ಡಿಡಿಎಲ್ಆರ್ ಆಧಿಕಾರಿಯ ನಿವಾಸದ ಮೇಲೆ ಎಸಿಬಿ ದಾಳಿ

ಬಾಗಲಕೋಟೆ: ಭೂ ದಾಖಲೆಗಳ ಉಪನಿರ್ದೇಶಕ ಗೋಪಾಲ ಮಾಲಗತ್ತಿ ಅವರ ಸರ್ಕಾರಿ ಗೃಹ ನಿವಾಸದ ಮೇಲೆ ಎಸಿಬಿ ದಾಳಿ ನಡೆಸಿದ್ದಾರೆ. ಮೂಲತಃ ಕೊಪ್ಪಳ ನಗರ ನಿವಾಸಿಯಾದ ಬಾಗಲಕೋಟೆ ಡಿಡಿಎಲ್ಆರ್ ಗೋಪಾಲ್ ಮಾಲಗತ್ತಿ ಅವರ ಮೇಲೆ ಕೊಪ್ಪಳ ಎಸಿಬಿ ಕಚೇರಿಗೆ ಬಂದ ದೂರಿನ ಅನ್ವಯ ಅವರು ಕಾರ್ಯ ನಿರ್ವಹಿಸುತ್ತಿರುವ ಸ್ಥಳಗಳ ಮೇಲೆ ಎಸಿಬಿ ಅಧಿಕಾರಿಗಳು ಏಕಕಾಲಕ್ಕೆ ದಾಳಿ ಮಾಡಿ ದಾಖಲಾತಿಗಳ ಪರಿಶೀಲನೆ ನಡೆಸಿದ್ದಾರೆ. ಗೋಪಾಲ್ ಮಾಲಗತ್ತಿ ಅವರು ಬಾಗಲಕೋಟೆ ಜೊತೆಗೆ ವಿಜಯಪುರ ಇನ್​ಚಾರ್ಜ್ ಭೂ ದಾಖಲೆಗಳ ಉಪನಿರ್ದೇಶಕರಾಗಿ ಜವಾಬ್ದಾರಿ ವಹಿಸಿದ್ದರು. ವಿಜಯಪುರದ ಕಚೇರಿ ಹಾಗೂ ಕೊಪ್ಪಳದಲ್ಲಿರುವ ನಿವಾಸದ ಮೇಲೂ ಅಧಿಕಾರಿಗಳು ದಾಳಿ ನಡೆಸಿ ಮಾಹಿತಿ ಕಲೆ ಹಾಕುತ್ತಿದ್ದಾರೆ.