ನಾವು ರಾಜೀನಾಮೆ ಕೊಡ್ತೀವಿ; ಪಹಲ್ಗಾಂ, ಕುಂಭಮೇಳದ ಘಟನೆಗೆ ಅವರು ರಾಜಿನಾಮೆ ಕೊಡ್ಲಿ;​ ಖರ್ಗೆ

ಕಲಬುರಗಿ: ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದ ಬಳಿ ಸಂಭವಿಸಿರುವ ಕಾಲ್ತುಳಿತಕ್ಕೆ ಸರ್ಕಾರವನ್ನೇ ನೇರ ಹೊಣೆಯಾಗಿಸಿರುವ ವಿಪಕ್ಷಗಳು ಸಿಎಂ ಸಿದ್ದರಾಮಯ್ಯ, ಗೃಹ ಸಚಿವ ಪರಮೇಶ್ವರ್ ರಾಜಿನಾಮೇ ನೀಡುವಂತೆ ಆಗ್ರಹಿಸಿವೆ. ಈ ಕುರಿತು ಸಚಿವ ಪ್ರಿಯಾಂಕ್​ ಖರ್ಗೆ ಪ್ರತಿಕ್ರಿಯೆ ನೀಡಿದ್ದು. ಇಲ್ಲಿ ಆಗಿರುವ ಅನಾಹುತಕ್ಕೆ ನಾವು ರಾಜೀನಾಮೆ ಕೊಡ್ತೀವಿ, ಆದರೆ ಕುಂಭಮೇಳ ಮತ್ತು ಪಹಲ್ಗಾಂನಲ್ಲಿ ನಡೆದಿರುವ ಅನಾಹುತಕ್ಕೆ ಅವರು ರಾಜೀನಾಮೆ ಕೊಡಲಿ, ಎಲ್ಲರಿಗೂ ಒಂದೇ ಮಾನದಂಡವಿರಬೇಕು ಎಂದು ಹೇಳಿದರು. ಇದನ್ನೂ ಓದಿ :ಪೊಲೀಸರು ರಕ್ಷಣೆ ಮಾಡ್ತಿದ್ದರೆ, ಇವರು ಪೋಟೊ ಶೂಟ್​ ಮಾಡ್ತಿದ್ರು; ಸರ್ಕಾರದ ಮೇಲೆ ಆರ್​.ಅಶೋಕ್​ ವಾಗ್ದಾಳಿ

ಕಲಬುರಗಿಯಲ್ಲಿ ಮಾಧ್ಯಮದೊಂದಿಗೆ ಮಾತನಾಡಿದ ಸಚಿವ ಪ್ರಿಯಾಂಕ್​ ಖರ್ಗೆ ” ರಾಜೀನಮೆ ಕೊಡುವುದಾದರೆ ಎಲ್ಲರಿಗೂ ಒಂದೇ ಮಾನದಂಡವಿರಬೇಕು. ಬೆಂಗಳೂರಿನ ಕಾಲ್ತುಳಿತವಾಗಲಿ ಅಥವಾ ಕುಂಭಮೇಳ, ಪಹಲ್ಗಾಂ ದಾಳಿಗೆ ಎಲ್ಲದಕ್ಕೂ ಒಂದೇ ಮಾನದಂಡವಿರಬೇಕು. ಪಹಲ್ಗಾಂನಲ್ಲಿ 26 ಜನರನ್ನು ಕೊಂದ ಉಗ್ರರು ಎಲ್ಲಿದ್ದಾರೆ ಗೊತ್ತಿಲ್ಲ. ಇದನ್ನೂ ಓದಿ :ಕಂಟೈನರ್​ ಲಾರಿ ಮತ್ತು ಬೈಕ್​ ನಡುವೆ ಮುಖಾಮುಖಿ ಡಿಕ್ಕಿ; ಮೂವರು ಸಾ*ವು

ಈಗಿರುವಾಗ ಯಾರಾದರು ಅಮಿತ್​ ಶಾ ಬಳಿ ರಾಜಿನಾಮೇ ಕೇಳಿದ್ರಾ? ಕುಂಭಮೇಳದಲ್ಲಿ ಕಾಲ್ತುಳಿತವಾದಾಗ ಯೋಗಿ ಆದಿತ್ಯನಾಥ್​ ಏನು ಮಾಡಿದರು. ಅಲ್ಲಿ ಸಾವಾದರೆ ಅದು ಭಕ್ತರ ತಪ್ಪು ಎಂದು ಬಿಂಬಿಸುತ್ತಾರೆ. ಆದರೆ ಇಲ್ಲಿ ಸಾವಿದರೆ ಅದನ್ನು ಸರ್ಕಾರದ ತಪ್ಪು ಎಂದು ಬಿಂಬಿಸುತ್ತಾರೆ ಎಂದು ಸಚಿವ ಪ್ರಿಯಾಂಕ್​ ಖರ್ಗೆ ವಾಗ್ದಾಳಿ ನಡೆಸಿದರು.

ಪೋಟೊಗ್ರಾಫ್​ ಹುಚ್ಚು ನಮಗಿಂತ ಮೋದಿಗೆ ಜಾಸ್ತಿ ಇದೆ..!

ಇದನ್ನೂ ಓದಿ:ಕಾಲ್ತುಳಿತ ಪ್ರಕರಣ; ಆರ್​ಸಿಬಿ ಮಾರ್ಕೆಟಿಂಗ್​ ಮುಖ್ಯಸ್ಥ ಸೇರಿದಂತೆ ನಾಲ್ವರನ್ನು ಬಂಧಿಸಿದ ಪೊಲೀಸರು

ರಾಜ್ಯ ಸರ್ಕಾರ ವಿಧಾನಸೌದದ ಮೇಲೆ ಫ್ಯಾಮಿಲಿ ಪೋಟೊಶೂಟ್​ ಮಾಡಿಸಿದೆ ಎಂದು ವಿಪಕ್ಷಗಳು ಪ್ರಶ್ನಿಸುತ್ತಿರುವುದರ ಕುರಿತು ಮಾತನಾಡಿದ ಪ್ರಿಯಾಂಕ್ ಖರ್ಗೆ “ಬಿಜಿಪಿ ಅವರು ಸಾವಿನ‌ ಮೇಲೆ ರಾಜಕಾರಣ ಮಾಡುತ್ತಿದ್ದಾರೆ. ಇವರು ರಣಹದ್ದುಗಳಿದ್ದಂತೆ. ಹೀಗಾಗಿ ಇದೀಗ ಸಾವಿನ ಮೇಲೆ ಮತ್ತೆ ರಾಜಕಾರಣ‌ ಮಾಡುತ್ತಿದ್ದಾರೆ. ವಿಧಾನಸೌಧದ ಮುಂದೆ ಆರ್​ಸಿಬಿ ಆಟಗಾರರಿಗೆ ಸನ್ಮಾನ ಮಾಡಿದ್ದು ಆಟೋಗ್ರಾಫ್, ಪೋಟೋಗ್ರಾಫ್​ಗಲ್ಲ, ನಮಗಿಂದ ಪೋಟೊಗ್ರಾಫ್​ ಹುಚ್ಚು ಮೋದಿಗೆ ಇದೆ ಎಂದು ಹೇಳಿದರು.