Sunday, May 29, 2022
Powertv Logo
Homeವಿದೇಶನಾಳೆ ಧೋನಿ ರೆಕಾರ್ಡ್ ಬ್ರೇಕ್ ಮಾಡ್ತಾರಾ ಕೊಹ್ಲಿ? ಒಂದಲ್ಲ ಎರಡಲ್ಲ ಮೂರು ದಾಖಲೆಗಳತ್ತ ವಿರಾಟ್ ಚಿತ್ತ...

ನಾಳೆ ಧೋನಿ ರೆಕಾರ್ಡ್ ಬ್ರೇಕ್ ಮಾಡ್ತಾರಾ ಕೊಹ್ಲಿ? ಒಂದಲ್ಲ ಎರಡಲ್ಲ ಮೂರು ದಾಖಲೆಗಳತ್ತ ವಿರಾಟ್ ಚಿತ್ತ ..!

ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ದಾಖಲೆಗಳ ಸರದಾರ… ರನ್​ಮಷಿನ್​ ಕೊಹ್ಲಿ ನಾಳೆ ನ್ಯೂಜಿಲೆಂಡ್ ವಿರುದ್ಧ ನಡೆಯಲಿರೋ 3ನೇ ಟಿ20 ಮ್ಯಾಚ್​ನಲ್ಲಿ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿಯ ರೆಕಾರ್ಡ್​ ಸೇರಿದಂತೆ ಮೂರು ದಾಖಲೆಗಳನ್ನು ಬ್ರೇಕ್ ಮಾಡುವ ಅವಕಾಶ ಹೊಂದಿದ್ದಾರೆ.
ಕೊಹ್ಲಿ 25ರನ್ ಮಾಡಿದ್ರೆ ಸಾಕು ಟಿ20 ಫಾರ್ಮೆಟ್​ನಲ್ಲಿ ಧೋನಿ ಮಾಡಿರೋ ದಾಖಲೆ ಮುರಿಯಲಿದ್ದಾರೆ. ಧೋನಿ ಕ್ಯಾಪ್ಟನ್ ಆಗಿ ಟಿ20ನಲ್ಲಿ 1,112ರನ್ ಮಾಡಿದ್ದು, ಅತೀ ಹೆಚ್ಚು ರನ್ ಸಿಡಿಸಿರುವ ನಾಯಕರ ಪಟ್ಟಿಯಲ್ಲಿ 3ನೇ ಸ್ಥಾನದಲ್ಲಿದ್ದಾರೆ. ಕೊಹ್ಲಿ 25ರನ್​ ಮಾಡಿದ್ರೆ ಧೋನಿಯನ್ನು ಹಿಂದಿಕ್ಕಿ 3ನೇ ಸ್ಥಾನಕ್ಕೇರಲಿದ್ದಾರೆ.
ಮೊದಲ ಸ್ಥಾನದಲ್ಲಿ ದಕ್ಷಿಣ ಆಫ್ರಿಕಾ ನಾಯಕ ಫಾಫ್​ ಡುಪ್ಲೆಸಿಸ್​ (1,273 ರನ್), ಎರಡನೇ ಸ್ಥಾನದಲ್ಲಿ ನ್ಯೂಜಿಲೆಂಡ್ ಕ್ಯಾಪ್ಟನ್ ಕೇನ್​​ ವಿಲಿಯಮ್ಸನ್​ (1,148) ಇದ್ದಾರೆ.

ನಂಬರ್ 1 ಪಟ್ಟ : ಕೊಹ್ಲಿ ಅರ್ಧಶತಕ ಸಿಡಿಸಿದರೆ 50+ ರನ್ ಮಾಡಿದ ನಾಯಕರ ಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೇರಲಿದ್ದಾರೆ. ಸದ್ಯ ಅವರು 8 ಅರ್ಧಶತಕ ಬಾರಿಸಿದ್ದು, ಫಾಫ್​ ಡುಪ್ಲೆಸಿಸ್ ಮತ್ತು ಕೇನ್ ವಿಲಿಯಮ್ಸನ್​ ಜೊತೆ ಮೊದಲ ಸ್ಥಾನ ಹಂಚಿಕೊಂಡಿದ್ದಾರೆ. ಇನ್ನೊಂದು ಅರ್ಧಶತಕ ಬಾರಿಸಿದ್ರೆ ಮೊದಲ ಸ್ಥಾನವನ್ನು ಒಬ್ಬರೇ ಅಲಂಕರಿಸುತ್ತಾರೆ.

ಸಿಕ್ಸರ್ ಕಿಂಗ್ : ಕೊಹ್ಲಿ 7 ಸಿಕ್ಸರ್ ಸಿಡಿಸಿದರೆ ಟಿ20ಯಲ್ಲಿ 50 ಸಿಕ್ಸರ್ ಬಾರಿಸಿದ ಎರಡನೇ ನಾಯಕ ಎಂಬ ಕೀರ್ತಿಗೆ ಪಾತ್ರರಾಗಲಿದ್ದಾರೆ. ಇಂಗ್ಲೆಂಡ್ ನಾಯಕ ಇಯಾನ್ ಮಾರ್ಗನ್ ಈ ಸಾಧನೆ ಮಾಡಿದ್ದಾರೆ.

1 COMMENT

LEAVE A REPLY

Please enter your comment!
Please enter your name here

- Advertisment -

Most Popular

Recent Comments