ಹೆತ್ತ ತಂದೆ ತಾಯಿಯನ್ನೇ ರಾಡ್​ ನಿಂದ ಹಲ್ಲೆ ಮಾಡಿ ಕೊಲೆ ಮಾಡಿದ ಮಗ!

ಬೆಂಗಳೂರು : ಕುಡಿದ ಮತ್ತಿನಲ್ಲಿ ಮಗನೊಬ್ಬ ತನ್ನ ಹೆತ್ತ ತಂದೆ ತಾಯಿಯನ್ನೆ ರಾಡ್​ನಿಂದ ಒಡೆದು ಕೊಂದ ಘಟನೆ ಕೊಡಿಗೆಹಳ್ಳಿ ಪೊಲೀಸ್​ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಇದನ್ನೂ ಓದಿ: ಸೀಮೆಎಣ್ಣೆ ಸುರಿದು ಹೆತ್ತ ಮಗನನ್ನೇ ಕೊಂದ ತಾಯಿ!

ಭಾಸ್ಕರ್ ಮತ್ತು ಶಾಂತಮ್ಮ ಮೃತ ದುರ್ದೈವಿ ಪೋಷಕರು, ತನ್ನ ತಂದೆ ತಾಯಿಯನ್ನ ಕೊಂದ ಆರೋಪಿ ಶರತ್​ (26) ಸದ್ಯ ತಲೆ ಮರೆಸಿಕೊಂಡಿದ್ದಾನೆ.

ಮಂಗಳೂರು ಮೂಲದ ಭಾಸ್ಕರ್ ಮತ್ತು ಶಾಂತಮ್ಮ ದಂಪತಿ ಕೆಲಸದ ನಿಮಿತ್ತ ಕಳೆದ ಹನ್ನೆರಡು ವರ್ಷಗಳ ಹಿಂದೆ ಬೆಂಗಳೂರಿಗೆ ಬಂದು ನೆಲೆಸಿದ್ದರು, ತಾಯಿ ಶಾಂತಮ್ಮ ಕೇಂದ್ರ ಸರ್ಕಾರದ ಸಿಬ್ಬಂದಿಯಾಗಿದ್ದ ಮತ್ತು ತಂದೆ ಖಾಸಗಿ ಕ್ಯಾಂಟೀನ್​ ಒಂದರಲ್ಲಿ ಕ್ಯಾಶಿಯರ್ ಆಗಿ ಕೆಲಸ ಮಾಡುತ್ತಿದ್ದರು, ಈ ದಂಪತಿಗೆ ಇಬ್ಬರು ಮಕ್ಕಳಿದ್ದು ಮೊದಲನೇ ಮಗ ಕೆಲಸಕ್ಕೆ ಹೋಗುತ್ತಿದ್ದ ಮತ್ತು ಇನ್ನೊಬ್ಬಮಗ ಶರತ್​ ಮನೆಯಲ್ಲಿಯೇ ಇರುತ್ತಿದ್ದ.

ಸೋಮವಾರ ಸಂಜೆ ಮನೆಗೆ ಕುಡಿದು ಬಂದು ಗಲಾಟೆ ಮಾಡಿದ್ದಾನೆ, ಈ ವೇಳೆ ಜಗಳ ವಿಕೋಪಕ್ಕೆ ತಿರುಗಿ ತಂದೆ ತಾಯಿ ಇಬ್ಬರನ್ನೂ ರಾಡ್​ನಿಂದ ಹೊಡೆದು ಹತ್ಯೆ ಮಾಡಿ, ಬಳಿಕ ಮನೆಗೆ ಬೀಗ ಹಾಕಿ ಪರಾರಿಯಾಗಿದ್ದ, ಇಂದು ಬೆಳಗ್ಗೆ ಹಿರಿಯ ಮಗ ತನ್ನ ತಾಯಿಯ ಮೊಬೈಲ್​ಗೆ ಕರೆ ಮಾಡಿದಾಗ ಯಾರು ಕರೆ ಸ್ವೀಕರಿಸದ ಹಿನ್ನೆಲೆ ಪಕ್ಕದ ಮನೆಯವರಿಗ ಕರೆ ಮಾಡಿ ವಿಚಾರಿಸಲು  ಹೇಳಿದಾಗ ಎರಡು ಕೊಲೆಯಾಗಿರುವುದು ಬೆಳಕಿಗೆ ಬಂದಿದೆ.

ಸದ್ಯ ಘಟನಾ ಸ್ಥಳಕ್ಕೆ ಈಶಾನ್ಯ ವಿಭಾಗದ ಡಿಸಿಪಿ ಭೇಟಿ ಪರಿಶೀಲನೆ ನಡೆಸುತ್ತಿದ್ದ ಹೆಚ್ಚಿನ ಮಾಹಿತಿಗೆ ಕಲೆಹಾಕುತ್ತಿದ್ದಾರೆ.