Sunday, May 29, 2022
Powertv Logo
Homeರಾಜ್ಯಮಹಿಳೆಯರ ಸುರಕ್ಷತೆಗಾಗಿ 'ಸುರಕ್ಷಾ' ಆ್ಯಪ್..!

ಮಹಿಳೆಯರ ಸುರಕ್ಷತೆಗಾಗಿ ‘ಸುರಕ್ಷಾ’ ಆ್ಯಪ್..!

ಬೆಂಗಳೂರು :  ತೆಲಂಗಾಣದಲ್ಲಿ ಪಶು ವೈದ್ಯೆ ಪ್ರಿಯಾಂಕ ರೆಡ್ಡಿ ‘ಹತ್ಯಾಚಾರ’ ಪ್ರಕರಣ ಇಡೀ ದೇಶವನ್ನು ಬೆಚ್ಚಿ ಬೀಳಿಸಿದೆ. ಇದರ ಬೆನ್ನಲ್ಲೇ ಬೆಂಗಳೂರು ಪೊಲೀಸರು ಮಹಿಳೆಯರ ಸುರಕ್ಷತೆ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆಯನ್ನಿಟ್ಟಿದ್ದಾರೆ. ಮಹಿಳೆಯರ ಸುರಕ್ಷತೆಗಾಗಿ `ಸುರಕ್ಷಾ ಆ್ಯಪ್​​’ ಅನ್ನು ಪರಿಚಯಿಸಲಾಗಿದೆ. ಪೊಲೀಸ್ ಕಮಿಷನರ್ ಭಾಸ್ಕರ್​ ಇಂದು ಈ ಆ್ಯಪನ್ನು ಬಿಡುಗಡೆ ಮಾಡಿದ್ದಾರೆ. 

`ಸುರಕ್ಷಾ ಆ್ಯಪ್​​’  ಮೂಲಕ  ಕೇವಲ7 ಸೆಕೆಂಡುಗಳಲ್ಲಿ  ಪೊಲೀಸರಿಗೆ ಮಾಹಿತಿ ರವಾನೆಯಾಗಲಿದ್ದು, ತಕ್ಷಣವೇ ಹೊಯ್ಸಳ ಪೊಲೀಸರು ಸ್ಥಳಕ್ಕೆ ಬರುತ್ತಾರೆ ಎಂದು ಭಾಸ್ಕರ್ ರಾವ್ ಹೇಳಿದ್ದಾರೆ.

ಮಹಿಳೆಯರ ರಕ್ಷಣೆಗೆ ಸುರಕ್ಷಾ ಆ್ಯಪ್ ಬಂದಿದ್ದು, ಪೊಲೀಸರಿಗೆ  ನೀವು ಜನರ ನಂಬಿಕೆ ಕಳೆದುಕೊಳ್ಳಬೇಡಿ. ಜನರಿಗೆ  ಪೊಲೀಸರು ಇದ್ದಾರೆಂಬ ಧೈರ್ಯವಿರಲಿ. ಕರೆ ಬಂದ ಬಳಿಕ ಅದರ ಕನ್ಗಿಫರ್ಮೇಷನ್ನಿಗೆ ಕಾಯ್ದು ಕೂರದೇ  ಯಾವುದೇ ತುರ್ತು ಕರೆ ಬಂದ ಕೂಡಲೇ ಅದಕ್ಕೆ ಸ್ಪಂದಿಸಿ ಎಂದಿದ್ದಾರೆ.

 ಅಷ್ಟೇ ಅಲ್ಲ ಪೊಲೀಸ್ ಇಲಾಖೆಯ ಪ್ರತಿಯೊಂದು ಸೇವೆಗಳೂ ಜನರಿಗೆ ಲಭ್ಯವಾಗಬೇಕು. ವಿಶೇಷವಾಗಿ ಮಹಿಳೆಯರ ಸುರಕ್ಷತೆ ವಿಚಾರವನ್ನು ಗಂಭೀರವಾಗಿ ತೆಗೆದುಕೊಳ್ಳಿ ಎಂದು ಖಡಕ್ ಸೂಚನೆ ನೀಡಿದ್ದಾರೆ. ಗಾರ್ಮೆಂಟ್, ಶಾಲೆ-ಕಾಲೇಜುಗಳು, ಐಟಿ ಕಂಪನಿಗಳ ಬಳಿಯಿಂದ ಯಾವುದೇ ಕರೆಗಳು ಬಂದರೆ ತಕ್ಷಣ ಸ್ಪಂದಿಸಬೇಕು. ವ್ಯಾಪ್ತಿ ನೋಡಿ ಕೆಲಸ ಮಾಡದೆ, ದೂರು ಬಂದಾಗ ನಮ್ಮ ವ್ಯಾಪ್ತಿಗೆ ಬರುವುದಿಲ್ಲ ಎಂದು ಕಾದು ಕೂರಬೇಡಿ. ಠಾಣೆಯಲ್ಲಿ ಅಧಿಕಾರಿಗಳಿಗಾಗಿ ಕಾಯದೇ ತಕ್ಷಣ ಕ್ರಮ ಕೈಗೊಂಡು ದೂರು ದಾಖಲಿಸಿ. ಸಂಬಂಧಪಟ್ಟ ಠಾಣೆಗೆ ಸಂದೇಶ ನೀಡಿ. ಬೇಜವಾಬ್ಧಾರಿ ತೋರಿದರೆ ನಿರ್ದಾಕ್ಷಿಣ್ಯವಾಗಿ ಕ್ರಮ ಜರುಗಿಸಲಾಗುವುದು ಎಂದು ಭಾಸ್ಕರ್ ರಾವ್ ಹೇಳಿದ್ದಾರೆ.

1 COMMENT

LEAVE A REPLY

Please enter your comment!
Please enter your name here

- Advertisment -

Most Popular

Recent Comments