ರಿಯಾಲಿಟಿ ಶೋಗಳ ಮೂಲಕ ಜನಪ್ರಿಯತೆ ಗಳಿಸಿರೋ ಸುನಾಮಿ ಕಿಟ್ಟಿ ಬೆಳ್ಳಿ ತೆರೆಯ ಮೇಲೆ ಕಮಾಲ್ ಮಾಡೋಕೆ ಬರ್ತಿದ್ದಾರೆ. ಸದ್ಯ, ಸುನಾಮಿ ಕಿಟ್ಟಿಯ ಕೋರ ಟೀಸರ್ ರಿಲೀಸ್ ಆಗಿದ್ದು ಸೆನ್ಸೇಷನ್ ಕ್ರಿಯೇಟ್ ಮಾಡ್ತಿದೆ. ಜೊತೆಗೆ ಸ್ಯಾಂಡಲ್ವುಡ್ ಮಾರ್ಟಿನ್ ಕೂಡ ಟೀಸರ್ ಮೆಚ್ಚಿಕೊಂಡಿದ್ದು, ಚಿತ್ರಕ್ಕೆ ಪ್ಲಸ್ ಪಾಯಿಂಟ್ ಆಗಿದೆ. ಯೆಸ್.. ಕೋರ ಟೀಸರ್ ಸ್ಪೆಷಾಲಿಟಿಗಳ ಬಗ್ಗೆ ತಿಳಿಬೇಕಾ..? ಈ ಸ್ಟೋರಿ ಓದಿ.
- ಭಯಾನಕ ಕಥೆಗೆ ಮುನ್ನುಡಿ.. ಕೋರ ಟೀಸರ್ ಅಘೋರ..!
ಬಿಗ್ ಬಾಸ್ ಖ್ಯಾತಿಯ ಸುನಾಮಿ ಕಿಟ್ಟಿ ಎಲ್ಲರಿಗೂ ಚಿರಪರಿಚಿತ. ರಿಯಾಲಿಟಿ ಶೋ ಮೂಲಕ ಧಿಡೀರ್ ಖ್ಯಾತಿ ಗಳಿಸಿಕೊಂಡ ಕಿಟ್ಟಿ ವಿವಾದಗಳಿಂದಲೂ ಸುದ್ದಿಯಾದ್ರು. ಇದೆಲ್ಲದ್ರ ಹೊರತಾಗಿ ಕಿಟ್ಟಿ ತಮ್ಮದೇ ಫ್ಯಾನ್ಸ್ ಫಾಲ್ಲೊಯೊಂಗ್ ಹೊಂದಿದ್ದಾರೆ.ರಾ ಆಂಡ್ ರಗಡ್ ಲುಕ್ ಇರೋ ಕಿಟ್ಟಿ ಹೀರೋ ಆಗಿ ಹೊರ ಹೊಮ್ಮಿದ್ದಾರೆ. ಸದ್ಯ ರಿಲೀಸ್ ಆಗಿರೋ ಕೋರ ಚಿತ್ರದ ಟೀಸರ್ ಸಿಕ್ಕಾಪಟ್ಟೆ ಪ್ರಾಮಿಸಿಂಗ್ ಆಗಿದ್ದು ಧ್ರುವ ಸರ್ಜಾ ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಟೀಸರ್ ನೋಡಿದವ್ರಿಗೆ ಇದೊಂದು ಫುಲ್ ಆಫ್ ಆ್ಯಕ್ಷನ್ ಎಂಟರ್ಟೈನರ್ ಸಿನಿಮಾ ಅನಿಸಿದ್ರು, ಎದೆ ಝಲ್ಲೆನಿಸುವ ಅನೇಕ ಸನ್ನಿವೇಶಗಳಿವೆ. ಜೊತೆಗೆ ಮತ್ತೊಂದು ಕಾಡಿನ ಭಯಾನಕ ಕಥೆಯನ್ನು ಈ ಚಿತ್ರದಲ್ಲಿ ತೋರಿಸೋ ಪ್ರಯತ್ನ ಮಾಡಲಾಗಿದೆ. ಯ್ಯುಟ್ಯೂಬ್ನಲ್ಲಿ ಹೈಪ್ ಕ್ರಿಯೇಟ್ ಮಾಡಿರೋ ಕೋರ ಟೀಸರ್ನ ಧ್ರುವ ಸರ್ಜಾ, ಆನಂದ್ ಗುರೂಜಿ, ಫಿಲ್ಮ್ ಚೇಂಬರ್ ಅಧ್ಯಕ್ಷ ಭಾಮಾ ಹರೀಶ್ ಸೇರಿದಂತೆ ಅನೇಕ ಕಲಾವಿದ್ರ ಸಮ್ಮುಖದಲ್ಲಿ ರಿಲೀಸ್ ಮಾಡಲಾಯ್ತು.
ಟೀಸರ್ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ ಧ್ರುವ ಸರ್ಜಾ ಚಿತ್ರದಲ್ಲಿನ ಆ್ಯಕ್ಷನ್ ಸಿನ್ಸ್, ಬಿಜಿಎಮ್ ಬಗ್ಗೆ ಹೃದಯ ತುಂಬಿ ಮಾತನ್ನಾಡಿದ್ರು. ಒಟ್ಟಾರೆ ರಿಲೀಸ್ಗೂ ಮುನ್ನವೇ ಸುನಾಮಿಯಷ್ಟೇ ಸ್ಪೀಡ್ ಪಡೆದುಕೊಂಡಿದೆ ಕೋರ ಸಿನಿಮಾ.
ಇದ್ರ ಜತೆಗೆ ಕೋರ ಚಿತ್ರಕ್ಕೆ ಆನಂದ್ ಗುರೂಜಿಗಳ ಕೃಪಾಶೀರ್ವಾದ ಕೂಡ ಸಿಕ್ಕಿದ್ದು ಚಿತ್ರಕ್ಕೆ ಪ್ಲಸ್ ಆಗಿದೆ. ಚಿತ್ರಕ್ಕೆ, ಚಿತ್ರದ ಪಾತ್ರಧಾರಿಗಳಿಗೆ ಅಭಿನಂದನೆ ಸಲ್ಲಿಸಿದ ಗುರುಗಳು ಚಿತ್ರಕ್ಕೆ ಮನಸಾರೆ ಹಾರೈಸಿದ್ರು. ಒರಟ ಶ್ರೀ ನಿರ್ದೇಶನದಲ್ಲಿ ಮೂಡಿ ಬಂದಿರೋ ಈ ಚಿತ್ರಕ್ಕೆ ಪಿ ಮೂರ್ತಿ ಬಂಡವಾಳ ಹೂಡಿದ್ದಾರೆ. ಸೆಲ್ವಮ್ ಕ್ಯಾಮೆರಾ ಕೈಚಳಕ ಚಿತ್ರಕ್ಕೆ ಪ್ಲಸ್ ಆಗಿದೆ. ಒಟ್ಟಾರೆ ಕೋರ ಚಿತ್ರಕ್ಕೆ ಆಲ್ ದಿ ಬೆಸ್ಟ್ ಹೇಳೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
