ಬೆಂಗಳೂರು : ಹೆಡ್ಲೈನ್ ನೋಡಿ.. ಏನ್ರೀ ಇದು ಟ್ರಾಫಿಕ್ ಜಾಮ್ ಅಂತೀರಿ, ಲಾಕ್ಡೌನ್ ಸಕ್ಸಸ್ ಅಂತೀರಿ… ಯಾವ್ದುನ್ನ ನಂಬ್ಬೇಕು, ಯಾವ್ದನ್ನು ಬಿಡ್ಬೇಕು ಅಂತ ಕೇಳ್ತಿದ್ದೀರಾ..? ಇದು ನಮ್ಮ ಬೆಂಗಳೂರು ಲಾಕ್ಡೌನ್ ರೀತಿ ರೀ…!
ಕೊರೋನಾ ಸೋಂಕು ನಿಯಂತ್ರಣಕ್ಕಾಗಿ ಜುಲೈ 15ರಿಂದ 7 ದಿನಗಳ ಲಾಕ್ಡೌನ್ ಅನ್ನು ಸರ್ಕಾರ ಘೋಷಿಸಿತ್ತು… ಅದು ಬರೀ ಸುದ್ದಿಗಾಗಿ ಮಾತ್ರ ಅನ್ನುವಂತಾಗಿದೆ…! ಲಾಕ್ಡೌನ್ಗೂ ತಮಗೂ ಯಾವ್ದೇ ಸಂಬಂಧವಿಲ್ಲ ಅಂತ ಒಂದಿಷ್ಟು ಜನ ಮಾತ್ರ ತಮ್ಮ ಪಾಡಿಗೆ ತಾವು ಆರಾಮಾಗಿ ಸುತ್ತಾಡ್ಕೊಂಡ್ ಇದ್ದಾರೆ.. ಇವತ್ತು 6ನೇ ದಿನದ ಲಾಕ್ಡೌನ್, ನಾಳೆ ಒಂದು ದಿನ ಬಾಕಿ ಇದೆ..! ಆರೂ ದಿನವೂ ಹೇಳಿಕೊಳ್ಳುವಂಥಾ ಮಟ್ಟಿಗೆ ಲಾಕ್ಡೌನ್ ಸಕ್ಸಸ್ ಆಗಿಲ್ಲ..! ಇವತ್ತಂತೂ ಯಾವಮಟ್ಟಿಗೆ ಸಕ್ಸಸ್ ಆಗಿದೆ ಅಂದ್ರೆ ಟ್ರಾಫಿಕ್ ಜಾಮ್ ಆಗುವಷ್ಟು..!
ಹೌದು 7 ದಿನದ ಲಾಕ್ಡೌನ್ ಮೊದಲ ದಿನದಿಂದಲೂ ಸಕ್ಸಸ್ ಆಗಿದ್ದು ಅಷ್ಟಕಷ್ಟೇ.. ಇನ್ನೊಂದೆಡೆ ಕೊರೋನಾ ನಿಯಂತ್ರಣಕ್ಕೆ ಸಿಗ್ತಿಲ್ಲ. ಲಾಕ್ಡೌನ್ನ 6ನೇ ದಿನವಾದ ಇಂದು ಅನೇಕ ವಾಹನಗಳು ರಸ್ತೆಗಿಳಿದಿವೆ. ಹೆಬ್ಬಾಳ ಸಿಗ್ನಲ್ನಲ್ಲಿ ವಾಹನಗಳು ಸಾಲುಗಟ್ಟಿ ನಿಂತಿವೆ! ಸಾಲು ಸಾಲು ಬೈಕು, ಕಾರು ನೋಡಿ ಪೊಲೀಸರೇ ಶಾಕ್ ಆಗಿದ್ದಾರೆ! ಪ್ರತಿ ವಾಹನ ತಪಾಸಣೆ ಮಾಡೋಕೆ ಆಗ್ದೆ ಕೈಕಟ್ಟಿ ನಿಲ್ಲೋ ಪರಿಸ್ಥಿತಿ ಪೊಲೀಸರದ್ದಾಗಿದೆ!
ಕಟ್ಟುನಿಟ್ಟಿನ ಲಾಕ್ಡೌನ್ ಜಾರಿಯಲ್ಲಿರುತ್ತೆ ಅಂತ ಸರ್ಕಾರ ಹೇಳಿತ್ತು.. ಇದೇನಾ ಕಟ್ಟುನಿಟ್ಟಿನ ಲಾಕ್ಡೌನ್?
