Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Thursday, February 27, 2020

ಕೌರ್ ಪಡೆ ಚಿತ್ತ ಸೆಮಿಫೈನಲ್ ನತ್ತ..!

0

ಮಹಿಳಾ ಟಿ-20 ವರ್ಲ್ಡ್ ಕಪ್ ನಲ್ಲಿ ಆಡಿದ 2 ಮ್ಯಾಚ್ ಗಳಲ್ಲೂ ಗೆದ್ದಿರೋ ಹರ್ಮನ್​ಪ್ರೀತ್​ ನಾಯಕತ್ವದ ಟೀಮ್​ಇಂಡಿಯಾ ಇಂದು ನಡೆಯೋ ಮ್ಯಾಚ್ ನಲ್ಲಿ ಗೆದ್ದು ಸೆಮಿಫೈನಲ್ ​ತಲುಪವ ಕಡೆಗೆ ಚಿತ್ತ ನೆಟ್ಟಿದೆ. ಗಯಾನದ ಪ್ರಾವಿಡೆನ್ಸ್ ಸ್ಟೇಡಿಯಂನಲ್ಲಿ ನಡೆಯೋ ಮ್ಯಾಚ್ ನ ಲ್ಲಿ ಭಾರತೀಯ ವುಮೆನ್ಸ್ ಟೀಮ್ ಐರ್ಲೆಂಡನ್ನು ಸೋಲಿಸುವ ತವಕದಲ್ಲಿದೆ.
ಭಾರತದ ಬಿ ಗುಂಪಿನ ಫಸ್ಟ್ ಮ್ಯಾಚ್ ಇದೇ ಫೀಲ್ಡ್ ನಲ್ಲಿ ನಡೆದಿತ್ತು. ಆ ಮ್ಯಾಚ್ ನಲ್ಲಿ ಕ್ಯಾಪ್ಟನ್ ಕೌರ್​​ ಅಬ್ಬರದ ಸೆಂಚುರಿ ಸಿಡಿಸಿದ್ರು. 2ನೇ ಮ್ಯಾಚ್ ನಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕ್​ ವಿರುದ್ಧ 7 ವಿಕೆಟ್​​​ಗಳ ಜಯ ಸಾಧಿಸಿತ್ತು. ಗುಂಪು ವಿಭಾಗದಲ್ಲಿ ಇಂದಿನ ಪಂದ್ಯ ಸೇರಿದಂತೆ 2 ಮ್ಯಾಚ್​ಗಳು ಬಾಕಿ ಇದ್ದು, ಒಂದರಲ್ಲಿ ಗೆದ್ದರೂ ಭಾರತ ಸೆಮೀಸ್​ ತಲುಪುವುದು ಖಚಿತ.
ಇದಕ್ಕೆ ತದ್ವಿರುದ್ಧವಾಗಿ ಲಾರಾ ಡೆಲೆನಿ ನಾಯಕತ್ವದ ಐರ್ಲೆಂಡ್ ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ತಂಡಗಳೆದುರು ನಡೆದಿದ್ದ ಮೊದಲ 2 ಮ್ಯಾಚ್ ಗಳಲ್ಲಿ ಸೋಲನುಭವಿಸಿದೆ. ಆದ್ರೆ, ಸೋಲಿನಲ್ಲೂ ಹೋರಾಟದ ಮನೋಭಾವವನ್ನು ಹೊಂದಿರೋ ಐರ್ಲೆಂಡ್​ ವಿರುದ್ಧ ಹರ್ಮನ್​ ಬಳಗ ಎಚ್ಚರಿಕೆಯಿಂದ ಆಡಬೇಕಿದೆ.
ಭಾರತದಲ್ಲಿ ಯುವ ಆಟಗಾರ್ತಿ ಜೆಮಿಮಾ ರಾಡ್ರಿಗಸ್, ನಾಯಕಿ ಹರ್ಮನ್​ಪ್ರೀತ್​ ಕೌರ್, ಅನುಭವಿ ಆಟಗಾರ್ತಿ ಮಿಥಾಲಿ ರಾಜ್, ಹಾಗೂ ಕನ್ನಡತಿ ವೇದಾ ಕೃಷ್ಣಮೂರ್ತಿ ಬೆಸ್ಟ್​​ ಪಫಾರ್ಮೆನ್ಸ್​ ನೀಡ್ತಾ ಇದ್ದಾರೆ. ಆದ್ರೆ ​ಆರಂಭಿಕ ಆಟಗಾರ್ತಿ ಸ್ಮೃತಿ ಮಂದಾನಾ ಉತ್ತಮ ಲಯ ಕಂಡುಕೊಳ್ಳಬೇಕಿದೆ. ಬೌಲಿಂಗ್​ ವಿಭಾಗದಲ್ಲಿ ಯುವ ಪ್ರತಿಭೆ ದಯಾಳನ್ ಹೇಮಲತಾ ಮತ್ತು ಪೂನಂ ಯಾದವ್ ಐರ್ಲೆಂಡ್​ ಪಾಳಯವನ್ನು ಕಾಡಲು ಸಜ್ಜಾಗಿದ್ದಾರೆ.
ಕ್ಲಾರೆ ಶಿಲ್ಲಿಂಗ್ಟನ್, ಗ್ಯಾಬಿ ಲೂಯಿಸ್ ಐರ್ಲೆಂಡ್​ ಪಾಳಯದ ಬ್ಯಾಟಿಂಗ್​ ಬಲವಾಗಿದ್ರೆ, ಲೂಸಿ ಒರೇಲಿ, ಕೈರಾ ಮೆಟ್​ಕ್ಲಾಫೆ ಬೌಲಿಂಗ್​ ಶಕ್ತಿಯಾಗಿದ್ದಾರೆ,
-ವಸಂತ್​ ಮಳವತ್ತಿ. ಸ್ಪೋರ್ಟ್ಸ್​​ ಬ್ಯೂರೋ. ಪವರ್​ ಟಿವಿ

ಹಾವೇರಿಯಲ್ಲಿ ತಯಾರಾದ ವಿಶ್ವಕಪ್​..!

0
ಹಾವೇರಿ : ಇಡೀ ಕ್ರಿಕೆಟ್ ಜಗತ್ತೇ ಎದುರು ನೋಡ್ತಾ ಇರೋ ಕ್ಷಣ ಹತ್ತಿರವಾಗ್ತಾ ಇದೆ..! ವಿಶ್ವಕಪ್​ ವೇಳಾಪಟ್ಟಿ ಅನೌನ್ಸ್​ ಆದಲ್ಲಿಂದ ಭಾರತ ಮಾತ್ರವಲ್ಲದೆ ವಿಶ್ವದ ಕ್ರಿಕೆಟ್ ಪ್ರಿಯರು ಕಾಯ್ತಾ ಇದ್ದ ದಿನವಿದು.
ಹೌದು, ಎಮರೇಟ್ಸ್ ಓಲ್ಡ್ ಟ್ರಾಫರ್ಡ್​ ಸ್ಟೇಡಿಯಂನಲ್ಲಿಂದು ಭಾರತ ಮತ್ತು ಪಾಕಿಸ್ತಾನ್ ನಡುವಿನ ಮ್ಯಾಚ್ ಇದೆ. ವಿಶ್ವವೇ ಈ ಮ್ಯಾಚ್​ಗಾಗಿ ಕಾಯುತ್ತಿದೆ. ಬದ್ಧವೈರಿಗಳ ನಡುವಿನ ಕಾಳಗಕ್ಕೆ ವರುಣದೇವ ಅನುವು ಮಾಡಿಕೊಟ್ಟರೆ ಜಿದ್ದಾಜಿದ್ದಿನ ಹೋರಾಟವಂತೂ ಪಕ್ಕಾ..! 
ಇನ್ನು ವಿರಾಟ್ ಕೊಹ್ಲಿ ನೇತೃತ್ವದ ಟೀಮ್ ಇಂಡಿಯಾ ಪ್ರಬಲ ಸೌತ್ ಆಫ್ರಿಕಾ ಮತ್ತು ಆಸ್ಟ್ರೇಲಿಯಾ ತಂಡಗಳನ್ನು ಮಣಿಸಿದ್ದು, ಪಾಕ್​ ಅನ್ನು ಕೂಡ ಸುಲಭವಾಗಿ ಬಗ್ಗು ಬಡಿಯಲಿದೆ ಅನ್ನೋ ವಿಶ್ವಾಸ ಭಾರತೀಯ ಅಭಿಮಾನಿಗಳದ್ದು. 
ಪಾಕ್​ ಅನ್ನು ಸೋಲಿಸಲು ರೆಡಿಯಾಗಿರುವ ಕೊಹ್ಲಿ ಬಳಗಕ್ಕೆ ದೇಶದ ಜನ ಶುಭಹಾರೈಸುತ್ತಿದ್ದಾರೆ. ಅನೇಕರು ವಿನೂತನ ರೀತಿಯಲ್ಲಿ ಶುಭಕೋರುತ್ತಿದ್ದಾರೆ. ಅಂತೆಯೇ ಹಾವೇರಿಯ ಅಭಿಮಾನಿಯೊಬ್ಬರು ಬಹಳ ವಿಶೇಷವಾಗಿ ವಿಶ್ ಮಾಡಿದ್ದಾರೆ. 
ಹಾವೇರಿಯ ಯಾಲಕ್ಕಿ ಓಣಿಯಲ್ಲಿರುವ ವೈಭವ ಜ್ಯೂಯಲರಿ ವರ್ಕ್ಸ್​​ನ ಗಣೇಶ್​ ವಿ ರಾಯ್ಕರ್​​ ಅವರು 0.500 ಮಿಲಿಗ್ರಾಂ ಬೆಳ್ಳಿಯಲ್ಲಿ 2.2 ಸೆಂಟಿಮೀಟರ್ ನ ವಿಶ್ವಕಪ್ ಅನ್ನು ರಚಿಸಿದ್ದಾರೆ.  ಹೀಗೆ ವಿಶೇಷ ರೀತಿಯಲ್ಲಿ ಟೀಮ್ ಇಂಡಿಯಾಕ್ಕೆ ಶುಭ ಹಾರೈಸಿದ್ದಾರೆ. 
ಗಣೇಶ್ ಅವರು ತಯಾರಿಸಿರುವ ವಿಶ್ವಕಪ್​ ಎಲ್ಲರ ಗಮನ ಸೆಳೆಯುತ್ತಿದೆ. ಇದೇ ಗಣೇಶ್ ಅವರು ಈ ಹಿಂದೆ ಸಿರಿಧಾನ್ಯ ಚಿತ್ರಕಲೆ ರಚಿಸಿ ದಾಖಲೆ ನಿರ್ಮಿಸಿದ್ದರು. 
ಬಂಗಾರದ ವಿಶ್ವಕಪ್ ತಯಾರಿಸ್ತಾರಂತೆ..! : ಗಣೇಶ್ ಅವರು ಭಾರತ ವಿಶ್ವಕಪ್ ಗೆದ್ದು ಬರಬೇಕು ಅಂತ ಎಲ್ಲರಂತೆ ಆಸೆ ಪಟ್ಟಿದ್ದಾರೆ. “ನನ್ನ ನೆಚ್ಚಿನ ಕ್ರಿಕೆಟ್ ಆಟಗಾರ ವಿರಾಟ್ ಕೊಹ್ಲಿ ಅವರು ಸಿಕ್ಸ್ ಬಾರಿಸುವ ಮೂಲಕ ಪಂದ್ಯವನ್ನಗೆಲ್ಲಿಸ ಬೇಕು,” ಈ ಬಾರಿ ಭಾರತ ವಿಶ್ವಕಪ್ ಗೆದ್ದರೆ ನಾನು ಇದೇ ತರಹದ ವಿಶ್ವಕಪ್​ ಅನ್ನು ಬಂಗಾರದಲ್ಲಿ ತಯಾರು ಮಾಡ್ತೀನಿ” ಎಂದಿದ್ದಾರೆ. 

ಭಾರತ ವಿರುದ್ಧ ಟೆಸ್ಟ್​​ ಪಂದ್ಯಕ್ಕೆ ಆಯ್ಕೆಯಾಗಿರುವ ವಿಂಡೀಸ್​​ನ ರಹಕೀಮ್ ಕಾರ್ನ್​​​ವಾಲ್​​​​ರವರ ವಿಶೇಷತೆ ಗೊತ್ತಾ?

0

ಸೈಂಟ್​​​ ಜಾನ್ಸ್​​​: ಪ್ರವಾಸಿ ಭಾರತ ವಿರುದ್ಧದ  ಟೆಸ್ಟ್  ಸರಣಿಗಾಗಿ 13 ಆಟಗಾರರನ್ನೊಳಗೊಂಡ ವೆಸ್ಟ್​​ ಇಂಡೀಸ್​ ತಂಡವನ್ನು ಪ್ರಕಟಿಸಲಾಗಿದೆ. ವಿಶೇಷವೆಂದರೇ  ಈ ಹಿಂದೆ  ಭಾರತ ವಿರುದ್ಧ ಟೆಸ್ಟ್​​ ಸರಣಿಯ ನಂತರ ನಿವೃತ್ತಿಯಾಗುವ ಬಯಕೆ ವ್ಯಕ್ತಪಡಿಸಿದ್ದ ಸ್ಫೋಟಕ ಆಟಗಾರ ಕ್ರಿಸ್​​ಗೇಲ್​​ಗೆ ಟೆಸ್ಟ್​​​ ತಂಡದಿಂದ ಕೋಕ್​​ ನೀಡಲಾಗಿದ್ದು,  ಆಯ್ಕೆ ಸಮಿತಿಯು ಆಫ್​ ಸ್ಪಿನ್ನರ್ ರಹಕೀಮ್ ಕಾರ್ನ್ ವಾಲ್​​ರವರನ್ನು ಹೊಸದಾಗಿ ಸೇರಿಸಿಕೊಂಡಿದೆ.

   ಇನ್ನು ರಹಕೀಮ್ ಕಾರ್ನ್ ವಾಲ್​​​ರವರು ಅಂತಿಂಥ ಆಟಗಾರನಲ್ಲ. ಇವ್ರ ವಿಶೇಷತೆಯನ್ನು ಕೇಳಿದ್ರೆ ಯಾರಾದ್ರೂ ಒಂದು ಕ್ಷಣ ದಂಗಾಗ್ತರೆ. ಅಂಥದೇನಪ್ಪ ಇವ್ರಲ್ಲಿದೆ ಅಂತಿರಾ ಈ ಸ್ಟೋರಿ ಓದಿ..

  ಮೂಲತಃ ಆಂಟಿಗುವಾದ ಆಟಗಾರನಾಗಿರುವ ರಹಕೀಮ್ ಕಾರ್ನ್ ವಾಲ್​​​ರವರಿಗೆ ಸದ್ಯ 26 ವರ್ಷ ಪ್ರಾಯ. ಇತರ ಕ್ರಿಕೆಟ್​​ ಆಟಗಾರರು ತಮ್ಮ ಫಿಟ್ನೆಸ್​, ದೇಹತೂಕಕ್ಕೆ ಗಮನಕೊಟ್ರೆ ಇವ್ರು ಇದಕ್ಕೆ ತದ್ವಿರುದ್ಧ. ಹೀಗಾಗಿ ಅವ್ರ ದೇಹ ತೂಕ ಬರೊಬ್ಬರಿ 140 ಕೆ.ಜಿ. ಇದೇ ಇವರಲ್ಲಿನ ವಿಶೇಷ. ಅಷ್ಟೇ ಅಲ್ಲ,ಇವರು 6.6 ಅಡಿ ಎತ್ತರವನ್ನೂ ಹೊಂದಿದ್ದಾರೆ. ಹೀಗಾಗಿ ಒಂದು ವೇಳೆ ಭಾರತ ವಿರುದ್ಧದ ಪಂದ್ಯದಲ್ಲಿ ಇವ್ರು ಮೈದಾನಕ್ಕಿಳಿದ್ರೆ ಇದೇ ಮೊದಲ ಬಾರಿಗೆ ಇಂಟರ್​ನ್ಯಾಷನಲ್​​ ಕ್ರಿಕೆಟ್​​ಗೆ ದೈತ್ಯ ಮಾನವನ ಪ್ರವೇಶವಾದಂತಾಗುತ್ತದೆ.

  ರಹಕೀಮ್ ಕಾರ್ನ್ ವಾಲ್​​​ರವರು ಪ್ರತಿಭಾವಂತ ಆಲ್​ರೌಂಡರ್​​ ಆಗಿದ್ದಾರೆ. ಈವರೆಗೆ ಒಟ್ಟು 55 ಪ್ರಥಮ ದರ್ಜೆ ಪಂದ್ಯಗಳಲ್ಲಿ 23.90 ರ ಸರಾಸರಿಯಲ್ಲಿ 2224 ರನ್ ಗಳ ಜೊತೆಗೆ 260 ವಿಕೆಟ್ ಕಬಳಿಸಿದ್ದಾರೆ. ಇತ್ತೀಚಿಗೆ ಭಾರತ ‘ಎ’ ತಂಡದ ವಿರುದ್ಧದ ಪಂದ್ಯದಲ್ಲೂ 2 ಅರ್ಧಶತಕಗಳನ್ನು ಸಿಡಿಸಿದ್ದಾರೆ. ಈ ಹಿಂದೆ ಅವರನ್ನು ರಾಷ್ಟ್ರೀಯ ತಂಡಕ್ಕೆ ಸೇರಿಸಿಕೊಳ್ಳದಿರಲು ಅವರ ದೈಹಿಕತೆಯೇ ಕಾರಣವಾಗಿತ್ತು. ಆದ್ರೆ ಹಿಂದಿನಿಂದಲೂ ರಹಕೀಮ್ ಉತ್ತಮ ಪ್ರದರ್ಶನ ನೀಡುತ್ತಿದ್ದು, ಮ್ಯಾಚ್ ವಿನ್ನರ್ ಆಗಿಯೂ ಸಾಬೀತುಪಡಿಸಿದ್ದಾರೆ. ಹೀಗಾಗಿ ಈ ಬಾರಿ ಅವರಿಗೆ ತಂಡದಲ್ಲಿ ಸ್ಥಾನ ಕಲ್ಪಿಸಲಾಗಿದೆ ಎಂದು ಆಯ್ಕೆ ಸಮಿತಿ ಮುಖ್ಯಸ್ಥ ರಾಬರ್ಟ್ ಹೇನ್ಸ್ ತಿಳಿಸಿದ್ದಾರೆ.

ವೀಂಡಿಸ್ ಟೆಸ್ಟ್ ತಂಡ: ಜಾಸನ್ ಹೊಲ್ಡರ್ (ನಾಯಕ) ಕೆ. ಬ್ರೈಥ್ ವೈಟ್ , ಡಾರೇನ್ ಬ್ರಾವೋ, ಶಮ್ರಾ ಬ್ರೂಕ್ಸ್, ಜಾನ್ ಕ್ಯಾಂಪ್ ಬೆಲ್, ರೊಸ್ಟನ್ ಚೇಸ್ , ರಹಕೀಮ್ ಕಾರ್ನ್ ವಾಲ್, ಶೇನ್ ಡೌರಿಚ್, ಶಾನಾನ್ ಗ್ಯಾಬ್ರಿಯೆಲ್, ಶಿಮ್ರಾನ್ ಹೆಟ್ಮಿಯರ್, ಶೈ ಹೋಪ್, ಕೀಮೊ ಪೌಲ್, ಕೇಮರ್ ರೋಚ್.

 

 

4ನೇ ಗೆಲುವಿನ ತವಕದಲ್ಲಿರೋ ಕೊಹ್ಲಿ ಪಡೆಗೆ ಗಾಯವೇ ಸವಾಲು..!

0

ಪಾಕ್​ ವಿರುದ್ಧದ ಪಂದ್ಯದ ಬಳಿಕ ವಿಶ್ರಾಂತಿಗೆ ಜಾರಿದ್ದ ಟೀಮ್​ಇಂಡಿಯಾ ಇಂದು ಕಣಕ್ಕಿಳಿಯಲಿದೆ. ಸೌತಾಂಪ್ಟನ್​ ರೋಸ್​ ಬೌಲ್​ ಅಂಗಳದಲ್ಲಿ ಭಾರತ-ಅಫ್ಘಾನಿಸ್ತಾನ ಮುಖಾಮುಖಿಯಾಗಲಿವೆ. ಆಡಿದ 3 ಪಂದ್ಯಗಳಲ್ಲೂ ಜಯಭೇರಿ ಬಾರಿಸಿರುವ ಕೊಹ್ಲಿ ಬಾಯ್ಸ್​ ಇಂದಿನ ಪಂದ್ಯದಲ್ಲೂ ಗೆಲುವನ್ನ ಎದುರು ನೋಡುತ್ತಿದ್ದಾರೆ.
ಅತ್ತ ಟೂರ್ನಿಯಲ್ಲಿ ಆನ್​ ಫೀಲ್ಡ್​​ಗಿಂತ, ಆಫ್​​ ಫೀಲ್ಡ್ ಹೆಚ್ಚು ಸುದ್ದಿಯಾಗಿರುವ ಅಫ್ಘನ್​, ಮೊದಲ ಗೆಲುವಿನ ಹುಡುಕಾಟದಲ್ಲಿದೆ. ಟೂರ್ನಿಯಲ್ಲಿ ಆಡಿದ ಎಲ್ಲಾ ಪಂದ್ಯಗಳಲ್ಲೂ ಅಫ್ಘನ್​ ಸೋಲುಂಡಿದೆ ನಿಜ. ಆದ್ರೆ ಪ್ರತಿ ಪಂದ್ಯದಲ್ಲೂ ಹೋರಾಟದ ಮನೋಭಾವವನ್ನ ತೋರಿದೆ.
ಬಲಿಷ್ಠ ಭಾರತಕ್ಕೆ ಗಾಯದ ಸವಾಲು!
ಆಡಿದ ಎಲ್ಲಾ ಪಂದ್ಯಗಳಲ್ಲೂ ಆಲ್​ರೌಂಡಿಗ್​ ಪರ್ಫಾಮೆನ್ಸ್​​ ನೀಡಿ ಪ್ರಶಸ್ತಿಗೆ ಮುತ್ತಿಕ್ಕುವ ಹಾಟ್ ​ಫೇವರೇಟ್​ ಟೀಮ್​ ಭಾರತಕ್ಕೆ ಗಾಯದ ಸವಾಲೇ ಹೆಚ್ಚಾಗಿದೆ. ಗಾಯದಿಂದಾಗಿ ಈಗಾಗಲೇ ಧವನ್​ ಟೂರ್ನಿಯಿಂದ್ಲೇ ಹೊರ ಬಿದ್ದಿದ್ದಾರೆ. ಹೀಗಾಗಿ ಆರಂಭಿಕರಾಗಿ ರಾಹುಲ್​ ಕಣಕ್ಕಿಳಿಯೋದು ಕನ್​ಫರ್ಮ್​.
ಈಗಾಗಲೇ ಪಾಕ್​ ವಿರುದ್ಧದ ಪಂದ್ಯದಲ್ಲಿ ರಾಹುಲ್​ ಉತ್ತಮ ಇನ್ನಿಂಗ್ಸ್​ ಕಟ್ಟಿ ಭರವಸೆ ಮೂಡಿಸಿದ್ದಾರೆ. ಆದ್ರೆ , ಇಂಜುರಿ ಕಾಟ ಟೀಮ್​ಇಂಡಿಯಾದ 4ನೇ ಕ್ರಮಾಂಕದ ಕಂಟಕವನ್ನ ಮತ್ತೆ ಮುನ್ನೆಲೆಗೆ ತಂದಿದೆ. ಕಾರಣ ವಿಜಯ್​ ಶಂಕರ್​​ ಗಾಯಗೊಂಡಿರೋದು, ಹೀಗಾಗಿ ಶಂಕರ್​ ಜಾಗದಲ್ಲಿ ರಿಷಬ್​ ಪಂತ್ ಅಥವಾ ದಿನೇಶ್​ ಕಾರ್ತಿಕ್​ ಇಬ್ಬರಲ್ಲಿ ಯಾರು ಆಡ್ತಾರೆ ಅನ್ನೋದು ಕುತೂಹಲ ಮೂಡಿಸಿದೆ.
ಬ್ಯಾಟಿಂಗ್​ ವಿಭಾಗ ಮಾತ್ರವಲ್ಲ.. ಬೌಲಿಂಗ್​ ವಿಭಾಗಕ್ಕೂ ಗಾಯ ಸವಾಲಾಗಿದೆ. ಪಾಕ್​ ವಿರುದ್ಧದ ಫೈಟ್​ನಲ್ಲಿ ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದ ಭುವಿ ಮುಂದಿನ 2 ಪಂದ್ಯಗಳಿಗೆ ಅಲಭ್ಯರಾಗಿದ್ದಾರೆ. ಅವರ ಸ್ಥಾನದಲ್ಲಿ ಶಮಿ ಕಣಕ್ಕಿಳಿಯೋದು ಬಹುತೇಕ ಖಚಿತವಾಗಿದೆ. ಆದ್ರೆ ಸ್ವಿಂಗ್​ ಮಾಸ್ಟರ್​​ ಭುವಿ ಸ್ಥಾನವನ್ನ ಮೊಹಮದ್​ ಶಮಿ ಎಷ್ಟರ ಮಟ್ಟಿಗೆ ತುಂಬಬಲ್ಲರು ಅನ್ನೋದು ಒನ್ಸ್​​ ಅಗೇನ್​ ಪ್ರಶ್ನೆಯಾಗಿದೆ.
ಗಾಯದ ಸವಾಲು ಹೊರತು ಪಡಿಸಿದ್ರೆ, ಟೀಮ್​ಇಂಡಿಯಾ ಬ್ಯಾಟಿಂಗ್​, ಬೌಲಿಂಗ್​ ವಿಭಾಗದಲ್ಲಿ ಬಲಿಷ್ಠವಾಗಿದೆ. ತೆರವಾದ ಸ್ಥಾನದಲ್ಲಿ ಕಣಕ್ಕಿಳಿಯಲಿರುವ ಆಟಗಾರರು ಉತ್ತಮ ಪ್ರದರ್ಶನ ನೀಡಬೇಕಿದೆ ಅಷ್ಟೇ. ಇನ್ನು ಈ ಪಂದ್ಯದಲ್ಲಿ ಟೀಮ್​ಇಂಡಿಯಾ ಜಯ ಸಾಧಿಸಿದ್ದೇ ಆದ್ರೆ ವಿಶ್ವಕಪ್​ನಲ್ಲಿ 50ನೇ ಗೆಲುವು ದಾಖಲಿಸಲಿದೆ.
ವಿಶ್ವಕಪ್​ ಇತಿಹಾಸದಲ್ಲಿ ಭಾರತ
ಪಂದ್ಯ 78
ಗೆಲುವು 49
ಸೋಲು 27
ಟೈ/ರದ್ದು 1/1
ವಿಶ್ವಕಪ್​ ಇತಿಹಾಸದಲ್ಲಿ ಭಾರತ ಒಟ್ಟು 78 ಪಂದ್ಯಗಳನ್ನಾಡಿದ್ದು ಅದರಲ್ಲಿ 49 ಪಂದ್ಯಗಳಲ್ಲಿ ಗೆಲುವು ದಾಖಲಿಸಿದೆ. ಉಳಿದ 27 ಪಂದ್ಯಗಳಲ್ಲಿ ಭಾರತ ಸೋಲುಂಡಿದ್ರೆ, 1 ಪಂದ್ಯ ಟೈ, ಇನ್ನೊಂದು ಪಂದ್ಯ ರದ್ದಾಗಿದೆ.
ಕಳೆದ ಇಂಗ್ಲೆಂಡ್​ ವಿರುದ್ಧದ ಪಂದ್ಯದಲ್ಲಿ ಹೀನಾಯ ಸೋಲುಂಡಿರುವ ಅಫ್ಘನ್​ ತಂಡದ ಆತ್ಮವಿಶ್ವಾಸ ಕುಸಿದಿದೆ. ಅದರಲ್ಲೂ ತಂಡದ ಸ್ಟಾರ್​ ಬೌಲರ್​ ರಶೀದ್​ ಖಾನ್ 9 ಓವರ್​ಗಳಲ್ಲಿ​ 110 ರನ್​ ಬಿಟ್ಟು ಕೊಟ್ಟಿದ್ರು. ಇಂದಿನ ಪಂದ್ಯ ನಡೆಯುವ ರೋಸ್​ ಬೌಲ್​ ಮೈದಾನವೂ ಬ್ಯಾಟಿಂಗ್​ ಸ್ನೇಹಿಯಾಗಿರುವುದು ಅಫ್ಘನ್​ ಬೌಲರ್​ಗಳ ಟೆನ್ಶನ್‌ ಗೆ ಕಾರಣವಾಗಿದೆ.
ಗೆಲುವಿನ ಹುಡುಕಾಟದಲ್ಲಿರುವ ಅಫ್ಘಾನಿಸ್ತಾನವನ್ನ ಸುಲಭವಾಗಿಯಂತೂ ಪರಿಗಣಿಸುವಂತಿಲ್ಲ. ಪಂದ್ಯದ ಮೇಲೆ ಹಿಡಿತ ಸಾಧಿಸಬಲ್ಲ ಸಾಮರ್ಥ್ಯ ಕ್ರಿಕೆಟ್​ ಶಿಶುಗಳಿಗಿದೆ. ಟೀಮ್​ಇಂಡಿಯಾ ಎಚ್ಚರಿಕೆಯ ಆಟವಾಡಬೇಕಿದೆ.

ರೋಹಿತ್ ನಾಯಕತ್ವದಲ್ಲಿ ಭಾರತ ಕಣಕ್ಕೆ – ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ

0

ಮೌಂಟ್​​ ಮಾಂಗ್ನುಯಿ : ನ್ಯೂಜಿಲೆಂಡ್ ವಿರುದ್ಧದ 5ನೇ ಹಾಗೂ ಕೊನೆಯ ಟಿ20 ಮ್ಯಾಚ್​ನಲ್ಲಿ ಟಾಸ್​ ಗೆದ್ದ ಭಾರತ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದೆ. ಕ್ಯಾಪ್ಟನ್ ಕೊಹ್ಲಿ ವಿಶ್ರಾಂತಿ ಬಯಸಿದ್ದು, ಅವರ ಅನುಪಸ್ಥಿತಿಯಲ್ಲಿ ಹಿಟ್ ಮ್ಯಾನ್​ ರೋಹಿತ್ ಶರ್ಮಾ ತಂಡವನ್ನು ಮುನ್ನೆಡೆಸುತ್ತಿದ್ದಾರೆ. ಅತ್ತ ಕೇನ್​​​ ವಿಲಿಯಮ್ಸನ್ ಅನುಪಸ್ಥಿತಿಯಲ್ಲಿ ಟೀಮ್ ಸೌಥಿ ನ್ಯೂಜಿಲೆಂಡ್​ ತಂಡದ ಸಾರಥ್ಯವಹಿಸಿದ್ದಾರೆ.
ಇನ್ನುಳಿದಂತೆ ಕನ್ನಡಿಗ ಕೆ.ಎಲ್ ರಾಹುಲ್, ಸಂಜು ಸಾಮ್ಸನ್, ಶ್ರೇಯಸ್ ಅಯ್ಯರ್, ಮನೀಷ್ ಪಾಂಡೆ, ಶಿವಂದುಬೆ. ವಾಷಿಂಗ್ಟನ್ ಸುಂದರ್, ಶಾರ್ದೂಲ್ ಠಾಕೂರ್, ನವದೀಪ್ ಸೈನಿ, ಯುಜುವೇಂದ್ರ ಚಹಲ್, ಜಸ್ಪ್ರೀತ್ ಬುಮ್ರಾ ಭಾರತದ ಆಡುವ 11ರ ಬಳಗದಲ್ಲಿದ್ದಾರೆ. ಈಗಾಗಲೇ 4 ಮ್ಯಾಚ್​ಗಳನ್ನು ಗೆದ್ದಿರೋ ಭಾರತ ಈ ಪಂದ್ಯವನ್ನೂ ಗೆದ್ದು ಸರಣಿ ಕ್ಲೀನ್ ಸ್ವೀಪ್ ಮಾಡೋ ಉತ್ಸಾಹದಲ್ಲಿದೆ.

ವರ್ಲ್ಡ್ ಕಪ್ : ಇಂಡಿಯಾ VS ಪಾಕ್ ಹೈ ವೋಲ್ಟೇಜ್ ಮ್ಯಾಚ್

0

ಮಹಿಳಾ ವರ್ಲ್ಡ್ ಕಪ್ ನ ಫಸ್ಟ್ ಮ್ಯಾಚ್ ನಲ್ಲಿ ಅಮೋಘ ಜಯ ಸಾಧಿಸಿದ ಟೀಮ್ ಇಂಡಿಯಾ ಇಂದು ಸಾಂಪ್ರದಾಯಿಕ ಎದುರಾಳಿ ಪಾಕ್ ವಿರುದ್ಧ ಸೆಣೆಸೋಕೆ ರೆಡಿಯಾಗಿದೆ.
ಬಿ ಗುಂಪಿನ ಮೊದಲ ಮ್ಯಾಚ್ ನಲ್ಲೇ ಬಲಿಷ್ಠ ನ್ಯೂಜಿಲೆಂಡನ್ನು 34 ರನ್ ಗಳಿಂದ ಭಾರತ ಮಣಿಸಿತ್ತು. ಆ ಮ್ಯಾಚ್ ನಲ್ಲಿ ಅನಾರೋಗ್ಯದ ನಡುವೆಯೂ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದ್ದ ನಾಯಕಿ ಹರ್ಮನ್ ಪ್ರೀತ್ ಕೌರ್ ದಾಖಲೆಯ ಶತಕ ಸಿಡಿಸಿದ್ರು. ಯುವ ಆಟಗಾರ್ತಿ ಜೆಮಿಮಾ ರೊಡ್ರಿಗಸ್ ಹಾಫ್ ಸೆಂಚುರಿ ಬಾರಿಸಿದ್ರು. ಫಸ್ಟ್ ಮ್ಯಾಚ್ ನಲ್ಲೇ ಸಂಘಟಿತ ಹೋರಾಟ ನೀಡಿರೋ ಭಾರತೀಯ ವನಿತೆಯರನ್ನು ಕಟ್ಟಿಹಾಕುವುದು ಜವೇರಿಯಾ ಖಾನ್ ನಾಯಕತ್ವದ ಪಾಕ್ ಗೆ ಕಠಿಣ ಸವಾಲೇ ಸರಿ.
2016ರಲ್ಲಿ ನವದೆಹಲಿಯಲ್ಲಿ ನಡೆದಿದ್ದ ವಿಶ್ವಕಪ್ ಪಂದ್ಯದಲ್ಲಿ ಭಾರತ ಪಾಕ್ ವಿರುದ್ಧ ಸೋಲುಂಡಿತ್ತು. ಆದರೆ, ನಂತರ ನಡೆದ ಏಷ್ಯಾಕಪ್ ನ 3 ಪಂದ್ಯಗಳಲ್ಲೂ ಭಾರತ ಜಯಸಿದೆ.ಭಾರತ,ಪಾಕಿಸ್ತಾನ ಟಿ20 ಮಾದರಿಯಲ್ಲಿ 10 ಬಾರಿ ಮುಖಾಮುಖಿಯಾಗಿದ್ದು ಇದರಲ್ಲಿ ಭಾರತ 8 ಮ್ಯಾಚ್ ಗಳಲ್ಲಿ ಗೆದ್ದಿದ್ರೆ. 2 ಮ್ಯಾಚ್ ಗಳಲ್ಲಿ ಪಾಕ್ ಗೆದ್ದಿದೆ.
ಇನ್ನು ಈ ಟೂರ್ನಿಯ ಮೊದಲ ಮ್ಯಾಚ್ ನಲ್ಲಿ ಪಾಕಿಸ್ತಾನ ವನಿತೆಯರು ಆಸ್ಟ್ರೇಲಿಯಾ ವಿರುದ್ಧ 52 ರನ್ ಅಂತರದಿಂದ ಸೋತಿದ್ದಾರೆ. ಇದು ಭಾರತದ ಆತ್ಮ ವಿಶ್ವಾಸವನ್ನು ಹೆಚ್ಚಿಸಿದೆ. ಅದರೂ ಪಾಕ್ ನಲ್ಲಿ ಆಕ್ರಮಣಕಾರಿ, ಅನುಭವಿ ಆಟಗಾರ್ತಿಯರಿದ್ದಾರೆ. ನಾಯಕಿ ಜವೇರಿಯಾ ಖಾನ್, ಸನಾ ಮೀರ್, ನಾಹಿದಾ ಖಾನ್ ಹಾಗೂ ಬಿಸ್ಮಾ ಮರೂಫ್ ಪಾಕ್ ತಂಡದ ಶಕ್ತಿಯಾಗಿದ್ದಾರೆ.

-ವಸಂತ್ ಮಳವತ್ತಿ. ಸ್ಪೋರ್ಟ್ಸ್ ಬ್ಯೂರೋ. ಪವರ್ ಟಿವಿ

ಹಾಕಿ ವಿಶ್ವಕಪ್​ ಇಂದಿನಿಂದ

0

ಇಂದಿನಿಂದ ವಿಶ್ವಕಪ್ ಟೂರ್ನಿ ಆರಂಭವಾಗಲಿದೆ.  ಒರಿಸ್ಸಾದ ಭುವನೇಶ್ವರದ ಕಳಿಂಗ ಕ್ರೀಡಾಂಗಣದಲ್ಲಿ ಇಂದು ನಡೆಯುವ ಉದ್ಘಾಟನಾ ಪಂದ್ಯದಲ್ಲಿ ಅತಿಥೇಯ ಭಾರತ ಪ್ರಬಲ ದಕ್ಷಿಣ ಆಫ್ರಿಕಾವನ್ನು ಎದುರಿಸಲಿದೆ. 1975ರಲ್ಲಿ ಅಜಿತ್ ಪಾಲ್ ಸಿಂಗ್ ನೇತೃತ್ವದ ತಂಡ ಚಿನ್ನ ಗೆದ್ದಿತ್ತು. ನಂತರ ಈವರೆಗೆ ಚಾಂಪಿಯನ್ ಪಟ್ಟಕ್ಕೇರಲು ಭಾರತಕ್ಕೆ ಸಾಧ್ಯವಾಗಿಲ್ಲ. 43 ವರ್ಷಗಳ ಪದಕದ ಕನಸನ್ನು ನನಸಾಗಿಸುವ ಉತ್ಸಾಹದೊಂದಿಗೆ ಭಾರತ ಕಣಕ್ಕಿಳಿಯಲಿದೆ.

  ಈ ಆರು ಜನ್ರಲ್ಲಿ ಯಾರಾಗಲಿದ್ದಾರೆ ಟೀಮ್​ ಇಂಡಿಯಾ ಕೋಚ್​?

0

ನವದೆಹಲಿ: ಪ್ರಸ್ತುತ ಟೀಮ್​ ಇಂಡಿಯಾ ಕೋಚ್​ ಆಗಿರುವ ರವಿಶಾಸ್ತ್ರಿಯವರ ಅವಧಿ ಮುಕ್ತಾಯಗೊಳ್ಳಲಿದ್ದು, ಹೀಗಾಗಿ ಇತ್ತೀಚಿಗೆ ಬಿಸಿಸಿಐ ಕೋಚ್​ ಹುದ್ದೆಗೆ ಅರ್ಜಿ ಕರೆದಿತ್ತು. ಹೀಗಾಗಿ ರವಿಶಾಸ್ತ್ರಿ ಸೇರಿದಂತೆ ಆಸ್ಟ್ರೇಲಿಯಾದ ಟಾಮ್​ ಮೂಡಿ, ನ್ಯೂಜಿಲೆಂಡ್​ನ ಮಾಜಿ ಕೋಚ್​ ಮೈಕ್​ ಹೆಸ್ಸೋನ್​, ಶ್ರೀಲಂಕಾದ ಮಾಜಿ ಆಟಗಾರ ಮಹೇಲಾ ಜಯವರ್ಧನೆ, ಭಾರತದ ಮಾಜಿ ಆಲ್​ರೌಂಡರ್​ ರಾಬಿನ್​ ಸಿಂಗ್​, ಜಿಂಬಾಬ್ವೆಯ ಮಾಜಿ ಕೋಚ್​​ ಲಾಲ್​ಚಾಂದ್​ ರಜಪೂತ್​​​ ಮತ್ತಿರರು ಅರ್ಜಿ ಸಲ್ಲಿಸಿದ್ದರು.

ಇದೀಗ ಅರ್ಇಯನ್ನು ಪರಿಶೀಲನೆ ನಡೆಸಿರುವ ಕೋಚ್​ ಆಯ್ಕೆ ಸಮಿತಿ ರವಿಶಾಸ್ತ್ರಿ, ಅಫಘಾನಿಸ್ತಾನದ ಫಿಲ್​ ಸಿಮನ್ಸ್​​, ಮೈಕ್​​​ ಹೆಸ್ಸೋನ್​, ಟಾಮ್​​ ಮೂಡಿ, ರಾಬಿನ್​ ಸಿಂಗ್​​, ಲಾಲ್​ಚಾಂದ್​ ರಜಪೂತ್​​​ರವರ ಹೆಸರನ್ನು ಸಂದರ್ಶನಕ್ಕಾಗಿ ಅಂತಿಮಗೊಳಿಸಿದೆ. ಈ ಆರು ಜನ್ರಲ್ಲಿ ಟೀಮ್​​ ಇಂಡಿಯಾ ಕೋಚ್​ ಯಾರಗಲಿದ್ದಾರೆ ಎಂದು ಕಾದು ನೋಡಬೇಕಾಗಿದೆ.

ಇದೇನಿದು ವಿರಾಟ್​ ಹೀಗಾಗಿ ಬಿಟ್ರು..!

0

ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್​ ಕೊಹ್ಲಿ ಕ್ರಿಕೆಟ್​ನಿಂದಾಚೆಗೂ ಸುದ್ದಿಯಲ್ಲಿರ್ತಾರೆ..! ಈಗ ವಿರಾಟ್ ಪುಸ್ತಕ ಓದಿದ್ದೇ ಸುದ್ದಿ..! ಡ್ರೆಸ್ಸಿಂಗ್ ರೂಮ್​ನಲ್ಲಿ ಕುಳಿತು ವಿರಾಟ್ ಬುಕ್ ಓದ್ತಿರೋ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಅದು ಆ ಮಟ್ಟಿಗೆ ವೈರಲ್ ಆಗ್ತಿರೋದಕ್ಕೆ ಕಾರಣ ಅವರು ಓದ್ತಿದ್ದ ಪುಸ್ತಕ..!
ಹೌದು, ವಿರಾಟ್ ಸದ್ಯ ವೆಸ್ಟ್​ ಇಂಡೀಸ್​ ಟೂರ್​ನಲ್ಲಿದ್ದಾರೆ. ಕೆರೆಬಿಯನ್ನರ ವಿರುದ್ಧ ಮೊದಲ ಟೆಸ್ಟ್ ಮ್ಯಾಚ್ ನಡೀತಾ ಇದೆ. ಟಿ20, ಒಡಿಐ ಸರಣಿ ಗೆದ್ದಿರೋ ವಿರಾಟ್ & ಟೀಮ್ ಟೆಸ್ಟ್​​ನಲ್ಲೂ ಗೆಲುವಿನ ಅಭಿಯಾನ ಮುಂದುವರೆಸೋ ವಿಶ್ವಾಸದಲ್ಲಿದೆ. ವಿರಾಟ್ ಕೆರಬಿಯನ್ನರನ್ನು ಕಟ್ಟಿ ಹಾಕಲು ಮಾಸ್ಟರ್ ಪ್ಲಾನ್ ಮಾಡ್ತಿದ್ದಾರೆ. ಆಟದ ಟೆನ್ಶನ್ ನಡುವೆಯೂ ಕೊಹ್ಲಿ ಡ್ರೆಸ್ಸಿಂಗ್​ ರೂಂನಲ್ಲಿ ‘Detox Your Ego’ ಅಂದರೆ ಅಹಂ ದಹನ ಅರ್ಥಾತ್​ ಅಹಂ ಕಡಿಮೆ ಮಾಡಿಕೊಳ್ಳೋದು ಹೇಗೆ ಅನ್ನೋ ಪುಸ್ತಕ ಓದಿದ್ದಾರೆ. ಆ ಫೋಟೋ ಈಗ ಎಲ್ಲೆಡೆ ಹರಿದಾಡ್ತಿದೆ. ಜೊತೆಗೆ ಒಂದಿಷ್ಟು ಟ್ರೋಲ್​ ಪೇಜ್​ಗಳಿಗೂ ಆಹಾರವಾಗಿ ಬಿಟ್ಟಿದೆ.
ವಿರಾಟ್​ಗೆ ಯಾರೋ ಒಂದೊಳ್ಳೆ ಗಿಫ್ಟ್ ಕೊಟ್ಟಿದ್ದಾರೆ, ಅಂಥಾ ಪುಸ್ತಕ ಅವರಿಗೆ ಅಗತ್ಯವಿತ್ತು ಅಂತ ಒಂದಿಷ್ಟು ಜನ ಪ್ರತಿಕ್ರಿಯೆ ಕೊಟ್ಟಿದ್ದಾರೆ. ಇನ್ನು ವಿರಾಟ್ ಹಾಗೂ ರೋಹಿತ್ ಶರ್ಮಾ ನಡುವೆ ಮನಸ್ತಾಪವಿದೆ ಎನ್ನಲಾಗುತ್ತಿದ್ದು, ವಿರಾಟ್​ಗೆ ರೋಹಿತ್ ಶರ್ಮಾ ಈ ಪುಸ್ತಕ ಪ್ರಾಯೋಜಿಸಿದ್ದಾರೆ ಅಂತಲೂ ಕಾಲೆಳೆಯುತ್ತಿದ್ದಾರೆ. ಒಟ್ನಲ್ಲಿ ಈಗ ಬ್ಯಾಟ್ಸ್​ಮನ್ ಕೊಹ್ಲಿ ‘ಪುಸ್ತಕ ಪ್ರೇಮಿ’ ಕೊಹ್ಲಿಯಾಗಿ ಸುದ್ದಿಯಲ್ಲಿದ್ದಾರೆ.

ಪಾನಿಪುರಿ ಮಾರುತ್ತಿದ್ದ ಹುಡುಗನಿಗೆ ಐಪಿಎಲ್​ನಲ್ಲಿ ಬಂಪರ್ ಬೆಲೆ!

0

ಆತ ಪ್ರತಿಭಾವಂತ ಕ್ರಿಕೆಟಿಗ… ಬದುಕು ಕಟ್ಟಿಕೊಂಡಿದ್ದು ಪಾನಿಪುರಿ ಮಾರಿ… ಪುಟ್ಟ ಗುಡಿಸಲಲ್ಲಿ ಉಳಿದುಕೊಂಡು ಕ್ರಿಕೆಟ್​ ಅಭ್ಯಾಸ ಮಾಡಿದ ಕನಸು ಕಂಗಳ ಹುಡುಗ… ಆತನ ಪ್ರಯತ್ನ, ಛಲ, ಹಠ ಇಂದು ಫಲಿಸಿದೆ. ಐಪಿಎಲ್​ನಲ್ಲಿ ಕೋಟಿ ಕೋಟಿ ಬೆಲೆಗೆ ಇವತ್ತು ಬಿಕರಿಯಾಗಿದ್ದಾರೆ..ಆ ಯುವ ಕ್ರಿಕೆಟಿಗ.
ಹೌದು..ಪ್ರತಿಭೆಗೆ ಒಂದಲ್ಲ ಒಂದು ದಿನ ಬೆಲೆ ಸಿಕ್ಕೆ ಸಿಗುತ್ತದೆ. ಪಟ್ಟ ಕಷ್ಟಕ್ಕೆ ಎಂದೂ ಸೋಲಿಲ್ಲ.. ಬಡತನ, ಅವಮಾನ, ಕಷ್ಟಕ್ಕೆ ಎದೆಯೊಡ್ಡಿ ನಿಲ್ಲುವವರನ್ನು ಕಂಡರೆ ಸೋಲೇ ಸೋತು ಬಿಡುತ್ತೆ ಅನ್ನೋದಕ್ಕೆ ಭಾರತದ ಯುವ ಕ್ರಿಕೆಟಿಗ ಯಶಸ್ವಿ ಜೈಸ್ವಾಲ್ ಉದಾಹರಣೆಯಾಗುತ್ತಾರೆ.
ಇಂದು ನಡೆದ ಐಪಿಎಲ್ ಹರಾಜಿನಲ್ಲಿ ಯುವ ಬ್ಯಾಟ್ಸ್​ಮನ್ ಜೈಸ್ವಾಲ್ ಅವರನ್ನು ರಾಜಸ್ಥಾನ್ ರಾಯಲ್ಸ್ 2.4 ಕೋಟಿ ರೂಗಳಿಗೆ ಖರೀದಿಸಿತು. ಇವರ ಮೂಲ ಬೆಲೆ 20 ಲಕ್ಷವಿತ್ತು. ಆದರೆ, ಪ್ರಾಂಚೈಸಿಗಳು ಇವರ ಖರೀದಿಗೆ ತಾ ಮುಂದು – ನಾ ಮುಂದು ಅಂತ ಪೈಪೋಟಿ ನಡೆಸಿದ್ರು. ಅಂತಿಮವಾಗಿ ರಾಜಸ್ಥಾನ ಯಶಸ್ವಿ ಜೈಸ್ವಾಲ್​ ಅವರನ್ನು ತಮ್ಮ ತಂಡ ಕೂಡಿಸಿಕೊಂಡಿತು.
ಕ್ರಿಕೆಟ್ ಆಡ್ಬೇಕೆಂಬ ಮಹಾ ಕನಸಿನೊಂದಿಗೆ ಮುಂಬೈನ ಹಾಸ್ಟೆಲ್ಲೊಂದರಲ್ಲಿದ್ದ ಯಶಸ್ವಿ ಜೈಸ್ವಾಲ್  ಅದ್ಯಾವುದೋ ಕಾರಣಕ್ಕೆ ಹಾಸ್ಟೆಲ್​ನಿಂದ ಹೊರ ಹಾಕಲ್ಪಟ್ಟರು. ಆಗ ಮುಸ್ಲೀಂ ಯುನೈಟೆಡ್​ ಕ್ಲಬ್​ನ ಇಮ್ರಾನ್ ಅವರು ಜೈಸ್ವಾಲ್ ಕೈ ಹಿಡಿದ್ರು. ಮುಂಬೈನ ಕ್ರಿಕೆಟ್ ಜನ್ಮಭೂಮಿ ಆಝಾದ್ ಮೈದಾನದ ಪಕ್ಕದಲ್ಲಿ ವಾಸಕ್ಕೊಂದು ಗುಡಿಸಲು ಮಾಡಿಕೊಟ್ರು. ಹೊಟ್ಟೆ ಪಾಡಿಗಾಗಿ ಪಾನಿಪೂರಿ ಮಾರುತ್ತಾ…ತಳ್ಳುಗಾಡಿಯಲ್ಲಿ ಆಹಾರ ಪೊಟ್ಟಣಗಳನ್ನು ಮಾರಾಟ ಮಾಡುತ್ತಾ ಕ್ರಿಕೆಟ್ ಅಂಗಳದಲ್ಲಿ ಸದ್ದು ಮಾಡಿದ್ರು.
ಶಾಲಾ ಮಟ್ಟದಲ್ಲಿ ಉತ್ತಮ ಪ್ರದರ್ಶನ ನೀಡಿದರು. ಪ್ರತಿಷ್ಟಿತ ಹ್ಯಾರೀಸ್ ಶೀಲ್ಡ್​​​ ಕ್ರಿಕೆಟ್ ಟೂರ್ನಿಯಲ್ಲಿ ಗಮನಾರ್ಹ ಸಾಧನೆ ಮಾಡಿದ್ದರು. ಅಜೇಯ 319ರನ್ ಮತ್ತು 99ರನ್​ಗಳಿಗೆ 13 ವಿಕೆಟ್ ಕಿತ್ತು ಲಿಮ್ಕಾ ಬುಕ್ ಆಫ್ ರೆಕಾರ್ಡಲ್ಲೂ ತನ್ನ ಹೆಸ್ರು ಬರೆಸಿಕೊಂಡಿರೋ ಕ್ರಿಕೆಟಿಗ ಇವರು.
ದೇಶಿಯ ಟೂರ್ನಿಯಲ್ಲಿ 52 ಸೆಂಚುರಿ, 200 ವಿಕೆಟ್ ಪಡೆದಿದ್ದಾರೆ. ಅಂಡರ್ -19 ಏಷ್ಯಾಕಪ್​ನಲ್ಲಿ ಭಾರತ ಚಾಂಪಿಯನ್ ಆಗುವಲ್ಲಿ ಮಹತ್ವದ ಪಾತ್ರವಹಿಸಿದ್ದರು. ವಿಜಯ್ ಹಜಾರೆ ಟ್ರೋಫಿಯಲ್ಲಿ ಡಬಲ್ ಸೆಂಚುರಿ ಬಾರಿಸಿ ಮಿಂಚಿರುವ ಇವರು ದಕ್ಷಿಣ ಆಫ್ರಿಕಾದಲ್ಲಿ ಮುಂದಿನ ವರ್ಷ ನಡೆಯಲಿರುವ 19 ವರ್ಷದೊಳಗಿನವರ ಐಸಿಸಿ ಒಡಿಐ ವರ್ಲ್ಡ್​ ಕಪ್​ ತಂಡದಲ್ಲಿಯೂ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಇದೀಗ ಐಪಿಎಲ್​ ಹರಾಜಿನಲ್ನಲಿ ಬಂಪರ್ ಬೆಲೆಗೆ ಸೇಲಾಗಿದ್ದಾರೆ.

Popular posts