Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Thursday, February 27, 2020

ಮಹಿಳಾ ಟಿ20 ವರ್ಲ್ಡ್​ಕಪ್ : ಟೀಮ್ ಇಂಡಿಯಾ ಶುಭಾರಂಭ

0

ಸಿಡ್ನಿ : ಮಹಿಳಾ ಟಿ20 ವರ್ಲ್ಡ್​​ಕಪ್​ನ ಚೊಚ್ಚಲ ಪಂದ್ಯದಲ್ಲಿ ಟೀಮ್ ಇಂಡಿಯಾ ರೋಚಕ ಗೆಲುವು ಪಡೆದು ಶುಭಾರಂಭ ಮಾಡಿದೆ. ಪೂನಂ ಯಾದವ್ (4 ವಿಕೆಟ್) ಹಾಗೂ ಶಿಖಾ ಪಾಂಡೆ (3 ವಿಕೆಟ್​) ಮಾರಕ ದಾಳಿಗೆ ತತ್ತರಿಸಿದ ಅತಿಥೇಯ ಆಸೀಸ್​ 17 ರನ್​​ ಗಳಿಂದ ಸೋಲನುಭವಿಸಿತು.
ಸಿಡ್ನಿ ಶೋಗ್ರೌಂಡ್​​​​ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಹರ್ಮನ್​ಪ್ರೀತ್​ ಕೌರ್ ನೇತೃತ್ವದ ಭಾರತ ಆರಂಭಿಕ ಆಟಗಾರ್ತಿ ಶಫಾಲಿ ವರ್ಮಾ (29), ಜೆಮಿಯಾ ರೊಡ್ರಿಗಸ್ (26) ಮತ್ತು ದೀಪ್ತಿ ಶರ್ಮಾ (ಅಜೇಯ 49) ಆಟದ ನೆರವಿನಿಂದ ನಿಗದಿತ 20 ಓವರ್​​ಗಳಲ್ಲಿ 4 ವಿಕೆಟ್​ಗೆ 132ರನ್ ಮಾಡಿತು. ಗುರಿಬೆನ್ನತ್ತಿದ ಆಸೀಸ್​​​​​​​​​​​ ಪರ ವಿಕೆಟ್ ಕೀಪರ್ ಹಾಗೂ ಆರಂಭಿಕ ಆಟಗಾರ್ತಿ ಅಲಿಸಾ ಹೀಲಿ (51) ಮತ್ತು ಆಶ್ಲೀ ಗಾರ್ಡ್ನರ್ (34) ಹೊರತುಪಡಿಸಿ ಬೇರೆ ಯಾರೂ ಎರಡಂಕಿ ಮುಟ್ಟಿಲ್ಲ..! ಅಂತಿಮವಾಗಿ ಇನ್ನೂ ಒಂದು ಬಾಲ್ ಬಾಕಿ ಇರುವಂತೆ 115ರನ್​​ಗಳಿಗೆ ಆಲೌಟ್ ಆಗಿ ಸೋಲನುಭವಿಸಿತು.
ಭಾರತದ ಪರ ಪೂನಂ ಯಾದವ್ 4 ವಿಕೆಟ್, ಶಿಖಾ ಪಾಂಡೆ 3 ವಿಕೆಟ್​ ಮತ್ತು ರಾಜೇಶ್ವರಿ ಗಾಯಕ್ವಾಡ್ 1 ವಿಕೆಟ್ ಪಡೆದರು.

ನಾಳೆಯಿಂದ ಮಹಿಳಾ ಟಿ20 ವರ್ಲ್ಡ್​ಕಪ್​ – ಇವ್ರು ಅಬ್ಬರಿಸಿದ್ರೆ ಕಪ್ ನಮ್ದೆ..!

0

ನಾಳೆಯಿಂದ ಆಸ್ಟ್ರೇಲಿಯಾದಲ್ಲಿ ಮಹಿಳಾ ಟಿ20 ವರ್ಲ್ಡ್​ಕಪ್​​ ಹಂಗಾಮ ಶುರು. ಮೊದಲ ಪಂದ್ಯದಲ್ಲಿ ಆಲ್​​ರೌಂಡರ್ ಹರ್ಮನ್​ಪ್ರೀತ್ ಕೌರ್ ನಾಯಕತ್ವದ ಟೀಮ್ ಇಂಡಿಯಾ ಅತಿಥೇಯ ಆಸ್ಟ್ರೇಲಿಯಾವನ್ನು ಎದುರಿಸಲಿದೆ.
ನಾಯಕಿ ಹರ್ಮನ್​ಪ್ರೀತ್ ಬ್ಯಾಟಿಂಗ್ ಮತ್ತು ಬೌಲಿಂಗ್​ನಲ್ಲಿ ತಂಡಕ್ಕೆ ಬಲವಾಗಿದ್ದಾರೆ. ರಾಜೇಶ್ವರಿ ಗಾಯಕ್ವಾಡ್ ಬೌಲಿಂಗ್ ವಿಭಾಗದ ಪ್ರಮುಖ ಅಸ್ತ್ರ. 23 ವರ್ಷದ ಆಟಗಾರ್ತಿ ಕ್ಲಾಸಿಕ್ ಪ್ಲೇಯರ್​ ಸ್ಮೃತಿ ಮಂದಾನ, ಆರಂಭಿಕ ಆಟಗಾರ್ತಿ ಶಫಾಲಿ ವರ್ಮಾ, ಕನ್ನಡತಿ ವೇದಾಕೃಷ್ಣಮೂರ್ತಿ ಬ್ಯಾಟಿಂಗ್ ವಿಭಾಗದ ಪ್ರಮುಖ ಶಕ್ತಿಯಾಗಿದ್ದಾರೆ. ಇನ್ನುಳಿದಂತೆ ಆಲ್​ರೌಂಡರ್ ದೀಪ್ತಿ ಶರ್ಮಾ, ಬೌಲರ್​ಗಳಾದ ಶಿಖಾ ಪಾಂಡೆ, ರಾಧಾ ಯಾದವ್ ಯಾವ್ದೇ ಸಂದರ್ಭದಲ್ಲೂ ತಮಡಕ್ಕೆ ನೆರವಾಗಬಲ್ಲ ಆಟಗಾರರು. ಹೀಗಾಗಿ ಇವರೆಲ್ಲಾ ಅದ್ಭುತ ಪ್ರದರ್ಶನ ತೋರಿದರೆ ಈ ಬಾರಿ ವರ್ಲ್ಡ್​ಕಪ್ ನಮ್ದೇ..!
ಇದುವರೆಗೆ ನಡೆದ ಆರು ಟಿ20 ವರ್ಲ್ಡ್​ಕಪ್​ಗಳಲ್ಲಿ 2009, 2010 ಮತ್ತು 2018ರಲ್ಲಿ ನಾಲ್ಕರಘಟ್ಟ ತಲುಪಿದ್ದೇ ಭಾರತೀಯ ವನಿತೆಯರ ಇದುವರೆಗಿನ ಸಾಧನೆ. ಈ ಸಲ ಮಿಥಾಲಿ ರಾಜ್​ ಮತ್ತು ಜುಲಾನ್ ಗೋಸ್ವಾಮಿ ಅನುಪಸ್ಥಿತಿಯಲ್ಲಿ ಭಾರತ ಕಣಕ್ಕಿಳಿಯುತ್ತಿದ್ದು, ಅದು ತಂಡದ ಮೇಲೆ ಪರಿಣಾಮ ಬೀರಿದರೂ ಅಚ್ಚರಿಯಿಲ್ಲ.
ಭಾರತ ತಂಡ ಹೀಗಿದೆ : ಹರ್ಮನ್​ ಪ್ರೀತ್ ಕೌರ್ (ನಾಯಕಿ), ಸ್ಮೃತಿ ಮಂದಾನ, ಶಫಾಲಿ ವರ್ಮಾ, ಜೆಮಿಯಾ ರೊಡ್ರಿಗಸ್, ಹರ್ಲೀನ್ ಡಿಯೋಲ್, ವೇದಾ ಕೃಷ್ಣಮೂರ್ತಿ, ರಿಚಾ ಘೋಷ್​, ತಾನಿಯಾ ಭಾಟಿಯಾ (ವಿಕೆಟ್ ಕೀಪರ್), ದೀಪ್ತಿ ಶರ್ಮಾ, ಶಿಖಾ ಪಾಂಡೆ, ಪೂಜಾ ವಸ್ತಾರ್ಕರ್, ರಾಜೇಶ್ವರಿ ಗಾಯಕ್ವಾಡ್, ಪೂನಮ್ ಯಾದವ್, ರಾಧಾ ಯಾದವ್, ಅರುಂಧತಿ ರೆಡ್ಡಿ.

ಐಸಿಸಿ ರ್‍ಯಾಂಕಿಂಗ್‌ ಪಟ್ಟಿಯಲ್ಲಿ 10ಕ್ಕೆ ಕುಸಿದ ಕೊಹ್ಲಿ! 2ನೇ ಸ್ಥಾನದಲ್ಲಿ ಕೆ.ಎಲ್ ರಾಹುಲ್

0

ದುಬೈ: ಐಸಿಸಿ ಟಿ20 ರ್‍ಯಾಂಕಿಂಗ್‌ ಪಟ್ಟಿಯನ್ನು ಸೋಮವಾರ ಬಿಡುಗಡೆ ಮಾಡಿದೆ. ಈ ಪಟ್ಟಿಯಲ್ಲಿ ಭಾರತದ ನಾಯಕ ವಿರಾಟ್ ಕೊಹ್ಲಿ 10ನೇ ಸ್ಥಾನಕ್ಕೆ ಕುಸಿದಿದ್ದು, ಕೆ.ಎಲ್ ರಾಹುಲ್ ಎರಡನೇ ಸ್ಥಾನ ಕಾಯ್ದುಕೊಂಡಿದ್ದಾರೆ.

ನ್ಯೂಜಿಲೆಂಡ್ ಸರಣಿ ಬಳಿಕ ವಿರಾಟ್ ಕೊಹ್ಲಿ ಒಂದು ಸ್ಥಾನ ಇಳಿಕೆ ಕಂಡಿದ್ದು, 10 ನೇ ಸ್ಥಾನಕ್ಕೆ ಇಳಿದಿದ್ದಾರೆ. ದಕ್ಷಿಣ ಆಫ್ರಿಕಾ – ಇಂಗ್ಲೆಂಡ್ ನಡುವಿನ ಪಂದ್ಯದಲ್ಲಿ ಇಂಗ್ಲೆಂಡ್ ಕ್ಯಾಪ್ಟನ್ ಇಯಾನ್ ಮಾರ್ಗನ್ 136 ರನ್ ಗಳಿಸಿ ಒಂದು ಸ್ಥಾನ ಏರಿಕೆ ಕಂಡು 9ನೇ ಸ್ಥಾನ ಪಡೆದಿದ್ದಾರೆ. ರೋಹಿತ್ ಶರ್ಮಾ 11ನೇ ಸ್ಥಾನ ಗಳಿಸಿದ್ದಾರೆ.

ಪಾಕಿಸ್ಥಾನದ ಬಾಬರ್ ಆಜಂ ಅಗ್ರಸ್ಥಾನದಲ್ಲಿ ಮುಂದುವರೆದಿದ್ದಾರೆ. ಬಾಬರ್ & ಕೆ.ಎಲ್ ರಾಹುಲ್ ಮಧ್ಯೆ 56 ಅಂಕಗಳ ಅಂತರವಿದ್ದು, ಈ ಮೊದಲು ಬಿಡುಗಡೆ ಮಾಡಿದ್ದ ರ್‍ಯಾಂಕಿಂಗ್‌ ಪಟ್ಟಿಯಲ್ಲಿ ನಾಲ್ಕು ಸ್ಥಾನಗಳ ಏರಿಕೆ ಕಂಡು ಎರಡನೇ ಸ್ಥಾನವನ್ನು ಪಡೆದಿದ್ದರು. ಈ ಬಾರಿಯೂ ಅವರು ಆ ಸ್ಥಾನವನ್ನು ಕಾಪಾಡಿಕೊಂಡಿದ್ದಾರೆ. 

ಇನ್ನು ಬೌಲಿಂಗ್ ರ್‍ಯಾಂಕಿಂಗ್‌ನ ಟಾಪ್ 10 ಪಟ್ಟಿಯಲ್ಲಿ ಭಾರತದ ಯಾವುದೇ ಬೌಲರ್​ನ ಹೆಸರು ಸೇರಿಕೊಂಡಿಲ್ಲ. ಮೊದಲೆರಡು ಸ್ಥಾನದಲ್ಲಿ ಅಫ್ಘಾನಿಸ್ಥಾನದ ರಶೀದ್‌ ಖಾನ್‌ ಮತ್ತು ಮುಜೀಬುರ್‌ ರೆಹಮಾನ್‌ ಇದ್ದಾರೆ. ಟಿ20 ಆಲ್‌ರೌಂಡರ್‌ ಆಗಿ ಅಗ್ರಸ್ಥಾವನ್ನು ಅಫ್ಘಾನಿಸ್ಥಾನದ ಮೊಹಮ್ಮದ್‌ ನಬಿ ಕಾಯ್ದುಕೊಂಡಿದ್ದಾರೆ.

 

ಪ್ರೇಮಿಗಳ ದಿನಕ್ಕೆ RCB ಅಭಿಮಾನಿಗಳಿಗೆ ಬಿಗ್​ ಸರ್​ಪ್ರೈಸ್​..!

0

ಬೆಂಗಳೂರು : ಇಂಡಿಯನ್ ಪ್ರೀಮಿಯರ್​ ಲೀಗ್ (ಐಪಿಎಲ್​) 2020ಗೆ ದಿನಗಣನೆ ಶುರುವಾಗಿದೆ. ಮಾರ್ಚ್ 29ರಿಂದ ಐಪಿಎಲ್ ಹಂಗಾಮ ಶುರು. ಈ ನಡುವೆ ಪ್ರೇಮಿಗಳ ದಿನವಾದ ಇಂದು ಆರ್ ಸಿ ಬಿ ತನ್ನ ಅಭಿಮಾನಿಗಳಿಗೆ ವಿಶೇಷ ಉಡುಗೊರೆ ನೀಡಿದೆ. ವಿಶ್ವದಾದ್ಯಂತ ಪ್ರೇಮಿಗಳ ದಿನಾಚರಣೆಯನ್ನು ಆಚರಿಸಲಾಗುತ್ತಿದ್ದು, ಈ ಖುಷಿಯಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಕ್ರಿಕೆಟ್​ ಪ್ರೇಮಿಗಳಿಗೆ ಭರ್ಜರಿ ಗಿಫ್ಟೊಂದನ್ನು ನೀಡಿದೆ.  ಹೌದು, ಘಟಾನುಘಟಿ ಆಟಗಾರರನ್ನು ಒಳಗೊಂಡಿರುವ ಪ್ರಬಲ ತಂಡವಾಗಿದ್ದರೂ ಕಳೆದ 12 ಸೀಸನ್​​ಗಳಿಂದಲೂ ಚಾಂಪಿಯನ್ ಪಟ್ಟ ಅಲಂಕರಿಸುವಲ್ಲಿ ಎಡವಿರುವ ವಿರಾಟ್ ಕೊಹ್ಲಿ ಪಡೆ, ಈ ಬಾರಿ ಪ್ರಶಸ್ತಿಗೆ ಮುತ್ತಿಕ್ಕಲೇ ಬೇಕೆಂಬ ಹಠದಲ್ಲಿದೆ. ಅಭಿಮಾನಿಗಳು ಕೂಡ ಬೆಟ್ಟದಷ್ಟು ನಿರೀಕ್ಷೆಯನ್ನಿಟ್ಟುಕೊಂಡಿದ್ದಾರೆ. ಈ ವರ್ಷ ಹೊಸ ಹುರುಪಿನೊಂದಿಗೆ ಕಣಕ್ಕಿಳಿಯುತ್ತಿರುವ ತಂಡ ಇಂದು ಹೊಸ ಲೋಗೋವನ್ನು ಲೋಕಾರ್ಪಣೆ ಮಾಡಿದೆ. 
ಕಳೆದ ಸೀಸನ್​​ನಲ್ಲಿ ತಂಡದ ಹೆಸರಿಂದ ಬೆಂಗಳೂರು ಎಂಬ ಪದ ತೆಗೆದು ಹಾಕಿದ್ದರು. ಇದೀಗ ರಾಯಲ್​ ಚಾಲೆಂಜರ್ಸ್ ಜೊತೆ ಬೆಂಗಳೂರು ಎಂಬ ಪದವನ್ನು ಮತ್ತೆ ಸೇರಿಸಲಾಗಿದೆ.

RCBಯಲ್ಲಿ ಬದಲಾವಣೆ? ಈ ಬಗ್ಗೆ ಕ್ಯಾಪ್ಟನ್ ಕೊಹ್ಲಿಗೂ ಗೊತ್ತಿಲ್ಲ..!

RCBಯಲ್ಲಿ ಬದಲಾವಣೆ? ಈ ಬಗ್ಗೆ ಕ್ಯಾಪ್ಟನ್ ಕೊಹ್ಲಿಗೂ ಗೊತ್ತಿಲ್ಲ..!

0

ಇಂಡಿಯನ್ ಪ್ರೀಮಿಯರ್ ಲೀಗ್​​ (IPL) 2020ಗೆ ದಿನಗಣನೆ ಶುರುವಾಗಿದೆ. ಮಾರ್ಚ್​​ 29ರಿಂದ ಐಪಿಎಲ್​ ಹಬ್ಬ. ಕಳೆದ 12 ಸೀಸನ್​ಗಳಿಂದಲೂ ನಮ್ಮ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಚಾಂಪಿಯನ್ ಆಗುತ್ತೆ ಅಂತ ಅಭಿಮಾನಿಗಳು ಕಾದಿದ್ದಾರೆ. ಆದರೆ ಆರ್ ಸಿ ಬಿ ಮಾತ್ರ ಒಮ್ಮೆಯೂ ಟ್ರೋಫಿಗೆ ಮುತ್ತಿಕ್ಕದೆ ನಿರಾಸೆ ಮೂಡಿಸಿದೆ. ಈ ನಡುವೆ ಈ ಬಾರಿ ಹೊಸ ಹುರುಪಿನೊಂದಿಗೆ ನಮ್ಮ ಆರ್ ಸಿ ಬಿ ಕಣಕ್ಕಿಳಿಯಲು ರೆಡಿಯಾಗಿದೆ. ಈ ನಡುವೆ ಬದಲಾವಣೆ ಸುದ್ದಿಯೂ ಹಬ್ಬಿದೆ..! ವಿಶೇಷ ಅಂದ್ರೆ ಈ ಬದಲಾವಣೆ ಬಗ್ಗೆ ಸ್ವತಃ ನಾಯಕ ವಿರಾಟ್​ ಕೊಹ್ಲಿಗೂ ಗೊತ್ತಿಲ್ಲ.
ಈ ಸೀಸನ್​ನಲ್ಲಿ ಆರ್ ಸಿ ಬಿ ಹೆಸರು ಮತ್ತು ಲೋಗೋವನ್ನು ಬದಲಾಯಿಸಿಕೊಂಡು ಫೀಲ್ಡಿಗಿಳಿಯುತ್ತದೆ ಎಂದು ಹೇಳಲಾಗಿದೆ. ಈ ಬಗ್ಗೆ ತಂಡದ ಮುಖ್ಯಸ್ಥರು ಅಧಿಕೃತವಾಗಿ ಹೇಳದಿದ್ದರೂ ಫೇಸ್​ ಬುಕ್ ಹಾಗೂ ಇನ್ಸ್ಟಾಗ್ರಾಮ್​ ಕವರ್​ ಪೇಜ್​ ಇಮೇಜ್​ಗಳನ್ನು ರಿಮ್ಯೂ ಮಾಡಲಾಗಿದ್ದು, ಹೆಸರು ಮತ್ತು ಲೋಗೋ ಬದಲಾವಣೆಯ ಸುಳಿವು ಸಿಕ್ಕಂತಿದೆ. ರಾಯಲ್​ ಚಾಲೆಂಜರ್ಸ್ ಬೆಂಗಳೂರ್​ ಬದಲಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅಂತ ಬದಲಾಯಿಸಲಾಗುತ್ತೆ ಎನ್ನಲಾಗಿದ್ದು, ಫೆಬ್ರವರಿ 16ರಂದು ಅಧಿಕೃತ ಮಾಹಿತಿ ಹೊರಬೀಳಲಿದೆ ಅಂತ ವರದಿಯಾಗಿದೆ.
ಈ ಬಗ್ಗೆ ವಿರಾಟ್ ಕೊಹ್ಲಿ ” ತಂಡದ ಸೋಶಿಯಲ್ ಮೀಡಿಯಾ ಪೋಸ್ಟ್​ಗಳೇ ಕಾಣ್ತಿಲ್ಲ. ಇದು ಕ್ಯಾಪ್ಟನ್ ಗಮನಕ್ಕೆ ಬಂದಿಲ್ಲ. ನಿಮ್ಗೆ ಯಾವ್ದೇ ರೀತಿ ಸಹಾಯ ಬೇಕಂತಾದ್ರೆ ನಂಗೆ ತಿಳಿಸಿ”ಅಂತ ಟ್ವೀಟ್ ಮಾಡಿದ್ದಾರೆ.

ಇನ್ನು ನಮ್ಮ ಸಾಮಾಜಿಕ ಜಾಲತಾಣಗಳ ಅಕೌಂಟ್​​ಗಳಲ್ಲಿ ಏನಾಗ್ತಿದೆ ಅಂತ ಪ್ರಶ್ನಿಸಿರೋ ತಂಡದ ಪ್ರಮುಖ ಆಟಗಾರ ಎಬಿ ಡಿವಿಲಿಯರ್ಸ್, ಇದೊಂದು ಕೇವಲ ತಂತ್ರಗಾರಿಕೆ ವಿರಾಮ ಅಂತ ಭಾವಿಸ್ತೀನೆಂದು ಟ್ವೀಟ್ ಮೂಲಕ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

“ಇದ್ಯಾವ ಗೂಗ್ಲಿ? ಪ್ರೊಫೈಲ್​​ ಪಿಕ್ಸ್ ಮತ್ತು ಇನ್​ಸ್ಟಾಗ್ರಾಮ್​ ಪೋಸ್ಟ್​​ಗಳು ಎಲ್ಲಿಗೆ ಹೋದ್ವು?” ಅಂತ ಸ್ಟಾರ್ ಬೌಲರ್ ಯುಜುವೇಂದ್ರ ಚಹಲ್ ಟ್ವೀಟ್ ಮಾಡಿದ್ದಾರೆ.

ಯುವಿ – ಧೋನಿ ಬಳಿಕ ಮಿಡಲ್​​ ಆರ್ಡರ್​ಗೆ ಬಲ ತುಂಬಿದ ರಾಹುಲ್ -ಅಯ್ಯರ್..!

0

ನ್ಯೂಜಿಲೆಂಡ್ ವಿರುದ್ಧ ಟೀಮ್ ಇಂಡಿಯಾ ಮೂರೂ ಏಕದಿನ ಪಂದ್ಯಗಳನ್ನು ಸೊತು, ಸರಣಿಯಲ್ಲಿ ವೈಟ್​ವಾಶ್ ಅವಮಾನ ಎದುರಿಸಿದೆ. ರೋಹಿತ್ ಶರ್ಮಾ ಮತ್ತು ಶಿಖರ್ ಧವನ್ ಅನುಪಸ್ಥಿತಿಯಲ್ಲಿ ಆರಂಭಿಕ ಆಟಗಾರರಾಗಿ ಕಣಕ್ಕಿಳಿದ ಕನ್ನಡಿಗ ಮಯಾಂಕ್ ಅಗರ್​​ವಾಲ್ ಮತ್ತು ಏಕದಿನಕ್ಕೆ ಪದಾರ್ಪಣೆ ಮಾಡಿದ ಪೃಥ್ವಿ ಶಾ ಉತ್ತಮ ಆರಂಭ ಒದಗಿಸುವಲ್ಲಿ ವಿಫಲರಾದರು. ತಮ್ಮ ಎಂದಿನ 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗಿಳಿದ ಕ್ಯಾಪ್ಟನ್ ಕೊಹ್ಲಿ ಕೂಡ ಮಿಂಚಲಿಲ್ಲ! ಆದರೆ ಬಹಕಾಲದಿಂದ ಕಾಡುತ್ತಿದ್ದ 4 ನೇ ಕ್ರಮಾಂಕ ಬಲವಾಗಿದೆ! 4 ಹಾಗೂ 5 ನೇ ಕ್ರಮಾಂಕದಲ್ಲಿ ಯುವ ಆಟಗಾರರಾದ ಶ್ರೇಯಸ್ ಅಯ್ಯರ್ ಮತ್ತು ಕನ್ನಡಿಗ ಕೆ.ಎಲ್ ರಾಹುಲ್ ಅಬ್ಬರಿಸಿ, `ಇನ್ನು ನಾವಿರುವ ತನಕ ಮಿಡಲ್​ ಆರ್ಡರ್ ಬಗ್ಗೆ ತಲೆ ಕೆಡಿಸಿಕೊಳ್ಬೇಡಿ’ ಅಂತ ಸ್ಪಷ್ಟ ಸಂದೇಶ ರವಾನಿಸಿದ್ದಾರೆ. ಈ ಮೂಲಕ ಈ ಜೋಡಿ ಯುವರಾಜ್ ಸಿಂಗ್ ಮತ್ತು ಮಹೇಂದ್ರ ಸಿಂಗ್ ಧೋನಿ ನಂತರ ಭಾರತದ ಬೆಸ್ಟ್ ಮಧ್ಯಮ ಕ್ರಮಾಂಕದ ಜೋಡಿಯಾಗಿ ಗುರುತಿಸಿಕೊಂಡಿದೆ.
ಸರಣಿಯಲ್ಲಿ ಶ್ರೇಯಸ್ ಅಯ್ಯರ್ ಒಂದು ಶತಕ, ಎರಡು ಅರ್ಧಶತಕ ಹಾಗೂ ರಾಹುಲ್ ತಲಾ ಒಂದು ಶತಕ ಮತ್ತು ಅರ್ಧಶತಕ ಸಿಡಿಸಿದ್ದಾರೆ. ಈ ಇಬ್ಬರ ಒಟ್ಟು ರನ್​ಗಳಿಕೆ 421. ಇವರಿಬ್ಬರನ್ನು ಹೊರತುಪಡಿಸಿ ವಿರಾಟ್ ಕೊಹ್ಲಿ ಬಳಗದ ಉಳಿದೆಲ್ಲಾ ಬ್ಯಾಟ್ಸ್​ಮನ್​​ಗಳು ಗಳಿಸಿದ ರನ್​ 423. ಅಂದ್ರೆ ರಾಹುಲ್ -ಅಯ್ಯರ್ ಜೋಡಿಗಿಂತ ಉಳಿದವರ ಗಳಿಕೆ ಕೇವಲ 2ರನ್ ಮಾತ್ರ ಹೆಚ್ಚು.
ಈ ಹಿಂದೆ ಯುವರಾಜ್ ಸಿಂಗ್ ಮತ್ತು ಮಹೇಂದ್ರ ಸಿಂಗ್ ಧೋನಿ ಮಧ್ಯಮ ಕ್ರಮಾಂಕದ ಶಕ್ತಿಯಾಗಿದ್ದರು. ಆ ಜೋಡಿ ಬಳಿಕ ಸುರೇಶ್ ರೈನಾ, ಅಂಬಟಿ ರಾಯುಡು, ಕೇದಾರ್ ಜಾಧವ್, ವಿಜಯ್ ಶಂಕರ್, ದಿನೇಶ್ ಕಾರ್ತಿಕ್ ಮೊದಲಾದವರು ಮಿಡಲ್ ಆರ್ಡರಲ್ಲಿ ಬ್ಯಾಟ್ ಬೀಸಿದರೂ ಹೇಳಿಕೊಳ್ಳುವಷ್ಟರ ಮಟ್ಟಿಗೆ ಕ್ಲಿಕ್ ಆಗಿರ್ಲಿಲ್ಲ.
ಓಪನಿಂಗ್ ಇರಲಿ, ಮಿಡಲ್ ಆರ್ಡರ್ ಆಗಿರಲಿ ತಾನು ತಂಡಕ್ಕೆ ಆಧಾರವಾಗಬಲ್ಲೆ ಅಂತ ರಾಹುಲ್ ನಿರೂಪಿಸಿದ್ದಾರೆ. 2007ರ ಬಳಿಕ 4 ಮತ್ತು 5ನೇ ಕ್ರಮಾಂಕದ ಇಬ್ಬರೂ ಸರಣಿಯೊಂದರಲ್ಲಿ ಸೆಂಚುರಿ ಬಾರಿಸಿರೋದು ಇದೇ ಮೊದಲು. ಮೊದಲ ಪಂದ್ಯದಲ್ಲಿ ಅಯ್ಯರ್, ಮೂರನೇ ಪಂದ್ಯದಲ್ಲಿ ರಾಹುಲ್ ಸೆಂಚುರಿ ಸಿಡಿಸಿದ್ದಾರೆ. 2007ರಲ್ಲಿ ಪಾಕಿಸ್ತಾನ ವಿರುದ್ಧದ ಸರಣಿಯಲ್ಲಿ ಯುವರಾಜ್ ಸಿಂಗ್ ಮತ್ತು ಧೋನಿ ಈ ಸಾಧನೆ ಮಾಡಿದ್ದರು.
ಇನ್ನು 2016ರಿಂದ ಇಲ್ಲಿಯವರೆಗೆ ಒಟ್ಟು 91 ಇನ್ನಿಂಗ್ಸ್​ಗಳಲ್ಲಿ ಶ್ರೇಯಸ್ ಅಯ್ಯರ್ ಬಿಟ್ರೆ ಒಟ್ಟು 13 ಆಟಗಾರರು ಬ್ಯಾಟ್ ಬೀಸಿದ್ದಾರೆ. ಅವರೆಲ್ಲರ ಸರಾಸರಿ 35.24ರಷ್ಟು. ಆ 13 ಮಂದಿಯಿಂದ ಬಂದಿರೋದು 3 ಸೆಂಚುರಿ 13 ಹಾಫ್ ಸೆಂಚುರಿ ಮಾತ್ರ. ಆದರೆ, ಶ್ರೇಯಸ್ ಅಯ್ಯರ್ ಇದುವರೆಗೆ 4ನೇ ಕ್ರಮಾಂಕದಲ್ಲಿ ಆಡಿರೋ 8 ಇನ್ನಿಂಗ್ಸ್​​ಗಳಲ್ಲಿ 56.85ರ ಸರಾಸರಿಯಲ್ಲಿ ರನ್ ಗಳಿಸಿದ್ದಾರೆ. ಅಯ್ಯರ್​ಗಿಂತ ಮೊದಲು ಆಡಿದ 13 ಮಂದಿ ಒಟ್ಟಾರೆ ಸರಾಸರಿಗಿಂತ ಅಯ್ಯರ್ ಸರಾಸರಿಯೇ ಹೆಚ್ಚು. ಇದರೊಂದಿಗೆ 4ನೇ ಕ್ರಮಾಂಕಕ್ಕೆ ಅಯ್ಯರ್ ರೂಪದಲ್ಲಿ ಭರವಸೆ ಬ್ಯಾಟ್ಸ್​ಮನ್​ ಸಿಕ್ಕಂತಾಗಿದೆ.

21 ವರ್ಷಗಳ ಹಿಂದೆ ರಾಹುಲ್​​ ದ್ರಾವಿಡ್ ಸಾಧಿಸಿದ್ದನ್ನು ಸಾಧಿಸಿದ ರಾಹುಲ್..!

0

ಮೌಂಟ್ ಮಾಂಗ್ನುಯಿ : ಟೀಮ್ ಇಂಡಿಯಾದ ಮಾಜಿ ಕ್ಯಾಪ್ಟನ್, ಕನ್ನಡಿಗ ರಾಹುಲ್ ದ್ರಾವಿಡ್​ ಹಾದಿಯಲ್ಲಿ ಸಾಗಿರುವ ಟೀಮ್ ಇಂಡಿಯಾದ ಯುವ ತಾರೆ ಕನ್ನಡಿಗ ಕೆ.ಎಲ್ ರಾಹುಲ್ ಮತ್ತೊಂದು ಮೈಲುಗಲ್ಲು ಸ್ಥಾಪಿಸಿದ್ದಾರೆ. 21 ವರ್ಷಗಳ ಹಿಂದೆ ರಾಹುಲ್ ದ್ರಾವಿಡ್ ಮಾಡಿದ ಸಾಧನೆಯನ್ನು ಇದೀಗ ಕನ್ನಡಿಗರೇಯಾದ ಕೆ.ಎಲ್ ರಾಹುಲ್ ಸಾಧಿಸಿದ್ದಾರೆ. 

ಮೌಂಟ್​ ಮಾಂಗ್ನುಯಿಯ ಬೇ ಓವೆಲ್​​ ಸ್ಟೇಡಿಯಂನಲ್ಲಿ ನಡೆದ 3ನೇ ಹಾಗೂ ಅಂತಿಮ ಏಕದಿನ ಪಂದ್ಯದಲ್ಲಿ ಟೀಮ್ ಇಂಡಿಯಾ ನ್ಯೂಜಿಲೆಂಡ್ ವಿರುದ್ಧ ಸೋಲನುಭವಿಸಿ ಕ್ಲೀನ್​ಸ್ವೀಪ್ ಮುಖಭಂಗ ಅನುಭವಿಸಿದ ಹೊರತಾಗಿ ಕನ್ನಡಿಗ ಕೆ.ಎಲ್ ರಾಹುಲ್ ಸೆಂಚುರಿ ಸಿಡಿಸಿ ಮಿಂಚಿದರೆನ್ನುವುದೇ ಸಮಾಧಾನ ಹಾಗೂ ಖುಷಿ ವಿಚಾರ. ಈ ಶತಕ ರಾಹುಲ್ ಪಾಲಿಗೆ ಮಾತ್ರವಲ್ಲದೆ ಟೀಮ್ ಇಂಡಿಯಾ ಪಾಲಿಗೂ ವಿಶೇಷ. ಈ ಸೆಂಚುರಿಯೊಂದಿಗೆ 21 ವರ್ಷಗಳ ಹಿಂದಿ ನಮ್ಮ ಕನ್ನಡಿಗರೇಯಾದ ರಾಹುಲ್ ದ್ರಾವಿಡ್ ಮಾಡಿದ್ದ ದಾಖಲೆಯನ್ನು ಕೆ.ಎಲ್ ರಾಹುಲ್ ಮಾಡಿದ್ದಾರೆ. ರಾಹುಲ್ ದ್ರಾವಿಡ್ ನಂತರ ಏಷ್ಯಾದ ಹೊರಗೆ ಶತಕಗಳಿಸಿದ ಭಾರತದ ವಿಕೆಟ್ ಕೀಪರ್ ಬ್ಯಾಟ್ಸ್​ಮನ್ ಎಂಬ ಹೆಗ್ಗಳಿಕೆ ಪಾತ್ರರಾಗಿದ್ದಾರೆ.

1999ರಲ್ಲಿ ಇಂಗ್ಲೆಂಡ್​ನಲ್ಲಿ ನಡೆದ ವರ್ಲ್ಡ್​ಕಪ್​ನಲ್ಲಿ ಶ್ರೀಲಂಕಾ ವಿರುದ್ಧ ಟೌಂಟೀನ್​​ನಲ್ಲಿ ನಡೆದಿದ್ದ ಪಂದ್ಯದಲ್ಲಿ ದ್ರಾವಿಡ್ (145) ಸೆಂಚುರಿ ಬಾರಿಸಿದ್ರು. ಆ ಮೂಲಕ ದ್ರಾವಿಡ್ ಏಷ್ಯಾದ ಹೊರಗಡೆ ಶತಕಗಳಿಸಿದ ಮೊದಲ ಭಾರತೀಯ ವಿಕೆಟ್ ಕೀಪರ್ – ಬ್ಯಾಟ್ಸ್​ಮನ್ ಎಂಬ ಕೀರ್ತಿಗೆ ಭಾಜನರಾಗಿದ್ರು. ಅಲ್ಲದೆ ದ್ರಾವಿಡ್​ಗೂ ಮೊದಲು, ದ್ರಾವಿಡ್ ನಂತರ ಕೂಡ ಯಾವೊಬ್ಬ ಭಾರತೀಯ ವಿಕೆಟ್​ ಕೀಪರ್ ಕೂಡ ಏಷ್ಯಾದ ಹೊರಗಡೆ ಸೆಂಚುರಿ ಸಿಡಿಸಿರಲಿಲ್ಲ. ಮಹೇಂದ್ರ ಸಿಂಗ್ ಧೋನಿ ಕೂಡ ಈ ಸಾಧನೆ ಮಾಡಲು ಸಾಧ್ಯವಾಗಿರಲಿಲ್ಲ..!

ಇನ್ನು ದ್ರಾವಿಡ್ ಸೆಂಚುರಿಸಿ ಸಿಡಿಸಿದ್ದ ಆ ಪಂದ್ಯದಲ್ಲಿ ಸೌರವ್ ಗಂಗೂಲಿಗೂ ಭರ್ಜರಿ 183 ರನ್ ಸಿಡಿಸಿದ್ದರು! ದ್ರಾವಿಡ್ – ಗಂಗೂಲಿಯ ದಾಖಲೆಯ 323ರನ್​ ಜೊತೆಯಾಟದ ನೆರವಿನಿಂದ ಭಾರತ 373ರನ್ ಗುರಿ ನೀಡಿತ್ತು. ಲಂಕಾ ಕೇವಲ 216ರನ್​ಗಳಿಗೆ ಆಲೌಟ್ ಆಗುವುದರೊಂದಿಗೆ ಭಾರತ 157ರನ್​​ಗಳಿಂದ ಪಂದ್ಯ ಜಯಿಸಿತ್ತು.
ಇನ್ನು ರಾಹುಲ್ ದ್ರಾವಿಡ್ ನಂತರದಲ್ಲಿ ಏಷ್ಯಾದಿಂದ ಹೊರಗಡೆ ಶತಕ ಸಿಡಿಸಿದ ಎರಡನೇ ಭಾರತೀಯ ವಿಕೆಟ್​ ಕೀಪರ್ ಎಂಬ ಶ್ರೇಯಕ್ಕೆ ಕೆ.ಎಲ್ ರಾಹುಲ್ ಪಾತ್ರರಾಗಿದ್ದಾರೆ. ಈ ಸಾಧನೆ ಮಾಡಿದ ಇಬ್ಬರೂ ನಮ್ಮ ಕನ್ನಡಿಗರೇ ಅನ್ನೋದು ನಿಜಕ್ಕೂ ಹೆಮ್ಮೆ.

ಒಡಿಐನಲ್ಲಿ ಮೂರೂ ಮ್ಯಾಚ್​ ಗೆದ್ದು, ಟಿ20 ಕ್ಲೀನ್​ ಸ್ವೀಪ್ ಸೇಡು ತೀರಿಸಿಕೊಂಡ ಕಿವೀಸ್..!

0

ಮೌಂಟ್ ಮಾಂಗ್ನುಯಿ : 5 ಮ್ಯಾಚ್​ಗಳ ಟಿ20 ಕ್ಲೀನ್ ಸ್ವೀಪ್​ ಮುಖಭಂಗದ ಸೇಡು ತೀರಿಸಿಕೊಳ್ಳುವಲ್ಲಿ ಅತಿಥೇಯ ನ್ಯೂಜಿಲೆಂಡ್ ಯಶಸ್ವಿಯಾಗಿದೆ. ಟೀಮ್ ಇಂಡಿಯಾ ವಿರುದ್ಧ 3 ಮ್ಯಾಚ್​ಗಳ ಏಕದಿನ ಸರಣಿಯನ್ನು ಕ್ಲೀನ್ ಸ್ವೀಪ್ ಮಾಡಿ ಕಿವೀಸ್ ಪಡೆ ಬೀಗಿದೆ.
ಮೌಂಟ್ ಮಾಂಗ್ನುಯಿನ ಬೇ ಓವೆಲ್ ಸ್ಟೇಡಿಯಂನಲ್ಲಿ ನಡೆದ 3ನೇ ಹಾಗೂ ಕೊನೆಯ ಏಕದಿನ ಪಂದ್ಯದಲ್ಲಿ ಆರಂಭಿಕರಾದ ಮಾರ್ಟಿನ್ ಗಪ್ಟಿಲ್ (66) ಮತ್ತು ಹೆನ್ರಿ ನಿಕೋಲ್ಸ್​ (80), ಕಾಲಿನ್ ಗ್ರ್ಯಾಂಡ್ ಹೋಮ್​ ( ಅಜೇಯ 58) ಭರ್ಜರಿ ಬ್ಯಾಟಿಂಗ್ ನೆರವಿನಿಂದ 5 ವಿಕೆಟ್​​​​ ಗಳಿಂದ ಗೆಲ್ಲುವುದರೊಂದಿಗೆ ಟೀಮ್ ಇಂಡಿಯಾವನ್ನು ವೈಟ್ ವಾಶ್ ಮಾಡಿತು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಕನ್ನಡಿಗರದಾ ಕೆ.ಎಲ್​ ರಾಹುಲ್ (112), ಮನೀಷ್ ಪಾಂಡೆ (42), ಶ್ರೇಯಸ್ ಅಯ್ಯರ್ (62), ಆರಂಭಿಕ ಆಟಗಾರ ಪೃಥ್ವಿ ಶಾ (40) ಆಟದ ನೆರವಿನಿಂದ ನಿಗದಿತ 50 ಓವರ್​ಗಳಲ್ಲಿ 296ರನ್ ಮಾಡಿತ್ತು. ಗುರಿ ಬೆನ್ನತ್ತಿದ ನ್ಯೂಜಿಲೆಂಡ್​ಗೆ ಗಪ್ಟಿಲ್ ನಿಕೋಲ್ಸ್ ಉತ್ತಮ ಆರಂಭ ಒದಗಿಸಿದ್ರು. ಗ್ರ್ಯಾಂಡ್ ಹೋಮ್​ ಮತ್ತು ಟಾಮ್​ ಲತಮ್ (ಅಜೇಯ 32) ಗೆಲುವಿನ ದಡ ಸೇರಿಸಿದ್ರು.

ಬ್ಯಾಟಿಂಗ್ ವೇಳೆ ಕನ್ನಡದಲ್ಲೇ ಮಾತನಾಡಿದ ರಾಹುಲ್ , ಮನೀಷ್ ಪಾಂಡೆ..!

0

ಮೌಂಟ್ ಮಾಂಗ್ನುಯಿ : ನ್ಯೂಜಿಲೆಂಡ್ ವಿರುದ್ಧ ನಡೆಯುತ್ತಿರೋ 3ನೇ ಹಾಗೂ ಕೊನೆಯ ಏಕದಿನ ಪಂದ್ಯದಲ್ಲಿ ಕನ್ನಡಿಗರಾದ ಕೆ.ಎಲ್ ರಾಹುಲ್ ಮತ್ತು ಮನೀಷ್ ಪಾಂಡೆ ಕನ್ನಡದಲ್ಲಿ ಮಾತನಾಡಿದ್ದಾರೆ. ಶತಕದ ಜೊತೆಯಾಟದಲ್ಲಿ ಭಾಗಿಯಾದ ಇವರಿಬ್ಬರು ರನ್ ಕದಿಯುವಾಗ ಪರಸ್ಪರ ಕನ್ನಡದಲ್ಲಿ ಮಾತನಾಡಿದ್ದು, ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ವೈರಲ್ ಆಗಿದೆ.
46ನೇ ಓವರ್​ನ 4ನೇ ಬಾಲ್​​ನ್ನು ಎದುರಿಸಿದ ಮನೀಷ್ ಪಾಂಡೆ ಆಫ್​ ಸೈಡ್​ನತ್ತ ಬಾಲನ್ನು ಬಾರಿಸಿ, ಎರಡು ರನ್​ಗಳಿಸಿದ್ರು. ಆ ವೇಳೆ ‘ಓಡು.. ಓಡು ಮಗ’ ಹಾಗೂ `ಬೇಡ ಬೇಡ’ ಅನ್ನೋ ಕನ್ನಡ ಪದಗಳನ್ನು ಬಳಸಿದ್ದಾರೆ. ಹೀಗೆ ಕನ್ನಡಿಗರು ಅಂತರಾಷ್ಟ್ರೀಯ ಕ್ರಿಕೆಟ್​ ಅಂಗಳದಲ್ಲಿ ಕನ್ನಡ ಮಾತನಾಡಿರೋದಕ್ಕೆ ಕನ್ನಡಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇನ್ನು ಪಂದ್ಯದಲ್ಲಿ ರಾಹುಲ್ ಶತಕ (112) ಸಿಡಿಸಿ ಮಿಂಚಿದ್ದರೆ, ಪಾಂಡೆ 42ರನ್​ ಕೊಡುಗೆ ನೀಡಿದ್ದಾರೆ.

ಒಂದಲ್ಲ ಎರಡೆರಡು ಶತಕದ ಜೊತೆಯಾಟದಲ್ಲಿ ಕನ್ನಡಿಗ ಕೆ.ಎಲ್ ರಾಹುಲ್..!

0

ಮೌಂಟ್ ಮಾಂಗ್ನುಯಿ : ನ್ಯೂಜಿಲೆಂಡ್ ನೆಲದಲ್ಲಿ ಕನ್ನಡಿಗ ಕೆ.ಎಲ್ ರಾಹುಲ್ ಉತ್ತಮ ಪ್ರದರ್ಶನ ಮುಂದುವರೆಸಿದ್ದಾರೆ. 3ನೇ ಹಾಗೂ ಕೊನೆಯ ಒಡಿಐನಲ್ಲಿ ಸೆಂಚುರಿ ಸಿಡಿಸಿ ಮಿಂಚಿದ್ದಾರೆ.

ಮೌಂಟ್​ ಮಾಂಗ್ನುಯಿಯ ಬೇ ಓವೆಲ್ ಸ್ಟೇಡಿಯಂನಲ್ಲಿ ನಡೆಯುತ್ತಿರೋ ಮ್ಯಾಚಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಟೀಮ್ ಇಂಡಿಯಾ 62 ರನ್​ಗಳಿಗೆ ಆರಂಭಿಕರಾದ ಪೃಥ್ವಿ ಶಾ, ಮಯಾಂಕ್ ಅಗರ್​ವಾಲ್​ ಮತ್ತು ಕ್ಯಾಪ್ಟನ್ ವಿರಾಟ್ ಕೊಹ್ಲಿ ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದಾಗ ಕ್ರೀಸ್​ಗಿಳಿದ ರಾಹುಲ್ ಆಪತ್ಬಾಂಧವರಾದರು. ಶ್ರೇಯಸ್ ಅಯ್ಯರ್ ಜೊತೆ 100ರನ್ ಹಾಗೂ ಮತ್ತೊಬ್ಬ ಕನ್ನಡಿಗ ಮನೀಷ್ ಪಾಂಡೆ ಜೊತೆ 107 ರನ್ ಜೊತೆಯಾಟವಾಡಿ ನ್ಯೂಜಿಲೆಂಡ್​ಗೆ ಸವಾಲಿನ ಮೊತ್ತ ನೀಡುವಲ್ಲಿ ಪ್ರಮುಖ ಪಾತ್ರವಹಿಸಿದರು.

ಟಿ20 ಸರಣಿಯಲ್ಲಿ ಅತ್ಯುನ್ನತ ಪ್ರದರ್ಶನ ನೀಡಿ ಸರಣಿ ಶ್ರೇಷ್ಠ ಗೌರವಕ್ಕೆ ಪಾತ್ರರಾಗಿದ್ದ ರಾಹುಲ್ ಮೊದಲ ಏಕದಿನ ಸರಣಿಯಲ್ಲಿ ಅಜೇಯ 88ರನ್ ಮಾಡಿದ್ರು. ಎರಡನೇ ಪಂದ್ಯದಲ್ಲಿ ಕೇವಲ 4ರನ್ ಮಾಡಿ ನಿರಾಸೆ ಮೂಡಿಸಿದ್ದ ಅವರು, ಈ ಮ್ಯಾಚಲ್ಲಿ ಜಬರ್ದಸ್ತ್​ ಸೆಂಚುರಿ (112) ರನ್ ಬಾರಿಸಿದ್ದಾರೆ.
ರಾಹುಲ್ ಅವರಲ್ಲದೆ ಶ್ರೇಯಸ್ ಅಯ್ಯರ್ (62) ಮತ್ತು ಮತ್ತೊಬ್ಬ ಕನ್ನಡಿಗ ಮನೀಷ್ ಪಾಂಡೆ (42)ರನ್ ತಂಡಕ್ಕೆ ನೆರವಾದರು.

Popular posts