ಬೆಂಗಳೂರು : ಟೀಮ್​ ಇಂಡಿಯಾದ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ ನೇತೃತ್ವದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಸತತ 6 ನೇ ಮ್ಯಾಚ್​ನಲ್ಲೂ ಸೋತು ಅಭಿಮಾನಿಗಳಿಗೆ ನಿರಾಸೆಯುಂಟು ಮಾಡಿದೆ.
ತವರಿನಂಗಳ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​​ ವಿರುದ್ಧ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಆರ್​ಸಿಬಿ ತನ್ನ ಪಾಲಿನ 20 ಓವರ್​ಗಳಲ್ಲಿ 8 ವಿಕೆಟ್​ ಕಳೆದುಕೊಂಡು 149 ರನ್ ಗಳಿಸಿತು. ನಾಯಕ ವಿರಾಟ್​ ಕೊಹ್ಲಿ (41) ಮತ್ತು ಮೊಯೀನ್ ಅಲಿ (32) ತಂಡದ ಪರ ಅತೀ ಹೆಚ್ಚು ರನ್​ಗಳಿಸಿದ ಆಟಗಾರರೆನಿಸಿದರು.
ಗುರಿ ಬೆನ್ನತ್ತಿದ ಡೆಲ್ಲಿ ಇನ್ನೂ 7 ಎಸೆತಗಳು ಬಾಕಿ ಇರುವಂತೆಯೇ ಗುರಿ ತಲುಪಿತು. ಡೆಲ್ಲಿ ಪರ ನಾಯಕ ಶ್ರೇಯಸ್​ ಅಯ್ಯರ್ 67 ರನ್ ಬಾರಿಸಿ ಮಿಂಚಿದ್ರು.

ಹೈದರಾಬಾದ್ : ರೋಹಿತ್​ ಶರ್ಮಾ ನಾಯಕತ್ವದ ಮುಂಬೈ ಇಂಡಿಯನ್ಸ್​​ ಭುವನೇಶ್ವರ್ ಕುಮಾರ್  ನೇತೃತ್ವದ ಸನ್​ರೈಸರ್ಸ್​ ಹೈದರಾಬಾದ್​ ತಂಡವನ್ನು ಅದರ ತವರು ನೆಲದಲ್ಲೇ ಮಣಿಸಿದೆ. 

ಹೈದರಾಬಾದ್​ನಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ 7 ವಿಕೆಟ್ ನಷ್ಟಕ್ಕೆ 136ರನ್ ಗಳಿಸಿತು. ಮುಂಬೈ ಪರ ಪೊಲಾರ್ಡ್​ 46ರನ್​ಗಳಿಸಿ ತಂಡದ ಪರ ಗರಿಷ್ಠ ಸ್ಕೋರರ್ ಅನಿಸಿಕೊಂಡರು. 

137 ರನ್​ ಗುರಿ ಬೆನ್ನತ್ತಿದ ಎಸ್​ಆರ್​ಹೆಚ್​ ಕೇವಲ 96ರನ್​ಗಳಿಗೆ ಆಲೌಟ್​ ಆಗುವುದರೊಂದಿಗೆ ಹೀನಾಯ ಸೋಲನುಭವಿಸಿತು. ಮುಂಬೈ ಪರ ಅಲ್ಜಾರಿ ಜೋಸೆಫ್ ಪದಾರ್ಪಣೆ ಪಂದ್ಯದಲ್ಲೇ 6 ವಿಕೆಟ್​ ತೆಗೆದು ಮಿಂಚಿದ್ರು. 

ಚೆನ್ನೈ : ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದ ಚೆನ್ನೈ ಸೂಪರ್ ಕಿಂಗ್ಸ್​​ ಕಿಂಗ್ಸ್​ ಇಲೆವೆನ್ ಪಂಜಾಬ್​ ವಿರುದ್ಧ 22ರನ್​ಗಳ ಸೂಪರ್ ಗೆಲುವು ದಾಖಲಿಸಿದೆ.
ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಚೆನ್ನೈ ನಿಗದಿತ 20 ಓವರ್ ಗಳಲ್ಲಿ ಕೇವಲ 3 ವಿಕೆಟ್ ಕಳೆದುಕೊಂಡು 160ರನ್ ಗಳಿಸಿತು. ಶೇನ್​ ವ್ಯಾಟ್ಸನ್ 26, ಡುಪ್ಲೆಸಿಸ್ 54, ಸುರೇಶ್ ರೈನಾ 17, ನಾಯಕ ಧೋನಿ ಅಜೇಯ 37, ಅಂಬಟಿ ರಾಯುಡು ಅಜೇಯ 21ರನ್ ಗಳಿಸಿದರು.
161ರನ್ ಗುರಿ ಬೆನ್ನಟ್ಟಿದ ಪಂಜಾಬ್​ 20 ಓವರ್ ಪೂರ್ಣಗೊಳಿಸಿದರೂ 5 ವಿಕೆಟ್ ಕಳೆದುಕೊಂಡು ಗಳಿಸಿದ್ದು ಕೇವಲ 135ರನ್​ಗಳನ್ನು ಮಾತ್ರ. ಕನ್ನಡಿಗ ಕೆ.ಎಲ್ ರಾಹುಲ್ (55) ಮತ್ತು ಸರ್ಫರಾಜ್​ ಖಾನ್ (67) ಬಿಟ್ಟರೆ ಉಳಿದ ಯಾವ ಬ್ಯಾಟ್ಸ್ ಮನ್ ಗಳೂ ನಿರೀಕ್ಷಿತ ಪ್ರದರ್ಶನ ನೀಡದ ಪರಿಣಾಮ ಪಂಜಾಬ್ ಸೋಲುಂಡಿತು.

ಜೈಪುರ : ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು 12ನೇ ಆವೃತ್ತಿಯ ತನ್ನ 4ನೇ ಮ್ಯಾಚ್​ನಲ್ಲೂ ಸೋಲುವ ಮೂಲಕ ಅಭಿಮಾನಿಗಳಿಗೆ ನಿರಾಸೆ ಉಂಟು ಮಾಡಿದೆ. ಕಳೆದ 3 ಮ್ಯಾಚ್​ಗಳಲ್ಲಿ ಸೋತಿದ್ದ ರಾಜಸ್ಥಾನ್​ ರಾಯಲ್ಸ್​ ಆರ್​ಸಿಬಿ ಎದುರು 7 ವಿಕೆಟ್​​ಗಳ ಗೆಲುವು ಪಡೆದು ಪ್ರಸಕ್ತ ಆವೃತ್ತಿಯಲ್ಲಿ ಚೊಚ್ಚಲ ಗೆಲುವು ದಾಖಲಿಸಿದೆ.

‘ಸೋತವರ ಕಾಳಗ’ಕ್ಕೆ ಸಾಕ್ಷಿಯಾಗಿದ್ದ ಜೈಪುರದ ಸವಾಯ್​ ಮಾನ್ಸಿಂಗ್​ ಸ್ಟೇಡಿಯಂನಲ್ಲಿ ನಡೆದ ಮ್ಯಾಚ್​ನಲ್ಲಿ ಟಾಸ್​ ಗೆದ್ದ ಅತಿಥೇಯ ರಾಜಸ್ಥಾನ್ ರಾಯಲ್ಸ್​ ಪ್ರವಾಸಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರನ್ನು ಮೊದಲು ಬ್ಯಾಟಿಂಗ್​​ಗೆ ಆಹ್ವಾನಿಸಿತು.

ಮೊದಲು ಬ್ಯಾಟಿಂಗ್ ಮಾಡಿದ ಆರ್​ಸಿಬಿಗೆ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ (23), ಪಾರ್ಥಿವ್ ಪಟೇಲ್ (67) 49ರನ್​ಗಳ ಆರಂಭಿಕ ಜೊತೆಯಾಟವನ್ನು ನೀಡಿದರು. ತಂಡದ ಮೊತ್ತ 49 ಆಗಿದ್ದಾಗ ವಿರಾಟ್​ ಪೆವಿಲಿಯನ್ ಸೇರಿದರು. ನಂತರ ಬಂದ ಎ.ಬಿ ಡಿವಿಲಿಯರ್ಸ್​  (13) ಮತ್ತು ಹೆಟ್ಮೇರ್ (1) ನಿರೀಕ್ಷಿತ ಪ್ರದರ್ಶನ ನೀಡುವಲ್ಲಿ ವಿಫಲವಾದರು. ಸ್ಟೋಯಿನ್ಸ್​ ಅಜೇಯ 31, ಮೊಯಿನ್ ಅಲಿ ಅಜೇಯ 18ರನ್ ಮಾಡಿದರು. ಅಂತಿಮವಾಗಿ ಆರ್​​ಸಿಬಿ ತನ್ನ ಪಾಲಿನ 20 ಓವರ್​ಗಳಲ್ಲಿ 4 ವಿಕೆಟ್​ಗೆ ಕೇವಲ 158ರನ್​ಗಳಿಸಿತು.

ಆರ್​ಆರ್​ ಕೊನೆಯ ಎಸೆತದಲ್ಲಿ ಗೆಲುವಿನ ಕೇಕೆ ಹಾಕಿತು. ಕ್ಯಾಪ್ಟನ್​ ಅಜಿಂಕ್ಯ ರಹಾನೆ 22, ಜೋಸ್​ ಬಟ್ಲರ್​ 59 ರನ್​​ಗಳಿಸಿ ಉತ್ತಮ ಆರಂಭ ನೀಡಿ ಪೆವಿಲಿಯನ್​ ಸೇರಿದ್ರು. ಸ್ಟೀವನ್​ ಸ್ಮಿತ್​  38 ರನ್​ ಕೊಡುಗೆ ನೀಡಿದ್ರು. ರಾಹುಲ್ ತ್ರಿಪತಿ ಅಜೇಯ 34,  ಸ್ಟ್ರೋಕ್​ ಅಜೇಯ 1ರನ್​​ ​ಗಳಿಸಿ ಗೆಲುವಿನ ದಡ ಸೇರಿಸಿ ಸಂಭ್ರಮಿಸಿದ್ರು.

ಚೆನ್ಮೈ : ಟೀಮ್ ಇಂಡಿಯಾದ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ನೇತೃತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನೀರಸ ಪ್ರದರ್ಶನವನ್ನು ಮುಂದುವರೆಸಿದ್ದರೆ, ಅತ್ತ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತನ್ನ ‘ಚಾಂಪಿಯನ್’ ಆಟವನ್ನು ಮುಂದುವರೆಸಿದೆ.

ರಾಜಸ್ಥಾನ್ ರಾಯಲ್ಸ್ ಎದುರಿನ ಮ್ಯಾಚ್ ನಲ್ಲಿ ಧೋನಿ‌ ಪಡೆ ‘ಸೂಪರ್’ ಗೆಲುವು ಪಡೆದಿದೆ.
ಮೊದಲು ಬ್ಯಾಟಿಂಗ್ ಮಾಡಿದ ಚೆನ್ನೈ ಧೋನಿ ಅಬ್ಬರದ ಅರ್ಧಶತಕ (ಅಜೇಯ 75) ಹಾಗೂ ಸುರೇಶ್ ರೈನಾ (36), ಬ್ರಾವೋ (27) ಅವರ ಉತ್ತಮ ಆಟದ ನೆರವಿನಿಂದ ತನ್ನ ‌ಪಾಲಿನ 20 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 175 ರನ್ ಪೇರಿಸಿತು.
ಗುರಿ ಬೆನ್ನತ್ತಿದ ಆರ್ ಆರ್ ಗೆ ಉತ್ತಮ ಆರಂಭ ಸಿಗಲಿಲ್ಲ.‌ಆದರೆ, ಮಧ್ಯಮ ಕ್ರಮಾಂಕದಲ್ಲಿ ತ್ರಿಪತಿ (39), ಸ್ಮಿತ್ (28) ತಕ್ಕಮಟ್ಟಿನ ಆಟವಾಡಿ ತಂಡಕ್ಕೆ ಚೇತರಿಕೆ ನೀಡಿದರು. ಅಂತಿಮ ಒಂದು ಹಂತದಲ್ಲಿ ಸ್ಟ್ರೋಕ್ (26 ಎಸೆತಗಳಲ್ಲಿ 46) ಮತ್ತು ಜೋಫ್ರಾ ಅರ್ಚರ್ ( 11 ಎಸೆತಗಳಲ್ಲಿ 24) ರನ್ ಗಳಿಸಿ ವಿಜಯಲಕ್ಷ್ಮಿಯನ್ನು ತಮ್ಮ ತಂಡದತ್ತ ಮುಖಮಾಡುವಂತೆ ಮಾಡಿದರಾದರೂ ಗೆಲುವಿನ ದಡ ಸೇರಿಸಲು ಸಾಧ್ಯವಾಗಲಿಲ್ಲ. ಅಂತಿಮವಾಗಿ ಆರ್ ಆರ್ 8 ರನ್ ಗಳಿಂದ ಸೋಲುಂಡಿತು.

ಹೈದರಾಬಾದ್ : ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ಸತತ 3ನೇ ಮ್ಯಾಚ್​ನಲ್ಲೂ ಸೋಲುಂಡು ಅಭಿಮಾನಿಗಳಿಗೆ ನಿರಾಸೆ ಉಂಟು ಮಾಡಿದೆ.
ರಾಜೀವ್​ ಗಾಂಧಿ ಇಂಟರ್​ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆದ ಮ್ಯಾಚ್​ನಲ್ಲಿ ಟಾಸ್​ ಗೆದ್ದ ಆರ್​ಸಿಬಿ ನಾಯಕ ವಿರಾಟ್ ಕೊಹ್ಲಿ ಎದುರಾಳಿ ಸನ್​ರೈಸರ್ಸ್ ಹೈದರಾಬಾದ್ ಅನ್ನು ಬ್ಯಾಟಿಂಗ್​ಗೆ ಆಹ್ವಾನಿಸಿದರು. ಮೊದಲು ಬ್ಯಾಟಿಂಗ್​​ಗೆ ಇಳಿದ ಹೈದರಬಾದ್​ ಜಾನಿ ಬೈರ್​ಸ್ಟ್ರೋ (114) ಮತ್ತು ಡೇವಿಡ್​ ವಾರ್ನರ್ (ಅಜೇಯ 100) ಶತಕದ ನೆರವಿನಿಂದ ನಿಗದಿತ 20 ಓವರ್ ಗಳಲ್ಲಿ ಕೇವಲ 2 ವಿಕೆಟ್​ ನಷ್ಟಕ್ಕೆ ಬರೋಬ್ಬರಿ 231ರನ್​ ಗಳಿಸಿತು.
ಬೃಹತ್ ಮೊತ್ತವನ್ನು ಬೆನ್ನತ್ತಿದ ಆರ್​ಸಿಬಿ ತನ್ನ ಪಾಲಿನ 20 ಓವರ್ ಗಳಲ್ಲಿ ಇನ್ನೂ 1 ಎಸೆತ ಬಾಕಿ ಇರುವಂತೆಯೇ ಕೇವಲ 113ರನ್​ ಗಳಿಗೆ ಆಲ್​ಔಟ್​ ಆಯ್ತು.

ನವದೆಹಲಿ : ಕೋಲ್ಕತ್ತಾ ನೈಟ್ ರೈಡರ್ಸ್ ಎದುರು ಡೆಲ್ಲಿ ಕ್ಯಾಪಿಟಲ್ಸ್ ಸೂಪರ್ ಓವರ್ ನಲ್ಲಿ ರೋಚಕ ಗೆಲುವು ಪಡೆದಿದೆ. 

ಮೊದಲು ಬ್ಯಾಟಿಂಗ್ ಮಾಡಿದ ಕೋಲ್ಕತ್ತಾ ಆ್ಯಂಡ್ರೆ ರಸೆಲ್ (62) ಮತ್ತು ಕ್ಯಾಪ್ಟನ್ ದಿನೇಶ್ ಕಾರ್ತಿಕ್ (50) ಅವರ ಅರ್ಧಶತಕದ ನೆರವಿನಿಂದ ನಿಗದಿತ 20 ಓವರ್ ಗಳಲ್ಲಿ 8 ವಿಕೆಟ್ ಗೆ 185 ರನ್ ಗಳಿಸಿತು.
ಗುರಿ ಬೆನ್ನತ್ತಿದ ಡೆಲ್ಲಿ ಪೃಥ್ವಿ ಶಾ 99 , ನಾಯಕ ಶ್ರೇಯಸ್ ಅಯ್ಯರ್ ಅವರ 43 ರನ್ ಗಳ ಆಟದ ನೆರವಿನಿಂದ ಸುಲಭ ಗೆಲುವಿನ ಸನಿಹ ಹೋಗಿತ್ತು. ಆದರೆ, ವಿಜಯಲಕ್ಷ್ಮೀ ಎರಡೂ ತಂಡಕ್ಕೆ ಒಲಿಯದೆ ಪಂದ್ಯ ಟೈ ಆಯಿತು. ನಂತರ ಸೂಪರ್ ಓವರ್ ನಲ್ಲಿ ಮೊದಲು ಬ್ಯಾಟ್ ಮಾಡಿದ ಡೆಲ್ಲಿ 1ವಿಕೆಟ್ ಕಳೆದುಕೊಂಡು 11ರನ್ ಗಳಿಸಿತು. ನಂತರ ಕೋಲ್ಕತ್ತಾ ತನ್ನ ಪಾಲಿನ 1ಓವರ್ ಗಳಲ್ಲಿ 7 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಡೆಲ್ಲಿ ಗೆದ್ದು ಬೀಗಿತು.

ಮೊಹಾಲಿ : ಕನ್ನಡಿಗ ಕೆ.ಎಲ್ ರಾಹುಲ್ ಅವರ ಅಜೇಯ 71 ರನ್ ಗಳ ನೆರವಿನಿಂದ ಕಿಂಗ್ಸ್ ಇಲೆವೆನ್ ಪಂಜಾಬ್ ಮುಂಬೈ ಇಂಡಿಯನ್ಸ್ ವಿರುದ್ಧ 8 ವಿಕೆಟ್ ಗಳ ಭರ್ಜರಿ ಜಯ ಸಾಧಿಸಿದೆ.

ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಂಡಿಯನ್ಸ್
ಡಿ.ಕಾಕ್ (60) , ಕ್ಯಾಪ್ಟನ್ ರೋಹಿತ್ ಶರ್ಮಾ (32) , ಹಾರ್ದಿಕ್ ಪಾಂಡ್ಯ (31)ಅವರ ಉತ್ತಮ ಆಟದ ನೆರವಿನಿಂದ‌ ನಿಗದಿತ 20 ಓವರ್ ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 176 ರನ್ ಗಳಿಸಿತು.
ಗುರಿ ಬೆನ್ನತ್ತಿದ ಪಂಜಾಬ್ ಕ್ರಿಸ್ ಗೇಲ್ (40), ಅಗರ್ ವಾಲ್ (43) ವಿಕೆಟ್ ಅನ್ನು ಮಾತ್ರ ಕಳೆದುಕೊಂಡು‌ ಇನ್ನೂ 8 ಬಾಲ್ ಗಳು ಬಾಕಿ ಇರುವಾಗಲೇ ಗುರಿ ತಲುಪಿತು. ರಾಹುಲ್ 71 ಮತ್ತು ಮಿಲ್ಲರ್ 15 ರನ್ ಗಳಿಸಿ ಅಜೇಯರಾಗಿ ಉಳಿದರು.

ಹೈದರಾಬಾದ್ : ಡೇವಿಡ್ ವಾರ್ನರ್ ಅವರ ಅರ್ಧಶತಕದ ನೆರವಿನಿಂದ ರಾಜಸ್ಥಾನ್ ರಾಯಲ್ಸ್ ಎದುರು ಸನ್ ರೈಸರ್ಸ್ ಹೈದರಾಬಾದ್ ಗೆಲುವಿನ ನಗೆ ಬೀರಿದೆ.

ಹೈದರಾಬಾದ್ ನಲ್ಲಿ ನಡೆದ ಮ್ಯಾಚ್ ನಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಆರ್ ಆರ್ ನಾಯಕ ಅಜಿಂಕ್ಯ ರಹಾನೆ ಅರ್ಧಶತಕ (70) ಮತ್ತು ಯುವ ಬ್ಯಾಟ್ಸ್ ಮನ್ ಅಬ್ಬರದ ಸಂಜು ಸ್ಯಾಮನ್ ಸೆಂಚುರಿ (55 ಎಸೆತಗಳಲ್ಲಿ ಅಜೇಯ 102) ನೆರವಿನಿಂದ ನಿಗದಿತ 20 ಓವರ್ ಗಳಲ್ಲಿ ಕೇವಲ 2 ವಿಕೆಟ್ ಕಳೆದುಕೊಂಡು 198 ರನ್ ಮಾಡಿತು.
ಸವಾಲಿನ ಗುರಿ ಬೆನ್ನತ್ತಿದ ಹೈದರಾಬಾದ್ ಗೆ ಡೇವಿಡ್ ವಾರ್ನರ್ ( 69) ಮತ್ತು ಜೋನಿ ಬೈರ್ ಸ್ಟೋ (45) 110 ರನ್ ಗಳ ಜೊತೆಯಾಟವಾಡಿ ಉತ್ತಮ ಆರಂಭ ಒದಗಿಸಿದ್ರು.
ನಂತರ ವಿಜಯ್ ಶಂಕರ್ 15 ಎಸೆತಗಳಲ್ಲಿ 3 ಸಿಕ್ಸರ್ 1 ಬೌಂಡರಿ ಸಮೇತ 35 ರನ್ ಗಳಿಸಿ ಗೆಲುವಿನ ಹಾದಿಗೆ ತಂಡವನ್ನು ತಂದರು. ಯೂಸಫ್ ಪಠಾಣ್ (ಅಜೇಯ 16) , ರಶಿದ್ ಖಾನ್ (ಅಜೇಯ 15)ಗೆಲುವಿನ ದಡ ಸೇರಿಸಿದ್ರು. ಇನ್ನೂ 1 ಓವರ್ ಬಾಕಿ ಇರುವಾಗಲೇ 5 ವಿಕೆಟ್ ಜಯ ಸಾಧಿಸಿತು.