಾಕ್​ ಮಾಡ್ತಾರಂತೆ..!

0

ಟೀಮ್ ಇಂಡಿಯಾದ ಮಾಜಿ ಕ್ಯಾಪ್ಟನ್​ ಮಹೇಂದ್ರ ಸಿಂಗ್​​ ಧೋನಿ ಇದ್ದರೆ ತಾನು 2023ರ ವರ್ಲ್ಡ್​ಕಪ್​ಗೆ ಕಮ್​ಬ್ಯಾಕ್​ ಮಾಡ್ತೀನಿ ಅಂತ ಸೌತ್ಆಫ್ರಿಕಾದ ಎಬಿ ಡಿವಿಲಿಯರ್ಸ್​​​​ ಹೇಳಿದ್ದಾರೆ.
ಈಗಾಗಲೇ ನಿವೃತ್ತಿ ಘೋಷಿಸಿರೋ ಎಬಿಡಿ, ”2019ರ ವಿಶ್ವಕಪ್​​​ ಆಡೋ ಆಸೆ ಇತ್ತು. 2023ರ ವರ್ಲ್ಡ್​ಕಪ್​ಗೆ ಬೇಕಾದ್ರೆ ವಾಪಸ್​ ಆಗ್ತೀನಿ. ಆದ್ರೆ, ಧೋನಿ ಕೂಡ ಇರ್ಬೇಕು” ಅಂದಿದ್ದಾರೆ.
ಸಂದರ್ಶನವೊಂದ್ರಲ್ಲಿ ಮಾತನಾಡಿದ ಅವರು, ”ನಿವೃತ್ತಿ ಆಗುವಾಗ ನಾನು ಸಾಕಷ್ಟು ಟೀಕೆಗಳನ್ನು ಎದುರಿಸಿದ್ದೆ. ಅದು ಬಹಳ ಕಷ್ಟ ಅನಿಸಿಬಿಟ್ಟಿತ್ತು. ಆದ್ರೆ ಈ ವಯಸ್ಸಲ್ಲೂ ಧೋನಿ ಆಟ ಉತ್ತಮವಾಗಿದೆ. ಧೋನಿ 2023ರವರೆಗೆ ಇದ್ರೆ ನಾನು ಕೂಡ ಆ ವಿಶ್ವಕಪ್​ಗೆ ಕಮ್​ಬ್ಯಾಕ್​ ಆಗ್ತೀನಿ” ಎಂದು ಹೇಳಿಕೊಂಡಿದ್ದಾರೆ.
ಇನ್ನು ದ.ಆಫ್ರಿಕಾ ಪರ 114 ಟೆಸ್ಟ್​​​ ಮ್ಯಾಚ್​ಗಳನ್ನು ಆಡಿರೋ ಎಬಿಡಿ 22 ಸೆಂಚುರಿ, 46 ಹಾಫ್​ಸೆಂಚುರಿ ಸಹಿತ 8,765ರನ್​ ಬಾರಿಸಿದ್ದಾರೆ. 228 ಒನ್​​ ಡೇ ಇಂಟರ್​ನ್ಯಾಷನಲ್​ ಮ್ಯಾಚ್​ಗಳಿಂದ 9,577ರನ್​ ಗಳಿಸಿದ್ದಾರೆ. ಅದರಲ್ಲಿ 25 ಸೆಂಚುರಿ, 53 ಹಾಫ್​ ಸೆಂಚುರಿ ಒಳಗೊಂಡಿದೆ. 78 ಟಿ20 ಮ್ಯಾಚ್​ಗಳಿಂದ ಒಟ್ಟು 1,672ರನ್​ಗಳನ್ನು ಮಾಡಿದ್ದಾರೆ.

ವರ್ಲ್ಡ್​​ಕಪ್​​ನಲ್ಲಿ ಭಾಗವಹಿಸೋ ಟೀಮ್​ಗಳೆಷ್ಟು? ಯಾವತ್ತು ಯಾವ ಮ್ಯಾಚು? ಯಾವ ಟೀಮ್​ನಲ್ಲಿ ಯಾರಿದ್ದಾರೆ?

0

ಇಂಗ್ಲೆಂಡ್ ಮತ್ತು ವೇಲ್ಸ್​ನಲ್ಲಿ ನಡೆಯಲಿರುವ ವರ್ಲ್ಡ್​ಕಪ್​ಗೆ ದಿನಗಣನೆ ಆರಂಭವಾಗಿದೆ. ಮೊನ್ನೆಯಷ್ಟೇ 51 ದಿನಗಳ ಐಪಿಎಲ್​ ಹಬ್ಬ ಮುಗಿದಿದೆ. ಇನ್ನು 15 ದಿನಗಳಲ್ಲಿ ವರ್ಲ್ಡ್​​ಕಪ್​​​ ಸಂಭ್ರಮ ಶುರುವಾಗುತ್ತಿದೆ. ಮೇ.30ರಿಂದ ಜುಲೈ 14ರವರೆಗೆ ವರ್ಲ್ಡ್​ಕಪ್ ಟೂರ್ನಿ ನಡೆಯುತ್ತೆ. ವಿಶ್ವ ಕ್ರಿಕೆಟ್​ನ 10 ಟೀಮ್​ಗಳು ವಿಶ್ವಕಪ್ ಎತ್ತಿ ಹಿಡಿಯಲು ಕ್ರಿಕೆಟ್ ಕಣದಲ್ಲಿ ಸೆಣೆಸಲಿವೆ.
ಭಾರತ, ಪಾಕಿಸ್ತಾನ, ಆಸ್ಟ್ರೇಲಿಯಾ, ಬಾಂಗ್ಲಾದೇಶ, ನ್ಯೂಜಿಲೆಂಡ್, ಇಂಗ್ಲೆಂಡ್​, ದಕ್ಷಿಣ ಆಫ್ರಿಕಾ, ಶ್ರೀಲಂಕಾ, ವೆಸ್ಟ್​ ಇಂಡೀಸ್​ ಮತ್ತು ಅಫ್ಘಾನಿಸ್ತಾನ ತಂಡಗಳು ಈ ಬಾರಿ ವರ್ಲ್ಡ್​ಕಪ್​ನಲ್ಲಿ ಆಡಲಿವೆ. ಮೇ.30ರಂದು ಉದ್ಘಾಟನಾ ಮ್ಯಾಚ್​​ ಮೇ.30ರಂದು ನಡೆಯಲಿದ್ದು, ಉದ್ಘಾಟನಾ ಮ್ಯಾಚ್​ನಲ್ಲಿ ಇಂಗ್ಲೆಂಡ್​ ಹಾಗೂ ದಕ್ಷಿಣ ಆಫ್ರಿಕಾ ಸೆಣೆಸಲಿವೆ.
ಅಭ್ಯಾಸ ಪಂದ್ಯಗಳ ವೇಳಾಪಟ್ಟಿ
ಮೇ.24 – ಪಾಕಿಸ್ತಾನ VS ಅಫ್ಘಾನಿಸ್ತಾನ (ಮಧ್ಯಾಹ್ನ 3 ಗಂಟೆಗೆ)
ಮೇ.24 – ಶ್ರೀಲಂಕಾ VS ದ.ಆಫ್ರಿಕಾ (ಮಧ್ಯಾಹ್ನ 3 ಗಂಟೆಗೆ)
ಮೇ.25 – ಇಂಗ್ಲೆಂಡ್​ VS ಆಸ್ಟ್ರೇಲಿಯಾ (ಮಧ್ಯಾಹ್ನ 3 ಗಂಟೆಗೆ)
ಮೇ.25 – ಭಾರತ VS ನ್ಯೂಜಿಲೆಂಡ್​ (ಮಧ್ಯಾಹ್ನ 3 ಗಂಟೆಗೆ)
ಮೇ.26 – ದ.ಆಫ್ರಿಕಾ VS ವೆಸ್ಟ್​ ಇಂಡೀಸ್​ (ಮಧ್ಯಾಹ್ನ 3 ಗಂಟೆಗೆ)
ಮೇ.26 : ಪಾಕಿಸ್ತಾನ VS ಬಾಂಗ್ಲಾದೇಶ (ಮಧ್ಯಾಹ್ನ 3 ಗಂಟೆಗೆ)
ಮೇ.27 : ಆಸ್ಟ್ರೇಲಿಯಾ VS ಶ್ರೀಲಂಕಾ (ಮಧ್ಯಾಹ್ನ 3 ಗಂಟೆಗೆ)

ಮೇ.27 ಅಫ್ಘಾನಿಸ್ತಾನ್ VS ಇಂಗ್ಲೆಂಡ್​ (ಮಧ್ಯಾಹ್ನ 3ಗಂಟೆಗೆ)

ಮೇ.28 : ವೆಸ್ಟ್​ ಇಂಡೀಸ್​ VS ನ್ಯೂಜಿಲೆಂಡ್ (ಮಧ್ಯಾಹ್ನ 3 ಗಂಟೆಗೆ)
ಮೇ 28 : ಬಾಂಗ್ಲಾದೇಶ VS ಭಾರತ (ಮಧ್ಯಾಹ್ನ 3 ಗಂಟೆಗೆ)

ವರ್ಲ್ಡ್​ಕಪ್​ 2019 ವೇಳಾಪಟ್ಟಿ
ಮೇ.30 : ಇಂಗ್ಲೆಂಡ್ VS ದ.ಆಫ್ರಿಕಾ ( ಮಧ್ಯಾಹ್ನ 3 ಗಂಟೆಗೆ)
ಮೇ.31 : ವೆಸ್ಟ್​​ ಇಂಡೀಸ್​ VS ಪಾಕಿಸ್ತಾನ ( ಮಧ್ಯಾಹ್ನ 3 ಗಂಟೆಗೆ)
ಜೂ.01 : ನ್ಯೂಜಿಲೆಂಡ್​​ VS ಶ್ರೀಲಂಕಾ ( ಮಧ್ಯಾಹ್ನ 3 ಗಂಟೆಗೆ)
ಜೂ.01 : ಅಫ್ಘಾನಿಸ್ತಾನ VS ಆಸ್ಟ್ರೇಲಿಯಾ (ಸಂಜೆ 6 ಗಂಟೆಗೆ)
ಜೂ.02 : ದ.ಆಫ್ರಿಕಾ VS ಬಾಂಗ್ಲಾದೇಶ (ಮಧ್ಯಾಹ್ನ 3 ಗಂಟೆಗೆ)
ಜೂ. 03 : ಇಂಗ್ಲೆಂಡ್ vs ಪಾಕಿಸ್ತಾನ ( ಮಧ್ಯಾಹ್ನ 3 ಗಂಟೆಗೆ)
ಜೂ. 04 : ಅಫ್ಘಾನಿಸ್ತಾನ vs ಶ್ರೀಲಂಕಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 05 : ದ. ಆಫ್ರಿಕಾ vs ಭಾರತ (ಮಧ್ಯಾಹ್ನ 3 ಗಂಟೆಗೆ)
ಜೂ. 05 : ಬಾಂಗ್ಲಾದೇಶ vs ನ್ಯೂಜಿಲೆಂಡ್ ( ಸಂಜೆ 6 ಗಂಟೆಗೆ)
ಜೂ. 06 : ಆಸ್ಟ್ರೇಲಿಯಾ vs ವೆಸ್ಟ್​ ಇಂಡೀಸ್ (ಮಧ್ಯಾಹ್ನ 3 ಗಂಟೆಗೆ)
ಜೂ. 07 : ಪಾಕಿಸ್ತಾನ vs ಶ್ರೀಲಂಕಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 08 : ಇಂಗ್ಲೆಂಡ್ vs ಬಾಂಗ್ಲಾದೇಶ (ಮಧ್ಯಾಹ್ನ 3 ಗಂಟೆಗೆ)
ಜೂ. 08 : ಅಫ್ಘಾನಿಸ್ತಾನ vs ನ್ಯೂಜಿಲೆಂಡ್ (ಸಂಜೆ 6 ಗಂಟೆಗೆ)
ಜೂ. 09 : ಭಾರತ vs ಆಸ್ಟ್ರೇಲಿಯಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 10 : ದ. ಆಫ್ರಿಕಾ vs ವೆಸ್ಟ್​ ಇಂಡೀಸ್ (ಮಧ್ಯಾಹ್ನ 3 ಗಂಟೆಗೆ)
ಜೂ. 11 : ಬಾಂಗ್ಲಾದೇಶ vs ಶ್ರೀಲಂಕಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 12 : ಆಸ್ಟ್ರೇಲಿಯಾ vs ಪಾಕಿಸ್ತಾನ (ಮಧ್ಯಾಹ್ನ 3 ಗಂಟೆಗೆ)
ಜೂ. 13 : ಭಾರತ vs ನ್ಯೂಜಿಲೆಂಡ್ (ಮಧ್ಯಾಹ್ನ 3 ಗಂಟೆಗೆ)
ಜೂ. 14 : ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್ (ಮಧ್ಯಾಹ್ನ 3 ಗಂಟೆಗೆ)
ಜೂ. 15 : ಶ್ರೀಲಂಕಾ vs ಆಸ್ಟ್ರೇಲಿಯಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 15 : ದ. ಆಫ್ರಿಕಾ vs ಅಫ್ಘಾನಿಸ್ತಾನ (ಸಂಜೆ 6 ಗಂಟೆಗೆ)
ಜೂ. 16 : ಭಾರತ vs ಪಾಕಿಸ್ತಾನ (ಮಧ್ಯಾಹ್ನ 3 ಗಂಟೆಗೆ)
ಜೂ. 17 : ವೆಸ್ಟ್​ ಇಂಡೀಸ್ vs ಬಾಂಗ್ಲಾದೇಶ (ಮಧ್ಯಾಹ್ನ 3 ಗಂಟೆಗೆ)
ಜೂ. 18 : ಇಂಗ್ಲೆಂಡ್ vs ಅಫ್ಘಾನಿಸ್ತಾನ (ಮಧ್ಯಾಹ್ನ 3 ಗಂಟೆಗೆ)
ಜೂ. 19 : ನ್ಯೂಜಿಲೆಂಡ್ vs ದ. ಅಫ್ರಿಕಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 20 : ಆಸ್ಟ್ರೇಲಿಯಾ vs ಬಾಂಗ್ಲಾದೇಶ (ಮಧ್ಯಾಹ್ನ 3 ಗಂಟೆಗೆ)
ಜೂ. 21 : ಇಂಗ್ಲೆಂಡ್ vs ಶ್ರೀಲಂಕಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 22 : ಭಾರತ vs ಅಫ್ಘಾನಿಸ್ತಾನ (ಮಧ್ಯಾಹ್ನ 3 ಗಂಟೆಗೆ)
ಜೂ. 22 : ವೆಸ್ಟ್​ ಇಂಡೀಸ್ vs ನ್ಯೂಜಿಲೆಂಡ್ (ಸಂಜೆ 6 ಗಂಟೆಗೆ)
ಜೂ. 23: ಪಾಕಿಸ್ತಾನ vs ದ. ಆಫ್ರಿಕಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 24: ಬಾಂಗ್ಲಾದೇಶ vs ಅಫ್ಘಾನಿಸ್ತಾನ (ಮಧ್ಯಾಹ್ನ 3 ಗಂಟೆಗೆ)
ಜೂ. 25 : ಇಂಗ್ಲೆಂಡ್ vs ಆಸ್ಟ್ರೇಲಿಯಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 26 : ನ್ಯೂಜಿಲೆಂಡ್ vs ಪಾಕಿಸ್ತಾನ (ಮಧ್ಯಾಹ್ನ 3 ಗಂಟೆಗೆ)
ಜೂ. 27 : ವೆಸ್ಟ್​ ಇಂಡೀಸ್ vs ಭಾರತ (ಮಧ್ಯಾಹ್ನ 3 ಗಂಟೆಗೆ)
ಜೂ. 28 : ಶ್ರೀಲಂಕಾ vs ದ. ಆಫ್ರಿಕಾ (ಮಧ್ಯಾಹ್ನ 3 ಗಂಟೆಗೆ)
ಜೂ. 29 : ಪಾಕಿಸ್ತಾನ vs ಅಫ್ಘಾನಿಸ್ತಾನ (ಮಧ್ಯಾಹ್ನ 3 ಗಂಟೆಗೆ)
ಜೂ. 29 : ನ್ಯೂಜಿಲೆಂಡ್ vs ಆಸ್ಟ್ರೇಲಿಯಾ (ಸಂಜೆ 6 ಗಂಟೆಗೆ)
ಜೂ. 30 : ಇಂಗ್ಲೆಂಡ್ vs ಭಾರತ (ಮಧ್ಯಾಹ್ನ 3 ಗಂಟೆಗೆ)
ಜು. 01 : ಶ್ರೀಲಂಕಾ vs ವೆಸ್ಟ್ ಇಂಡೀಸ್ (ಮಧ್ಯಾಹ್ನ 3 ಗಂಟೆಗೆ)
ಜು. 02 : ಬಾಂಗ್ಲಾದೇಶ vs ಭಾರತ (ಮಧ್ಯಾಹ್ನ 3 ಗಂಟೆಗೆ)
ಜು. 03 : ಇಂಗ್ಲೆಂಡ್ vs ನ್ಯೂಜಿಲೆಂಡ್ (ಮಧ್ಯಾಹ್ನ 3 ಗಂಟೆಗೆ)
ಜು. 04 : ಅಫ್ಘಾನಿಸ್ತಾನ vs ವೆಸ್ಟ್​ ಇಂಡೀಸ್ (ಮಧ್ಯಾಹ್ನ 3 ಗಂಟೆಗೆ)
ಜು. 05 : ಪಾಕಿಸ್ತಾನ vs ಬಾಂಗ್ಲಾದೇಶ (ಮಧ್ಯಾಹ್ನ 3 ಗಂಟೆಗೆ)
ಜು. 06 : ಶ್ರೀಲಂಕಾ vs ಭಾರತ (ಮಧ್ಯಾಹ್ನ 3 ಗಂಟೆಗೆ)
ಜು. 06 : ಆಸ್ಟ್ರೇಲಿಯಾ vs ದ. ಅಫ್ರಿಕಾ (ಸಂಜೆ 6 ಗಂಟೆಗೆ)
ಜು. 09 : ಮೊದಲ ಸೆಮಿ ಫೈನಲ್ (ಮಧ್ಯಾಹ್ನ 3 ಗಂಟೆಗೆ)
ಜು. 11 : ಎರಡನೇ ಸೆಮಿ ಫೈನಲ್ (ಮಧ್ಯಾಹ್ನ 3 ಗಂಟೆಗೆ)
ಜು. 14 : ಫೈನಲ್​ (ಮಧ್ಯಾಹ್ನ 3 ಗಂಟೆಗೆ)
==
ತಂಡಗಳು
ಭಾರತ : ವಿರಾಟ್ ಕೊಹ್ಲಿ (ನಾಯಕ), ರೋಹಿತ್ ಶರ್ಮಾ (ಉಪ- ನಾಯಕ), ಶಿಖರ್ ಧವನ್, ಕೆ ಎಲ್ ರಾಹುಲ್, ಎಂ ಎಸ್ ಧೋನಿ, ದಿನೇಶ್ ಕಾರ್ತಿಕ್ , ವಿಜಯ್ ಶಂಕರ್ ,ರವೀಂದ್ರ ಜಡೇಜಾ, ಹಾರ್ದಿಕ್ ಪಾಂಡ್ಯ, ಕೇದರ್ ಜಾಧವ್, ಭುವನೇಶ್ವರ್ ಕುಮಾರ್, ಮೊಹಮ್ಮದ್ ಶಮಿ , ಜಸ್​ಪ್ರೀತ್ ಬುಮ್ರಾ, ಕುಲ್ದೀಪ್ ಯಾದವ್, ಯುಜುವೇಂದ್ರ ಚಾಹಲ್.
==
ನ್ಯೂಜಿಲೆಂಡ್​ : ಕೇನ್ ವಿಲಿಯಮ್ಸ್ (ನಾಯಕ) , ರಾಸ್ ಟೇಲರ್ , ಮಾರ್ಟಿನ್ ಗಪ್ಟಿಲ್ , ಕಾಲಿನ್ ಮುನ್ರೊ , ಮಿಚೆಲ್ ಸ್ಯಾಂಟನರ್, ಕಾಲಿನ್ ಡಿ ಗ್ರ್ಯಾಂಡ್​ಹೋಮ್, ಜೇಮ್ಸ್​​ ನೀಶಮ್ , ಟಾಮ್ ಲಾಥಮ್ , ಟಾಮ್ ಬ್ಲಂಡೆಲ್ , ಹೆನ್ರಿ ನಿಕೋಲ್ಸ್​​ , ಇಶ್ ಸೋಧಿ, ಲೂಕಿ ಫರ್ಗುಸನ್, ಟಿಮ್ ಸೌಧಿ , ಟ್ರೆಂಟ್ ಬೌಲ್ಟ್, ಮ್ಯಾಟ್ ಹೆನ್ರಿ
==
ಆಸ್ಟ್ರೇಲಿಯಾ : ಆ್ಯರೋನ್ ಫಿಂಚ್ (ನಾಯಕ), ಡೇವಿಡ್ ವಾರ್ನರ್, ಸ್ಟೀವ್ ಸ್ಮಿತ್, ಉಸ್ಮನ್ ಖ್ವಾಜಾ, ಶಾನ್ ಮಾರ್ಶ್​​, ಗ್ಲೆನ್ ಮ್ಯಾಕ್ಸ್​ವೆಲ್​, ಮಾರ್ಕಸ್ ಸ್ಟಾಯಿನಿಸ್, ಅಲೆಕ್ಸ್​ ಕ್ಯಾರಿ ,ಪ್ಯಾಟ್ ಕಮಿನ್ಸ್​, ಮಿಚೆಲ್ ಸ್ಟಾರ್ಕ್​, ನೇಥನ್ ಲ್ಯಾನ್, ಆ್ಯಡಂ ಜಂಪಾ, ಜೇಸನ್ ಬೆಹ್ರೆನ್​​ಡಾರ್ಫ್​, ನೇಥನ್ ಕಲ್ಟರ್ ನೈಲ್ ಜ್ಯೋ ರಿಚರ್ಡಸನ್
==
ಬಾಂಗ್ಲಾದೇಶ : ಮುಶ್ರಫೆ ಮೊರ್ತಾಜ (ನಾಯಕ), ಶಕಿಬ್ ಅಲ್ ಹಸನ್ (ಉಪ- ನಾಯಕ), ತಮಿಮ್ ಇಖ್ಬಾಲ್ , ಸೌಮ್ಯಾ ಸರ್ಕಾರ್, ಸಬ್ಬರ್ ರೆಹ್ಮಾನ್, ಮುಷ್ಫೀಕರ್ ರಹೀಮ್​​, ಲಿಟನ್ ದಾಸ್, ಮೊಹಮ್ಮದ್ ಮಿಥುನ್, ಮೊಹಮ್ಮದುಲ್ಲ, ಮೆಹಿದಿ ಹಸನ್, ಮೊಹಮ್ಮದ್ ಸೈಫುದ್ದಿನ್, ಮೊಸದ್ದಿಕ್ ಹೊಸೈನ್, ಅಬು ಜಯೇದ್, ರುಬೆಲ್ ಹೊಸೈನ್. ಮುಸ್ತಫಿಜುರ್ ರೆಹ್ಮಾನ್
==
ಇಂಗ್ಲೆಂಡ್ ತಂಡ: ಇಯಾನ್ ಮಾರ್ಗನ್ (ನಾಯಕ), ಜೇಸನ್ ರಾಯ್, ಜೋ ರೂಟ್, ಅಲೆಕ್ಸ್​ ಹೇಲ್ಸ್​, ಜಾನಿ ಬೈರ್​ಸ್ಟೋ, ಜಾಸ್ ಬಟ್ಲರ್, ಮೊಯೀನ್ ಅಲಿ, ಬೆನ್ ಸ್ಟೋಕ್ಸ್​, ಟಾಮ್ ಕುರ್ರನ್ , ಜೋ ಡೆನ್ಲಿ, ಡೇವಿಡ್ ವಿಲ್ಲೆ, ಕ್ರಿಸ್ ವೋಕ್ಸ್​ ,ಲ್ಯಾಮ್ ಪ್ಲಂಕೆಟ್, ಆದಿಲ್ ರಶೀದ್, ಮಾರ್ಕ್​ ವುಡ್. ಜೆ. ಆರ್ಚರ್. 
==
ಶ್ರೀಲಂಕಾ : ದಿಮಿತ್ ಕರುಣರತ್ನೆ (ನಾಯಕ), ಅವಿಷ್ಕ ಫೆರ್ನಾಂಡೊ, ಲಹಿರು ತಿರುಮನ್ನೆ, ಕುಸಲ್ ಮೆಂಡಿಸ್, ಕುಸಲ್ ಪೆರೇರ್​, ಆ್ಯಂಜಲೋ ಮ್ಯಾಥ್ಯೂಸ್, ಧನಂಜಯ್ ಡಿ ಸಿಲ್ವಾ, ಜೀವನ್ ಮೆಂಡಿಸ್, ಮಿಲಿಂಡಾ ಸಿರಿವರ್ದನೆ ,ತಿಸಾರ ಪೆರೇರಾ,ಇಸುರು ಉದನಾ, ಸುರಂಗ ಲಕ್ಮಲ್ ,ನುವನ್ ಪ್ರದೀಪ್ ,ಜೆಫ್ರಿ ವಂದರ್ಸೆ, ಲಸಿತ್ ಮಲಿಂಗಾ
==

ದ. ಆಫ್ರಿಕಾ : ಫಾಫ್ ಡುಪ್ಲೆಸಿಸ್ (ನಾಯಕ) , ಆ್ಯಡಂ ಮರ್​​ಕ್ರಂ , ಕ್ವಿಂಟನ್ ಡಿಕಾಕ್ , ಹಶೀಮ್ ಆಮ್ಲಾ ,ರಸ್ಸಿ ವಾನ್ ಡೆರ್ ಡಸ್ಸೆನ್,ಡೇವಿಡ್ ಮಿಲ್ಲರ್, ಅಂಡಿಲ್ ಫೆಹ್ಲುಕ್ವೇವೊ, ಜೆಪಿ ಡುಮಿನಿ, ಡ್ವೇನಿ ಪ್ರೆಟೋರಿಯಸ್, ಡೇಲ್ ಸ್ಟೇನ್ , ಕಗಿಸೊ ರಬಾಡ, ಲುಂಗಿ ಎನ್​ಗಿಡಿ, ಆನ್ರಿಚ್ ನಾರ್ಟ್ಜೆ ಇಮ್ರಾನ್ ತಾಹಿರ್, ತಬ್ರೈಜ್ ಶಮ್ಸಿ
==
ಪಾಕಿಸ್ತಾನ : ಸರ್ಫರಾಜ್ ಅಹ್ಮದ್ (ನಾಯಕ), ಫಕರ್ ಜಮಾನ್, ಇಮಾಮ್ ಉಲ್ ಹಖ್, ಅಬಿದ್ ಅಲಿ , ಬಾಬರ್ ಅಜಾಮ್, ಶೋಯೆಬ್ ಮಲ್ಲಿಕ್ , ಮೊಹಮ್ಮದ್ ಹಫೀಜ್, ಹ್ಯಾರಿಸ್ ಸೊಹೈಲ್, ಶಬಾದ್ ಖಾನ್, ಇಮಾದ್ ವಾಸಿಮ್, ಫಹಿಮ್ ಅಶ್ರಫ್​, ಹಸನ್ ಅಲಿ, ಶಹೀನ್ ಶಾ ಆಫ್ರೀದಿ, ಜುನೈದ್ ಖಾನ್, ಮೊಹಮ್ಮದ್ ಹಸ್​​ನೈನ್

==
ಅಫ್ಗಾನಿಸ್ತಾನ : ಗುಲ್ಬದಿನ್ ನೈಬ್ (ನಾಯಕ) , ಅಸ್ಗರ್ ಅಫ್ಗನ್, ಹಶ್ಮತುಲ್ಲಾ ಶಾಹಿದಿ, ಹಜ್ರತುಲ್ಲಾ ಜಜಾಯ್ , ನಜೀಬುಲ್ಲಾ ಜದ್ರನ್, ನೂರ್ ಅಲಿ ಜದ್ರನ್ ,ರೆಹ್ಮತ್ ಶಾ, ಸಮಿಉಲ್ಲಾ ಶೆನ್ವರಿ, ಮೊಹಮ್ಮದ್ ನಬಿ , ಮೊಹಮ್ಮದ್ ಶೆಹ್ಜಾದ್, ಮುಜೀದ್ ಉರ್ ರೆಹ್ಮಾನ್, ದವ್ಲತ್ ಜದ್ರನ್ , ಹಮಿದ್ ಹಸನ್, ರಶೀದ್ ಖಾನ್, ಅಫ್ತಾಬ್ ಅಲಮ್
==

ವೆಸ್ಟ್​ ಇಂಡೀಸ್ : ಜೇಸನ್ ಹೋಲ್ಡರ್ (ನಾಯಕ) , ಶಿಮ್ರೋನ್ ಹೆಟ್ಮೇರ್ ,ಶಾಹ್ ಹೋಪ್ , ಡ್ಯಾರೆನ್ ಬ್ರಾವೋ, ಎವಿನ್ ಲೆವಿಸ್, ಫಾಬಿನ್ ಅಲೆನ್, ಕಾರ್ಲೊಸ್ ಬ್ರಾಥ್​​ವೈಟ್, ಕ್ರಿಸ್ ಗೇಲ್, ಆಂಡ್ರೋ ರಸೆಲ್, ನಿಕೋಲಸ್ ಪೂರನ್, ಒಶಾನೆ ಥೋಮಸ್ , ಕೀಮರ್ ರೋಚ್ , ಶನ್ನೂನ್ ಗ್ಯಾಬ್ರಿಯಲ್, ಶೆಲ್ಡನ್ ಕಟ್ರೆಲ್, ಆಶ್ಲೆ ನರ್ಸ್​

ರೋಹಿತ್​, ಯುವಿ ಸಖತ್ ಸ್ಟೆಪ್​ಗೆ ಫ್ಯಾನ್ಸ್ ಕ್ಲೀನ್ ಬೋಲ್ಡ್..!

0

ಹಿಟ್ ಮ್ಯಾನ್ ಖ್ಯಾತಿಯ ಬ್ಯಾಟ್ಸ್​ಮನ್.. ಟೀಮ್ ಇಂಡಿಯಾನ ಉಪನಾಯಕ, ಮುಂಬೈ ಇಂಡಿಯನ್ಸ್ ತಂಡದ ಕ್ಯಾಪ್ಟನ್ ರೋಹಿತ್ ಶರ್ಮಾ. 2011ರ ವರ್ಲ್ಡ್​ಕಪ್ ಹೀರೊ. ಸಿಕ್ಸರ್​​​ ಕಿಂಗ್​ ಯುವರಾಜ್ ಸಿಂಗ್. ತಮ್ಮ ಅದ್ಭುತ ಬ್ಯಾಟಿಂಗ್​ನಿಂದ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿಕೊಂಡಿರೋ ಸ್ಟಾರ್ ಕ್ರಿಕೆಟರ್​ಗಳು.
12ನೇ ಆವೃತ್ತಿಯ ಐಪಿಎಲ್​ನ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಹಾಗೂ ತಂಡದ ಸದಸ್ಯ ಯುವಿ ಇಬ್ಬರು ಸಖತ್ ಸ್ಟೆಪ್ ಹಾಕಿದ್ದು, ಆ ವಿಡಿಯೋ ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ರೋಹಿತ್, ಯುವಿ ಸ್ಟೆಪ್​ಗೆ ಫ್ಯಾನ್ಸ್ ಕ್ಲೀನ್ ಬೋಲ್ಡ್ ಆಗಿದ್ದಾರೆ.
ಹೌದು, ಕೂಲ್​ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದ ಚೆನ್ನೈ ಸೂಪರ್ ಕಿಂಗ್ಸ್ ಅನ್ನು ಮಣಿಸಿ 4ನೇ ಬಾರಿಗೆ ಐಪಿಎಲ್ ಕಿರೀಟವನ್ನು ಮುಡಿಗೇರಿಸಿಕೊಂಡ ಮುಂಬೈಯ ಸಂಭ್ರಮಾಚರಣೆ ಜೋರಾಗಿತ್ತು. ಟ್ರೋಫಿ ಎತ್ತಿ ಹಿಡಿದು ಮೈದಾನದಲ್ಲಿ ಸಂಭ್ರಮಿಸಿದ್ದಲ್ಲದೆ ಟೀಮ್​ ಮ್ಯಾನೇಜ್ಮೆಂಟ್ ಆಯೋಜಿಸಿದ್ದ ಪಾರ್ಟಿಯಲ್ಲೂ ಆಟಗಾರರು ಕುಣಿದು ಕುಪ್ಪಳಿಸಿದ್ರು. ಅದರಲ್ಲೂ ರೋಹಿತ್ ಶರ್ಮಾ ಮತ್ತು ಯುವರಾಜ್ ಸಿಂಗ್ ಅವರ ರ್ಯಾಪ್, ಡ್ಯಾನ್ಸ್​​​​ ಸಖತ್ ಆಗಿತ್ತು. ಅದೀಗ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.

ಕಾಲಲ್ಲಿ ರಕ್ತ ಚಿಮ್ಮುತ್ತಿದ್ರು ಚೆನ್ನೈ ಗೆಲುವಿಗೆ ಹೋರಾಡಿದ ವ್ಯಾಟ್ಸನ್​..!

0

12ನೇ ಆವೃತ್ತಿಯ ಐಪಿಎಲ್ ಮುಕ್ತಾಯವಾಗಿ ಎರಡು ದಿನಗಳಾಗಿವೆ. ರೋಹಿತ್ ಶರ್ಮಾ ನಾಯಕತ್ವದ ಮುಂಬೈ ಇಂಡಿಯನ್ಸ್​ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ಅನ್ನು ಮಣಿಸಿ ಚಾಂಪಿಯನ್ ಆಗಿ ಹೊರ ಹೊಮ್ಮಿದ್ದು ಇತಿಹಾಸ.
ಹೈದರಾಬಾದ್ ನಲ್ಲಿ ಕಳೆದ ಭಾನುವಾರ ನಡೆದ ಫೈನಲ್ ಮ್ಯಾಚ್​ನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ 149ರನ್​ ಬಾರಿಸಿತ್ತು. 150ರನ್​ಗಳ ಗುರಿಯನ್ನು ಬೆನ್ನತ್ತಿದ ಚೆನ್ನೈ ಬ್ಯಾಟ್ಸ್​ಮನ್​ಗಳು ಮುಂಬೈ ದಾಳಿಗೆ ಪರದಾಡಿದರು. ಆದರೆ, ಶೇನ್ ವ್ಯಾಟ್ಸನ್​ ಮಾತ್ರ ಏಕಾಂಗಿ ಹೋರಾಟ ನಡೆಸಿ ಗೆಲುವಿನ ಸನಿಹ ತಂಡವನ್ನು ಕೊಂಡೊಯ್ದಿದ್ದರು. ಅಂತಿಮ ಕ್ಷಣದಲ್ಲಿ ವ್ಯಾಟ್ಸನ್​ ಔಟಾಗುವುದರೊಂದಿಗೆ ಚೆನ್ನೈ ಗೆಲುವಿನ ಅವಕಾಶವೂ ತಪ್ಪಿತು. ಅಕಸ್ಮಾತ್ ವ್ಯಾಟ್ಸನ್​ ಇದ್ದಿದ್ದರೆ ಕಥೆಯೇ ಬೇರೆ ಇತ್ತು.
ಅದೇನೇ ಇರಲಿ ಈಗ ಮ್ಯಾಚ್​ ಮುಗಿದಿದೆ. ಐಪಿಎಲ್​ ಹಬ್ಬ ಮುಗಿದಿದ್ದು ಇನ್ನು ವರ್ಲ್​ಕಪ್ ಸಂಭ್ರಮ. ಹೀಗಿರುವಾಗ ಮತ್ತೆ ಐಪಿಎಲ್​ ಅನ್ನು ನೆನಪಿಸಿಕೊಳ್ಳೋಕೆ ಕಾರಣ ವ್ಯಾಟ್ಸನ್​ ಮೆರೆದ ಕ್ರೀಡಾ ಬದ್ಧತೆ..!
ಹೌದು, ಶೇನ್ ವ್ಯಾಟ್ಸನ್ ಅವರು ಕ್ರೀಡಾ ಬದ್ಧತೆ ಮೆರೆದಿದ್ದಾರೆ. ಗುರಿ ಬೆನ್ನತ್ತಿದ ಚೆನ್ನೈ ಪರ ಏಕಾಂಗಿ ಹೋರಾಟ ನಡೆಸಿದ್ದ ವ್ಯಾಟ್ಸನ್ 80ರನ್ ಮಾಡಿ ಪೆವಿಲಿಯನ್ ಸೇರಿದ್ರು. ಆದರೆ, ಅದು ಅವರು ಆರಾಮಾಗಿದ್ದು ನಡೆಸಿದ ಹೋರಾಟವಲ್ಲ..! ಆಡುತ್ತಿರುವಾಗ ಗಾಯಗೊಂಡಿದ್ರು..! ಅವರ ಎಡಗಾಲಲ್ಲಿ ರಕ್ತ ಚಿಮ್ಮುತ್ತಿತ್ತು. ಆದರೆ ಆ ನೋವನ್ನು ಸಹಿಸಿಕೊಂಡು, ಯಾರಿಗೂ ಗೊತ್ತಾಗದಂತೆ ಬ್ಯಾಟ್​ ಬೀಸಿದ್ರು ವ್ಯಾಟ್ಸನ್. ವ್ಯಾಟ್ಸನ್ ಅವರ ಕಾಲಲ್ಲಿ ರಕ್ತ ಚಿಮ್ಮುತ್ತಿರೋ ವಿಡಿಯೋ ಈಗ ವೈರಲ್ ಆಗಿದೆ. ಅಂದು ಮ್ಯಾಚ್​ ನೋಡುವಾಗ ಯಾರೊಬ್ಬರೂ ಅವರ ಕಾಲನ್ನು ಗಮನಿಸಿರಲಿಲ್ಲ.!
ಮ್ಯಾಚ್​ ಮುಗಿದು 20 ಗಂಟೆಗಳ ಬಳಿಕ ಸ್ಟಾರ್ ಬೌಲರ್ ಹರ್ಭಜನ್ ಸಿಂಗ್ ಶೇನ್ ವ್ಯಾಟ್ಸನ್​ ಫೋಟೋ ಹಾಕಿ ಕಾಲಿನಿಂದ ಸುರಿಯುತ್ತಿದ್ದ ರಕ್ತವನ್ನು ನೋಡಿದ್ದೀರಾ? ಮ್ಯಾಚ್​ ಮುಗಿದ ಬಳಿಕ ಆ ಗಾಯಕ್ಕೆ 6 ಹೊಲಿಗೆಗಳು ಬಿದ್ದಿವೆ. ರನ್ ಔಟ್​ ಆಗೋದನ್ನು ತಪ್ಪಿಸಿಕೊಳ್ಳಲು ಡೈವ್ ಹೊಡೆದಾಗ ಕಾಲಿಗೆ ಇಂಥಾ ಗಾಯವಾಗಿದ್ರೂ ಅದನ್ನು ಮರೆಮಾಚಿ ವ್ಯಾಟ್ಸನ್ ಆಟ ಮುಂದುವರೆಸಿದ್ದರು ಅಂತ ಭಜ್ಜಿ ಪೋಸ್ಟ್ ಮಾಡಿದ್ದಾರೆ. ವ್ಯಾಟ್ಸನ್​ ಕ್ರೀಡಾ ಸ್ಫೂರ್ತಿ, ಬದ್ಧತೆ ಎಲ್ಲಾ ಕಡೆ ಮೆಚ್ಚುಗೆಗೆ ಪಾತ್ರವಾಗಿದೆ.

‘ಧೋನಿ ಆಟಗಾರ ಮಾತ್ರವಲ್ಲ ಅವರೇ ಕ್ರಿಕೆಟ್ ಯುಗ’..!

0

ಟೀಮ್​ ಇಂಡಿಯಾದ ಮಾಜಿ ನಾಯಕ, ಭಾರತಕ್ಕೆ ಎರಡೆರಡು ವರ್ಲ್ಡ್​ಕಪ್ ಅನ್ನು ಭಾರತಕ್ಕೆ ತಂದು ಕೊಟ್ಟ ಜಗಮೆಚ್ಚಿದ ಕ್ರಿಕೆಟಿಗ. ಐಪಿಎಲ್​ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕನಾಗಿ 3 ಭಾರಿ ಆ ತಂಡವನ್ನು ಚಾಂಪಿಯನ್ ಪಟ್ಟದಲ್ಲಿ ಕೂರಿಸಿದ ಚಾಂಪಿಯನ್ ಆಟಗಾರ.
ನಿನ್ನೆಯಷ್ಟೇ ಮುಕ್ತಾಯವಾದ 12ನೇ ಆವೃತ್ತಿಯ ಐಪಿಎಲ್​ನಲ್ಲಿ ಕೇವಲ ಒಂದೇ ಒಂದು ರನ್​ಗಳಿಂದ ಧೋನಿ ಸಾರಥ್ಯದ ಚೆನ್ನೈ ಸೂಪರ್ ಕಿಂಗ್ಸ್ ರೋಹಿತ್ ಶರ್ಮಾ ನಾಯಕತ್ವದ ಮುಂಬೈ ಇಂಡಿಯನ್ಸ್​ಗೆ ಶರಣಾಯಿತು. ಮುಂಬೈ ಈ ಮೂಲಕ 4ನೇ ಬಾರಿ ಐಪಿಎಲ್ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿತು. ಸ್ವಲ್ಪದರಲ್ಲೇ 4ನೇ ಬಾರಿ ಚಾಂಪಿಯನ್ ಆಗುವ ಅವಕಾಶವನ್ನು ಧೋನಿ ಪಡೆ ಮಿಸ್​ ಮಾಡಿಕೊಂಡಿತು.
ಅದೇನೇ ಇದ್ದರು ಧೋನಿ ಮಾತ್ರ ವಿಶ್ವದ ಶ್ರೇಷ್ಠ ಕ್ರಿಕೆಟಿಗರ ಸಾಲಿನಲ್ಲಿ ನಿಂತಾಗಿದೆ. ಕೆಲವು ಸರಣಿ, ಪಂದ್ಯಗಳನ್ನು ಸೋತ ಮಟ್ಟಿಗೆ ಧೋನಿಯ ತಾಕತ್ತನ್ನು ಪ್ರಶ್ನಿಸಲು ಸಾಧ್ಯವಿಲ್ಲ. ಎಲ್ಲಾ ಮ್ಯಾಚ್​ಗಳಲ್ಲೂ ಯಶಸ್ಸು ಕಾಣುವುದು ಅಸಾಧ್ಯ. ಧೋನಿ ಇಡೀ ವಿಶ್ವಕ್ರಿಕೆಟೇ ಮೆಚ್ಚು ಮಹಾನ್ ಆಟಗಾರ ಅನ್ನುವುದರಲ್ಲಿ ನೋ ಡೌಟ್.
ಧೋನಿಯ ಗುಣಗಾನ ಮಾಡದೇ ಇರೋರು ತುಂಬಾ ಕಮ್ಮಿ. ಇಷ್ಟೆಲ್ಲಾ ಹೇಳೋಕೆ ಕಾರಣ ಆಸ್ಟ್ರೇಲಿಯಾದ ಮಾಜಿ ಓಪನರ್ ಮ್ಯಾಥ್ಯು ಹೇಡನ್. ಆಸೀಸ್​ ಕ್ರಿಕೆಟ್​ ನ ಲೆಜೆಂಡ್​ ಗಳಲ್ಲಿ ಮ್ಯಾಥ್ಯು ಹೇಡನ್ ಕೂಡ ಒಬ್ರು. ಮ್ಯಾಥ್ಯು ಕೂಲ್ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿಯ ಗುಣಗಾನ ಮಾಡಿದ್ದಾರೆ.
ಹಿಂದೆ ಧೋನಿ ನಾಯಕತ್ವದ ಚೆನ್ನೈ ಪರ ಆಡಿದ್ದ ಮ್ಯಾಥ್ಯು ಹೇಡನ್ ‘ಸಿಎಸ್​ಕೆ -ದಿ ಸೂಪರ್ ಕಿಂಗ್ಸ್’ ಅನ್ನೋ ಕಾರ್ಯಕ್ರಮವೊಂದರಲ್ಲಿ ಧೋನಿ ಬಗ್ಗೆ ಮಾತಾಡಿದ್ದಾರೆ. ”ಧೋನಿ ಆಟಗಾರನಷ್ಟೇ ಅಲ್ಲ. ಅವರು ಕ್ರಿಕೆಟಿನ ಒಂದು ಯುಗ. ಆತ ಕ್ರಿಕೆಟಿಗನಾಗಿದ್ದರೂ ಹೆಚ್ಚುಕಡಿಮೆ ಅವರೊಬ್ಬ ರಾಷ್ಟ್ರನಾಯಕನಂತೆ” ಅಂತ ಹೇಡನ್ ಬಣ್ಣಿಸಿದ್ದಾರೆ. ಅಷ್ಟೇ ಅಲ್ಲ ಧೋನಿ ನಮ್ಮಳೊಗೊಬ್ಬ.. ಅವರು ಏನನ್ನೂ ಮಾಡಬಲ್ಲರು, ಎಲ್ಲೂ ಆಡಬಲ್ಲರು ಎಂದು ಹೇಡನ್ ಅಭಿಪ್ರಾಯಪಟ್ಟಿದ್ದಾರೆ.

Popular posts