ದೊಡ್ಮನೆಯ ಮತ್ತೊಂದು ಕುಡಿ ಧೀರೇನ್ ರಾಮ್ಕುಮಾರ್ ಶಿವ 143 ಚಿತ್ರದ ಮೂಲಕ ಗ್ರ್ಯಾಂಡ್ ಎಂಟ್ರಿ ಕೊಡ್ತಿದ್ದಾರೆ. ಚೊಚ್ಚಲ ಚಿತ್ರದ ಟ್ರೈಲರ್ ರಿಲೀಸ್ ಆಗಿದ್ದು, ಫಸ್ಟ್ ಕ್ಲಾಸ್ ಅಭಿನಯದ ಮೂಲಕ ಹೊಸ ಭರವಸೆ ಮೂಡಿಸಿದ್ದಾರೆ. ಅಂತೂ ಪದಾರ್ಪಣೆ ಸಿನಿಮಾದಲ್ಲೇ ಪ್ರೇಕ್ಷಕರ ದಿಲ್ ಗೆಲ್ಲೋ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಭವಿಷ್ಯದ ನಾಯಕನಾಗಿ ಕಾಣಿಸಿದ್ದಾರೆ. ಯೆಸ್. ಧೀರೇನ್ ಉಗ್ರವತಾರ ಹೇಗಿದೆ ನೋಡ್ಬೇಕಾ..? ಹಾಗಾದರೆ ಈ ಸ್ಟೋರಿ ಓದಿ.
- ಶಿವನ ಉಗ್ರಾವತಾರ ನೋಡಲು ಕೌಂಟ್ಡೌನ್ ಸ್ಟಾರ್ಟ್
ಕನ್ನಡ ಚಿತ್ರರಂಗಕ್ಕೆ ದೊಡ್ಮನೆಯ ಕೊಡುಗೆ ಅಪಾರವಾದುದು. ಇಲ್ಲಿಂದ ಅರಳಿದ ಪ್ರತಿ ಕುಡಿಯೂ ಕೂಡ ಕಡಲ ತಡಿಯ ಮುತ್ತು ರತ್ನಗಳು. ಕಲೆ ಎಂಬುದು ರಕ್ತದಿಂದಲೇ ಬಂದಂತೆ ಆ್ಯಕ್ಟಿಂಗ್, ಡ್ಯಾನ್ಸಿಂಗ್, ಆ್ಯಕ್ಷನ್ ಎಲ್ಲಾ ವಿಭಾಗದಲ್ಲೂ ಎಲ್ಲರೂ ಸೈ ಎನಿಸಿಕೊಂಡವರು. ಅಪ್ಪು, ಶಿವಣ್ಣ, ರಾಘಣ್ಣ, ವಿನಯ್ಕುಮಾರ್ ನಂತ್ರ ಡಾ. ರಾಜ್ ಕುಟುಂಬದಿಂದ ಇದೀಗ ಮತ್ತೊಬ್ಬ ನಟ ಹೊರಹೊಮ್ಮಿದ್ದಾರೆ. ಯೆಸ್. ರಾಮ್ಕುಮಾರ್ ಅವ್ರ ಪುತ್ರ ಧೀರೆನ್ ರಾಮ್ಕುಮಾರ್ ಶಿವ 143 ಚಿತ್ರದ ಮೂಲಕ ಘರ್ಜಿಸಲಿದ್ದಾರೆ. ಈಗಾಗ್ಲೇ ಚಿತ್ರದ ಟ್ರೈಲರ್ ರಿಲೀಸ್ ಆಗಿದ್ದು, ಫ್ಯಾನ್ಸ್ ಕೂಡ ಫಿದಾ ಆಗಿದ್ದಾರೆ.
ಹುಲಿ ಹೊಟ್ಟೇಲಿ ಹುಲಿನೇ ಹುಟ್ಟೋದು ಎಂಬ ಗಾದೆ ಮಾತಿದೆ. ಈ ಮಾತು ನಟ ಧೀರೆನ್ ವಿಚಾರದಲ್ಲೂ ಅಕ್ಷರಶಃ ಸತ್ಯ ಎಂಬಂತಿದೆ. ಚೊಚ್ಚಲ ಚಿತ್ರದಲ್ಲಿ ತಮ್ಮ ನಟನೆಯ ಮೂಲಕ ತಮ್ಮ ಸಾಮರ್ಥ್ಯವನ್ನು ಪ್ರೂವ್ ಮಾಡಿದ್ದಾರೆ. ಲೇಟ್ ಆದ್ರೂ ಲೆಟೆಸ್ಟ್ ಆಗಿ ಶಿವನ ಉಗ್ರಾವತಾರ ನೋಡೋ ಅದೃಷ್ಟ ಅಭಿಮಾನಿಗಳಿಗೆ ಒಲಿದು ಬಂದಿದೆ. ಅಂತಿಮವಾಗಿ ಸಿನಿಮಾ ರಿಲೀಸ್ ಡೇಟ್ ಅನೌನ್ಸ್ ಮಾಡಿದ್ದು ಆಗಸ್ಟ್ 26ಕ್ಕೆ ಶಿವನ ಅಬ್ಬರ ಜೋರಾಗಿರಲಿದೆ.
- ಶಿವಣ್ಣನ ಮೆಚ್ಚುಗೆಯಲ್ಲಿ ಧೀರೇನ್ ರಗಡ್ ಮಾಸ್ ಎಂಟ್ರಿ..!
- RX100 ಗೆ ಸೆಡ್ಡು ಹೊಡೆಯಲಿದೆ ಶಿವ 143 ಮೇಕಿಂಗ್ ಸ್ಟೈಲ್
ಧೀರೇನ್ ರಾಮ್ಕುಮಾರ್ ಅವ್ರ ಚೊಚ್ಚಲ ಸಿನಿಮಾ ಶಿವ 143 ಆ್ಯಕ್ಷನ್ ಕಮ್ ರೊಮ್ಯಾಂಟಿಕ್ ಡ್ರಾಮಾ ಕಥೆಯಾಗಿದ್ದು ಜಯಣ್ಣ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗ್ತಿದೆ. ನಟಿ ಮಾನ್ವಿತಾ ಗ್ಲಾಮರಸ್ ರೋಲ್ನಲ್ಲಿ ಕಾಣಿಸಿಕೊಂಡಿದ್ದು, ಟ್ರೈಲರ್ನಲ್ಲಿನ ಸಣ್ಣ ಪುಟ್ಟು ಹಸಿಬಿಸಿ ಸೀನ್ಗಳು ಚಿತ್ರ ಟೆಂಪರೇಚರ್ ಹೆಚ್ಚಿಸಿವೆ. ಇದ್ರ ಜತೆಯಲ್ಲಿ ಜಬರ್ದಸ್ತ್ ಆ್ಯಕ್ಷನ್ಗೆ ಧೀರೇನ್ ಮಸ್ತ್ ಫೈಟ್ ಮಾಡಿದ್ದು ಸಿನಿಮಾದಲ್ಲಿ ಪ್ರೀತಿ, ಎಮೋಷನ್ ನಡುವೆ ಖಡಕ್ ಫೈಟ್ ಸೀನ್ಗಳು ಇರಲಿವೆ.
ಚಿತ್ರದ ಟ್ರೈಲರ್ ರಿಲೀಸ್ ಬಗ್ಗೆ ಮಾತನಾಡಿದ್ದ ಸೆಂಚುರಿ ಸ್ಟಾರ್ ಶಿವಣ್ಣ ಧೀರೇನ್ ಬಗ್ಗೆ ಪಾಸಿಟಿವ್ ಮಾತನ್ನಾಡಿದ್ರು. ನಾನು ಲೈವಾಗಿ ಇವನ ಆ್ಯಕ್ಟಿಂಗ್ ನೋಡಿದಿನಿ. ತುಂಬಾ ಚೆನ್ನಾಗಿ ಅಭಿನಯಿಸಿದ್ದಾನೆ. ಚಿತ್ರದಲ್ಲಿ ಅಂಡರ್ಕರೆಂಟ್ ಎಮೋಷನ್ ಕೂಡ ಇದೆ. ಅರ್ಜುನ್ ಜನ್ಯಾ ಮ್ಯೂಸಿಕ್, ರವಿವರ್ಮಾ ಆ್ಯಕ್ಷನ್ ಬಗ್ಗೆ ಹೊಗಳಿದ್ದರು. ಒಟ್ಟಾರೆ, ಚಿತ್ರದ ಟ್ರೈಲರ್ ಅದ್ಭುತವಾಗಿದೆ. ಆಲ್ ದಿ ಬೆಸ್ಟ್ ಎಂದು ಶುಭ ಹಾರೈಸಿದ್ದರು.
ಜಯಣ್ಣ, ಭೋಗೇಂದ್ರ, ಡಾ.ಸೂರಿ ಸಾರಥ್ಯದಲ್ಲಿ ನಿರ್ಮಾಣವಾಗ್ತಿರೋ ಶಿವ 143 ಚಿತ್ರದ ಬಗ್ಗೆ ಸಿಕ್ಕಾಪಟ್ಟೆ ಕುತೂಹಲವಿದೆ. ಸಿನಿಮಾ ಆರ್ ಎಕ್ಸ್ 100 ಸಿನಿಮಾ ಹೋಲುವಂತಿದೆ ಎಂಬ ಕಮೆಂಟ್ಸ್ಗಳು ಹರಿದು ಬರ್ತಿವೆ. ಆದ್ರೆ, ಶಿವನ ಪ್ಯಾರ್ ಕಹಾನಿ ಬೇರೆ ಫ್ಲೇವರ್ನಲ್ಲಿರಲಿದೆಯಂತೆ. ಚಿತ್ರದಲ್ಲಿ ಸಾಧುಕೋಕಿಲ, ಚಿಕ್ಕಣ್ಣ, ಚರಣ್ ರಾಜ್ ಸೇರಿದಂತೆ ಕಲಾವಿದರ ದಂಡೇ ಇದೆ. ಶಿವ 143 ಚಿತ್ರಕ್ಕೆ ಅನಿಲ್ ಕುಮಾರ್ ಆ್ಯಕ್ಷನ್ ಕಟ್ ಹೇಳ್ತಿದ್ದು, ದೊಡ್ಮನೆ ಬಳಗದಿಂದ ನಾಯಕನಾಗಿ ಮಿಂಚಲಿರುವ ಧೀರೇನ್ಗೆ ಅಭಿಮಾನಿಗಳು ಶುಭ ಹಾರೈಸ್ತಿದ್ದಾರೆ. ಎನಿವೇ ಧೀರೇನ್ ಅಬ್ಬರಕ್ಕೆ ಪ್ರೇಕ್ಷಕ ಏನಂತಾನೆ ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
