ಕ್ಯಾಪ್ಟನ್​ ಕೊಹ್ಲಿ ಆಟ ವ್ಯರ್ಥ, ಆಸೀಸ್​ಗೆ ಗೆಲುವು..!

0
26

ರಾಂಚಿ : ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ ಒಡಿಐ ಸರಣಿಯ ಮೊದಲ 2 ಪಂದ್ಯಗಳಲ್ಲಿ ಗೆದ್ದು ಬೀಗಿದ್ದ ಟೀಮ್​ಇಂಡಿಯಾ 3ನೇ ಪಂದ್ಯದಲ್ಲಿ ಮುಗ್ಗರಿಸಿದೆ.
ರಾಂಚಿಯಲ್ಲಿ ಇಂದು ನಡೆದ ಪಂದ್ಯದಲ್ಲಿ ಪ್ರವಾಸಿ ಆಸ್ಟ್ರೇಲಿಯಾ ನೀಡಿರುವ ಬೃಹತ್​ ಟಾರ್ಗೆಟ್​​ ಬೆನ್ನತ್ತುವಲ್ಲಿ ವೈಫಲ್ಯ ಅನುಭವಿಸಿದ ಟೀಮ್​ಇಂಡಿಯಾ 32 ರನ್​ಗಳ ಸೋಲುಂಡಿತು. ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ಮಾಡಿದ ಆಸ್ಟ್ರೇಲಿಯಾ ತಂಡ ಉಸ್ಮಾನ್​ ಖವಾಜಾರ ಶತಕ (104) ಹಾಗೂ ನಾಯಕ ಆ್ಯರೋನ್​ ಫಿಂಚ್ 93 ರನ್​ಗಳ ನೆರವಿನಿಂದ 50 ಓವರ್​ಗಳಲ್ಲಿ 313 ರನ್ ಗಳಿಸಿತು.
ಆಸೀಸ್​ ನೀಡಿದ ಸವಾಲಿನ ಟಾರ್ಗೆಟ್​​ ಬೆನ್ನತ್ತಿದ ಭಾರತ ಆರಂಭದಲ್ಲೇ ಎಡವಿತು. ಟೀಮ್​ಇಂಡಿಯಾ ಟಾಪ್​ ಆರ್ಡರ್​ ಬ್ಯಾಟ್ಸ್​​ಮನ್​ಗಳಾದ ರೋಹಿತ್​​ ಶರ್ಮಾ, ಶಿಖರ್​ ಧವನ್​, ಅಂಬಟಿ ರಾಯುಡು, ಎಮ್​ಎಸ್​​ ಧೋನಿ ವೈಫಲ್ಯ ಅನುಭವಿಸಿದ್ರು. ಇದರ ನಡುವೆಯೂ ನಾಯಕ ವಿರಾಟ್​​ ಕೊಹ್ಲಿ ಶತಕ (123) ಸಿಡಿಸಿ ಮಿಂಚಿದ್ರು. ಆದರೆ ಉಳಿದ ಬ್ಯಾಟ್ಸ್​​ಮನ್​ಗಳ ​ವೈಫಲ್ಯದ ಪರಿಣಾಮ ಟೀಮ್​ಇಂಡಿಯಾ ಸೋಲುಂಡಿತು. ಸೋಲಿನ ಹೊರತಾಗಿಯೂ 5 ಪಂದ್ಯಗಳ ಸರಣಿಯಲ್ಲಿ ಭಾರತ 2-1 ಅಂತರದಿಂದ ಮುನ್ನಡೆಯಲ್ಲಿದೆ.

LEAVE A REPLY

Please enter your comment!
Please enter your name here