ಈ ಶುಕ್ರವಾರ ‘ಭಾನು ವೆಡ್ಸ್​ ಭೂಮಿ’..!

0
99

ಸ್ಯಾಂಡಲ್​ವುಡ್​ನಲ್ಲಿ ಹೊಸಬರ ಚಿತ್ರಗಳು ಸಾಲು ಸಾಲಾಗಿ ಬರ್ತಾ ಇವೆ. ಈ ಸಾಲಿಗೀಗ ‘ಭಾನು ವೆಡ್ಸ್​ ಭೂಮಿ’ ಸೇರ್ಪಡೆಯಾಗಿದೆ. ಯೆಸ್, ಭಾನು ವೆಡ್ಸ್​ ಭೂಮಿ ತೆರೆಗೆ ಬರಲು ರೆಡಿಯಾಗಿದೆ. ನೈಜಘಟನೆ ಆಧಾರಿತ ಚಿತ್ರವಿದು ಅಂತ ಚಿತ್ರತಂಡ ಹೇಳಿಕೊಂಡಿದೆ. ಈಗಾಗಲೇ ಸಿನಿಮಾ ಸೆನ್ಸಾರ್ ಮಂಡಳಿಯಿಂದ ಯು/ಎ ಸರ್ಟಿಫಿಕೇಟ್ ಪಡೆದಿದೆ. ಚಿತ್ರವನ್ನು ನೋಡಿದ ಸೆನ್ಸಾರ್ ಮಂಡಳಿ ಯಾವ್ದೇ ಭಾಗಕ್ಕೆ ಕತ್ತರಿ ಹಾಕದೇ ರಿಲೀಸ್​ಗೆ ಗ್ರೀನ್ ಸಿಗ್ನಲ್ ಕೊಟ್ಟಿದೆ.

ಭಾನು ಮತ್ತು ಭೂಮಿ ಒಬ್ಬರೊನ್ನೊಬ್ರು ನೋಡ್ತಾ ಹತ್ತಿರ ಸೇರ್ಬೇಕು ಅಂತ ಬಹಳ ಹಪಹಪಿಸ್ತಿದ್ದರೂ ಅದು ಸಾಧ್ಯವಾಗ್ದೇ ಯಾವ ರೀತಿ ಪರಸ್ಪರ ಭಾವನೆಗಳನ್ನು ವ್ಯಕ್ತಪಡಿಸ್ತಾರನ್ನೋದೇ ಚಿತ್ರದ ತಿರುಳಂತೆ. ಈಗಾಗಲೇ ಟ್ರೈಲರ್, ಹಾಡುಗಳಿಂದ ನಿರೀಕ್ಷೆಯನ್ನು ಹುಟ್ಟು ಹಾಕಿರೋ ಭಾನು ವೆಡ್ಸ್​ ಭೂಮಿಗೆ ಆಕ್ಷನ್ ಕಟ್ ಹೇಳಿರೋದು ಜಿ.ಕೆ ಆದಿ.

ಸೂರ್ಯಪ್ರಭ್​ ಚಿತ್ರಕ್ಕೆ ನಾಯಕರಾಗಿದ್ದು, ಅವರಿಗೆ ನಾಯಕಿಯಾಗಿ ರಿಷಿತಾ ಮಲ್ನಾಡ್​ ಅಭಿನಯಿಸಿದ್ದಾರೆ. ಶೋಭ್​ರಾಜ್​, ಗಿರೀಶ್, ವಿಜಿ ಪ್ರವೀಣ್, ಮಿಮಿಕ್ರಿ ರಾಜು ಮತ್ತಿತರರು ತಾರಾಗಣದಲ್ಲಿದ್ದು ರಂಗಾಯಣ ರಘುರವರು ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಪೂರ್ವಿ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಕಿಶೋರ್ ಶೆಟ್ಟಿ ಸಿನಿಮಾ ನಿರ್ಮಾಣ ಮಾಡಿದ್ದಾರೆ.

ಇನ್ನು ಈ ಸಿನಿಮಾ ಸಿಂಪಲ್ ಲವ್ ಮ್ಯಾರೇಜ್ ಸ್ಟೋರಿಯಾಗಿದ್ದು. ಅನೇಕ ತಿರುವುಗಳು ಸಿನಿಮಾದಲ್ಲಿ ಬರುತ್ತವೆ. ಆರಂಭದಿಂದ ಕೊನೆಯವರೆಗೂ ಖಂಡಿತಾ ನೋಡುಗರನ್ನು ಹಿಡಿದಿಟ್ಟುಕೊಳ್ಳುತ್ತದೆ ಅಂದಿದೆ ಚಿತ್ರತಂಡ. ಬೆಂಗಳೂರು, ಮೈಸೂರು,  ಶಿವಮೊಗ್ಗ, ಕಾರವಾರ ಮೊದಲಾದ ಕಡೆಗಳಲ್ಲಿ ಶೂಟಿಂಗ್ ಮಾಡಲಾಗಿದೆ.

ಚಿತ್ರ ಸೆನ್ಸಾರ್ ಅಂಗಳದಲ್ಲೂ ಗೆದ್ದು ಬಂದಿದ್ದು, ರಿಲೀಸ್​ಗೆ ರೆಡಿಯಾಗಿದೆ. ಇದೇ 26 ಅಂದರೆ ಜುಲೈ 26ರ ಶುಕ್ರವಾರ ಭಾನು-ಭೂಮಿ ಮದ್ವೆಗೆ ಡೇಟ್​ ಫಿಕ್ಸ್ ಆಗಿದೆ. ಅರ್ಥಾತ್ 26ರಂದು ಭಾನು ವೆಡ್ಸ್ ಭೂಮಿ ಸಿನಿಮಾ ರಿಲೀಸ್ ಆಗ್ತಿದೆ.

LEAVE A REPLY

Please enter your comment!
Please enter your name here