Sunday, May 29, 2022
Powertv Logo
Homeದೇಶಲಾಕ್​ಡೌನ್​ ಮುಂದುವರಿಕೆಗೆ ಆರ್ಥಿಕ ತಜ್ಞರು, ಉದ್ಯಮಿಗಳ ಆಕ್ಷೇಪ! ಭಾರತದಲ್ಲಿ ಲಾಕ್​ಡೌನ್ ಮುಂದುವರಿದರೆ ಎದುರಾಗಲಿದೆ ಸಂಕಷ್ಟ :...

ಲಾಕ್​ಡೌನ್​ ಮುಂದುವರಿಕೆಗೆ ಆರ್ಥಿಕ ತಜ್ಞರು, ಉದ್ಯಮಿಗಳ ಆಕ್ಷೇಪ! ಭಾರತದಲ್ಲಿ ಲಾಕ್​ಡೌನ್ ಮುಂದುವರಿದರೆ ಎದುರಾಗಲಿದೆ ಸಂಕಷ್ಟ : ರಘುರಾಮ್ ರಾಜನ್

ನವದೆಹಲಿ: ಕೊರೋನಾ ಹರಡುವ ಭೀತಿಯಿಂದ ದೇಶದಾದ್ಯಂತ ಲಾಕ್​ಡೌನ್ ಘೋಷಣೆಯಾಗಿದೆ. ಭಾರತದ ಆರ್ಥಿಕತೆ ಬಗ್ಗೆ ಆತಂಕ ವ್ಯಕ್ತಪಡಿಸಿರುವ ಆರ್ಥಿಕ ತಜ್ಞರು ಇದೀಗ ಲಾಕ್​ಡೌನ್ ಮುಂದುವರಿಸದಂತೆ ಆಕ್ಷೇಪ ವ್ಯಕ್ತಪಡಿಸುತ್ತಿದ್ದಾರೆ. ಭಾರತದಲ್ಲಿ ಲಾಕ್​ಡೌನ್ ಮುಂದುವರಿದರೆ ಸಂಕಷ್ಟ ಎದುರಾಗಲಿದೆ ಎಂದು  ಆರ್​ಬಿಐನ ಮಾಜಿ ಗವರ್ನರ್ ರಘುರಾಮ್ ರಾಜನ್ ಹೇಳಿದ್ದಾರೆ.

ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಜೊತೆ ನಡೆಸಿದ ಸಂವಾದದಲ್ಲಿ ತಮ್ಮ ಅಭಿಮತ ವ್ಯಕ್ತಪಡಿಸಿದ ರಾಜನ್, ‘ನಮ್ಮ ದೇಶದಲ್ಲಿ ಕೊರೋನಾಗಿಂತ ಲಾಕ್​ಡೌನ್ ಆದೇಶವೇ ತುಂಬಾ ಅಪಾಯಕಾರಿಯಾಗಿದೆ. ಇನ್ನು ಲಾಕ್​ಡೌನ್ ಮುಂದುವರಿದರೆ ದೀರ್ಘಕಾಲದವರೆಗೆ ಜನರಿಗೆ ಆಹಾರ ಒದಗಿಸಲು ಭಾರತವು ಸಮರ್ಥವಾಗಿಲ್ಲ. ಹಾಗಾಗಿ ಲಾಕ್​ಡೌನ್​ ಅನ್ನು ಮುತುವರ್ಜಿಯಿಂದ ತೆರವುಗೊಳಿಸಬೇಕು‘ ಎಂದು ಹೇಳಿದ್ದಾರೆ.

ಈ ಮಹಾಮಾರಿ ಕೊರೋನಾವನ್ನು ಶೇ.100ರಷ್ಟು ತೊಡೆದು ಹಾಕುವುದು ಕಷ್ಟಕರವಾಗಿದೆ. ಹಾಗಾಗಿ ಭಾರತ ಸರ್ಕಾರ ದೇಶದಲ್ಲಿ ಒಳ್ಳೆಯ ಉದ್ಯೋಗ ಸೃಷ್ಟಿಗೆ ಯೋಜನೆ ರೂಪಿಸಬೇಕಾಗಿದೆ. ನಮ್ಮ ದೇಶದಲ್ಲಿ ಬಡವರ ರಕ್ಷಣೆಗೆ ಕೇಂದ್ರ ಸರ್ಕಾರ ತಕ್ಷಣ ಮುಂದಾಗಬೇಕಾಗಿದ್ದು, ತಳಮಟ್ಟದ ಬಡವರ ಅನುಕೂಲಕ್ಕೆ ಕನಿಷ್ಟ 65 ಸಾವಿರ ಕೋಟಿ ಕೊಡಬೇಕು. ಹಾಗಾಗಿ ಲಾಕ್​ಡೌನ್ ಮುಂದುವರಿಸಿದರೆ ದೇಶದ ಆರ್ಥಿಕತೆ ಮತ್ತಷ್ಟು ಹದಗೆಡಲಿದೆ. ಭಾರತ ಈಗಾಗಲೇ ಲಾಕ್​ಡೌನ್ ಮುಂದುವರಿಸಲು ಹೋಗಿ ಸೋತಿದೆ ಎಂದರು.

ಇನ್ನು ಈ ಬಗ್ಗೆ ಮಾತನಾಡಿದ ಇನ್ಫೋಸಿಸ್ ಸಂಸ್ಥಾಪಕ ನಾರಾಯಣ ಮೂರ್ತಿ, ‘ಕೊರೋನಾ ಸೋಂಕಿನಿಂದ ಸಾಯುವವರ ಸಂಖ್ಯೆಗಿಂತಲೂ ಲಾಕ್​ಡೌನ್​ನಿಂದ ಸಾವಿನ ಸಂಖ್ಯೆ ಹೆಚ್ಚಾಗಲಿದೆ‘ ಎಂದರು.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments