ಬೆಂಗಳೂರು : ಕಾಂಗ್ರೆಸ್ ಗ್ಯಾರಂಟಿಯಲ್ಲೊಂದು ಆದ ಫ್ರೀ ಬಸ್ ಪ್ರಯಾಣ ರಾಜ್ಯದಲ್ಲೆಡೆ ಸದ್ದು ಮಾಡುತ್ತಿದ್ದು, ಇದರ ಬಿಸಿ ಐಷಾರಾಮಿ ಬಸ್ ಹಾಗೂ ಟ್ರೈನ್ ಮೇಲೆ ತಟ್ಟುತ್ತಿದೆ.
ಹೌದು, ರಾಜ್ಯಸರ್ಕಾರ ಫ್ರೀ ಉಚಿತ ಪ್ರಯಾಣ ಘೋಷಿಸಿದಂತೆ ಮಹಿಳೆಯರು ಐಷಾರಾಮಿ ಬಸ್ ಹಾಗೂ ಟ್ರೈನ್ ಬಿಟ್ಟು BMTC ಹಾಗೂ KSRTC ಬಸ್ನಲ್ಲಿ ಪ್ರಯಾಣಿಸಲು ಶುರು ಮಾಡಿರುವುದರಿಮದ ಮಹಿಳೆಯ ಸಂಖ್ಯೆ ಕಡಿಮೆಯಾಗಿದೆ.
ರೈಲಿನಲ್ಲಿ ಮಹಿಳೆಯರ ಸಂಖ್ಯೆ ಕಡಿಮೆ
ಮೈಸೂರು-ಬೆಂಗಳೂರು ರೈಲುಗಳು, ಹಾಸನ ಮತ್ತು ಚಾಮರಾಜನಗರ ರೈಲುಗಳಲ್ಲಿ ಸಹ ಮಹಿಳಾ ಪ್ರಯಾಣಿಕರ ಸಂಖ್ಯೆ ಕಡಿಮೆಯಾಗಿದ್ದು, ಉಚಿತ ಬಸ್ ಪ್ರಯಾಣದ ಎಫೆಕ್ಟ್ನಿಂದ ಮಹಿಳೆಯರ ಸಂಖ್ಯೆ ಕಡಿಮೆಯಾಗಿದೆ.
ಹೆಚ್ಚಿನ ಸಂಖ್ಯೆಯ ಮಹಿಳೆಯರು ಸಾಮಾನ್ಯ ಕೆಎಸ್‌ಆರ್‌ಟಿಸಿ ಬಸ್‌ಗಳತ್ತ ಮುಖ ಮಾಡುವುದರಿಂದ, ಹೆಚ್ಚಿನ ಶಕ್ತಿ ಯೋಜನೆಯನ್ನು ಮಾಡುವುದರಿಂದ, ಐಷಾರಾಮಿ ಬಸ್ ಸೇವೆಗಳಿಗೆ ಹೆಚ್ಚಾಗಿ ಹೊಡೆತ ಬಿದ್ದಿದೆ.
ಐರಾವತ, ಅಂಬಾರಿ ಮತ್ತು ಎಲೆಕ್ಟ್ರಿಕ್ ಬಸ್‌ಗಳು ಮತ್ತು ರಾಜಹಂಸ ಎಕ್ಸಿಕ್ಯೂಟಿವ್ ಕ್ಲಾಸ್ ಬಸ್‌ಗಳಲ್ಲಿ ಮಹಿಳಾ ಪ್ರಯಾಣಿಕರು ಕಡಿಮೆ ಅಥವಾ ಕೆಲವೊಮ್ಮೆ ಯಾರೂ ಕೂಡ ಇರುವುದಿಲ್ಲ.
ಇದನ್ನೂ ಓದಿ: ಕಾಂಗ್ರೆಸ್ಸಿಗರು ನನ್ನ ಕೆಲಸದ ಪ್ರಚಾರ ಮಾಡಲಿಲ್ಲ : ಸಚಿವ ಹೆಚ್.ಸಿ ಮಹದೇವಪ್ಪ
ಈ ಹಿಂದೆ ಮಧ್ಯಮ ವರ್ಗದ ಕುಟುಂಬಗಳ ಮಹಿಳಾ ಪ್ರಯಾಣಿಕರು ಮೈಸೂರು-ಬೆಂಗಳೂರು ಮಾರ್ಗವಾಗಿ ಪ್ರಯಾಣಿಸಲು ಎಸಿ ಐಷಾರಾಮಿ ಬಸ್‌ಗಳನ್ನು ಹತ್ತುತ್ತಿದ್ದರು, ಭಾರಿ ಶುಲ್ಕವನ್ನು ಪಾವತಿಸುತ್ತಿದ್ದರು. ಈಗ, ಐಷಾರಾಮಿ ಬಸ್‌ಗಳಲ್ಲಿ ಪ್ರಯಾಣಿಸಲು ಆದ್ಯತೆ ನೀಡುವ ಶ್ರೀಮಂತರು ಮತ್ತು ಟೆಕ್ಕಿಗಳನ್ನು ಹೊರತುಪಡಿಸಿ, ಇತರ ವರ್ಗದ ಮಹಿಳೆಯರು ಅದೇ ಮಾರ್ಗದಲ್ಲಿ ಸಾಮಾನ್ಯ ಬಸ್‌ಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ.
ಮೈಸೂರಿನ ಕೆಎಸ್‌ಆರ್‌ಟಿಸಿ ಸಬ್‌ ಅರ್ಬನ್‌ ಬಸ್ ನಿಲ್ದಾಣ ಹಾಗೂ ಬೆಂಗಳೂರಿನ ಸ್ಯಾಟಲೈಟ್‌ ಬಸ್ ನಿಲ್ದಾಣದಲ್ಲಿ ಕನಿಷ್ಠ ಸೀಟು ಭರ್ತಿಯಾಗುವವರೆಗೆ ಕಾಯಬೇಕಾದ ಐಷಾರಾಮಿ ಬಸ್‌ಗಳ ಚಾಲಕರು ಮತ್ತು ಕಂಡಕ್ಟರ್‌ಗಳು ಪ್ರಯಾಣಿಕರ ಪರದಾಡುವಂತಾಗಿದೆ. ಇನ್ನು, ಬಹುತೇಕ ಖಾಲಿ ಸೀಟುಗಳನ್ನು ಪುರುಷ ಪ್ರಯಾಣಿಕರೇ ತುಂಬಿದ್ದಾರೆ….
