ನ್ಯೂಯಾರ್ಕ್ : ಹ್ಯಾಟ್ರಿಕ್ ಹೀರೋ ಶಿವಣ್ಣ ಕ್ಯಾನ್ಸರ್ನಂಥ ಮಾರಕ ಕಾಯಿಲೆಯಿಂದ ಗುಣಮುಖರಾಗಿದ್ದಾರೆ. ಇದರ ಕುರಿತು ವಿಡಿಯೋ ಹಂಚಿಕೊಂಡಿರುವ ಶಿವಣ್ಣ. ತಮ್ಮ ಅಭಿಮಾನಿಗಳಿಗೆ ಕೃತಜ್ಞತೆ ಅರ್ಪಿಸಿ. ಹೊಸ ವರ್ಷದ ಶುಭಾಶಯವನ್ನು ಕೋರಿದ್ದಾರೆ.
ಹೌದು ಕಳೆದ ಎರಡು ವಾರಗಳ ಹಿಂದೆ ಚಿಕಿತ್ಸೆಗೆ ಎಂದು ಅಮೇರಿಕಾದ ಮಿಯಾಮಿಗೆ ಹೋಗಿದ್ದ ಶಿವರಾಜ್ ಕುಮಾರ್. ಡಿಸೆಂಬರ್ 24ರಂದು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಶಸ್ತ್ರಚಿಕಿತ್ಸೆ ಸಫಲವಾಗಿದೆ ಎಂದು ಮಾಹಿತಿಯೂ ಕೂಡ ಬಂದಿತ್ತು. ಆದರೆ ಶಿವಣ್ಣರ ಅಭಿಮಾನಿಗಳಿಗೆ ಅವರನ್ನು ನೋಡುವ ಸೌಭಾಗ್ಯ ದೊರೆತಿರಲಿಲ್ಲ.
ಇದನ್ನೂ ಓದಿ :ಹೊಸವರ್ಷದ ಪಾರ್ಟಿ ಮುಗಿಸಿ ಹಿಂತಿರುಗುವ ವೇಳೆ ಅಪಘಾತ : ಇಬ್ಬರ ದುರ್ಮರಣ !
ಆದರೆ ಇದರ ಕುರಿತು ಇಂದು ಶಿವರಾಜ್ಕುಮಾರ್ ತಮ್ಮ ಎಕ್ಷ್ ಖಾತೆಯಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದು. ಇದರಲ್ಲಿ ಮಾತನಾಡಿರುವ ಶಿವಣ್ಣ ಮತ್ತು ಅವರ ಪತ್ನಿ ಗೀತಾ ಶಿವರಾಜ್ಕುಮಾರ್ ಎಲ್ಲರಿಗೂ ಹೊಸ ವರ್ಷದ ಶುಭಾಶಯವನ್ನು ಕೋರಿದ್ದಾರೆ.
ಕ್ಯಾನ್ಸರ್ನಿಂದ ಫ್ರೀ ಆದ ಶಿವಣ್ಣ !
ಹೌದು ಇದರ ಬಗ್ಗೆ ಮಾತನಾಡಿದರು ಗೀತಾ ಶಿವರಾಜ್ ಕುಮಾರ್ ‘ ಶಿವಣ್ಣನಿಗೆ ಶಸ್ತ್ರ ಚಿಕಿತ್ಸೆ ನಂತರ ಮಾಡಿರುವ ಎಲ್ಲಾ ಪರೀಕ್ಷೆಗಳು ರಿಪೋಟ್ ನೆಗೆಟಿವ್ ಬಂದಿದ್ದು. ಇದೀಗ ಶಿವಣ್ಣ ಕ್ಯಾನ್ಸರ್ ಎಂಬ ಮಾರಕ ಖಾಯಿಲೆಯಿಂದ ಗುಣಮುಖರಾಗಿದ್ದಾರೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ : 308 ಕೋಟಿ ಮೌಲ್ಯದ ಮಧ್ಯ ಮಾರಾಟ : 513 ಡ್ರಿಂಕ್ ಆ್ಯಂಡ್ ಡ್ರೈವ್ ಕೇಸ್ ದಾಖಲು !
ಶಿವಣ್ಣ ಇದರ ಕುರಿತು ಮಾತನಾಡಿದ್ದು ನನಗಾಗಿ ಪ್ರಾರ್ಥಿಸಿದ ಎಲ್ಲಾ ಅಭಿಮಾನಿಗಳಿಗು ಧನ್ಯವಾದವನ್ನು ಅರ್ಪಿಸಿದ್ದು. ತಮಗೆ ಚಿಕಿತ್ಸೆ ನೀಡಿದ ವೈದ್ಯರಿಗೆ ಧನ್ಯವಾದಗಳನ್ನು ಅರ್ಪಿಸಿದ್ದಾರೆ. ಜೊತೆಗೆ ಅವರು ಕ್ಯಾನ್ಸರ್ ಟೈಮ್ನಲ್ಲಿ ಕಿಮೋ ಥೆರಪಿ ಸಮಯದಲ್ಲಿ ತಾವು ಅನುಭವಿಸಿದ ಕಷ್ಟಗಳನ್ನು ವಿವರಿಸಿದ್ದಾರೆ.
ಮಾರ್ಚ್ ಒಳಗೆ ಪೂರ್ಣಪ್ರಮಾಣದಲ್ಲಿ ಗುಣಮುಖರಾಗಲಿದ್ದು. ಮೊದಲಿನಂತೆ ಚಿತ್ರೀಕರಣದಲ್ಲಿ ಭಾಗಿಯಾಗುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ
