Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Sunday, September 22, 2019

ಇಂಡೋ-ವಿಂಡೀಸ್​ ಸೆಕೆಂಡ್​ ಟೆಸ್ಟ್ – ವೈಟ್​ ವಾಷ್ ಭೀತಿಯಲ್ಲಿ ಕೆರಬಿಯನ್ನರು..!

0

ಕಿಂಗ್​ಸ್ಟನ್​ (ಜುಮೈಕಾ) : ವಿಶ್ವಕಪ್​ ಬಳಿಕ ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿರುವ ಟೀಮ್ ಇಂಡಿಯಾ ಟಿ20, ಒಡಿಐ ಸರಣಿಯನ್ನು ಅಧಿಕೃತವಾಗಿ ಗೆದ್ದಿದ್ದು, ಇಂದಿನಿಂದ ಆರಂಭವಾಗುವ ಎರಡನೇ ಟೆಸ್ಟ್​ ಮ್ಯಾಚ್​ನಲ್ಲೂ ಅತಿಥೇಯ ವೆಸ್ಟ್ ಇಂಡೀಸ್ ಅನ್ನು ಬಗ್ಗು ಬಡಿಯುವ ತವಕದಲ್ಲಿದೆ. ಈಗಾಗಲೇ ಮೊದಲ ಟೆಸ್ಟ್​ನಲ್ಲಿ ಸೋಲುಂಡಿರುವ ಕೆರಬಿಯನ್ನರು ವೈಟ್​ವಾಷ್ ಭೀತಿಯಲ್ಲಿದ್ದಾರೆ.
ಕಿಂಗ್​ ಸ್ಟನ್​ನ ಸಬಿನಾ ಪಾರ್ಕ್​ ಸ್ಟೇಡಿಯಂನಲ್ಲಿ ಇಂದಿನಿಂದ ಎರಡನೇ ಟೆಸ್ಟ್​ ಆರಂಭವಾಗುತ್ತಿದೆ. ವಿರಾಟ್​ ಕೊಹ್ಲಿ ಪಡೆಗೆ ಮುಖ್ಯವಾಗಿ ಆರಂಭಿಕ ಜೋಡಿಯದ್ದೇ ದೊಡ್ಡ ತಲೆನೋವಾಗಿದೆ. ಕನ್ನಡಿಗರಾದ ಕೆ.ಎಲ್ ರಾಹುಲ್ ಮತ್ತು ಮಯಾಂಕ್ ಅಗರ್​​ವಾಲ್​ ಫಸ್ಟ್ ಟೆಸ್ಟ್​ನಲ್ಲಿ ಆರಂಭಿಕರಾಗಿ ಕಣಕ್ಕಿಳಿದಿದ್ದರು. ಆದರೆ ಅವರಿಬ್ಬರೂ ಉತ್ತಮ ಆರಂಭ ಒದಗಿಸುವಲ್ಲಿ ವಿಫಲರಾಗಿದ್ದರು. ಮೊದಲ ಇನ್ನಿಂಗ್ಸ್​​ನಲ್ಲಿ ಕೇವಲ 5ರನ್​ ಜೊತೆಯಾಟ ಹಾಗೂ ಎರಡನೇ ಇನ್ನಿಂಗ್ಸ್​ನಲ್ಲಿ ಕೇವಲ 30ರನ್ ಜೊತೆಯಾಟ ಮಾತ್ರ ಈ ಜೋಡಿಯಿಂದ ಬಂದಿತ್ತು. ವೈಯಕ್ತಿಕವಾಗಿಯೂ ಹೆಚ್ಚು ರನ್ ಗಳಿಸಲು ಇಬ್ಬರೂ ಎಡವಿದ್ದರು.
ಟೆಸ್ಟ್​ನಲ್ಲಿ ವಿರಾಟ್​ ಕೊಹ್ಲಿ ಪಡೆಗೆ ಆರಂಭಿಕ ಜೋಡಿಯ ತಲೆ ನೋವು ಈ ಸರಣಿಯಲ್ಲಿ ಮಾತ್ರವಲ್ಲ. 2018ರ ಡಿಸೆಂಬರ್​​ನಲ್ಲಿ ನಡೆದ ಟೆಸ್ಟ್​ನಲ್ಲಿ ಹನುಮ ವಿಹಾರಿ ಮತ್ತು ಮಯಾಂಕ್ ಅಗರ್​ವಾಲ್ ಅವರನ್ನು ಓಪನಿಂಗ್ ಕಳುಹಿಸಲಾಗಿತ್ತು. ಆ ಪ್ರಯೋಗ ಕ್ಲಿಕ್ ಆಗಿರಲಿಲ್ಲ. ಪರ್ತ್​ ಟೆಸ್ಟ್​ನಲ್ಲಿ ಕೆ.ಎಲ್ ರಾಹುಲ್ ಮತ್ತು ಮುರಳಿ ವಿಜಯ್ ಇನ್ನಿಂಗ್ಸ್ ಆರಂಭಿಸಿದ್ರು. ಈ ಜೋಡಿ ಕೂಡ ನಿರೀಕ್ಷಿತ ಪ್ರದರ್ಶನ ನೀಡಿರ್ಲಿಲ್ಲ.
ಇನ್ನು ಇಂದಿನಿಂದ ಆರಂಭವಾಗುವ ಟೆಸ್ಟ್ ಬಗ್ಗೆ ಗಮನಿಸುವುದಾದರೆ ರಾಹುಲ್, ಅಗರ್​ವಾಲ್ ಅಥವಾ ಪಂತ್​ ಕೂರಿಸಿ ರೋಹಿತ್ ಶರ್ಮಾ ಅವರನ್ನು ಕಣಕ್ಕಿಳಿಸಬಹುದು. ಪಂತ್​ ಅವರನ್ನು ಹೊರಗಿಟ್ಟು ವೃದ್ಧಿಮಾನ್ ಸಾಹಗೆ ಅವಕಾಶ ನೀಡುವ ಸಾಧ್ಯತೆ ಹೆಚ್ಚಿದೆ. ಒಂದು ವೇಳೆ ಪಂತ್ ಬದಲು ರೋಹಿತ್ ಶರ್ಮಾ ಕಣಕ್ಕಿಳಿದರೆ ಕನ್ನಡಿಗ ಕೆ.ಎಲ್​ ರಾಹುಲ್​ಗೆ ವಿಕೆಟ್​ ಕೀಪಿಂಗ್ ಹೊಣೆ ಹೆಚ್ಚುವರಿಯಾಗಿ ಹೆಗಲೇರಲಿದೆ.
ಟೀಮ್ ಇಂಡಿಯಾವೇ ಗೆಲ್ಲುವ ನೆಚ್ಚಿನ ತಂಡ ಎನಿಸಿದರೂ ಜೇಸನ್ ಹೋಲ್ಡರ್ ನೇತೃತ್ವದ ವಿಂಡೀಸ್​ ಗಾಯಗೊಂಡಿರುವ ಹುಲಿಗಳಂತಿದ್ದು.. ಈ ಟೆಸ್ಟ್​ನಲ್ಲಾದರೂ ಗೆಲ್ಲಬೇಕೆಂಬ ಹಠದಲ್ಲಿದೆ. ಭಾರತ ಕೆರಬಿಯನ್ನರನ್ನಂತೂ ಲಘುವಾಗಿ ಪರಿಗಣಿಸುವಂತಿಲ್ಲ. ಭಾರತೀಯ ಕಾಲಮಾನದ ಪ್ರಕಾರ ರಾತ್ರಿ 8ಗಂಟೆಗೆ ಪಂದ್ಯ ಆರಂಭವಾಗಲಿದೆ.

ತಂಡಗಳು ಇಂತಿವೆ
ಭಾರತ : ವಿರಾಟ್ ಕೊಹ್ಲಿ (ನಾಯಕ), ಅಜಿಂಕ್ಯ ರಹಾನೆ (ಉಪ ನಾಯಕ), ಮಯಾಂಕ್ ಅಗರ್ ವಾಲ್, ಕೆ.ಎಲ್ ರಾಹುಲ್, ಚೇತೇಶ್ವರ ಪೂಜಾರ, ಹನುಮ ವಿಹಾರಿ, ರೋಹಿತ್ ಶರ್ಮಾ, ರಿಷಬ್ ಪಂತ್, ವೃದ್ಧಿಮಾನ್ ಸಾಹ, ರವಿಚಂದ್ರನ್ ಅಶ್ವಿನ್, ಜಡೇಜಾ, ಕುಲ್ದೀಪ್​ ಯಾದವ್, ಇಶಾಂತ್ ಶರ್ಮಾ, ಮೊಹಮ್ಮದ್​ ಶಮಿ, ಜಸ್​ಪ್ರೀತ್ ಬುಮ್ರಾ, ಉಮೇಶ್ ಯಾದವ್.

ವೆಸ್ಟ್ ಇಂಡೀಸ್
ಜೇಸನ್ ಹೋಲ್ಡರ್ (ನಾಯಕ), ಕ್ರೇಗ್​ ಬ್ರಾತ್ ವೇಟ್, ಡರೇನ್ ಬ್ರಾವೊ, ಶಮಾರ್ ಬ್ರೂಕ್ಸ್, ಜಾನ್​ ಕ್ಯಾಂಬೆಲ್, ರಾಸ್ಟನ್​ ಚೇಸ್, ರಖೀಮ್ ಕಾರ್ನ್ ವಾಲ್, ಜಹ್​ಮರ್ ಹ್ಯಾಮಿಲ್ಟನ್, ಶ್ಯಾನನ್ ಗ್ಯಾಬ್ರಿಯಲ್, ಶಿಮ್ರಾನ್ ಹೆಟ್ಮಾಯರ್, ಶಾಯ್ ಹೋಪ್, ಕಿಮೊ ಪಾಲ್, ಕೆಮರ್ ರೋಚ್.

ಐಪಿಎಲ್​​ 2019 : ಅಂಪೈರ್ಸ್​, ರೆಫ್ರಿಗಳಿಗೆ ಸಿಕ್ಕ ಸಂಭಾವನೆ ಎಷ್ಟು ಗೊತ್ತಾ?

0

ನವದೆಹಲಿ : ಇಂಡಿಯನ್​​ ಪ್ರೀಮಿಯರ್​​​ ಲೀಗ್​​​ (IPL) ವಿಶ್ವದ ಶ್ರೀಮಂತ ಕ್ರಿಕೆಟ್​​​ ಟೂರ್ನಮೆಂಟ್​​ಗಳಲ್ಲೊಂದು. ದೇಸಿ ಕ್ರಿಕೆಟ್​ ಪ್ರತಿಭೆಗಳಿಗೆ ತಮ್ಮ ಸಾಮರ್ಥ್ಯ ತೋರಿಸಲು ಐಪಿಎಲ್​​ ವೇದಿಕೆಯಾಗಿದೆ. ಐಪಿಎಲ್​​​ ಬಿಸಿಸಿಐನ ಕನಸಿನ ಕೂಸು. ಮಿಲಿಯನ್​ ಡಾಲರ್​​​ ಟೂರ್ನ್​​ಮೆಂಟ್​​ ಐಪಿಎಲ್​ನಲ್ಲಿ ಕೋಟಿ ಕೋಟಿ ಹಣ ಸುರಿಯೋದು ಎಲ್ಲರಿಗೂ ಗೊತ್ತಿರೋ ವಿಚಾರವೇ. ಆಟಗಾರರಿಗೆ ಎಷ್ಟು ಹಣ ನೀಡಲಾಗುತ್ತದೆ ಅನ್ನೋದು ಜಗಜ್ಜಾಹಿರ. ಆದರೆ, ಇದೇ ಮೊದಲ ಬಾರಿಗೆ ಅಂಪೈರ್ಸ್​​​ಗಳಿಗೆ ಮತ್ತು ಮ್ಯಾಚ್​ ರೆಫ್ರಿಗಳಿಗೆ ನೀಡಿರುವ ಸಂಭಾವನೆಯ ಪಟ್ಟಿಯನ್ನು ಬಿಸಿಸಿಐ ರಿಲೀಸ್​​ ಮಾಡಿದೆ.

ಈ ಬಾರಿ ಬಿಸಿಸಿಐ ಐಪಿಎಲ್​ 2019ರಲ್ಲಿ ಅಂಪೈರ್​​ ಹಾಗೂ ಮ್ಯಾಚ್​ ರೆಫ್ರಿಗೆ ನೀಡಿರುವ ಹಣದ ಬಗ್ಗೆ ಮಾಹಿತಿ ನೀಡಿದ್ದು, ಅದರ ಪ್ರಕಾರ ಮ್ಯಾಚ್​​ ರೆಫ್ರಿಗಳಾದ ಕನ್ನಡಿಗ ಜಾವಗಲ್​ ಶ್ರೀನಾಥ್​ ಹಾಗೂ ನಿತಿನ್​​ ಅವರಿಗೆ ಬಿಸಿಸಿಐ ತಲಾ 52,45,128 ರೂ.ಗಳನ್ನು ಮ್ಯಾಚ್​ ಫೀಸ್​ ಆಗಿ ನೀಡಿದ್ರೆ, 9 ಅಂಪೈರ್ಸ್​​ಗಳು 25 ಲಕ್ಷ ರೂ.ಕ್ಕಿಂತಲೂ ಅಧಿಕ ಸಂಭಾವನೆ ಪಡಿದಿದ್ದಾರೆ.

 25 ಲಕ್ಷಕ್ಕೂ ಅಧಿಕ ಹಣ ಪಡೆದ ಅಂಪೈರ್ಸ್​​ಗಳ ಲಿಸ್ಟ್​​ ಇಲ್ಲಿದೆ

ಎಸ್ ರವಿ- 42,46,056

ಮನು ನಾಯರ್- 41,96,102

ಸಿ ಶಮ್ಸುದ್ದಿನ್- 41,00,242

ನಂದನ್- 37,04,659

ಅನಿಲ್ ದಂಡೇಕರ್- 32,96,938

ಯಶವಂತ್ ಬರ್ದೆ- 32,96,938

ನಾರಾಯಣ್​ಕುಟ್ಟಿ ವಿ- 32,96,938

ಕ್ರಿಕೆಟ್​​​​ ಜಗತ್ತಿಗೆ ಕೇರಂ ಬಾಲ್​ ಪರಿಚಯಿಸಿದ್ದ ಅಜಂತಾ ಮೆಂಡಿಸ್​​ ವಿದಾಯ..!

0

ಕೊಲಂಬೊ:  ಕೇರಂ ಬಾಲ್ ಸ್ಪಿನರ್ ಖ್ಯಾತಿಯ ಶ್ರೀಲಂಕಾದ ಕ್ರಿಕೆಟಿಗ ಅಜಂತಾ ಮೆಂಡಿಸ್​ ತಮ್ಮ ಕ್ರಿಕೆಟ್​ ಕೆರಿಯರ್​ಗೆ ಗುಡ್​ ಬೈ ಹೇಳಿದ್ದಾರೆ.

ವಿಶ್ವ ಕ್ರಿಕೆಟ್​​ಗೆ ಕೇರಂ ಬಾಲ್​​ ಎಸೆತವನ್ನು ಪರಿಚಯಿಸಿದ್ದ ಅಜಂತಾ ಮೆಂಡಿಸ್​​ ತಮ್ಮ ವಿಭಿನ್ನ ಸ್ಟೈಲ್​ ಬೌಲಿಂಗ್​ ಮೂಲಕ ಗಮನಸೆಳೆದಿದ್ರು. 2008 ಏಪ್ರಿಲ್​ನಲ್ಲಿ ವಿಂಡೀಸ್​ ವಿರುದ್ಧ ಏಕದಿನ ಪಂದ್ಯದ ಮೂಲಕ ವರ್ಲ್ಡ್​​ ಕ್ರಿಕೆಟ್​ಗೆ ಎಂಟ್ರಿ ಕೊಟ್ಟ ಅವರು, ಪದಾರ್ಪಣೆ ಪಂದ್ಯದಲ್ಲೇ 39 ರನ್​ಗೆ 3 ವಿಕೆಟ್​​ ಪಡೆದಿದ್ರು. ಆದರೆ, ಅವರ ನಿಜವಾದ ಪ್ರತಿಭೆ ಸಾಬೀತಾಗಿದ್ದು ಬಳಿಕ ನಡೆದ ಏಷ್ಯಾಕಪ್​ನಲ್ಲಿ. ಕರಾಚಿಯಲ್ಲಿ ನಡೆದ ಭಾರತ ವಿರುದ್ಧದ ಫೈನಲ್​ ಪಂದ್ಯದಲ್ಲಿ ಭಾರತದ ಘಟಾನುಘಟಿ ಬ್ಯಾಟ್ಸ್​​ಮನ್​​ಗಳು ಮೆಂಡಿಸ್​​ ಬೌಲಿಂಗ್​ ಎದುರು ಪತರುಗುಟ್ಟಿದ್ರು. ಕೇವಲ 13 ರನ್​ ನೀಡಿ 6 ವಿಕೆಟ್​​ಗಳನ್ನು ಕಬಳಿಸಿದ್ದ ಅವರು ಶ್ರೀಲಂಕಾಕ್ಕೆ ಏಷ್ಯಾ ಕಪ್​​ ತಂದುಕೊಟ್ರು.

ಟೆಸ್ಟ್​​ ಕ್ರಿಕೆಟ್​​ನಲ್ಲೂ ಅದ್ಭುತ ಸಾಧನೆ ಮಾಡಿರುವ ಅಜಂತಾ ಮೆಂಡಿಸ್​​ ಭಾರತದ ವಿರುದ್ಧವೇ ತನ್ನ ಮೊದಲ ಟೆಸ್ಟ್​​ ಆಡಿದ್ರು. ಫಸ್ಟ್​​ ಮ್ಯಾಚ್​​ನಲ್ಲೇ 8 ವಿಕೆಟ್​​ ಪಡೆದ ಅವರು 3 ಪಂದ್ಯಗಳ ಸರಣಿಯಲ್ಲಿ ಬರೋಬ್ಬರಿ 26 ವಿಕೆಟ್​​ಗಳನ್ನು ಪಡೆದಿದ್ರು. ಅಷ್ಟೇ ಅಲ್ಲದೇ, ಶ್ರಿಲಂಕಾ ಸರಣಿ ಜಯಿಸುವಲ್ಲಿ ನೆರವಾದ್ರು. ಇನ್ನು ಟಿ-20 ಕ್ರಿಕೆಟ್​​ನಲ್ಲಂತೂ ಅವರ ಕೈಚಳಕ ಗಮನಾರ್ಹ. ಅಜಂತಾ ಮೆಂಡಿಸ್​​ ಟಿ-20 ಫಾರ್ಮೆಟ್​ನಲ್ಲಿ ಎರಡು ಬಾರಿ 6 ವಿಕೆಟ್​​ಗಳ ಗೊಂಚಲನ್ನು ಪಡೆದ ಏಕೈಕ ಆಟಗಾರಾಗಿದ್ದಾರೆ. ಇನ್ನು ಅವರು ತನ್ನ ಕೊನೆಯ ಪಂದ್ಯವನ್ನು 2015ರಲ್ಲಿ ವೆಸ್ಟ್​​ ಇಂಡೀಸ್​​ ವಿರುದ್ಧ ಆಡಿದ್ರು. ಒಡಿಐಯಲ್ಲಿ 87 ಮ್ಯಾಚ್​​ನಲ್ಲಿ 152 ವಿಕೆಟ್ಸ್​, 39 ಟಿ-20ಯಲ್ಲಿ 66 ವಿಕೆಟ್​​ ಹಾಗೂ 19 ಟೆಸ್ಟ್​​ ಮ್ಯಾಚ್​ಗಳಲ್ಲಿ 70 ವಿಕೆಟ್​​ಗಳನ್ನು ಪಡೆದಿದ್ದಾರೆ.

ಸೌತ್ ಆಫ್ರಿಕಾ ವಿರುದ್ಧದ ಟಿ-20 ಸರಣಿಗೆ ಧೋನಿಗಿಲ್ಲ ಚಾನ್ಸ್​..!?

0

ನವದೆಹಲಿ: ಭಾರತ ಕ್ರಿಕೆಟ್​​ಗೆ ಹೊಸ ಭಾಷ್ಯವನ್ನು ಬರೆದವರು ಮಾಜಿ ನಾಯಕ ಎಂ.ಎಸ್​ ಧೋನಿ. ಇವರ ಕ್ಯಾಪ್ಟನ್ಸಿಯಲ್ಲೇ ಟೀಮ್​ ಇಂಡಿಯಾ ಟಿ-20, ಏಕದಿನ ವಿಶ್ವಕಪ್​​ ಗೆದ್ದಿರೋದು ಮತ್ತು ಟೆಸ್ಟ್​​ ಕ್ರಿಕೆಟ್​ನಲ್ಲಿ ನಂ.1 ಸ್ಥಾನ ಅಲಂಕರಿಸಿದ್ದು. ಕ್ರಿಕೆಟ್​ ವರ್ಲ್ಡ್​​​ನಲ್ಲಿ ಬೆಸ್ಟ್​ ಗೇಮ್ ಫಿನಿಶರ್​​ ಅಂತ ಕರೆಸಿಕೊಂಡಿರೋ ಎಂ.ಎಸ್​ ಧೋನಿ ಸದ್ಯ ಫಾರ್ಮ್​ ಕಳೆದುಕೊಂಡು  ತಂಡದಿಂದ ಹೊರಗುಳಿಯುವಂತಾಗಿದೆ!

ಹೌದು. ಮುಂಬರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ-20 ಸರಣಿಗೆ ಆಯ್ಕೆ ಸಮಿತಿ ಧೋನಿಯವರನ್ನು ಟೀಮ್​ನಿಂದ ಕೈಬಿಡಲು ನಿರ್ಧರಿಸಿರುವುದೇ ಇದಕ್ಕೆ ಸಾಕ್ಷಿ.! ವಿಶ್ವಕಪ್​​​ ಬಳಿಕ  ಟೀಮ್​ ಇಂಡಿಯಾ ಕೈಗೊಂಡ ವೆಸ್ಟ್​​​ ಇಂಡೀಸ್​ ಟೂರ್​ನಲ್ಲೂ ಎಂ.ಎಸ್.​​ ಧೋನಿ ಭಾಗವಹಿಸಿಲ್ಲ. ಈ ವೇಳೆ ಭಾರತೀಯ ಸೇನೆಯಲ್ಲಿ ಕರ್ತವ್ಯ ನಿರ್ವಹಿಸಲು ತೆರಳಿದ ಧೋನಿ ಬದಲಿಗೆ ರಿಷಬ್​ ಪಂತ್​​ ಕೀಪಿಂಗ್​​ ಹೊಣೆ ಹೊತ್ತಿದ್ರು. ಸದ್ಯ ವೆಸ್ಟ್​​ ಇಂಡೀಸ್​ ವಿರುದ್ಧ ಒಂದು ಟೆಸ್ಟ್​​ ಪಂದ್ಯ ಬಾಕಿಯಿದೆ. ಅದಾದ ಬಳಿಕ ಟೀಮ್​​ ಇಂಡಿಯಾ ಸೆಪ್ಟೆಂಬರ್​​ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಟಿ.20 ಹಾಗೂ ಟೆಸ್ಟ್​​ ಸರಣಿ ಆಡಲಿದೆ. ಟೆಸ್ಟ್​​ ಕ್ರಿಕೆಟ್​ಗೆ ಈ ಹಿಂದೆಯೇ ನಿವೃತ್ತಿ ಘೋಷಿಸಿರುವ ಧೋನಿ ದಕ್ಷಿಣ ಆಫ್ರಿಕಾ ವಿರುದ್ಧ ಟಿ-20 ಆಡ್ತಾರೆ ಎಂದು ಊಹಿಸಲಾಗಿತ್ತು. ಅವರ ಅಭಿಮಾನಿಗಳು ಕೂಡ ಈ ಕ್ಷಣಕ್ಕಾಗಿ ಕಾಯ್ತಾ ಇದ್ರು. ಆದ್ರೆ, ಆಯ್ಕೆ ಸಮಿತಿ ಧೋನಿಯವರನ್ನು ತಂಡದಿಂದ ಹೊರಗಿಡುವ ಸಾಧ್ಯತೆ ದಟ್ಟವಾಗಿದೆ. ಮುಂಬರುವ ಟಿ-20 ವಿಶ್ವಕಪ್​​​ ದೃಷ್ಟಿಯಿಂದ ರಿಷಬ್​ ಪಂತ್​​ಗೆ ಆಯ್ಕೆ ಸಮಿತಿ ಮಣೆ ಹಾಕುವ ಚಾನ್ಸ್​​ ಇದೆ. ರಿಷಬ್​​​ ಪಂತ್​ ಕೂಡ ಸಿಕ್ಕ ಅವಕಾಶವನ್ನು ಸರಿಯಾಗಿ ಬಳಸಿಕೊಳ್ಳುವಲ್ಲಿ ಎಡವುತ್ತಿದ್ರೆ, ಅವರ ಜೊತೆಗೆ ಸಂಜು ಸ್ಯಾಮ್ಸನ್​​ ಹಾಗೂ ಇಶಾನ್​​ ಕಿಶಾನ್​​​​ ಅವಕಾಶಕ್ಕಾಗಿ ಕಾಯ್ತಾ ಇದ್ದಾರೆ. ಒಂದೆಡೆ ಧೋನಿಯವರು ಕೂಡ ಅವರ ಈ ಹಿಂದಿನ ಫಾರ್ಮ್​ನಲ್ಲಿಲ್ಲ. ಇನ್ನೊಂದೆಡೆ ರಿಷಬ್​​ ಪಂತ್​, ಸಂಜು ಸ್ಯಾಮ್ಸನ್​​, ಇಶಾನ್​ ಕಿಶಾನ್​​ ಜೊತೆ ಧೋನಿ ಬ್ಯಾಟಿಂಗ್​ ಹಾಗೂ ಕೀಪಿಂಗ್​​​ನಲ್ಲಿ ಸ್ಪರ್ಧಿಸಬೇಕಾಗಿದೆ.  ಹೀಗಾಗಿ ವರ್ಲ್ಡ್​​ಕಪ್​​ಗೆ ಬಲಿಷ್ಠ ಟೀಮ್​​ ಕಟ್ಟುವ ನಿಟ್ಟಿನಲ್ಲಿ ಧೋನಿಯವರನ್ನು ಟೀಮ್​​​ಗೆ ಸೇರಿಸಿಕೊಳ್ಳುವ ಆಸಕ್ತಿಯನ್ನು ಆಯ್ಕೆ ಸಮಿತಿ ತೋರಿಸ್ತಿಲ್ಲ.

ಇತ್ತ ಧೋನಿಯವರ ನಿವೃತ್ತಿಯ ಮಾತು ಕೂಡ ಜೋರಾಗಿಯೇ ಕೇಳಿ ಬರ್ತಿದೆ. ಮಾಜಿ ಆಟಗಾರರು ಕೂಡ ಧೋನಿ ನಿವೃತ್ತಿಗೆ ಇದು ಸಕಾಲ ಎಂದು ಅಭಿಪ್ರಾಯಪಡ್ತಿದ್ದಾರೆ. ದ.ಆಫ್ರಿಕಾ ವಿರುದ್ಧದ ಸರಣಿಯ ನಂತರ ಟೀಮ್​​​ ಇಂಡಿಯಾ ನವೆಂಬರ್​ನಲ್ಲಿ ಬಾಂಗ್ಲಾದೇಶ ವಿರುದ್ಧ ತವರಿನಲ್ಲಿ ಟಿ-20 ಪಂದ್ಯವನ್ನಾಡಲಿದೆ. ಈ ಸಂದರ್ಭದಲ್ಲಿ ಧೋನಿ ಕ್ರಿಕೆಟ್​​ ಭವಿಷ್ಯ ನಿರ್ಧಾರವಾಗುವ ಸಾಧ್ಯತೆಯಿದೆ. ಟಿ-20 ವರ್ಲ್ಡ್​​ಕಪ್​ವರೆಗೆ ಆಡ್ತಾರೋ ಅಥವಾ ಬಾಂಗ್ಲಾದೇಶ ವಿರುದ್ಧದ ಸರಣಿ ಧೋನಿ ನಿವೃತ್ತಿಗೆ ವೇದಿಕೆಯಾಗುತ್ತಾ ಎಂದು ಕಾದು ನೋಡಬೇಕಾಗಿದೆ.

ರಾಬಿನ್​ ಉತ್ತಪ್ಪಗೆ ಕ್ಯಾಪ್ಟನ್ ಪಟ್ಟ..!

0

ರಾಬಿನ್ ಉತ್ತಪ್ಪ ಸ್ಟಾರ್ ಕ್ರಿಕೆಟರ್​ಗಳಲ್ಲೊಬ್ಬರು. ಬ್ಯಾಟ್ಸ್​ಮನ್​ ಮಾತ್ರವಲ್ಲದೆ ವಿಕೆಟ್ ಕೀಪರ್ ಆಗಿಯೂ ತಮ್ಮ ತಂಡಕ್ಕೆ ನೆರವಾಗಬಲ್ಲ ಪ್ಲೇಯರ್​. 2006ರಲ್ಲಿ ಇಂಗ್ಲೆಂಡ್ ವಿರುದ್ಧ ಕಣಕ್ಕಿಳಿಯವ ಮೂಲಕ ಒಡಿಐಗೆ ಪದಾರ್ಪಣೆ ಮಾಡಿದ್ದ ಅವರು, 2007ರಲ್ಲಿ ಸ್ಕಾಟ್​ಲ್ಯಾಂಡ್​ ವಿರುದ್ಧದ ಮ್ಯಾಚ್​ ಮೂಲಕ ಅಂತಾರಾಷ್ಟ್ರೀಯ ಟಿ20ಗೆ ಎಂಟ್ರಿಕೊಟ್ಟಿದ್ದರು. 2007 ಒಡಿಐ ವಿಶ್ವಕಪ್​ ಹಾಗೂ ಟಿ20 ವಿಶ್ವಕಪ್​ನಲ್ಲೂ ಸ್ಥಾನ ಪಡೆದಿದ್ದರು ಈ ಕೊಡಗಿನ ಕುವರ.
2015ರಲ್ಲಿ ಜಿಂಬಾಬ್ವೆ ವಿರುದ್ಧ ಆಡಿದ ಮ್ಯಾಚೇ ಉತ್ತಪ್ಪರವರ ಇದುವರೆಗಿನ ಕೊನೆಯ ಒಡಿಐ. 2012ರಲ್ಲಿ ಸೌತ್​ ಆಫ್ರಿಕಾ ವಿರುದ್ಧ ಆಡಿದ್ದೇ ಇದುವರೆಗಿನ ಅವರ ಕೊನೆಯ ಟಿ20ಐ.
ಉತ್ತಪ್ಪ ಕನ್ನಡಿಗರು. ಕರ್ನಾಟಕದ ಪರ ಉತ್ತಮ ಆಟವಾಡಿ ಟೀಮ್ ಇಂಡಿಯಾದಲ್ಲಿ ಸ್ಥಾನ ಗಿಟ್ಟಿಸಿಕೊಂಡವರು. ಕನ್ನಡಿಗರಾದ ರಾಹುಲ್ ದ್ರಾವಿಡ್ ಅವರು ಟೀಮ್ ಇಂಡಿಯಾವನ್ನು ಮುನ್ನಡೆಸುತ್ತಿದ್ದಾಗ ತಂಡ ಕೂಡಿ ಕೊಂಡಿದ್ದ ಆಟಗಾರ ರಾಬಿನ್ ಉತ್ತಪ್ಪ. ಆದರೆ, ಕಳೆದ 4 ವರ್ಷದಿಂದ ಒಡಿಐಯಿಂದ, 7 ವರ್ಷಗಳಿಂದ ಟಿ20 ತಂಡದಿಂದ ಹೊರಗಿದ್ದಾರೆ. ಕಮ್​ಬ್ಯಾಕ್ ಮಾಡುವ ಇಂಗಿತವೂ ಅವರಲ್ಲಿದೆ.
ಇನ್ನು 2002ರಿಂದ 2017ರವರೆಗೆ ಕರ್ನಾಟಕ ತಂಡವನ್ನು ಪ್ರತಿನಿಧಿಸುತ್ತಿದ್ದ ಉತಪ್ಪ 2017ರಲ್ಲಿ ಸೌರಾಷ್ಟ್ರ ತಂಡವನ್ನು ಕೂಡಿಕೊಂಡಿದ್ರು. ಈ ವರ್ಷದಿಂದ ಕೇರಳ ತಂಡದಲ್ಲಿದ್ದಾರೆ. ಕೇರಳ ಟೀಮ್​ ಸೇರಿಕೊಂಡಿರೋ ಉತಪ್ಪಗೆ ನಾಯಕನ ಪಟ್ಟವೂ ಒಲಿದು ಬಂದಿದೆ.
ಹೌದು, ಕೇರಳ ರಾಜ್ಯ ಕ್ರಿಕೆಟ್​​ ತಂಡವನ್ನು ಮುಂಬರುವ ವಿಜಯ ಹಜಾರೆ ಏಕದಿನ ಹಾಗೂ ಸೈಯದ್​​ ಮುಷ್ತಾಕ್​ ಅಲಿ ಟಿ.20 ಸರಣಿಯಲ್ಲಿ ಕನ್ನಡಿಗ ರಾಬಿನ್​ ಉತ್ತಪ್ಪ ಮುನ್ನಡೆಸಲಿದ್ದಾರೆ. ಈ ಹಿಂದೆ ತಂಡದ ಕ್ಯಾಪ್ಟನ್​ ಆಗಿದ್ದ ಸಚಿನ್​ ಬೇಬಿ ಅವರು ಪದೇ ಪದೇ ಗಾಯದ ಸಮಸ್ಯೆಗೆ ತುತ್ತಾಗ್ತಿರೋದ್ರಿಂದ ರಾಬಿನ್​ ಉತ್ತಪ್ಪ ಅವರು ತಂಡದ ಸಾರಥ್ಯ ವಹಿಸಲಿದ್ದಾರೆ. ಆದರೆ 2019-20ರ ರಣಜಿಗೂ ಅವರೇ ನಾಯಕರಾಗಿರ್ತಾರಾ ಅನ್ನೋ ಬಗ್ಗೆ ಕೆಸಿಎ ತಿಳಿಸಿಲ್ಲ.

ರೋಹಿತ್ ಶರ್ಮಾ ಬಿಟ್ಟು ವಿಹಾರಿಯನ್ನೇ ಆಡಿಸಿದ್ದೇಕೆ ..? ಇಲ್ಲಿದೆ ಮೌನ ಮುರಿದ ಕೊಹ್ಲಿ ಮಾತು..!

0

ನಾರ್ತ್​​​​​ ಸೌಂಡ್​ : ಹಿಟ್​ ಮ್ಯಾನ್​ ರೋಹಿತ್ ಶರ್ಮಾ ಅದ್ಭುತ ಫಾರ್ಮ್​​ನಲ್ಲಿದ್ದಾರೆ. ಇಂಗ್ಲೆಂಡ್​​ನಲ್ಲಿ ನಡೆದ ವರ್ಲ್ಡ್​ಕಪ್​ನಲ್ಲಿ ಅತೀ ಹೆಚ್ಚು ರನ್ ಬಾರಿಸಿದ ಆಟಗಾರ ರೋಹಿತ್ ಶರ್ಮಾ. ಸದ್ಯ ಟೀಮ್ ಇಂಡಿಯಾ ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿದೆ. ಟಿ20, ಒಡಿಐ ಮತ್ತು ಟೆಸ್ಟ್​ ಮೂರೂ ಮಾದರಿಗೂ ಶರ್ಮಾ ಆಯ್ಕೆಯಾಗಿದ್ರು. ಆದರೆ, ಮೊದಲ ಟೆಸ್ಟ್​ನಿಂದ ಅವರನ್ನು ಕೈ ಬಿಡಲಾಗಿತ್ತು. ಅವರ ಬದಲಿಗೆ ಆಲ್​ರೌಂಡರ್ ಹನುಮ ವಿಹಾರಿಗೆ ಮಣೆ ಹಾಕಲಾಗಿತ್ತು. ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ನಡುವಿನ ಮನಸ್ತಾವೇ ಇದಕ್ಕೆ ಕಾರಣ ಎಂಬ ಮಾತುಗಳು ಕೇಳಿಬಂದಿವೆ.
ಈ ನಡುವೆ ವಿರಾಟ್​ ಕೊಹ್ಲಿ ಹನುಮ ವಿಹಾರಿಯನ್ನೇ ಆಡಿಸಿದ್ದೇಕೆ ಅನ್ನೋದನ್ನು ತಿಳಿಸಿದ್ದಾರೆ. ಮೌನ ಮುರಿದಿರುವ ಕೊಹ್ಲಿ, ”ಹನುಮ ವಿಹಾರಿ ಬ್ಯಾಟಿಂಗ್​ನಲ್ಲಿ ಮಾತ್ರವಲ್ಲದೇ ಅಗತ್ಯ ಸಂದರ್ಭದಲ್ಲಿ ಬೌಲಿಂಗ್​ನಲ್ಲೂ ತಂಡಕ್ಕೆ ನೆರವಾಗಬಲ್ಲ ಆಟಗಾರ. ತಂಡದಲ್ಲಿ ಸಮತೋಲನವನ್ನು ತರುವ ದೃಷ್ಟಿಯಿಂದ ರೋಹಿತ್​ ಶರ್ಮಾರ ಬದಲಿಗೆ ಅವರನ್ನು ಆಯ್ಕೆ ಮಾಡಲಾಗಿದೆ” ಅಂತ ತಿಳಿಸಿದ್ದಾರೆ.

2ನೇ ಟೆಸ್ಟ್​​​ನಲ್ಲಿ ಪಂತ್​ ಬದಲು ಕೀಪಿಂಗ್ ಹೊಣೆ ಹೊರುವವರು ಇವರೇ…!

0

ವರ್ಲ್ಡ್​ಕಪ್​ ಬಳಿಕ ವೆಸ್ಟ್ ಇಂಡೀಸ್​ ಪ್ರವಾಸದಲ್ಲಿರುವ ವಿರಾಟ್​ ಕೊಹ್ಲಿ ನೇತೃತ್ವದ ಟೀಮ್ ಇಂಡಿಯಾ ಟಿ20, ಒಡಿಐ ಸೀರಿಸ್ ಗೆದ್ದಿದ್ದು, 2 ಮ್ಯಾಚ್​ ಗಳ ಟೆಸ್ಟ್ ಸರಣಿಯಲ್ಲಿ 1-0 ಅಂತರದ ಮುನ್ನಡೆಯಲ್ಲಿದೆ.
ಮೊದಲ ಟೆಸ್ಟ್ ನಲ್ಲಿ ಟೀಮ್ ಇಂಡಿಯಾ 318ರನ್​ಗಳಿಂದ ಗೆದ್ದು ಬೀಗಿದ್ದರೂ ಆಗಸ್ಟ್ 30ರಂದು ನಡೆಯಲಿರುವ 2ನೇ ಟೆಸ್ಟ್​ನಲ್ಲಿ ತಂಡದಲ್ಲಿ ಬದಲಾವಣೆ ಮಾಡುವ ಸಾಧ್ಯತೆ ಹೆಚ್ಚಿದೆ. ಅದರಲ್ಲೂ ಮುಖ್ಯವಾಗಿ ವಿಕೆಟ್ ಕೀಪರ್ ರಿಷಭ್ ಪಂತ್ ಅವರನ್ನು ಆಡುವ 11ರ ಬಳಗದಿಂದ ಕೈಬಿಡುವ ಬಗ್ಗೆ ಚರ್ಚೆಯಾಗುತ್ತಿದೆ. ಹಾಗಾದ್ರೆ ಪಂತ್ ಅವರನ್ನು ಹೊರಗಿಟ್ಟರೆ ವಿಕೆಟ್ ಕೀಪಿಂಗ್ ಜಬಬ್ದಾರಿ ಯಾರಿಗೆ ಅನ್ನೋದು ಪ್ರಶ್ನೆ. ಈ ಪ್ರಶ್ನೆಗೆ ಉತ್ತರ ವೃದ್ಧಿಮಾನ್ ಸಾಹ..!
ಹೌದು ರಿಷಭ್ ಪಂತ್ ಬದಲು ವೃದ್ಧಿಮಾನ್ ಸಾಹ ಅವರನ್ನು ಆಡಿಸುವುದು ಬಹುತೇಕ ಖಚಿತವಾಗಿದೆ. ಪಂತ್ ಟಿ20, ಒಡಿಐ ಹಾಗೂ ಮೊದಲ ಟೆಸ್ಟ್​ನಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡಿಲ್ಲ. ವಿಂಡೀಸ್​ ಟೂರ್​ಗೂ ಮುನ್ನ ಇಂಗ್ಲೆಂಡ್​ನಲ್ಲಿ ನಡೆದಿದ್ದ ವಿಶ್ವಕಪ್​ನಲ್ಲಿ ಸ್ಥಾನಗಿಟ್ಟಿಸಿಕೊಂಡಿದ್ದರೂ ಅವರ ಬ್ಯಾಟ್​ನಿಂದ ರನ್​ಮಳೆ ಹರಿದಿರಲಿಲ್ಲ. ಈಗ 2ನೇ ಟೆಸ್ಟ್​ಗೆ ಅವರನ್ನು ಕೂರಿಸುವ ಸಾಧ್ಯತೆಯೇ ಹೆಚ್ಚು.
ಟೀಮ್ ಇಂಡಿಯಾದ ಮಾಜಿ ವಿಕೆಟ್ ಕೀಪರ್ ಸೈಯ್ಯದ್ ಕಿರ್ಮಾನಿ ಕೂಡ ಇದೇ ಅಭಿಪ್ರಾಯ ವ್ಯಕ್ತಪಡಿಸಿದ್ದು, ಪಂತ್ ಇನ್ನೂ ಚಿಕ್ಕವನು. ಆತನಿಗೆ ಭವಿಷ್ಯವಿದೆ. ಕಲಿಯಲು ಇನ್ನೂ ಸಾಕಷ್ಟಿದೆ. ಕೀಪಿಂಗ್ ಮಾಡುವುದು ಅಷ್ಟೊಂದು ಸುಲಭದ ವಿಚಾರವಲ್ಲ. ಎರಡು ಗ್ಲೌಸ್​ ಧರಿಸಿ ಎಲ್ಲರೂ ಕೀಪಿಂಗ್ ಮಾಡಲು ಸಾಧ್ಯವಿಲ್ಲ. ಪಂತ್​ಗೆ ಇನ್ನಷ್ಟು ಕಲಿಯಲು ಅವಕಾಶ ನೀಡಿ, 2ನೇ ಟೆಸ್ಟ್​ಗೆ ಸಾಹರನ್ನು ಆಡಿಸ್ಬೇಕು ಅಂತ ಹೇಳಿದ್ದಾರೆ.
ಇನ್ನು ಪಂತ್ ಕೈ ಬಿಟ್ಟು ಒಂದು ವೇಳೆ ರೋಹಿತ್ ಶರ್ಮಾ ಅವರನ್ನು ಆಡುವ 11ರ ಬಳಗದಲ್ಲಿ ಸೇರಿಸಿಕೊಂಡರೆ ಕನ್ನಡಿಗ ಕೆ.ಎಲ್ ರಾಹುಲ್​ಗೆ ವಿಕೆಟ್ ಕೀಪಿಂಗ್ ಹೊಣೆ ನೀಡಿದರೂ ಅಚ್ಚರಿಯಿಲ್ಲ..!

ಐಸಿಸಿ ಟೆಸ್ಟ್ ರ‍್ಯಾಂಕಿಂಗ್​ನಲ್ಲಿ 7ನೇ ಸ್ಥಾನಕ್ಕೆ ಜಿಗಿದ ಬುಮ್ರಾ..!

0

ಐಸಿಸಿ ನೂತನ ಟೆಸ್ಟ್​​ ರ‍್ಯಾಂಕಿಂಗ್​ ಪಟ್ಟಿಯನ್ನು ಪ್ರಕಟಿಸಿದೆ. ಬ್ಯಾಟಿಂಗ್​​ನಲ್ಲಿ ಟೀಮ್​​​ ಇಂಡಿಯಾ ಕ್ಯಾಪ್ಟನ್​​ ವಿರಾಟ್​ ಕೊಹ್ಲಿ ತಮ್ಮ ಮೊದಲ ಸ್ಥಾನದಲ್ಲೇ ಮುಂದುವರೆದಿದ್ದಾರೆ. ಬೌಲಿಂಗ್​ನಲ್ಲಿ ಟೀಮ್ ಇಂಡಿಯಾ ವೇಗಿ ಜಸ್​ಪ್ರೀತ್​​​ ಬುಮ್ರಾ ಟಾಪ್​ 10ನಲ್ಲಿ ಸ್ಥಾನ ಪಡೆದಿದ್ದಾರೆ. 15ನೇ ಸ್ಥಾನದಲ್ಲಿದ್ದ ಅವರು 8 ಸ್ಥಾನ ಬಡ್ತಿ ಪಡೆದು 774 ಅಂಕಗಳೊಂದಿಗೆ 7ನೇ ಸ್ಥಾನಕ್ಕೇರಿದ್ದಾರೆ.
ವೆಸ್ಟ್​​ ಇಂಡೀಸ್​ ವಿರುದ್ಧದ ಮೊದಲ ಟೆಸ್ಟ್​​ ಮ್ಯಾಚ್​ನ ಸೆಕೆಂಡ್​ ಇನ್ನಿಂಗ್ಸ್​​​ನಲ್ಲಿ ಬುಮ್ರಾ 8 ಓವರ್​ಗೆ ಕೇವಲ 7 ರನ್​ ನೀಡಿ 5 ವಿಕೆಟ್​​ ಪಡೆದು ಮಿಂಚಿದ್ರು. ಈ ಪ್ರದರ್ಶನದ ಫಲವಾಗಿ ಅವರು ರ‍್ಯಾಂಕಿಂಗನಲ್ಲಿ ಪಟ್ಟಿಯಲ್ಲಿ ಮೇಲೇರಿದ್ದಾರೆ.
ಇನ್ನು ಬೌಲರ್ಸ್​​ಗಳ ಪಟ್ಟಿಯಲ್ಲಿ ಆಸ್ಟ್ರೇಲಿಯಾದ ಪ್ಯಾಟ್​ ಕಮ್ಮಿನ್ಸ್(908)​​ ಅಗ್ರಸ್ಥಾನದಲ್ಲಿದ್ದಾರೆ. ದ.ಆಫ್ರಿಕಾದ ಕಗಿಸೋ ರಬಾಡ(841), ಇಂಗ್ಲೆಂಡ್​ನ ಜೇಮ್ಸ್​ ಆ್ಯಂಡರ್ಸನ್​(814)ರವರು ಕ್ರಮವಾಗಿ ದ್ವಿತೀಯ ಹಾಗೂ ತೃತೀಯ ಸ್ಥಾನದಲ್ಲಿದ್ದಾರೆ. ಈ ಹಿಂದೆ 5 ನೇ ಸ್ಥಾನದಲ್ಲಿದ್ದ ಭಾರತೀಯ ಸ್ಪಿನ್ನರ್​​ ರವೀಂದ್ರ ಜಡೇಜ ಇದೀಗ 10ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಆಲ್​ರೌಂಡರ್​ಗಳ ಪಟ್ಟಿಯಲ್ಲೂ ಚೇಂಜಸ್​ ಆಗಿದ್ದು, ಆ್ಯಶಸ್​ ಟೂರ್ನಿಯಲ್ಲಿ ಮಿಂಚುತ್ತಿರುವ ಇಂಗ್ಲೆಂಡ್​​ನ ಬೆನ್​ ಸ್ಟೋಕ್ಸ್​​(411) 2ನೇ ಸ್ಥಾನಕ್ಕೆ ಜಂಪ್​ ಆಗಿದ್ದಾರೆ. ವೆಸ್ಟ್​​ ಇಂಡೀಸ್​​ ಕ್ಯಾಪ್ಟನ್​ ಜೇಸನ್​ ಹೋಲ್ಡರ್​(433) ಮೊದಲ ಸ್ಥಾನದಲ್ಲಿದ್ದಾರೆ. ಬಾಂಗ್ಲದೇಶದ ಶಕಿಬ್​ ಅಲ್​ ಹಸನ್​​​(399) ಹಾಗೂ ಭಾರತದ ರವೀಂದ್ರ ಜಡೇಜಾ(395) ಕ್ರಮವಾಗಿ 3 ಮತ್ತು 4ನೇ ಸ್ಥಾನದಲ್ಲಿದ್ದಾರೆ.
ಬ್ಯಾಟಿಂಗ್​​ ವಿಭಾಗದಲ್ಲಿ ಅಗ್ರ ಶ್ರೇಯಾಂಕವನ್ನು ಟೀಮ್​​ ಇಂಡಿಯಾ ಕ್ಯಾಪ್ಟನ್​ ವಿರಾಟ್​​ ಕೊಹ್ಲಿ(910)ಉಳಿಸಿಕೊಂಡಿದ್ರೆ, ಆಸ್ಟ್ರೇಲಿಯಾದ ಸ್ಟೀವನ್​ ಸ್ಮಿತ್(904)​, ನ್ಯೂಜಿಲೆಂಡ್​ನ ಕೇನ್​ ವಿಲಿಯಮ್ಸನ್​(878) ಹಾಗೂ ಭಾರತದ ಚೇತೆಶ್ವರ ಪೂಜಾರ(856) ಕ್ರಮವಾಗಿ 3 ಮತ್ತು 4ನೇ ಸ್ಥಾನದಲ್ಲಿದ್ದಾರೆ.

ಪಿಚ್​​ನಲ್ಲೇ ಬಿಯರ್​​ ಕುಡಿದ ಇಂಗ್ಲೆಂಡ್​ ಕ್ರಿಕೆಟರ್ಸ್..!

0

ಈ ಹಿಂದೆ ಕ್ರಿಕೆಟ್​​​ ಪಿಚ್​​ನಲ್ಲಿ ಮೂತ್ರ ವಿಸರ್ಜನೆ ಮಾಡಿ ವಿವಾದಕ್ಕೆ ಗುರಿಯಾಗಿದ್ದ ಇಂಗ್ಲೆಂಡ್​ ಕ್ರಿಕೆಟ್​ ಆಟಗಾರರು ಈ ಬಾರಿ ಪಿಚ್​ನಲ್ಲಿ ಬಿಯರ್​​​​ ಕುಡಿದು ಎಡವಟ್ಟು ಮಾಡಿಕೊಂಡಿದ್ದಾರೆ..!

ಲೀಡ್ಸ್​​ನಲ್ಲಿ ನಡೆದ ಮ್ಯಾಚ್​ನಲ್ಲಿ ಸ್ಟ್ರೋಕ್​ ಅವರ ಪ್ರಳಯಾಂತಕ ಆಟದ ನೆರವಿನಿಂದ ಆಸೀಸ್​ ವಿರುದ್ಧ 1ರನ್​ಗಳ ರೋಚಕ ಗೆಲುವು ಪಡೆದ ಬಳಿಕ ಇಂಗ್ಲೆಂಡ್ ಆಟಗಾರರು ಪಿಚ್​ನಲ್ಲಿ ಕುಳಿತು ಬಿಯರ್ ಪಾರ್ಟಿ ಮಾಡಿ ಸಂಭ್ರಮಿಸಿದ್ದಾರೆ..!

ಇಂಗ್ಲೆಂಡ್​​ ಹಾಗೂ ಆಸ್ಟ್ರೇಲಿಯಾ ವಿರುದ್ಧದ ಆ್ಯಶಸ್​​ ಟೆಸ್ಟ್​​​ನ 3ನೇ ಪಂದ್ಯದಲ್ಲಿ, ಆಸ್ಟ್ರೇಲಿಯಾ ನೀಡಿದ್ದ 362 ರನ್​​​ಗಳ ಟಾರ್ಗೆಟ್​​​ನ್ನು ಬೆನ್ನತ್ತಿದ ಇಂಗ್ಲೆಂಡ್ ಟೀಮ್​​​​ ಆಸ್ಟ್ರೇಲಿಯಾ ಬೌಲರ್ಸ್​​ಗಳ ಮುಂದೆ ತತ್ತರಿಸಿ 286 ರನ್​​ಗೆ 9 ವಿಕೆಟ್​​​​ಗಳನ್ನು ಕಳೆದುಕೊಂಡು ಸೋಲಿನ ದವಡೆಗೆ ಸಿಲುಕಿತ್ತು. ಪ್ರಥಮ ಇನ್ನಿಂಗ್ಸ್​​​ನಲ್ಲೂ ಕೇವಲ 67 ರನ್ನಿಗೆ ಆಲ್​​ಔಟ್​ ಆಗಿದ್ದ ಇಂಗ್ಲೆಂಡ್​​ ಈ ಪಂದ್ಯವನ್ನೂ ಕಳೆದುಕೊಳ್ಳೋ ಭೀತಿಯಲ್ಲಿತ್ತು. ಆದ್ರೆ ಒಂದೆಡೆ ವಿಕೆಟ್​​ಗಳು ಉರುಳುತ್ತಿದ್ದರೂ ಕ್ರೀಸ್​​ನಲ್ಲಿ ಭದ್ರವಾಗಿ ನೆಲೆಯೂರಿದ್ದ, ವಿಶ್ವಕಪ್​​ ಫೈನಲ್​​ ಪಂದ್ಯದ ಹೀರೋ ಬೆನ್​​ ಸ್ಟೋಕ್ಸ್​​ ಇಲ್ಲೂ ಇಂಗ್ಲೆಂಡ್​​ ಪಾಲಿಗೆ ಸೂಪರ್​ ಹೀರೋ ಆಗಿ ಮೆರೆದರು.

5 ಗಂಟೆಗಳ ಕಾಲ ಕ್ರೀಸ್​​ ಆಕ್ರಮಿಸಿಕೊಂಡಿದ್ದ ಅವರು ಜಾಕ್​ ಲೀಚ್​​ ಜೊತೆ ಸೇರಿ ಕೊನೆಯ ವಿಕೆಟ್​​ಗೆ 76 ರನ್​ಗಳ ಜೊತೆಯಾಟವಾಡಿ ಆಸ್ಟ್ರೇಲಿಯಾದ ಹಿಡಿತದಲ್ಲಿದ್ದ ಪಂದ್ಯವನ್ನು ಕಸಿದುಕೊಂಡರು. ಸ್ಟೋಕ್ಸ್​​ 219 ಎಸೆತಗಳಿಗೆ 11 ಬೌಂಡರಿ, 8 ಭರ್ಜರಿ ಸಿಕ್ಸರ್​​​​ ಸೇರಿದಂತೆ ಆಕರ್ಷಕ 135 ರನ್ ಸಿಡಿಸಿದ್ರು. ಕೊನೆಯಲ್ಲಿ ಬೌಂಡರಿಗಳ ಸುರಿಮಳೆಯನ್ನೇ ಸುರಿಸಿದ ಬೆನ್​​ ಸ್ಟೋಕ್ಸ್​​​ರ, ವೀರಾವೇಶದ ಆಟದಿಂದಾಗಿ ಇಂಗ್ಲೆಂಡ್​​ 1 ವಿಕೆಟ್​​ನ ರೋಚಕ ಜಯ ದಾಖಲಿಸಿತು.

 ಈ ಅನಿರೀಕ್ಷಿತ ಗೆಲುವನ್ನು​ ಇಂಗ್ಲೆಂಡ್ ಆಟಗಾರರು ಡಿಫ್ರೆಂಟಾಗಿ ಆಚರಿಸಿದ್ದು, ಎಲ್ಲರ ಗಮನ ಸೆಳೆದಿದೆ. ಮ್ಯಾಚ್​ ವಿನ್​ ಆದ ತಕ್ಷಣ ಡ್ರೆಸ್ಸಿಂಗ್​ ರೂಂ ನಿಂದ ಫೀಲ್ಡ್​​ನತ್ತ ಓಡಿ ಬಂದ ಇಂಗ್ಲೆಂಡ್​​ ಆಟಗಾರರು ಕ್ರಿಕೆಟ್​​ ಪಿಚ್​ನಲ್ಲೇ ಕೂತು ಬಿಯರ್​ ಕುಡಿಯುವ ಮೂಲಕ ಗೆಲುವನ್ನು ಸಂಭ್ರಮಿಸಿದ್ರು​​. ಆ ವೇಳೆ ಸ್ಟೇಡಿಯಂನಲ್ಲಿ ಯಾರೂ ಇಲ್ಲದಿದ್ರು ಕೂಡ ಇಂಗ್ಲೆಂಡ್​ ಟೀಮ್​​ನ ಬಿಯರ್​​ ಪಾರ್ಟಿ​​ ಫೋಟೋ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗ್ತಿದೆ.

ಈ ಹಿಂದೆ 2013ರಲ್ಲೂ ಇಂಗ್ಲೆಂಡ್​​ ಆ್ಯಶಸ್ ಟೆಸ್ಟ್​​ ವಿನ್​ ಆದ ಖುಷಿಯನ್ನು ಸಂಭ್ರಮಿಸುವ ವೇಳೆ, ಇಂಗ್ಲೆಂಡ್​​ನ ಕೆವಿನ್​ ಪೀಟರ್ಸನ್​, ಸ್ಟುವರ್ಟ್​ ಬ್ರಾಡ್​ ಹಾಗೂ ಜೇಮ್ಸ್​ ಆ್ಯಂಡರ್ಸನ್​​ ಪಿಚ್​ನಲ್ಲೇ ಮೂತ್ರ ಮಾಡಿ ವಿವಾದಕ್ಕೀಡಾಗಿದ್ರು. ನಂತರ ಆಟಗಾರರ ಈ ವರ್ತನೆಗಾಗಿ ಇಂಗ್ಲೆಂಡ್​​ ಕ್ರಿಕೆಟ್​​ ಕ್ಷಮೆ ಕೇಳಿತ್ತು.

 

ಒಂದು ಮ್ಯಾಚ್​ ಗೆದ್ದ ಭಾರತಕ್ಕೆ 60 ಪಾಯಿಂಟ್ ,ಇಂಗ್ಲೆಂಡ್​ಗೆ 24 ಮಾತ್ರ..!

0

2019 ರಿಂದ 2021ರವರೆಗೆ ಐಸಿಸಿ ವರ್ಲ್ಡ್​ ಟೆಸ್ಟ್ ಚಾಂಪಿಯನ್ ಶಿಪ್ ನಡೀತಾ ಇದೆ. ಭಾರತ ತನ್ನ ಮೊದಲ ಸರಣಿಯಲ್ಲಿ ವೆಸ್ಟ್ ಇಂಡೀಸ್​ ವಿರುದ್ಧ ಸೆಣೆಸುತ್ತಿದೆ. ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಮೊದಲ ಪಂದ್ಯವನ್ನು ವಿರಾಟ್ ಪಡೆ ಗೆದ್ದಿದೆ. ಈ ಗೆಲುವಿನೊಂದಿಗೆ 60 ಪಾಯಿಂಟ್ ಸಂಪಾದಿಸಿದ್ದು, ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​ ಪಟ್ಟಿಯಲ್ಲಿ 60 ಅಂಕಗಳನ್ನು ಪಡೆದು ಅಗ್ರಸ್ಥಾನದಲ್ಲಿದೆ.
ಇನ್ನು ಚಾಂಪಿಯನ್​ ಶಿಪ್​ನಲ್ಲಿ ಭಾರತ, ಇಂಗ್ಲೆಂಡ್, ಆಸ್ಟ್ರೇಲಿಯಾ, ನ್ಯೂಜಿಲೆಂಡ್​, ಶ್ರೀಲಂಕಾ, ವೆಸ್ಟ್ ಇಂಡೀಸ್ ಪಾಲ್ಗೊಂಡಿವೆ. ಭಾರತ -ವೆಸ್ಟ್ ಇಂಡೀಸ್ ನಡುವೆ ಸರಣಿ ನಡೆಯುತ್ತಿರುವಂತೆ ಒಡಿಐ ವಿಶ್ವಕಪ್ ಚಾಂಪಿಯನ್ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ 5 ಟೆಸ್ಟ್ ಮ್ಯಾಚ್​ಗಳ ಆ್ಯಶಸ್​ ಟೆಸ್ಟ್​ ಸರಣಿಯಲ್ಲಿ ಸೆಣೆಸುತ್ತಿವೆ. ಒಂದು ಪಂದ್ಯದಲ್ಲಿ ಇಂಗ್ಲೆಂಡ್ ಗೆದ್ದು 24 ಪಾಯಿಂಟ್ ಪಡೆದಿದೆ..!
ವೆಸ್ಟ್ ಇಂಡೀಸ್ ವಿರುದ್ಧ ಒಂದು ಮ್ಯಾಚ್​ ಗೆದ್ದ ಭಾರತಕ್ಕೆ 60 ಪಾಯಿಂಟ್, ಆಸೀಸ್ ವಿರುದ್ಧ 1 ಪಂದ್ಯ ಗೆದ್ದಿರುವ ಇಂಗ್ಲೆಂಡ್​ಗೆ 24 ಪಾಯಿಂಟ್..! ಇದು ಹೇಗೆ ಅನ್ನೋ ಪ್ರಶ್ನೆ ಸಾಮಾನ್ಯವಾಗಿ ಎಲ್ಲರಲ್ಲೂ ಮೂಡಬಹುದು. ಅದಕ್ಕೆ ಇಲ್ಲಿದೆ ಉತ್ತರ.
ಐಸಿಸಿ ವರ್ಲ್ಡ್​​ ಟೆಸ್ಟ್​​ ಚಾಂಪಿಯನ್​ಶಿಪ್ ಪಾಯಿಂಟ್ಸ್​ ರೂಲ್ಸ್ ಪ್ರಕಾರ ಒಂದು ಸರಣಿಗೆ 120 ಅಂಕ ನಿಗಧಿ ಪಡಿಸಿದ್ದು, ಈ ಪಾಯಿಂಟ್​ ಅನ್ನು ಪಂದ್ಯಗಳಿಗೆ ಸಮನಾಗಿ ಹಂಚಲಾಗುತ್ತದೆ. ಭಾರತ- ವೆಸ್ಟ್ ಇಂಡೀಸ್​ ಸರಣಿಯಲ್ಲಿ ಎರಡು ಮ್ಯಾಚ್​ಗಳನ್ನು ಆಡುತ್ತಿದ್ದು ಒಂದೊಂದು ಪಂದ್ಯಕ್ಕೆ ತಲಾ 60 ಪಾಯಿಂಟ್​ಗಳನ್ನು ಹಂಚಲಾಗಿದೆ. ಅದೇರೀತಿ ಇಂಗ್ಲೆಂಡ್-ಆಸೀಸ್ ಮುಖಾಮುಖಿಯಾಗಿರುವ ಆ್ಯಶಸ್ ಸರಣಿಯಲ್ಲಿ 5 ಪಂದ್ಯಗಳಿವೆ. ಹಾಗಾಗಿ ಒಂದು ಪಂದ್ಯಕ್ಕೆ 24 ಅಂಕಗಳನ್ನು ನಿಗಧಿ ಪಡಿಸಲಾಗಿದೆ. ಹೀಗಾಗಿ 1 ಪಂದ್ಯ ಗೆದ್ದ ಇಂಗ್ಲೆಂಡ್​ಗೆ 24 ಹಾಗೂ ಭಾರತಕ್ಕೆ 60 ಪಾಯಿಂಟ್ ಸಿಕ್ಕಿದೆ.

Popular posts