ವಿರಾಟ ರೂಪ.. ಬಾಂಗ್ಲಾ ವಿರುದ್ಧ ಭಾರತಕ್ಕೆ ದಿಗ್ವಿಜಯ

ಬೆಂಗಳೂರು : ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ಭಾರತ 7 ವಿಕೆಟ್​ಗಳ ಅಮೋಘ ಗೆಲುವು ದಾಖಲಿಸಿದೆ.

ಬಾಂಗ್ಲಾದೇಶ ನೀಡಿದ್ದ 257 ರನ್​ಗಳ ಸವಾಲಿನ ಗುರಿ ಬೆನ್ನಟ್ಟಿದ ಭಾರತ 41.3 ಓವರ್​ಗಳಲ್ಲಿ 3 ವಿಕೆಟ್ ಕಳೆದುಕೊಂಡು ಗೆಲುವಿನ ನಗೆ ಬೀರಿತು. ಈ ಮೂಲಕ ವಿಶ್ವಕಪ್ 2023 ಟೂರ್ನಿಯಲ್ಲಿ ಸತತ ನಾಲ್ಕನೇ ಜಯ ದಾಖಲಿಸಿ ಅಂಕಪಟ್ಟಿಯಲ್ಲಿಎರಡನೇ ಸ್ಥಾನ ಅಲಂಕರಿಸಿದೆ.

ಭಾರತದ ಪರ ರನ್ ಮೆಷಿನ್ ವಿರಾಟ್ ಕೊಹ್ಲಿ ಬೊಂಬಾಟ್ ಶತಕ (ಅಜೇಯ 103) ಸಿಡಿಸಿ ಮಿಂಚಿದರು. ಆರಂಭಿಕ ಬ್ಯಾಟರ್ ಶುಭ್​ಮನ್ ಗಿಲ್ 53, ರೋಹಿತ್ ಶರ್ಮಾ 48, ಶ್ರೇಯಸ್ ಅಯ್ಯರ್ 19 ಹಾಗೂ ಕನ್ನಡಿಗ ಕೆ.ಎಲ್ ರಾಹುಲ್ ಅಜೇಯ 34 ರನ್​ ಸಿಡಿಸಿದರು. ಬಾಂಗ್ಲಾ ಪರ ಮೆಹಿದಿ ಹಸನ್ ಮಿರಾಜ್ 2 ಹಾಗೂ ನಸುಮ್ ಅಹ್ಮದ್ 1 ವಿಕೆಟ್ ಪಡೆದರು.

ಇನ್ನೂ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾದೇಶ ನಿಗದಿತ 50 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 256 ರನ್​ ಗಳಿಸಿತು. ಲಿಟ್ಟನ್ ದಾಸ್ 66, ತಂಝೀದ್ ಹಸನ್ 51, ಮಹಮ್ಮದುಲ್ಲಾ 46 ಹಾಗೂ ಮುಶ್ಫಿಕರ್ ರಹೀಮ್ 38 ರನ್ ಗಳಿಸಿದರು. ಭಾರತದ ಪರ ಜಡೇಜಾ 2, ಸಿರಾಜ್ 2, ಬುಮ್ರಾ2 ಹಾಗೂ ಶಾರ್ದೂಲ್ ಠಾಕೂರ್ ಹಾಗೂ ಕುಲದೀಪ್ ಸಿಂಗ್ ತಲಾ ಒಂದು ವಿಕೆಟ್ ಪಡೆದರು.

For his scintillating unbeaten century in the chase, Virat Kohli receives the Player of the Match award ?#TeamIndia continue their winning run in #CWC23 after a 7-wicket win over Bangladesh ??

Scorecard ▶️ https://t.co/GpxgVtP2fb#INDvBAN | #MenInBlue pic.twitter.com/7AypN7QNhK

— BCCI (@BCCI) October 19, 2023