ಇಂದಿನ ಬಜೆಟ್ ರಾಜ್ಯದ ಜನತೆಯ ಮೇಲೆ ಗೂಬೆ ಕೂರಿಸುವ ಕೆಲಸ: ಆರ್​.ಅಶೋಕ್

ಬೆಂಗಳೂರು : ಇಂದು ಮಂಡನೆಯಾಗಲಿರುವ ಬಜೆಟ್ ರಾಜ್ಯದ ಜನತೆಯ ಮೇಲೆ ಸಾಲ ಹೊರೆಸುವ ಮತ್ತು ಗೂಬೆ ಕೂರಿಸುವ ಕೆಲಸ ಎಂದು ಶಾಸಕ ಆರ್.ಅಶೋಕ್ ಹೇಳಿದರು.

ಇದನ್ನೂ ಓದಿ: ಸಿದ್ದರಾಮಯ್ಯ ಬಜೆಟ್‌ ಮೇಲೆ ರಾಜ್ಯದ ಜನತೆಯ ನಿರೀಕ್ಷೆಗಳೇನು? ಹೀಗಿದೆ ಪ್ರಾಂತ್ಯವಾರು ಮಾಹಿತಿ

ವಿಧಾನಸೌಧದ ಮುಂಭಾಗ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು , ಕಾಂಗ್ರೆಸ್ ಸರ್ಕಾರದ ಉಚಿತ ಯೋಜನೆಗಳಿಂದ ಸಾಲದ ಹೊರೆ ಮತ್ತಷ್ಟು ಹೆಚ್ಚಲಿದೆ,  ಇಂದಿನ ಬಜೆಟ್​ನಲ್ಲಿ ತೆರಿಗೆ ಹೆಚ್ಚಿಸಿ ಸಿದ್ದರಾಮಯ್ಯ ಜನರ ಮೇಲೆ ಗೂಬೆ ಕೂರಿಸೋ ಕೆಲಸ ಮಾಡಲಿದ್ದಾರೆ. ಪ್ರಗತಿದಾಯಕ ಬಜೆಟ್ ಎಂದು ಸಿಎಂ ಹೇಳಿದರೂ ಎಂಪಿ ಚುನಾವಣೆ ಮುಗಿಯೋವರೆಗೂ ಅನುದಾನ ಕೇಳಬೇಡಿ ಎನ್ನುತ್ತಿದ್ದಾರೆ.

ಪೊಳ್ಳು ಗ್ಯಾರಂಟಿ ಬಿಟ್ರೆ ಇಂದಿನ ಬಜೆಟ್​ ನಲ್ಲಿ ಬೇರೇನು ಇಲ್ಲ, ಇಂದಿನ ಬಜೆಟ್ ಮಂಡನೆ ಬಳಿಕ ಸಿಎಂ ಸಿದ್ದರಾಮಯ್ಯ ಅವರ ಯೋಗ್ಯತೆ ಗೊತ್ತಾಗಲಿದೆ ಎಂದು ಹೇಳಿದ್ದಾರೆ.