Monday, May 25, 2020

ಡ್ರಾನಲ್ಲಿ ಅಂತ್ಯವಾಯ್ತು ಕರ್ನಾಟಕ VS ಮುಂಬೈ ಮ್ಯಾಚ್

0

ಕರ್ನಾಟಕ ಮತ್ತು ಮುಂಬೈ ನಡುವಿನ ರಣಜಿ ಮ್ಯಾಚ್ ಡ್ರಾನಲ್ಲಿ ಅಂತ್ಯವಾಗಿದೆ. ಬೆಳಗಾವಿಯಲ್ಲಿ ನಡೆದ ಮ್ಯಾಚ್ ನಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಶ್ರೇಯಸ್ ಗೋಪಾಲ್ ನಾಯಕತ್ವದ ಕರ್ನಾಟಕ, ಮೊದಲ ಇನ್ನಿಗ್ಸ್ ನಲ್ಲಿ ಕೃಷ್ಣಮೂರ್ತಿ ಸಿದ್ಧಾರ್ಥ್ (161) ಅವರ ಅಮೋಘ ಶತಕದ ನೆರವಿನಿಂದ 400 ರನ್ ಮಾಡಿತು.

ಇದಕ್ಕೆ ಉತ್ತರವಾಗಿ ತನ್ನ ಇನ್ನಿಂಗ್ಸ್ ಆರಂಭಿಸಿದ ಧವಳ್ ಕುಲಕರ್ಣಿ ಸಾರಥ್ಯದ ಮುಂಬೈ 205 ರನ್ ಗಳಿಗೆ ಸರ್ವಪತನವಾಯಿತು.
ನಂತರ ಎರಡನೇ ಇನ್ನಿಂಗ್ಸ್ ನಲ್ಲಿ ಕರ್ನಾಟಕ 5 ವಿಕೆಟ್ ನಷ್ಟಕ್ಕೆ 170 ರನ್ ಮಾಡಿತು. ಗುರಿ ಬೆನ್ನತ್ತಿದ ಮುಂಬೈ 4 ವಿಕೆಟ್ ನಷ್ಟಕ್ಕೆ 173ರನ್ ಗಳಿಸಿತು. ಅಂತಿಮವಾಗಿ ಪಂದ್ಯ ನೀರಸ ಡ್ರಾನಲ್ಲಿ ಮುಕ್ತಾಯವಾಯಿತು.

ಕರ್ನಾಟಕ ತಂಡ ತನ್ನ ಮುಂದಿನ ಪಂದ್ಯವನ್ನ 28ರಂದುಮೈಸೂರಿನಲ್ಲಿ ಆಡಲಿದ್ದು, ಮಹಾರಾಷ್ಟ್ರವನ್ನು ಎದುರಿಸಲಿದೆ. ಪ್ರಸಕ್ತ ರಣಜಿ ಋತುವಿನಲ್ಲಿ ಕರ್ನಾಟಕದ ಎರಡನೇ ಮ್ಯಾಚ್ ಇದಾಗಿತ್ತು. ವಿದರ್ಭ ನಡುವಿನ ಮೊದಲ ಪಂದ್ಯವೂ ಕೂಡ ಡ್ರಾ ಆಗಿತ್ತು.

ರಣಜಿ : ಡ್ರಾನಲ್ಲಿ ಅಂತ್ಯವಾದ ಕರ್ನಾಟಕ VS ವಿದರ್ಭ ಮ್ಯಾಚ್..!

0

ಪ್ರಸಕ್ತ ರಣಜಿ ಋತುವಿನ ಕರ್ನಾಟಕ ಮೊದಲ ಮ್ಯಾಚ್ ಡ್ರಾನಲ್ಲಿ ಅಂತ್ಯವಾಗಿದೆ. ಈ ಮ್ಯಾಚ್ ನಲ್ಲಿ ಕರ್ನಾಟಕ ಡ್ರಾ ಸಾಧಿಸಿದ್ರೂ ಮೊದಲ ಇನ್ನಿಂಗ್ಸ್​​ನಲ್ಲಿ ಮುನ್ನಡೆ ಪಡೆದಿದ್ರಿಂದ ​3 ಅಂಕಗಳನ್ನ ತನ್ನದಾಗಿಸಿಕೊಂಡಿದೆ.

ಟಾಸ್​ ಗೆದ್ದು ಇನ್ನಿಂಗ್ಸ್​ ಆರಂಭಿಸಿದ್ದ ವಿದರ್ಭ 307 ರನ್‌ ಗಳಿಗೆ ಆಲೌಟ್​ ಆಗಿತ್ತು. ಇದಕ್ಕೆ ಉತ್ತರವಾಗಿ ಕರ್ನಾಟಕ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ ಡಿ.ನಿಶ್ಚಲ್ ಹಾಗೂ ಶರತ್​ ಬಿ.ಆರ್​ ಅವರ ಅಮೋಘ ಸೆಂಚುರಿ ನೆರವಿನಿಂದ 378 ರನ್​ ಸಿಡಿಸಿ 71 ರನ್​ಗಳ ಮುನ್ನಡೆ ಪಡೆದುಕೊಂಡಿತ್ತು.
ದ್ವಿತೀಯ ಇನ್ನಿಂಗ್ಸ್​ನಲ್ಲಿ ಕರ್ನಾಟಕದ ಬೌಲಿಂಗ್​ ದಾಳಿಗೆ ಕುಸಿದ ಹಾಲಿ ಚಾಂಪಿಯನ್​​ ವಿದರ್ಭ 228 ರನ್​ಗಳಿಗೆ ಅಲೌಟ್​ ಆಯ್ತು. ಗೆಲುವಿಗೆ 158 ರನ್​ ಟಾರ್ಗೆಟ್​ ಪಡೆದ ಕರ್ನಾಟಕ 4ನೇ ದಿನದಾಟದಲ್ಲಿ 6 ವಿಕೆಟ್​ ನಷ್ಟಕ್ಕೆ 76 ರನ್​ ಸಿಡಿಸಿತು. ಈ ಮೂಲಕ ಮ್ಯಾಚ್ ಡ್ರಾ ಆಯಿತು. 9 ವಿಕೆಟ್​​ ಪಡೆದ ಜೆ.ಸುಚಿತ್ ಕರ್ನಾಟಕದ ಬೆಸ್ಟ್​ ಬೌಲರ್​ ಆಗಿ ಹೊರಹೊಮ್ಮಿದ್ರು.

Popular posts