ಶುಕ್ರವಾರ ಬಂತಂದ್ರೆ ಸಾಕು, ಸಿನಿರಸಿಕರಿಗೆ ಹಬ್ಬ. ಸಿನಿಮಾಗಳು ಥಿಯೇಟರ್ಗಳಿಗೆ ಲಗ್ಗೆ ಇಡೋ ದಿನ. ಹಾಗೆಯೇ ಈ ಶುಕ್ರವಾರ ಕೂಡ ಸ್ಯಾಂಡಲ್ವುಡ್ ಚಿತ್ರಪ್ರೇಮಿಗಳಿಗೆ ಸಿನಿ ರಸೌದೌತಣ ಸಿಗ್ತಿದೆ. ಕರುನಾಡ ಚಕ್ರವರ್ತಿ, ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಅಭಿನಯದ ‘ಆಯುಷ್ಮಾನ್ ಭವ’ ರಿಲೀಸ್ ಡೇಟ್ ಮತ್ತೆ ಮತ್ತೆ ಬದಲಾವಣೆ ಆಗಿ ಅಭಿಮಾನಿಗಳಿಗೆ ನಿರಾಶೆಯಾಗಿತ್ತು. ಈಗ ಸಿನಿಮಾ ರಿಲೀಸ್ ಆಗ್ತಿದೆ. 50ನೇ ವರ್ಷದ ಸಿನಿಜರ್ನಿಯ ಸಂಭ್ರಮದಲ್ಲಿರೋ ದ್ವಾರಕೀಶ್ ನಿರ್ಮಾಣದ ಸಿನಿಮಾಕ್ಕೆ ಪಿ ವಾಸು ಆ್ಯಕ್ಷನ್ ಕಟ್ ಹೇಳಿದ್ದಾರೆ. ರಚಿತಾರಾಮ್ ಶಿವಣ್ಣಗೆ ಜೋಡಿಯಾಗಿ ನಟಿಸಿದ್ದಾರೆ. ವಿಶೇಷ ಅಂದ್ರೆ ಇದು ಮ್ಯೂಸಿಕ್ ಡೈರೆಕ್ಟರ್ ಗುರುಕಿರಣ್ ಅವರ 100ನೇ ಚಿತ್ರ. ಮತ್ತೊಂದು ವಿಶೇಷವೆಂದ್ರೆ ಶಿವಣ್ಣ ಅಭಿನಯದ `ಜನುಮದ ಜೋಡಿ’ ರಿಲೀಸ್ ಆದ ದಿನವೇ ಈ ಸಿನಿಮಾ ಕೂಡ ರಿಲೀಸ್ ಆಗ್ತಿದೆ. ಹೀಗಾಗಿ ಸಾಕಷ್ಟು ಕಾರಣಗಳಿಂದ ಸಿನಿಮಾದ ಮೇಲೆ ನಿರೀಕ್ಷೆ ಹೆಚ್ಚಿದೆ.
ಇನ್ನು ಆಯುಷ್ಮಾನ್ ಭವ ಮಾತ್ರವಲ್ಲದೆ ಮಂಜು ಸ್ವರಾಜ್ ನಿರ್ದೇಶನದ `ಮನೆ ಮಾರಾಟಕ್ಕಿದೆ, ರಿಲ್ಯಾಕ್ಸ್ ಸತ್ಯ, `ನಮ್ ಗಣಿ ಬಿ ಕಾಮ್ ಪಾಸ್ ‘ ಮತ್ತು ‘ರಾಜ್ ಪಥ ‘ ಚಿತ್ರಗಳು ರಿಲೀಸ್ ಆಗುತ್ತಿವೆ.
