ಆಲ್​ರೌಂಡರ್ ವಿಜಯ್ ಶಂಕರ್ ಅವರ ಕನಸು ನನಸಾಗಿದೆ. ವಿಶ್ವಕಪ್​ನಲ್ಲಿ ಆಡುವ ಅವರ ಮಹದಾಸೆ ಇಂದು ಈಡೇರುತ್ತಿದೆ. ಪ್ಲೇಯಿಂಗ್ ಇಲೆವೆನ್​ನಲ್ಲಿ ವಿಜಯ್ ಶಂಕರ್ ಅವರಿಗೆ ಅವಕಾಶ ಸಿಕ್ಕಿದೆ.
ಎಮರೇಟ್ಸ್ ಓಲ್ಡ್ ಟ್ರಾಫರ್ಡ್​ ಸ್ಟೇಡಿಯಂನಲ್ಲಿಂದು ಪಾಕ್ ವಿರುದ್ಧ ನಡೆಯಲಿರುವ ಮ್ಯಾಚ್​ನಲ್ಲಿ ವಿಜಯ್ ಶಂಕರ್ ಆಡಲಿದ್ದಾರೆ. ಆರಂಭಿಕ ಆಟಗಾರ ಶಿಖರ್ ಧವನ್ ಅವರು ಗಾಯಗೊಂಡಿರುವ ಹಿನ್ನೆಲೆಯಲ್ಲಿ ಆಡುವ 11ರ ಬಳಗದಲ್ಲಿ ವಿಜಯ್ ಗೆ ಅವಕಾಶ ಸಿಕ್ಕಿದೆ.
ಆಸೀಸ್​ ವಿರುದ್ಧದ ಪಂದ್ಯದಲ್ಲಿ ಸೆಂಚುರಿ ಸಿಡಿಸಿದ್ದ ಧವನ್ ಅದೇ ಮ್ಯಾಚ್ ವೇಳೆ ಗಾಯಗೊಂಡಿದ್ದರು. ಹೀಗಾಗಿ ಧವನ್ ಬದಲಿಗೆ ಯಾರಿಗೆ ಚಾನ್ಸ್ ಸಿಗುತ್ತೆ ಅನ್ನೋ ಕುತೂಹಲವಿತ್ತು. ದಿನೇಶ್ ಕಾರ್ತಿಕ್ ಮತ್ತು ವಿಜಯ್ ಶಂಕರ್ ನಡುವೆ ಪೈಪೋಟಿ ಇತ್ತು. ಧವನ್ ಬದಲು ಕನ್ನಡಿಗ ಕೆ.ಎಲ್ ರಾಹುಲ್ ಆರಂಭಿಕರಾಗಿ ಕಣಕ್ಕಿಳಿಯೋದು ಪಕ್ಕಾ ಆಗಿದ್ರಿಂದ 4ನೇ ಕ್ರಮಾಂಕಕ್ಕೆ ಕಾರ್ತಿಕ್ ಆಯ್ಕೆ ಆಗುತ್ತಾರಾ? ವಿಜಯ್ ಶಂಕರ್ ಆಯ್ಕೆ ಆಗುತ್ತಾರಾ ಅನ್ನೋ ಕುತೂಹಲ ಎಲ್ಲರಲ್ಲೂ ಇತ್ತು. ಕೊನೆಗೂ ವಿಜಯ್ ಶಂಕರ್ ಅವರು ಸ್ಥಾನ ಗಿಟ್ಟಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

ಟಾಸ್ ಗೆದ್ದ ಪಾಕಿಸ್ತಾನ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿದ್ದು, ವಿರಾಟ್ ಪಡೆ ಮೊದಲು ಬ್ಯಾಟಿಂಗ್ ನಡೆಸಲಿದೆ.

ಭಾರತ-ಪಾಕಿಸ್ತಾನ ನಡುವಿನ ವಿಶ್ವಕಪ್​ ಫೈಟ್​ಗೆ ಕ್ಷಣಗಣನೆ ಆರಂಭವಾಗಿದೆ. ಕ್ರಿಕೆಟಿಗರಿಗಿಂತ ಹೆಚ್ಚಾಗಿ ಅಭಿಮಾನಿಗಳಿಗೆ ಇದು ಪ್ರತಿಷ್ಠೆಯ ಕಣ. ಟೀಮ್​ಇಂಡಿಯಾ ವಿಶ್ವಕಪ್​ ಸೋತ್ರೂ ಪರವಾಗಿಲ್ಲ.. ಪಾಕ್​ ವಿರುದ್ಧ ಸೋಲಬಾರದು ಅನ್ನೋದು ಅಭಿಮಾನಿಗಳ ಮನದಾಳ…
ಭಾರತ ಮತ್ತು ಪಾಕಿಸ್ತಾನ ಮುಖಾಮುಖಿ ಆದಾಗಲೆಲ್ಲಾ, ಒಂದಲ್ಲಾ ಒಂದು ಘಟನೆ ಅಭಿಮಾನಿಗಳನ್ನ ರೊಚ್ಚಿಗೆಬ್ಬಿಸುತ್ತೆ. ಪಾಕ್​ ಸ್ಲೆಡ್ಜಿಂಗ್, ಕಿರಿಕ್, ಕಿತ್ತಾಟ. ಇದುವೆರೆಗಿನ ಇಂಡೋ-ಪಾಕ್​ ಕದನದಲ್ಲಿ ಇಂತಹ ಹಲವು ಘಟನೆಗಳು ನಡೆದು ಹೋಗಿವೆ. ಕೆಲ ಕಿತ್ತಾಟಗಳು ಕ್ರಿಕೆಟ್ ಇತಿಹಾಸದಲ್ಲೇ ಅಪರೂಪದ ಘಟನೆಗಳಾಗಿ ದಾಖಲಾಗಿವೆ.

ಮಿಯಾಂದಾದ್ ಮಂಕಿ ಜಂಪ್! : ಅದು 1992ರ ವಿಶ್ವಕಪ್ ಸರಣಿ. ಕಿತ್ತಾಟದಿಂದಲೇ ಹೆಚ್ಚು ಸುದ್ದಿಯಾಗಿದ್ದ ಪಾಕಿಸ್ತಾನ ಬ್ಯಾಟ್ಸಮನ್​ ಜಾವೇದ್ ಮಿಯಾಂದಾದ್ ಭಾರತದ ವಿರುದ್ಧವೂ ಕಿರಿಕ್ ಶುರುಮಾಡಿದ್ರು. ಟೀಮ್​ಇಂಡಿಯಾ ವಿಕೆಟ್ ಕೀಪರ್ ಕಿರಣ್​ ಮೋರೆ ಅಪೀಲ್​​ಗೆ ರೋಸಿ ಹೋದ ಮಿಯಾಂದಾದ್, ಅಂಪೈರ್​​ಗೆ ದೂರು ನೀಡಿದ್ರು. ಆದ್ರೆ ಅದರ ಮರು ಎಸೆತದಲ್ಲೇ ಮೋರೆ ರನೌಟ್​ಗೂ ಅಪೀಲ್ ಮಾಡಿದ್ರು. ಇದರಿಂದ ಇನ್ನಷ್ಟು ರೋಸಿ ಹೋದ ಮಿಯಾಂದಾದ್ ಮೋರೆಯನ್ನ ಅಣಕಿಸಲು ಹೋಗಿ ತಾವೇ ನಗೆಪಾಟಲಿಗೆ ಈಡಾದ್ರು..
ಜಾವೇದ್ ಮಿಯಾಂದಾದ್ ಈ ಕುಣಿತ ಕೊನೆಗೆ ಮಂಕಿ ಜಂಪ್ ಅಂತಾನೇ ಫೇಮಸ್​​ ಆಗಿದೆ. ಸ್ಲೆಡ್ಜಿಂಗ್ ಮಾಡಲು ಹೋದ ಜಾವೇದ್ ಮಿಯಾಂದಾದ್ ತಾವೇ ತಲೆ ತಗ್ಗಿಸಬೇಕಾಯ್ತು.

http://351632682199401?s_bl=0&s_ps=1&s_sw=0&s_vt=api-s&a=Abz8PVL1Pu5fnKB1

ಸೊಹೈಲ್​​ಗೆ ತಕ್ಕ ಶಾಸ್ತಿ ಮಾಡಿದ ವೆಂಕಿ! : ಟೀಮ್ಇಂಡಿಯಾ ವೇಗಿ ವೆಂಕಟೇಶ್ ಪ್ರಸಾದ್ ಮೈದಾನದಲ್ಲಿ ಕಿರಿಕ್ ಮಾಡಿಕೊಂಡವರಲ್ಲ. ಆದ್ರೆ 1996ರ ವಿಶ್ವಕಪ್ ಟೂರ್ನಿಯಲ್ಲಿ ವೆಂಕಟೇಶ್ ಪ್ರಸಾದ್ ತಕ್ಕ ತಿರುಗೇಟು ನೀಡಿ ಸುದ್ದಿಯಾದ್ರು. ಅದು ವೆಂಕಿ ತವರು ಬೆಂಗಳೂರಿನಲ್ಲಿ ನಡೆದ ಪಾಕ್​ ವಿರುದ್ಧದ ವಿಶ್ವಕಪ್​ ಫೈಟ್​​. ವೆಂಕಟೇಶ್​​ ಪ್ರಸಾದ್​ ಎಸೆತದಲ್ಲಿ ಬೌಂಡರಿ ಸಿಡಿಸಿದ ಪಾಕಿಸ್ತಾನ ಬ್ಯಾಟ್ಸ್​​ಮನ್​ ಅಮೀರ್ ಸೊಹೈಲ್, ಕೈ ಸನ್ನೆ ಮೂಲಕ ವೆಂಕಿ ಕೆಣಕಿದ್ರು..
ವೆಂಕಿ ಎಸೆತವನ್ನ ಬೌಂಡರಿಗಟ್ಟಿದ ಸೊಹೈಲ್​ ಚೆಂಡು ಬೌಂಡರಿ ಗೆರೆ ದಾಟಿರೋದನ್ನ ತೋರಿಸಿ ಕೆಣಕಿದ್ರು. ಆದ್ರೆ ಮರು ಎಸೆತದಲ್ಲೇ ಅಮೀರ್ ಸೊಹೈಲ್​ ಕ್ಲೀನ್ ಬೋಲ್ಡ್ ಮಾಡಿದ ವೆಂಕಿ, ಪೆವಿಲಿಯನ್​ ದಾರಿ ತೋರಿಸಿದ್ರು.

https://www.youtube.com/watch?v=nhs6FP7L8H8

ಅಕ್ಮಲ್​ಗೆ ಗಂಭೀರ್​ ವಾರ್ನಿಂಗ್​! : 2010ರ ಏಷ್ಯಾಕಪ್ ಟೂರ್ನಿಯಲ್ಲಿನ ಸ್ಲೆಡ್ಜಿಂಗ್ ಸರಣಿಯ ರೋಚಕತೆ ಮತ್ತಷ್ಟು ಹೆಚ್ಚಿಸಿತು. ಶ್ರೀಲಂಕಾದ ದಾಂಬುಲದಲ್ಲಿ ನಡೆದ ಪಂದ್ಯದಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದ ಗೌತಮ್ ಗಂಭೀರ್, ಪಾಕಿಸ್ತಾನ ವಿಕೆಟ್ ಕೀಪರ್ ಕಮ್ರಾನ್ ಅಕ್ಮಲ್ ಕಿರಿಕ್​ಗೆ ರೋಸಿ ಹೋದ್ರು. ಇದರಿಂದ ಕೆರಳಿದ ಗೌತಿ ಅಕ್ಮಲ್​ ವಿರುದ್ಧ ನೇರ ಜಗಳಕ್ಕೆ ನಿಂತ್ರು. ನಾಯಕ ಧೋನಿ ಹಾಗೂ ಅಂಪೈರ್ ಮಧ್ಯ ಪ್ರವೇಶಿಸಿ, ಜಗಳ ಬಿಡಿಸಿದ್ರೂ, ಗಂಭೀರ್ ಮಾತ್ರ ಶಾಂತವಾಗ್ಲಿಲ್ಲ.

ಹರ್ಭಜನ್ ಆರ್ಭಟಕ್ಕೆ ಅಖ್ತರ್ ಪಂಚರ್! : ಗಂಭೀರ್- ಅಕ್ಮಲ್ ಜಗಳದ ಬಳಿಕ, ಅದೇ ಪಂದ್ಯದಲ್ಲಿ ಹರ್ಭಜನ್​ ಸಿಂಗ್​, ಶೋಯಬ್ ಅಖ್ತರ್​ ನಡುವೆ ರಂಪಾಟವೇ ನಡೆದು ಹೋಯ್ತು. 19ನೇ ಓವರ್ ಬೌಲಿಂಗ್ ಮಾಡಿದ ಶೋಯಿಬ್ ಅಖ್ತರ್​, ಕ್ರೀಸ್​​ನಲ್ಲಿದ್ದ ಬಜ್ಜಿಯನ್ನ ಕೆಣಕಿದ್ರು. ಇವರಿಬ್ಬರ ಮಾತಿನ ಚಕಮಕಿಯಿಂದ ಪಂದ್ಯವೇ ಕೆಲ ಕಾಲ ಸ್ಥಗಿತಗೊಂಡಿತ್ತು. ಅಂತಿಮ ಓವರ್​​ನಲ್ಲಿ ಪಾಕಿಸ್ತಾನ ಗೆಲುವಿನ ಸನಿಹದಲ್ಲಿತ್ತು. ಆದ್ರೆ ಭರ್ಜರಿ ಸಿಕ್ಸರ್ ಸಿಡಿಸಿದ ಹರ್ಭಜನ್ ಸಿಂಗ್, ಟೀಮ್ಇಂಡಿಯಾಗೆ ಗೆಲುವು ತಂದುಕೊಟ್ರು. ಇಷ್ಟೇ ಅಲ್ಲ… ಶೋಯಬ್ ಅಖ್ತರ್​​ಗೆ ತಕ್ಕ ತಿರುಗೇಟು ನೀಡಿದ್ರು.
ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದಲ್ಲಿ ಈ ಕಿತ್ತಾಟ ಕಿರಿಕ್​ ಕಾಮನ್. ಇದುವರೆಗೆ ನಡೆದ ಪಂದ್ಯಗಳ ಕಿರಿಕ್​, ಕಿತ್ತಾಟಗಳು ಅಭಿಮಾನಿಗಳಿಗೆ ಸಖತ್ ಮನರಂಜನೆ ನೀಡಿವೆ. ಒಂದರ್ಥದಲ್ಲಿ ಇಂಡೋ-ಪಾಕ್​ ಫೈಟ್​​ ರೋಚಕತೆ ಪಡೆದುಕೊಳ್ಳೋದು ಅದೇ ಕಾರಣಕ್ಕೆ.

ಇಂಡೋ-ಪಾಕ್​ನ ಪ್ರತಿ ಕ್ರಿಕೆಟ್ ಹೋರಾಟ ಕೂಡ ಸ್ಮರಣೀಯ. ಕಾರಣ ಬದ್ಧವೈರಿಗಳ ಕದನ ಅಂದ್ರೆ ಅದರಲ್ಲಿ ಕೇವಲ 22 ಆಟಗಾರರು ಮಾತ್ರ ಕಣದಲ್ಲಿರಲ್ಲ.. ಪ್ರತಿ ಅಭಿಮಾನಿಯೂ ಪ್ಲೇಯರ್​ ಆಗಿರ್ತಾರೆ.. ಪ್ರತಿ ಬೌಂಡರಿ, ಪ್ರತಿ ಸಿಕ್ಸರ್​​… ಅಷ್ಟ್ರೇ ಏಕೆ? ಪ್ರತಿ ಎಸೆತಕ್ಕೂ ಪಂದ್ಯದ ಗತಿಯನ್ನೇ ಬದಲಾಯಿಸೋ ಶಕ್ತಿ ಇರುತ್ತೆ.. ಹೀಗಾಗಿ ಇಂಡೋ-ಪಾಕ್​ ಫೈಟ್​​ ಎಂದಿಗೂ ರೋಚಕ..
ಸಾಂಪ್ರದಾಯಿಕ ಎದುರಾಳಿಗಳಿಗಿದು ಪ್ರತಿಷ್ಠೆಯ ಕಣ. ಇನ್ನು ವಿಶ್ವಕಪ್​ ಇತಿಹಾಸದಲ್ಲೇ ಪಾಕ್​ ವಿರುದ್ಧ ಭಾರತ ಎಂದೂ ತಲೆ ಬಾಗಿಲ್ಲ.. ಒಂದಲ್ಲ, 2ಲ್ಲ, 3ಲ್ಲ, 4ಲ್ಲ, 5ಲ್ಲ, 6 ಬಾರಿ ಪಾಕ್​ ಪಡೆಯನ್ನ ಬಗ್ಗು ಬಡೆದ ಹೆಮ್ಮೆ ಭಾರತಕ್ಕಿದೆ. ಇದೇ ಈ ಬಾರಿಯೂ ಪಾಕ್​ ಹೆಡೆಮುರಿ ಕಟ್ಟುತ್ತೇವೆಂಬ ಕೊಹ್ಲಿ ಸೈನ್ಯದ ಆತ್ಮವಿಶ್ವಾಸಕ್ಕೆ ಕಾರಣ.

ಇಂಡೋ-ಪಾಕ್​ ವರ್ಲ್ಡ್​ ಕಪ್​ ಮೊದಲ ಕದನ​ : ಭಾರತ ಪಾಕ್​ ಮೊದಲ ಬಾರಿ ವಿಶ್ವಕಪ್​ನಲ್ಲಿ ಮುಖಾಮುಖಿಯಾಗಿದ್ದು 1992ರಲ್ಲಿ. ಭಾರತಕ್ಕೆ ಮೊಹಮದ್​ ಅಜರುದ್ದೀನ್​ ಸಾರಥ್ಯ ವಹಿಸಿದ್ರೆ, ಪಾಕಿಸ್ತಾನವನ್ನ ಇಮ್ರಾನ್​ ಖಾನ್​ ಮುನ್ನಡೆಸಿದ್ರು. ಸಿಡ್ನಿ ಮೈದಾನದಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ ನಡೆಸಿದ ಭಾರತ 6 ವಿಕೆಟ್​​ ಕಳೆದುಕೊಂಡು 216 ದಾಖಲಿಸಿತ್ತು. 217 ರನ್​ ಟಾರ್ಗೆಟ್​ ಬೆನ್ನತ್ತಿದ ಪಾಕ್​, ಭಾರತದ ಬೌಲಿಂಗ್​ ಮುಂದೆ ಮಂಕಾಯ್ತು. ಪರಿಣಾಮ 173 ರನ್​ಗಳಿಗೆ ಆಲೌಟ್​​ ಆಯ್ತು. ಈ ಮೂಲಕ ಪಾಕ್​ ವಿರುದ್ಧದ ಚೊಚ್ಚಲ ವಿಶ್ವಕಪ್​ ಫೈಟ್​​ನಲ್ಲಿ 43 ರನ್​ಗಳ ಜಯ ದಾಖಲಿಸಿತ್ತು ಟೀಮ್​ ಇಂಡಿಯಾ.

1996ರ ಇಂಡೋ – ಪಾಕ್​ ವಿಶ್ವಸಮರ​ :1992 ಬಳಿಕ 1996ರ ವಿಶ್ವಕಪ್​ನಲ್ಲಿ ಇಂಡೋ-ಪಾಕ್​ ಮುಖಾಮುಖಿಯಾಗಿದ್ವು. ಈ ರೋಚಕ ಫೈಟ್​​ಗೆ ವೇದಿಕೆಯಾಗಿದ್ದು ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನ. ಈ ಪಂದ್ಯದಲ್ಲಿ ಟಾಸ್​ ಸೋತ ಭಾರತ ಮೊದಲು ಬ್ಯಾಟಿಂಗ್​ ನಡೆಸಿತ್ತು. ಸಿಕ್ಸರ್​ ಕಿಂಗ್​ ನವಜೋತ್​​ ಸಿಂಗ್​ ಸಿಧು 93 ರನ್​ಗಳ ನೆರವಿಂದ, ಭಾರತ 287 ರನ್​ ಕಲೆ ಹಾಕಿತ್ತು. ಈ ಸವಾಲನ್ನು ಬೆನ್ನಟ್ಟಿದ ಪಾಕ್​ 9 ವಿಕೆಟ್​​ ನಷ್ಟಕ್ಕೆ 248 ರನ್​ಗಳಿಸಲಷ್ಟೇ ಶಕ್ತವಾಯ್ತು. ಒನ್ಸ್​ ಅಗೇನ್ ಭಾರತಕ್ಕೆ 39 ರನ್​ಗಳ ದಿಗ್ವಿಜಯ.

1999ರಲ್ಲೂ ಮ್ಯಾಂಚೆಸ್ಟರ್​ನಲ್ಲಿ ಬದ್ಧವೈರಿಗಳ ಫೈಟ್​! : 1999ರಲ್ಲಿ 3ನೇ ಭಾರಿ ಇಂಡೋ-ಪಾಕ್​ ಮುಖಾಮುಖಿಯಾಗಿದ್ವು. ಮ್ಯಾಂಚೆಸ್ಟರ್​​ ಅಂಗಳದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ಮಾಡಿದ್ದ ಭಾರತ 227 ರನ್​ಗಳಿಸಿತ್ತು. 228 ರನ್​ಗಳ ಟಾರ್ಗೆಟ್​​​ ಬೆನ್ನತ್ತಿದ ಪಾಕ್​ ವೆಂಕಟೇಶ್​ ಪ್ರಸಾದ್​​ ದಾಳಿಗೆ ಕುಸಿಯಿತು. ಇದರಿಂದಾಗಿ ಕೇವಲ 180 ರನ್​ಗಳಿಗೆ ಆಲೌಟ್​ ಆದ ಪಾಕ್​ 47 ರನ್​ಗಳ ಸೋಲುಂಡಿತು.

2003ರ ವಿಶ್ವ ಸಮರದಲ್ಲಿ ಮಾಸ್ಟರ್​​ ಬ್ಲಾಸ್ಟರ್​ ಮ್ಯಾಜಿಕ್​ : 2003ರ ವಿಶ್ವಕಪ್​ ಫೈಟ್​​ನಲ್ಲೂ ಭಾರತದ್ದೇ ಜಯಭೇರಿ. ಸೆಂಚುರಿಯನ್​ ಪಾರ್ಕ್​ನಲ್ಲಿ ಮೊದಲು ಬ್ಯಾಟಿಂಗ್​ ಮಾಡಿದ್ದ ಪಾಕ್​ 273 ರನ್​ ಕಲೆ ಹಾಕಿತ್ತು. 274 ರನ್​ಗಳ ಸವಾಲು ಬೆನ್ನತ್ತಿದ್ದ ಟೀಮ್​ಇಂಡಿಯಾಗೆ ಮಾಸ್ಟರ್​​ ಬ್ಲಾಸ್ಟರ್​​​ ಸಚಿನ್​ ತೆಂಡೂಲ್ಕರ್​ ಗೆಲುವಿನ ದಡ ಸೇರಿಸಿದ್ರು. ತೆಂಡೂಲ್ಕರ್​ರ 98 ರನ್​ಗಳ ಸ್ಪೋಟಕ ಬ್ಯಾಟಿಂಗ್​ ನೆರವಿನಿಂದ ಭಾರತ 45.4 ಓವರ್​​ಗಳಲ್ಲೇ 4 ವಿಕೆಟ್​​ಗಳನ್ನ ಕಳೆದುಕೊಂಡು ಜಯಭೇರಿ ಬಾರಿಸಿತು.
2011ರಲ್ಲೂ ಪಾಕ್​ಗೆ ನಿರಾಸೆ​ :  7 ವರ್ಷಗಳ ನಂತರ ಇಂಡೋ-ಪಾಕ್​ ವಿಶ್ವಕಪ್​ನಲ್ಲಿ ಮತ್ತೇ ಮುಖಾಮುಖಿಯಾದ್ವು. ಟಾಸ್​ ಗೆದ್ದು ಬ್ಯಾಟಿಂಗ್​ಗಿಳಿದ ಟೀಮ್​ಇಂಡಿಯಾ 260 ರನ್​ ಗಳಿಸಿತು. ಈ ಸವಾಲನ್ನು ಬೆನ್ನಟ್ಟಿದ ಪಾಕ್​ ಭಾರತೀಯ ಬೌಲರ್​ಗಳ ಅಬ್ಬರದ ಮುಂದೆ ಮಂಕಾಯ್ತು. 231ಆಲೌಟ್​ ಆದ ಪಾಕ್​ ಮತ್ತೆ ಸೋಲುಂಡು ನಿರಾಸೆ ಅನುಭವಿಸಿತು.

 ಅಡಿಲೇಡ್​​ನಲ್ಲಿ ವಿರಾಟ್​​ ಶತಕದ ಮಿಂಚು : 2015ರ ವಿಶ್ವಕಪ್​ ಫೈಟ್​​ನಲ್ಲಿ ಭಾರತ-ಪಾಕಿಸ್ತಾನ ಪಂದ್ಯಕ್ಕೆ ಅಡಿಲೇಡ್​ ಅಂಗಳ ವೇದಿಕೆಯಾಯ್ತು. ಟಾಸ್​​ ಸೋತು ಬ್ಯಾಟಿಂಗ್​ಗಿಳಿದ ಭಾರತಕ್ಕೆ ವಿರಾಟ್​​ ಕೊಹ್ಲಿ ಶತಕದ ಬಲ ತುಂಬಿದ್ರು. ಅಬ್ಬರದ ಬ್ಯಾಟಿಂಗ್​ ನಡೆಸಿದ ಕೊಹ್ಲಿ 107 ರನ್​ ದಾಖಲಿಸಿದ್ರು. ಪರಿಣಾಮ ಭಾರತ 50 ಓವರ್​​ಗಳಲ್ಲಿ 300 ರನ್​ಗಳಿಸಿತು. ಈ ಕಠಿಣ ಗುರಿ ಬೆನ್ನತ್ತಿದ್ದ ಪಾಕ್​ಗೆ ಮೊಹಮದ್​ ಶಮಿ ಶಾಕ್​ ನೀಡಿದ್ರು. ಪರಿಣಾಮ 224 ರನ್​ಗಳಿಗೆ ಪಾಕ್​ ಆಲೌಟ್​​ ಆಯ್ತು. ಭಾರತ 76 ರನ್​ಗಳ ಗೆಲುವಿನ ಕೇಕೆ ಹಾಕಿತು.
ಐಸಿಸಿ ವಿಶ್ವಕಪ್ ಟೂರ್ನಿಯಲ್ಲಿ ಭಾರತ, ಬದ್ಧವೈರಿ ಪಾಕಿಸ್ತಾನ ವಿರುದ್ದದ 6 ಮುಖಾಮುಖಿಯಲ್ಲೂ ಗೆಲುವು ಸಾಧಿಸಿದೆ. ಈ ಮೂಲಕ ಸೋಲಿಲ್ಲದ ಸರದಾರನಾಗಿ ಮೆರೆದಾಡಿದೆ. ಇಂದಿನ ಪಂದ್ಯದಲ್ಲೂ ಭಾರತ ಗೆಲ್ಲುತ್ತೆ ಅನ್ನೋ ವಿಶ್ವಾಸ ಎಲ್ಲರದ್ದು.

ಪ್ರಧಾನಿ ನರೇಂದ್ರ ಮೋದಿ ಅವರು ಕಿರ್ಗಿಸ್ತಾನದ ಬಿಷ್ಕೇಕ್​ನಲ್ಲಿ ನಡೆದ ಎಸ್​ಸಿಒ ಸಭೆಯಲ್ಲಿ ಪಾಲ್ಗೊಂಡಿದ್ದು ಗೊತ್ತೇ ಇದೆ. ಶೃಂಗಸಭೆಗಾಗಿ ಕಿರ್ಗಿಸ್ತಾನಕ್ಕೆ ತೆರಳಿದ್ದ ಮೋದಿ ಅವರಿಗೆ ಅಲ್ಲಿ ಪ್ರೆಸಿಡೆಂಟ್ ಸ್ಪೆಷಲ್ ಗಿಫ್ಟ್ ಕೊಟ್ಟು ಸತ್ಕರಿಸಿದ್ದಾರೆ.
ಕಿರ್ಗಿಸ್ತಾನದ ಅಧ್ಯಕ್ಷರಾದ ಜೀನ್​ಬೇಕೊವ್​ ಅವರು ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ತಮ್ಮ ಸಾಂಪ್ರದಾಯಕ ಉಡುಗೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಉಭಯ ರಾಷ್ಟ್ರಗಳ ಸ್ನೇಹಪೂರ್ವಕವಾಗಿ ಅಲ್ಲಿನ ಹ್ಯಾಟ್​ ಮತ್ತು ಚಪನ್ ಅನ್ನು ನೀಡಿರೋ ಜೀನ್​​ಬೇಕೊವ್​, ಮೋದಿ ಅವರಿಗೆ ಅದನ್ನು ಧರಿಸಲು ಸಹಾಯವನ್ನು ಮಾಡಿದ್ದಾರೆ. ಈ ಕುರಿತು ಮೋದಿ ಟ್ವೀಟ್​ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

In Bishkek, President Jeenbekov presented PM @narendramodi a Kalpak, the traditional Kyrgyz hat, a Chapan, a traditional coat from Kyrgyzstan and a Samovar, a container to heat or boil water.

PM Modi is grateful to President Jeenbekov for this gesture. pic.twitter.com/iDEoWkD5Lm

— PMO India (@PMOIndia) June 15, 2019

ಇಂದು ಕ್ರಿಕೆಟ್ ಪ್ರಿಯರಿಗೆ ಡಬಲ್ ಧಮಾಕಾ. ವಿಕೆಂಡ್​​ ಫೈಟ್​​ನ ಮೊದಲ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಮತ್ತು ಶ್ರೀಲಂಕಾ ಸೆಣೆಸಿದರೆ, 2ನೇ ಮ್ಯಾಚ್​ನಲ್ಲಿ ದಕ್ಷಿಣ ಆಫ್ರಿಕಾ ಮತ್ತು ಅಪ್ಘಾನಿಸ್ತಾನ್ ಮುಖಾಮುಖಿ ಆಗಲಿವೆ.
ಆಡಿದ 4 ಪಂದ್ಯಗಳಲ್ಲಿ 1 ಗೆಲುವು, 1 ಸೋಲು… 2 ಪಂದ್ಯ ರದ್ದು…ಇದು ಟೂರ್ನಿಯಲ್ಲಿ ಲಂಕಾ ಪರಿಸ್ಥಿತಿ. ಇನ್ನು ಆಡಿದ 4 ಪಂದ್ಯದಲ್ಲಿ 3 ಜಯ ಸಾಧಿಸಿ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿರೋ ಆಸ್ಟ್ರೇಲಿಯಾ. ಗೆಲ್ಲಲ್ಲೇಬೇಕಾದ ಒತ್ತಡದಲ್ಲಿರುವ ಶ್ರೀಲಂಕಾ, ಪ್ರಬಲ ಆಸೀಸ್​​ ವಿರುದ್ಧ ಇಂದಿನ ಮೊದಲ ಪಂದ್ಯದಲ್ಲಿ ಸೆಣೆಸಲಿದೆ.
 ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ ಹಾಗೂ ಮಾಜಿ ಚಾಂಪಿಯನ್ ಶ್ರೀಲಂಕಾ ನಡುವಿನ ಹೋರಾಟಕ್ಕೆ ಕಿಂಗ್​ಸ್ಟನ್ ಮೈದಾನ ಸಾಕ್ಷಿಯಾಗಲಿದೆ. ಟೂರ್ನಿಯ ಮೊದಲೆರಡು ಪಂದ್ಯದಲ್ಲಿ ಅಫ್ಘಾನಿಸ್ತಾನ್, ವೆಸ್ಟ್​​ಇಂಡೀಸ್​​ ವಿರುದ್ಧ ಜಯ ದಾಖಲಿಸಿದ್ದ ಆಸಿಸ್​​ ಭಾರತದ ವಿರುದ್ಧ 3ನೇ ಮ್ಯಾಚ್​​ನಲ್ಲಿ ಮುಗ್ಗರಿಸಿತ್ತು. ಆದ್ರೆ 4ನೇ ಪಂದ್ಯದಲ್ಲಿ ಪಾಕ್​ ವಿರುದ್ಧ ಗೆಲುವಿನ ಹಳಿಗೆ ಕಮ್​ಬ್ಯಾಕ್​ ಮಾಡಿದೆ. ಇದೀಗ ಲಂಕಾ ವಿರುದ್ಧವೂ ಗೆಲುವಿನ ವಿಶ್ವಾಸದಲ್ಲಿದೆ.
 ಇನ್ನೊಂದೆಡೆ ಲಂಕಾ ಗೆಲ್ಲಲೇಬೇಕಾದ ಒತ್ತಡದಲ್ಲಿದೆ. ಟೂರ್ನಿಯ ಆರಂಭಿಕ ಪಂದ್ಯದಲ್ಲೇ ನ್ಯೂಜಿಲೆಂಡ್ ವಿರುದ್ಧ ಹೀನಾಯ ಸೋಲನುಭವಿಸಿದ್ದ ಲಂಕನ್ನರು, 2ನೇ ಮ್ಯಾಚ್​​ನಲ್ಲಿ ಅಫ್ಘನ್​ ವಿರುದ್ಧ ಜಯಿಸಿದ್ರು. ಆದ್ರೆ ನಂತರದ ಪಂದ್ಯಗಳು ಮಳೆಯಿಂದ ರದ್ದಾಗಿವೆ. ಹೀಗಾಗಿ 4ರಲ್ಲಿ ಒಂದೇ ಒಂದು ಪಂದ್ಯ ಗೆದ್ದಿರುವ ಲಂಕಾ ಪಡೆ ಆಸಿಸ್​​ ವಿರುದ್ಧ ಗೆಲುವನ್ನ ಎದುರು ನೋಡುತ್ತಿದೆ.
ವಿಶ್ವಕಪ್ ಇತಿಹಾಸದಲ್ಲಿ ಉಭಯ ತಂಡಗಳು 9 ಬಾರಿ ಮುಖಾಮುಖಿ ಆಗಿವೆ. ಅದರಲ್ಲೂ ಲಂಕಾ ವಿರುದ್ಧ ಆಸಿಸ್​​ ಮೇಲುಗೈ ಸಾಧಿಸಿದೆ. 9 ಪಂದ್ಯಗಳಲ್ಲಿ ಆಸ್ಟ್ರೇಲಿಯಾ 7 ಪಂದ್ಯಗಳಲ್ಲಿ ಜಯ ಸಾಧಿಸಿದ್ರೆ, ಶ್ರೀಲಂಕಾ 1 ಪಂದ್ಯದಲ್ಲಿ ಮಾತ್ರ ಗೆದ್ದಿದೆ. ಇನ್ನೊಂದು ಪಂದ್ಯ ಮಳೆಯಿಂದ ರದ್ದಾಗಿದೆ.
ನಾಯಕ ಆ್ಯರನ್ ಫಿಂಚ್, ಡೇವಿಡ್ ವಾರ್ನರ್, ಸ್ಟೀವ್​ ಸ್ಮಿತ್ ರಂತಹ ಪ್ರಮುಖ ಬ್ಯಾಟ್ಸ್​ಮನ್​ಗಳು, ನಥಾನ್​ ಕೌಲ್ಟರ್​ನೈಲ್​, ಮಿಚೆಲ್​ ಸ್ಟಾರ್ಕ್​, ಪಾಟ್​ ಕಮಿನ್ಸ್​​ ರಂತಹ ಬೌಲಿಂಗ್​ ಅಸ್ತ್ರಗಳನ್ನ ಆಸಿಸ್​ ಬಳಗ ಹೊಂದಿದೆ. ಆದ್ರೆ ಲಂಕಾ ಪಡೆಯಲ್ಲಿ ನಾಯಕ ದಿಮುತ್ ಕರುಣರತ್ನೆ, ಕುಸಲ್ ಪೇರೆರಾ, ಲಸಿತ್​ ಮಲಿಂಗ ಹೊರತುಪಡಿಸಿದ್ರೆ ಉಳಿದ ಆಟಗಾರರು ನಿರೀಕ್ಷಿತ ಪ್ರದರ್ಶನ ನೀಡಿಲ್ಲ.. ಹೀಗಾಗಿ ಪ್ರಬಲ ಆಸಿಸ್​ಗೆ, ಸಿಂಹಳೀಯರು ಸಾಟಿಯಾಗ್ತಾರಾ ಅನ್ನೋದು ಕುತೂಹಲ ಮೂಡಿಸಿದೆ.

‘ಸೋತಾ’ಫ್ರಿಕಾಕ್ಕೆ ಅಫ್ಘನ್​​​​​​​​​ ನೀಡುತ್ತಾ ಶಾಕ್?
 ಇಂದಿನ 2ನೇ ಪಂದ್ಯ ಸೋತವರ ಗೆಲುವಿನ ಹುಡುಕಾಟವಾಗಿದೆ. ಕಾರ್ಡಿಫ್​ನ ಸೋಫಿಯಾ ಗಾರ್ಡನ್ಸ್​​ ಮೈದಾನದಲ್ಲಿ ಸೌತ್​ ಆಫ್ರಿಕಾ – ಅಫ್ಘಾನಿಸ್ತಾನ ಸೆಣೆಸಲಿವೆ. ಟೂರ್ನಿಯಲ್ಲಿ ಗೆಲುವೇ ಕಾಣದ ಎರಡೂ ತಂಡಗಳು ಜಯದ ಹುಡುಕಾಟದಲ್ಲಿವೆ. ಏಕದಿನ ಕ್ರಿಕೆಟ್​​ ಇತಿಹಾಸದಲ್ಲಿ ಇದೇ ಮೊದಲ ಬಾರಿ ಮುಖಾಮುಖಿ ಆಗುತ್ತಿರೋ ಉಭಯ ತಂಡಗಳಲ್ಲಿ ಗೆಲುವು ಯಾರಿಗೆ ಅನ್ನೋದು ಕುತೂಹಲ ಮೂಡಿಸಿದೆ.
ಸೌತ್​​ ಆಫ್ರಿಕಾ ಆಡಿದ ಎಲ್ಲಾ ಪಂದ್ಯಗಳಲ್ಲೂ ಸೋತಿದೆ ನಿಜ. ಆದರೆ ಪ್ರಬಲ ಬ್ಯಾಟಿಂಗ್​ ಹಾಗೂ ಬೌಲಿಂಗ್​ ದಂಡು ಡು ಪ್ಲೆಸಿಸ್​ ಬಳಗದಲ್ಲಿದೆ. ಇತ್ತ ಕ್ರಿಕೆಟ್​ ಶಿಶು ಅಫ್ಘನ್​ ರಶೀದ್​ ಖಾನ್​, ಮೊಹಮದ್​​ ನಬಿಯ ಸ್ಪಿನ್​ ತಂತ್ರವನ್ನೇ ಹೆಚ್ಚು ನಂಬಿದೆ. ​ವಿಶ್ವದ ಶ್ರೇಷ್ಠ ಆಟಗಾರರ ಪಡೆಯನ್ನೇ ಹೊಂದಿರುವ ಮಾತ್ರಕ್ಕೆ ಅಫ್ಘನ್​ ತಂಡವನ್ನ ಲಘುವಾಗಿ ಪರಿಗಣಿಸಿದ್ರೆ ಆಫ್ರಿಕಾಗೆ ಆಘಾತ ಕಟ್ಟಿಟ್ಟ ಬುತ್ತಿ. 

 ಒಟ್ಟಾರೆಯಾಗಿ ಕ್ರಿಕೆಟ್​ ಅಭಿಮಾನಿಗಳಿಗಿಂದು ಡಬಲ್​ ಧಮಾಕಾ.. 2 ಪಂದ್ಯಗಳಲ್ಲೂ ನಿರೀಕ್ಷಿತ ಫಲಿತಾಂಶ ಬರುತ್ತೆ ಅನ್ನೋ ಹಾಗಿಲ್ಲ… ಫೈಟ್​​ಬ್ಯಾಕ್​ ಶಕ್ತಿಯನ್ನ ಶ್ರೀಲಂಕಾ ಹಾಗೂ ಅಫ್ಘಾನಿಸ್ತಾನ ಎರಡೂ ತಂಡಗಳು ಹೊಂದಿವೆ. ಹೀಗಾಗಿ ಆಸ್ಟ್ರೇಲಿಯಾ,ದಕ್ಷಿಣ ಆಫ್ರಿಕಾ ಕೊಂಚ ಎಡವಿದ್ರೂ ಪಂದ್ಯಗಳು ರೋಚಕ ಘಟ್ಟಕ್ಕೆ ತಿರುಗಲಿವೆ. ಆದರೆ ಇದಕ್ಕೆ ಮಳೆರಾಯ ಅನುವು ಮಾಡಿಕೊಡಬೇಕಷ್ಟೇ….

ವಿಶ್ವಕಪ್​ ಟೂರ್ನಿಯಲ್ಲಿಂದು ಮದಗಜಗಳ ಹೋರಾಟ. ದೈತ್ಯ ವೆಸ್ಟ್​ಇಂಡೀಸ್​​, ಬಲಿಷ್ಠ ಇಂಗ್ಲೆಂಡ್​​ ಪಂದ್ಯ ಅಂದ್ರೆ ಬ್ಯಾಟ್​​-ಬೌಲ್​ ನಡುವಿನ ಕದನವೇ ಸರಿ. ಆ​ ಯುದ್ಧಕ್ಕೆ ಸಾಕ್ಷಿಯಾಗಲಿದೆ ಸೌಥಂಪ್ಟನ್​ ರೋಸ್​​ ಬೌಲ್​​ ಮೈದಾನ.
ರೋಸ್​​ ಬೌಲ್​ – ಗುಲಾಬಿ ಬಟ್ಟಲಿನಲ್ಲಿ ಎರಡೂ ತಂಡಗಳು ಗೆಲುವಿಗಾಗಿ ಸೆಣಸಲಿವೆ. ಇದಕ್ಕೂ ಮೊದ್ಲು ಸೌತ್​ ಆಫ್ರಿಕಾ ವಿರುದ್ಧದ ವೆಸ್ಟ್​ಇಂಡೀಸ್​ ಪಂದ್ಯ ಮಳೆಯಲ್ಲಿ ಕೊಚ್ಚಿ ಹೋಗಿದೆ. ಆದ್ರೆ ಇಂಗ್ಲೆಂಡ್​ ತಂಡ ಬಾಂಗ್ಲಾ ಹುಲಿಗಳ ಎದುರು 106 ರನ್​ಗಳ ಜಯ ಸಾಧಿಸಿದ ವಿಶ್ವಾಸದಲ್ಲಿದೆ.
ಆಡಿದ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ 7 ವಿಕೆಟ್​​ಗಳಿಂದ ಜಯಿಸಿತ್ತು ವಿಂಡೀಸ್​ ಬಳಗ. ಬಳಿಕ ಆಸ್ಟ್ರೇಲಿಯಾ ವಿರುದ್ಧದ 2ನೇ ಪಂದ್ಯದಲ್ಲಿ ಮುಗ್ಗರಿಸಿತ್ತು. ನಂತರದ 3ನೇ ಪಂದ್ಯ ಮಳೆಯಲ್ಲಿ ಕೊಚ್ಚಿ ಹೋಗಿದೆ. ಈ ಮೂಲಕ 3 ಅಂಕಗಳೊಂದಿಗೆ ಪಾಯಿಂಟ್ಸ್​​ ಟೇಬಲ್​ನಲ್ಲಿ 6ನೇ ಸ್ಥಾನದಲ್ಲಿರುವ ವಿಂಡೀಸ್​ ಗೆಲುವಿನ ಪಣತೊಟ್ಟಿದೆ.
ಇತ್ತ ಅತಿಥೇಯ ಇಂಗ್ಲೆಂಡ್​ ಉದ್ಘಾಟನಾ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಗೆದ್ದು ಬೀಗಿತ್ತು. ಆದ್ರೆ ಪಾಕ್​ ವಿರುದ್ಧದ 2ನೇ ಪಂದ್ಯದಲ್ಲಿ ಸೋಲುಂಡು ಹಿನ್ನಡೆ ಅನುಭವಿಸ್ತು. ಆದ್ರೆ ಬಾಂಗ್ಲಾದೇಶ ವಿರುದ್ಧದ 3ನೇ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್​ ನಡೆಸಿ ಕಮ್​ಮ್ಯಾಕ್​ ಮಾಡಿದ್ದ ಆಂಗ್ಲ ಪಡೆ, ವಿಂಡೀಸ್​​ ವಿರುದ್ಧವೂ ಗೆಲುವನ್ನ ಎದುರು ನೋಡುತ್ತಿದೆ.
ಉಭಯ ತಂಡಗಳು ಆಡಿರೋ 106 ಏಕದಿನ ಪಂದ್ಯಗಳಲ್ಲಿ ಇಂಗ್ಲೆಂಡ್​​ 51 ರಲ್ಲಿ ಜಯಸಿದ್ರೆ, 44 ಪಂದ್ಯಗಳಲ್ಲಿ ವಿಂಡೀಸ್​ ಗೆದ್ದಿದೆ. ಉಳಿದ 6 ಪಂದ್ಯಗಳಲ್ಲಿ ಫಲಿತಾಂಶ ಬಂದಿಲ್ಲ. ಇದಲ್ಲದೇ ವಿಶ್ವಕಪ್​ ಇತಿಹಾಸದ ಕಳೆದ 5 ಪಂದ್ಯಗಳಲ್ಲೂ ವಿಂಡೀಸ್​ ಬಳಗವನ್ನ ಇಂಗ್ಲೆಂಡ್​ ಮಣಿಸಿದೆ.
ವಿಶ್ವಕಪ್​ನಲ್ಲಿ ವಿಂಡೀಸ್​ ವಿರುದ್ಧ ಇಂಗ್ಲೆಂಡ್
ಪಂದ್ಯ 6
ಗೆಲುವು 5
ಸೋಲು 1
ವಿಶ್ವಕಪ್​ ಇತಿಹಾಸದಲ್ಲಿ ವೆಸ್ಟ್​ಇಂಡೀಸ್​​-ಇಂಗ್ಲೆಂಡ್​ ತಂಡಗಳು ಒಟ್ಟು 6 ಬಾರಿ ಮುಖಾಮುಖಿಯಾಗಿವೆ. ಅದರಲ್ಲಿ 1979ರಲ್ಲಿ ನಡೆದ ಮೊದಲ ಮುಖಾಮುಖಿಯಲ್ಲಿ ವೆಸ್ಟ್​ಇಂಡೀಸ್​ ಗೆದ್ದಿದ್ದು ಹೊರತುಪಡಿಸಿದ್ರೆ, ಉಳಿದ 5 ಪಂದ್ಯದಲ್ಲೂ ಇಂಗ್ಲೆಂಡ್​​ ಗೆಲುವು ದಾಖಲಿಸಿದೆ.
ಬ್ಯಾಟಿಂಗ್​,ಬೌಲಿಂಗ್​ ಎರಡೂ ವಿಭಾಗದಲ್ಲಿ ಉಭಯ ತಂಡಗಳು ಬಲಿಷ್ಠವಾಗಿವೆ. ಕ್ರಿಸ್​ಗೇಲ್​, ಶಿಮ್ರೋನ್​ ಹೆಟ್ಮೆಯರ್​​, ಶಾಯ್​ ಹೋಪ್​ ವಿಂಡೀಸ್​​ ಬಳಗದ ಬ್ಯಾಟಿಂಗ್​ ಬಲವಾಗಿದೆ. ಶತಕ ಸಿಡಿಸಿ ಮಿಂಚಿರುವ ಜೋ ರೂಟ್​, ಜಾಸನ್​ ರಾಯ್​ ಹಾಗೂ ನಾಯಕ ಜಾಸ್​ ಬಟ್ಲರ್​​ ಬಲವೇ ಆಂಗ್ಲ ಪಡೆಯ ಬ್ಯಾಟಿಂಗ್​ ಬೆನ್ನೆಲುಬಾಗಿದೆ.
ಓಶಾನೆ ಥಾಮಸ್​, ಶೆಲ್ಡನ್​ ಕಾಟ್ರಲ್​, ನಾಯಕ ಜೇಸನ್​ ಹೋಲ್ಡರ್​​ ಒಳಗೊಂಡ ವಿಂಡೀಸ್​​ ಬೌಲಿಂಗ್​ ಪಡೆ ಬಲಿಷ್ಠವಾಗಿದೆ. ಇತ್ತ ಲೈಮ್​ ಪ್ಲುಂಕೆಟ್ ಕ್ರಿಸ್​ ವೋಕ್ಸ್​​, ಜೋಫ್ರಾ ಆರ್ಚರ್​​ ಅತಿಥೇಯ ತಂಡದ ಬೌಲಿಂಗ್​ ಅಸ್ತ್ರ. ಆಲ್​ರೌಂಡರ್​ ವಿಭಾಗದಲ್ಲೂ ಎರಡೂ ತಂಡಗಳು ಬೆಸ್ಟ್​​ ಪರ್ಫಾರ್ಮರ್​​ಗಳನ್ನೇ ಹೊಂದಿವೆ. ಬೆನ್​​ ಸ್ಟೋಕ್ಸ್​​​​, ಆಂಡ್ರೆ ರಸೆಲ್​ ಪಂದ್ಯದ ಸೆಂಟರ್​ ಆಫ್​ ಅಟ್ರ್ಯಾಕ್ಷನ್​.
ಒಟ್ಟಿನಲ್ಲಿ ಬ್ಯಾಟಿಂಗ್​ ಮತ್ತು ಬೌಲಿಂಗ್​ ಎರಡೂ ವಿಭಾಗಗಳಲ್ಲಿ ಬಲಿಷ್ಠವಾಗಿರುವ ತಂಡಗಳ ಬಿಗ್​ ಫೈಟ್​​ ನಿರೀಕ್ಷೆ ಅಭಿಮಾನಿಗಳಲ್ಲಿದೆ. ಬ್ಯಾಟ್​​ ಮತ್ತು ಬೌಲ್​ಗಳ ನಡುವಿನ ಕದನದಲ್ಲಿ ಗೆದ್ದು ಬೀಗೋರ್ಯಾರು ಅನ್ನೋದು ಕುತೂಹಲ ಮೂಡಿಸಿದೆ.

ವಿಶ್ವಕಪ್​ನಲ್ಲಿ ವರುಣನದ್ದೇ ಆರ್ಭಟ. ಈಗಾಗಲೇ 3 ಪಂದ್ಯಗಳನ್ನು ರದ್ದು ಮಾಡಿದ್ದ ಮಳೆರಾಯ ಭಾರತ ಮತ್ತು ನ್ಯೂಜಿಲೆಂಡ್​ ನಡುವಿನ ಮ್ಯಾಚ್​ ಗೂ ಅಡ್ಡಿಪಡಿಸುವ ಮೂಲಕ ನಾಲ್ಕನೇ ಮ್ಯಾಚ್​ ಅನ್ನು ಆಹುತಿ ಪಡೆದಿದ್ದಾನೆ.
ಹೌದು, ನಾಟಿಂಗ್ಯಾಮ್​ನ ಟ್ರೆಂಟ್​ ಬ್ರಿಡ್ಜ್​ ಸ್ಟೇಡಿಯಂ ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಮ್ಯಾಚ್​​ಗೆ ರೆಡಿಯಾಗಿತ್ತು. ಎರಡೂ ತಂಡಗಳ ನಡುವೆ ಜಿದ್ದಾಜಿದ್ದಿನ ಹೋರಾಟ ನಿರೀಕ್ಷಿಸಲಾಗಿತ್ತು. ರೋಚಕ ಹಣಾಹಣಿಯನ್ನು ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಕಾಯ್ತಾ ಇದ್ರು. ಆದ್ರೆ, ಮಳೆ ಅಡ್ಡಿಪಡಿಸಿದೆ. ಟಾಸ್ ಕೂಡ ಆಗದೆ ಪಂದ್ಯ ರದ್ದಾಗಿದೆ.
ಈಗಾಗಲೇ ಶ್ರೀಲಂಕಾ-ಪಾಕಿಸ್ತಾನ, ಸೌತ್​-ಆಫ್ರಿಕಾ-ವೆಸ್ಟ್​ಇಂಡೀಸ್​​, ಶ್ರೀಲಂಕಾ – ಬಾಂಗ್ಲಾದೇಶ ನಡುವಿನ ಮ್ಯಾಚ್​ಗಳು ಮಳೆಯಿಂದ ರದ್ದಾಗಿದ್ದವು. ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಪಂದ್ಯವೂ ವರುಣನ ಆರ್ಭಟದಿಂದ ರದ್ದಾಗಿದ್ದು, ಟೂರ್ನಿಯಲ್ಲಿ 18 ಮ್ಯಾಚ್​ ಗಳಲ್ಲಿ 4 ಮ್ಯಾಚ್​ ಗಳು ರದ್ದಾದಂತಾಗಿದೆ.