Home ಸಿನಿ ಪವರ್ 'ವಂದೇಮಾತರಂ' ದೃಶ್ಯ ಕಾವ್ಯ ಸಾರುವ ಪರಿಸರ ಕಾಳಜಿ..! ಏನಿದು ಕುಂದಾಪುರ ಯುವಜನತೆ ಹೊಸ ಪ್ರಯತ್ನ?

‘ವಂದೇಮಾತರಂ’ ದೃಶ್ಯ ಕಾವ್ಯ ಸಾರುವ ಪರಿಸರ ಕಾಳಜಿ..! ಏನಿದು ಕುಂದಾಪುರ ಯುವಜನತೆ ಹೊಸ ಪ್ರಯತ್ನ?

ಅಕ್ಟೋಬರ್ 2ರ (ನಾಳೆ) ವಿಶೇಷತೆ ಎಲ್ರಿಗೂ ಗೊತ್ತೇ ಇದೆ. ಗಾಂಧಿ ಜಯಂತಿ.., ಈ ದಿನ ದೇಶದೆಲ್ಲೆಡೆ ಸ್ವಚ್ಛ ಭಾರತ ಜಾಗೃತಿ ಅಭಿಯಾನ ನಡೆಯಲಿದೆ. ಅಂತೆಯೇ ಈ ಬಾರಿ ಪ್ಲಾಸ್ಟಿಕ್​ ವಿರುದ್ಧ ಇಡೀ ದೇಶ ಸಮರ ಸಾರುತ್ತಿದೆ. ಇದೇ ರೀತಿ ಪರಿಸರ ರಕ್ಷಣೆ ಸಂದೇಶ ಹಾಗೂ ಪ್ಲಾಸ್ಟಿಕ್ ಮಹಾಮಾರಿಯ ವಿರುದ್ಧ ಯುದ್ಧ ಸಾರಿ ಕುಂದಾಪುರ ಯುವಜನತೆ ‘ವಂದೇ ಮಾತರಂ’ ದೃಶ್ಯ ಕಾವ್ಯವನ್ನು ರಿಲೀಸ್ ಮಾಡಿದ್ದಾರೆ..!
ಹೌದು, ಲೈಫ್​ ಲೈಕ್​​ ಪ್ರೊಡಕ್ಷನ್​​ ಯು ಟ್ಯೂಬ್​​ ಚಾನಲ್​​ ‘ದಿ ಟೇಲ್​​ ಆಫ್​ ವಂದೇ ಮಾತರಂ’ ಎಂಬ ಹಾಡನ್ನು ಮಾಡಿದೆ. ಈ ಹಾಡಿನ ನಾಯಕಿ ಭೂಮಿ (ಶ್ರುತಿ ಜೈನ್) ವಿಲನ್​​ ಮಹಾಮಾರಿ ಪ್ಲಾಸ್ಟಿಕ್. ಭೂಮಿಯನ್ನು ಕಾಯುವ ದೈವ (ತುಳುನಾಡ ದೈವ ಪಾತ್ರದಲ್ಲಿ ಸತ್ಯಮಂಜು) ಭೂಮಿಯ ಜೊತಗಿನ ತನ್ನ ಸುಮಧುರ ನೆನಪುಗಳನ್ನು ಮೆಲುಕು ಹಾಕುವ ಕಥೆ ಇದು.
ಪ್ಲಾಸ್ಟಿಕ್​ ಊರೆಲ್ಲಾ ಹರಡಿ ಕಡಲನ್ನು ಸೇರಿದೆ… ಇನ್ನೂ ಸೇರುತ್ತಲೇ ಇದೆ.. ಕಡಲನ್ನು, ಭೂ ತಾಯಿಯನ್ನು ಕಲ್ಮಶಗೊಳಿಸುತ್ತಿದೆ. ಭೂಮಿ ತನ್ನ ಸೌಂದರ್ಯವನ್ನು ಕಳೆದುಕೊಂಡಿದ್ದಾಳೆ. ಭೂಮಿಯ ಹಿಂದಿನ ಚೆಲುವನ್ನು ದೈವ ಊರೆಲ್ಲಾ ಹುಡುಕುವುದೇ ಈ ಹಾಡಿನ ಜೀವಾಳ.
ವಿವಿಧ ವೃತ್ತಿಯಲ್ಲಿ ನಿರತರಾಗಿರುವ ಸ್ವಯಂ ಸೇವಕರು ಭರತ್ ಕುಂದರ್ ನೇತೃತ್ವದಲ್ಲಿ ಕ್ಲೀನ್ ಕುಂದಾಪುರ ಪ್ರಾಜೆಕ್ಟ್​ ಅನ್ನೋ ಜಲಾಂದೋಲನ ಆರಂಭಿಸಿದ್ದಾರೆ. ಈ ಮೂಲಕ ಸಮುದ್ರ ತಟವನ್ನು ಸ್ವಚ್ಛಗೊಳಿಸುವ, ಪ್ಲಾಸ್ಟಿಕ್ ಮುಕ್ತಗೊಳಿಸುವ ಮಹತ್ತರ ಕೆಲಸವನ್ನು ಮಾಡ್ತಿದ್ದಾರೆ. ಈ ತಂಡ ಲೈಫ್​ ಲೈಕ್​​ ಪ್ರೊಡಕ್ಷನ್​​ ಯು ಟ್ಯೂಬ್​​ ಚಾನಲ್​​ ಜೊತೆಗೂಡಿ ಹಾಡಿನ ಮೂಲಕ ಪರಿಸರ ರಕ್ಷಣೆಯ ಧ್ವನಿಯಾಗಿದ್ದಾರೆ.
ಇನ್ನು ಹಾಡಿನ ಪರಕಲ್ಪನೆ ಯತೀಶ್ ರೈ, ಡೇನಿಯಲ್​ ಮತ್ತು ಸುಹಿತ್ ಅವರದ್ದು. ಯತೀಶ್ ನಿರ್ದೇಶನ ಮತ್ತು ಸಿನಿಮಾಟೋಗ್ರಫಿ ಹೊಣೆಯನ್ನೂ ನಿಭಾಯಿಸಿದ್ದಾರೆ. ಸಿನಿಮಾಟೋಗ್ರಾಫಿಯಂತೂ ಬಹಳ ಅದ್ಭುತವಾಗಿದ್ದು, ಕಣ್ಮನ ಸೆಳೆಯುತ್ತಿದೆ. ಡೇನಿಯಲ್​ ಮತ್ತು ಸುಹಿತ್ ಮ್ಯೂಸಿಕ್ ನೀಡಿದ್ದಾರೆ. ಎಸ್​ಡಿಎಂ ಕಾಲೇಜಿನ ಉಪನ್ಯಾಸಕಿ ಶ್ರುತಿ ಜೈನ್​ ಭೂಮಿ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಸದ್ಯ ಯೂಟ್ಯೂಬ್​ನಲ್ಲಿ ಈ ಹಾಡು ಸಖತ್ ಸದ್ದು ಮಾಡ್ತಾ ಇದೆ.

LEAVE A REPLY

Please enter your comment!
Please enter your name here

- Advertisment -

Most Popular

ದೇಶದಲ್ಲಿ  24 ಗಂಟೆಗಳಲ್ಲಿ 48,648 ಕೊರೋನಾ ಕೇಸ್ ಪತ್ತೆ!

ನವದೆಹಲಿ : ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 48,648 ಮಂದಿಯಲ್ಲಿ ಕೊರೋನಾ ಸೋಂಕು ಪತ್ತೆಯಾಗಿದೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 80,88,851ಕ್ಕೆ ತಲುಪಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ...

 ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯ ಕಿಡ್ನಾಪ್​!

ಕೊಪ್ಪಳ : ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯನನ್ನು ಕಿಡ್ನಾಪ್ ಮಾಡಲಾಗಿದೆ. ಕಿಡ್ನಾಪ್​ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕೊಪ್ಪಳ ಜಿಲ್ಲೆಯ ಗಂಗಾವತಿಯಲ್ಲಿ ನವೆಂಬರ್ 2 ರಂದು ನಗರಸಭೆ ಚುನಾವಣೆ ನಡೆಯಲಿದ್ದು, ಗಂಗಾವತಿ ನಗರಸಭೆ ಕಾಂಗ್ರೆಸ್ ಸದಸ್ಯ...

ಅಲಹಬಾದ್​ ಹೈಕೋರ್ಟ್ ನಿಗಾದಲ್ಲಿ ಹತ್ರಾಸ್​ ಗ್ಯಾಂಗ್ ರೇಪ್​ ಕೇಸ್ ತನಿಖೆಗೆ ಸುಪ್ರೀಂ ಆದೇಶ

ನವದೆಹಲಿ : ಉತ್ತರ ಪ್ರದೇಶ ಹತ್ರಾಸ್​​​​ ಗ್ಯಾಂಗ್​ ರೇಪ್​​ ಪ್ರಕರಣದ ತನಿಖೆ ಅಲಹಬಾದ್​ ಹೈಕೋರ್ಟ್​ ನಿಗಾದಲ್ಲಿ ನಡೆಯಬೇಕೆಂದು ಸುಪ್ರೀಂ ಕೋರ್ಟ್​ ಆದೇಶಿಸಿದೆ. ಸದ್ಯ ಸಿಬಿಐ ಪ್ರಕರಣದ ತನಿಖೆಯನ್ನು ನಡೆಸುತ್ತಿದ್ದು, ತನಿಖಾ ತಂಡದಲ್ಲಿರುವ ಅಧಿಕಾರಿಗಳನ್ನು ರಾಜ್ಯದಿಂದ...

ಡಿ.ಬಾಸ್​​ಗಾಗಿ ಕನ್ನಡ ಕಲಿತ ಜಗಮಪತಿ ಬಾಬು..!

ಸಾಲ್ಟ್ ಅಂಡ್ ಪೆಪ್ಪರ್ ಲುಕ್​ನಲ್ಲಿ ಸೌತ್​ನಲ್ಲಿ ಸಂಚಲನ ಸೃಷ್ಠಿಸಿರೋ ಜಗಪತಿ ಬಾಬು, ಮತ್ತೊಂದು ನೂತನ ದಾಖಲೆ ಬರೆದಿದ್ದಾರೆ. ಅದೂ ಡಿ ಬಾಸ್ ದರ್ಶನ್​ಗಾಗಿ ಅನ್ನೋದು ವಿಶೇಷ. ಇಷ್ಟಕ್ಕೂ ಮೋಸ್ಡ್ ಡಿಮ್ಯಾಂಡಿಂಗ್ ಜಗಪತಿ ಬಾಬು...

Recent Comments