ಬೆಂಗಳೂರು: ಚಿನ್ನಸ್ವಾಮಿ ಕ್ರೀಡಾಂಗಣದ ಬಳಿ ಸಂಭವಿಸಿರುವ ಕಾಲ್ತುಳಿತದ ಬಗ್ಗೆ ಡಿಸಿಎಂ ಡಿಕೆ ಶಿವಕುಮಾರ್ ನೋವಿನಿಂದ ಕಣ್ಣೀರಾಕಿದ್ದು, ರಾಜ್ಯದಲ್ಲಿ ಇಂತಹ ಪರಿಸ್ಥಿತಿ ನಿರ್ಮಾಣ ಆಗುತ್ತೆ ಅಂತ ಅಂದ್ಕೊಡಿರಲಿಲ್ಲ, ನಮ್ಮ ಮನೇಲಿ ಇಂತಹ ಘಟನೆ ಆಗಿದೆ ಅನ್ನೋ ಅಷ್ಟು ನೋವಾಗುತ್ತಿದೆ. ಬಿಜೆಪಿಯವರು ಸಾವಿನ ಮೇಲೆ ರಾಜಕೀಯ ಮಾಡೋದು ಬೇಡ ಎಂದು ಕಣ್ಣೀರಾಕಿದ್ದಾರೆ. ಇದನ್ನೂ ಓದಿ :IPL 2025; ಆರ್ಸಿಬಿ ಗೆಲ್ಲುತ್ತಿದ್ದಂತೆ ಕುಣಿದು ಕುಪ್ಪಳಿಸಿದ ಮಾಜಿ ಪ್ರಧಾನಿ ರಿಷಿ ಸುನಕ್
ಮಾಧ್ಯಮದ ಮುಂದೆ ಮಾತನಾಡುತ್ತ ಕಣ್ಣೀರಾಕಿದ ಡಿಕೆ. ‘ಚಿಕ್ಕ ಮಕ್ಕಳು ಸಾವನ್ನಪ್ಪಿದ್ದಾರೆ, 10 ಮಕ್ಕಳನ್ನ ಶವವನ್ನು ನನ್ನ ಕಣ್ಣಲ್ಲಿ ನೋಡಿದ್ದೇನೆ, ಇಂತಹ ದುಃಖವನ್ನು ತಡೆದುಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಆದರೆ ಪೊಲೀಸರ ಸಲಹೆ ಪ್ರಕಾರ ಕಾರ್ಯಕ್ರಮವನ್ನು 15 ನಿಮಿಷದಲ್ಲಿ ಮುಗಿಸಿದ್ದೇವೆ. ನಾನೇ ಕೆಎಸ್ಸಿಎಗೆ ಹೇಳಿ ಯಾವುದೇ ಸಂಭ್ರಮಚರಣೆ ಮಾಡಬೇಡಿ ಅಂತ ಹೇಳಿ ಬೇಗನೆ ಕಾರ್ಯಕ್ರಮ ಮುಗಿಸಿದೆ, ನಾನು ಬೇರೆ ರಾಜಕಾರಣಿಗಳ ಬಗ್ಗೆ ಮಾತನಾಡಲ್ಲ, ಅವರು ಕೇವಲ ಚೇಸ್ಟೇ ಮಾಡ್ತಾರೆ ಎಂದು ಹೇಳಿದರು. ಇದನ್ನೂ ಓದಿ :ಬೆಂಗಳೂರಿಗೆ ಬಂದಿಳಿದ ‘ರೆಡ್ ಆರ್ಮಿ’; ಕನ್ನಡ ಧ್ವಜ ಕೊಟ್ಟು ಸ್ವಾಗತಿಸಿದ ಡಿಕೆಶಿ
ಸಾವಿನ ಮೇಲೆ ರಾಜಕೀಯ ಮಾಡೋದು ವಿಪಕ್ಷಗಳ ಅಜೆಂಡಾ..!
ಬಿಜೆಪಿ ಮತ್ತು ಜೆಡಿಎಸ್ ನಾಯಕರ ಆರೋಪಕ್ಕೆ ತಿರುಗೇಟು ನೀಡಿದ ಡಿಸಿಎಂ ಡಿಕೆಶ ಶಿವಕುಮಾರ್ ‘ವಿಪಕ್ಷಗಳು ಸಾವಿನ ಮೇಲೆ ರಾಜಕೀಯ ಮಾಡೋದು ಅಜೆಂಡ ಮಾಡಿಕೊಂಡಿದ್ದಾರೆ. ನಡೆದಿರುವ ದುರಂತ ಇಡೀ ಕರ್ನಾಟಕಕ್ಕೆ ಕಳಂಕ ತಂದಿದೆ. 18 ವರ್ಷಗಳ ನಂತರ ಕಪ್ ಬಂದಿದೆ ಅಂದಾಗ ಸಹಜವಾಗಿ ಅಭಿಮಾನ ಇರುತ್ತೆ. ಘಟನೆ ಬಗ್ಗೆ ಸಿಎಂ, ಗೃಹ ಸಚಿವರು, ಇಡೀ ಸರ್ಕಾರಕ್ಕೆ ಆಘಾತ ತಂದಿದೆ. ಇದನ್ನೂ ಓದಿ :ಸರ್ಕಾರ, ಪೊಲೀಸರು, KSCA; ಹನ್ನೊಂದು ಜನರ ಸಾವಿಗೆ ಕಾರಣವಾಯ್ತು ಈ ಮೂರು ಕಾರಣಗಳು
ಇಷ್ಟು ದೊಡ್ಡ ಘಟನೆ ಆಗುತ್ತೆ ಅಂತ ಅಂದುಕೊಂಡಿರಲಿಲ್ಲ. ಈ ಪ್ರಕರಣವನ್ನ ಗಂಭೀರವಾಗಿ ತೆಗೆದುಕೊಂಡಿದ್ದೇವೆ, ನಾನು ವಿಪಕ್ಷದ ಟೀಕೆ ಗೆ ಮಾತನಾಡಲ್ಲ. ನಾನು ಜನರಿಗೆ ಮಾತ್ರ ಉತ್ತರ ಕೊಡ್ತೀನಿ
ಇವರೆಲ್ಲಾ ಪೊಲಿಟಿಕಲ್ ಮಾಡೋ ಮಾಸ್ಟರ್ ಮೈಂಡ್ಸ್ ಅಷ್ಟೆ ಎಂದು ಡಿ,ಕೆ ಶಿವಕುಮಾರ್ ಹೇಳಿದರು.