‘ಅಧ್ಯಕ್ಷ’ನ ದರ್ಶನಕ್ಕೆ ಮುಹೂರ್ತ ಫಿಕ್ಸ್..!

2019 ಮುಗೀತಾ ಬಂತು.. ಇನ್ನೇನು ನಾಲ್ಕೇ ನಾಲ್ಕು ತಿಂಗಳು ಮಾತ್ರ ಬಾಕಿ ಇರೋದು. ವರ್ಷದ ಆರಂಭದಿಂದ ಒಬ್ಬರಲ್ಲ ಒಬ್ಬ ಸ್ಟಾರ್ ನಟರ ಸಿನಿಮಾಗಳು ಒಂದರ ಹಿಂದೆ ಒಂದರಂತೆ ರಿಲೀಸ್ ಆಗುತ್ತಿವೆ. ಆದರೆ, ಸ್ಯಾಂಡಲ್​ವುಡ್​ ಅಧ್ಯಕ್ಷ ಶರಣ್ ಸಿನಿಮಾ ಮಾತ್ರ ಇಲ್ಲಿ ತನಕ ರಿಲೀಸ್ ಆಗಿಯೇ ಇಲ್ಲ..!
2018ರಲ್ಲಿ ರ್ಯಾಂಬೋ 2 ಮತ್ತು ವಿಕ್ಟರಿ 2 ರಿಲೀಸ್ ಆಗಿದ್ದವು. ಅದಾದ ಮೇಲೆ ಯಾವ ಸಿನಿಮಾಗಳು ಬಂದಿರ್ಲಿಲ್ಲ. ಇದೀಗ ಶರಣ್ 5 ವರ್ಷಗಳ ಬಳಿಕ ಮತ್ತೆ ಅಧ್ಯಕ್ಷನಾಗಿ ಮಿಂಚಲು ಬರ್ತಿದ್ದಾರೆ. ಈ ಬಗ್ಗೆ ಕೂಡ ಎಲ್ರಿಗೂ ಗೊತ್ತೇ ಇದೆ. ಶರಣ್ ಅವರ ಅಧ್ಯಕ್ಷ ಇನ್ ಅಮೆರಿಕಾ ಸಿನಿಮಾ ರಿಲೀಸ್​ ಗೆ ರೆಡಿಯಾಗಿದ್ದು, ಇದೀಗ ಆ ಸಿನಿಮಾದ ರಿಲೀಸ್ ಡೇಟ್ ಕೂಡ ಅನೌನ್ಸ್ ಆಗಿದೆ. ಅಕ್ಟೋಬರ್ 2ಕ್ಕೆ ‘ಅಧ್ಯಕ್ಷ’ನ ದರ್ಶನವಾಗ್ತಿದೆ.
ಇನ್ನು ಅಧ್ಯಕ್ಷ ಇನ್ ಅಮೆರಿಕಾ ಸಿನಿಮಾಕ್ಕೆ ಯೋಗಾನಂದ್​​ ಮುದ್ದಾನ್​ ಆ್ಯಕ್ಷನ್ ಕಟ್ ಹೇಳಿದ್ದು, ವಿಶ್ವ ಪ್ರಸಾದ್​ ಮತ್ತು ವಿವೇಕ್​ ಬಂಡವಾಳ ಹಾಕಿದ್ದಾರೆ. ವಿ. ಹರಿಕೃಷ್ಣ ಸಂಗೀತ ನೀಡಿದ್ದು, ರಾಗಿಣಿ ದ್ವಿವೇದಿ ಮೊದಲ ಬಾರಿಗೆ ಶರಣ್​ಗೆ ಜೋಡಿಯಾಗಿ ನಟಿಸಿದ್ದಾರೆ.