Saturday, May 28, 2022
Powertv Logo
Homeರಾಜ್ಯಬೆಂಗಳೂರಲ್ಲಿ ಸೀಲ್​ಡೌನ್ ಇಲ್ಲ : ಭಾಸ್ಕರ್ ರಾವ್

ಬೆಂಗಳೂರಲ್ಲಿ ಸೀಲ್​ಡೌನ್ ಇಲ್ಲ : ಭಾಸ್ಕರ್ ರಾವ್

ಬೆಂಗಳೂರು: ರಾಜ್ಯದಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ ದಿನೇ ದಿನೇ ಹೆಚ್ಚಾಗುತ್ತಿದೆ. ಇದರ ಹಿನ್ನೆಲೆ ಲಾಕ್​ಡೌನ್ ಮುಗಿದ ಬಳಿಕ ಸೀಲ್​ಡೌನ್ ಜಾರಿಯಾಗಲಿದೆ ಎಂಬ ಚರ್ಚೆ ನಡೆಯುತ್ತಿದೆ. ಆದರೆ ಬೆಂಗಳೂರಿನಲ್ಲಿ ಸೀಲ್​ಡೌನ್ ಮಾಡವುದಿಲ್ಲ ಎಂದು ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ಸ್ಪಷ್ಟನೆ ನೀಡಿದ್ದಾರೆ.

ಈ ಬಗ್ಗೆ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಸೀಲ್​ಡೌನ್ ಬಗ್ಗೆ ಸರ್ಕಾರ ಇನ್ನೂ ಯಾವುದೇ ರೀತಿಯ ನಿರ್ಧಾರ ತೆಗೆದುಕೊಂಡಿಲ್ಲ. ಮುಂಜಾಗೃತಾ ಕ್ರಮವಾಗಿ ಬರೀ ಎರಡು ವಾರ್ಡ್​ಗಳಲ್ಲಷ್ಟೇ ಸೀಲ್​ಡೌನ್ ಜಾರಿ ಮಾಡಲಾಗಿದೆ. ಇನ್ನುಳಿದಂತೆ ಬೆಂಗಳೂರಿನಲ್ಲಿ ಎಲ್ಲಿಯೂ ಸೀಲ್​ಡೌನ್ ಮಾಡುವುದಿಲ್ಲ. ಹಾಗಾಗಿ ಜನ ಭಯಬೀಳುವ ಅವಶ್ಯಕತೆಯಿಲ್ಲ‘ ಎಂದು ಹೇಳಿದ್ದಾರೆ.

ಎರಡು ವಾರ್ಡ್​ಗಳಲ್ಲಿ ಕೊರೋನಾ ಪ್ರಕರಣಗಳು ಪತ್ತೆಯಾಗಿರುವುದರಿಂದ ಸೀಲ್​ಡೌನ್ ಮಾಡಲಾಗಿದೆ. ಇನ್ನು ಆ ಎರಡು ವಾರ್ಡ್​ಗಳಿಗೂ ಸರ್ಕಾರ ಅಗತ್ಯ ವಸ್ತುಗಳನ್ನು ಪೂರೈಸುತ್ತದೆ. ಇನ್ನುಳಿದಂತೆ ನಗರದಲ್ಲಿ ಎಲ್ಲಾ ಕಡೆ ಅಗತ್ಯ ವಸ್ತುಗಳಾದ ದಿನಸಿ, ಹಾಲು, ಹಣ್ಣು, ತರಕಾರಿ ಹಾಗೂ ಮೆಡಿಕಲ್ಸ್​ಗಳು ಓಪನ್ ಇರುತ್ತವೆ ಎಂದು ತಿಳಿಸಿದ್ದಾರೆ.

ಬೆಂಗಳೂರು ನಗರಾದ್ಯಂತ ಸೀಲ್​ಡೌನ್ ಮಾಡುತ್ತಿದ್ದಾರೆ ಎಂಬ ವದಂತಿಗಳನ್ನು ಹಬ್ಬುತ್ತಿವೆ. ಆದರೆ ಬೆಂಗಳೂರು ಸೀಲ್​ಡೌನ್ ಆಗಲ್ಲ. ದಯವಿಟ್ಟು ಶಾಂತವಾಗಿರಿ ಎಂದು ಭಾಸ್ಕರ್ ರಾವ್ ಟ್ವೀಟ್ ಮೂಲಕವೂ ಮನವಿ ಮಾಡಿಕೊಂಡಿದ್ದಾರೆ.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments