ವಿಜಯಪುರ : ಹೊಸ ವರ್ಷ ಮತ್ತು ವಿಕೇಂಡ್ ಹಿನ್ನಲೆ ಪ್ರಯುಕ್ತ ವಿಶ್ವ ವಿಖ್ಯಾತ ಗೋಳಗುಮ್ಮಟ ವೀಕ್ಷಣೆಗೆ ಹೆಚ್ಚಾದ ಪ್ರವಾಸಿಗರು.
ಹೊಸ ವರ್ಷಾಚರಣೆಗೆ ಜನರು ಯಾವುದಾದರೂ ಪ್ರವಾಸಿ ತಾಣಕ್ಕೇ ಭೇಟಿ ಕೊಟ್ಟು ವರ್ಷದ ಮೊದಲ ದಿನವನ್ನು ಖುಷಿಯಿಂದ ಬರಮಾಡಿಕೊಳ್ಳಬೇಕೆಂದು ಸಾಕಷ್ಟು ಯೋಜನೆಯನ್ನು ಮಾಡಿರುತ್ತಾರೆ. ಆದರೆ ದುರಾದೃಷ್ಟವಶಾತ್ ಒಮೈಕ್ರಾನ್ ಭೀತಿ ಹಿನ್ನಲೆ ಸರ್ಕಾರವು ನೈಟ್ ಕರ್ಫ್ಯೂವನ್ನು ಜಾರಿಗೆ ತಂದಿತು .
ಇದರ ಮಧ್ಯೆಯು ವಿಜಯಪುರದ ಗೋಳಗುಮ್ಮಟ ವೀಕ್ಷಣೆಗೆ ಪ್ರವಾಸಿಗರ ದಂಡು ಆಗಮಿಸಿದೆ. ಮಹಾರಾಷ್ಟ್ರ ಸೇರಿದಂತೆ ವಿವಿಧ ಜಿಲ್ಲೆಗಳಿಂದ ಸಾವಿರಾರು ಸಂಖ್ಯೆಯ ಪ್ರವಾಸಿಗರು ಆಗಮಿಸಿ ಗೋಳಗುಮ್ಮಟವನ್ನು ನೆಚ್ಚಿನ ಕುಟುಂಬದ ಜೊತೆ ನೋಡಿ ಕಣ್ತುಂಬಿಕೊಳ್ಳುತ್ತಿದ್ದಾರೆ . ಇಷ್ಟು ದಿವಸ ಕೋವಿಡ್ ಮತ್ತು ಒಮೈಕ್ರಾನ್ ಹಿನ್ನಲೇ ಪ್ರವಾಸಿಗರಿಲ್ಲದೆ ಖಾಲಿ ಖಾಲಿಯಾಗಿದ್ದ ಗೋಳಗುಮ್ಮಟದ ಆವರಣದಲ್ಲಿಂದು ಪ್ರವಾಸಿಗರ ಆಗಮನವಾಗಿದ್ದರಿಂದ, ವ್ಯಾಪಾರಿಗಳು ಸಂತಸಗೊಂಡಿದ್ದಾರೆ. ಹಾಗೂ ಗೋಳಗುಮ್ಮಟದ ಸಿಬ್ಬಂದಿಗಳು ಮಾಸ್ಕ್ ಇದ್ದವರಿಗೆ ಮಾತ್ರ ಗೋಳಗುಮ್ಮಟ ಆವರಣಕ್ಕೆ ಪ್ರವೇಶ ನೀಡುತ್ತಿದ್ದಾರೆ.
