ಮೋದಿ ಸ್ಟೇಡಿಯಂನಲ್ಲಿ ಐಪಿಎಲ್ ಫೈನಲ್ ಮ್ಯಾಚ್ : ಹೀಗಿದೆ ಪ್ಲೇ ಆಪ್, ಫೈನಲ್ ವೇಳಾಪಟ್ಟಿ

ಬೆಂಗಳೂರು : ಐಪಿಎಲ್ 2023ರ ಪ್ಲೇ ಆಪ್ ಹಾಗೂ ಫೈನಲ್ ಪಂದ್ಯದ ವೇಳಾಪಟ್ಟಿಯನ್ನು ಬಿಸಿಸಿಐ ಇಂದು ಪ್ರಕಟ ಮಾಡಿದೆ.  

ಮೇ 23ರಿಂದ ಮೇ 28ರವರೆಗೆ ಪ್ಲೇ ಆಫ್ ಪಂದ್ಯಗಳು ನಡೆಯಲಿವೆ. ಮೇ 28ರಂದು ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಐಪಿಎಲ್ ಫೈನಲ್ ನಡೆಯಲಿದೆ ಎನ್ನಲಾಗಿತ್ತು. ಇದೀಗ ಅಧಿಕೃತವಾಗಿ ಘೋಷಣೆಯಾಗಿದ್ದು, ಈ ಬಾರಿಯ ಐಪಿಎಲ್ ಫೈನಲ್ ಪಂದ್ಯ ವಿಶ್ವದ ಅತೀ ದೊಡ್ಡ ಕ್ರಿಕೆಟ್ ಕ್ರೀಡಾಂಗಣವಾದ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿದೆ.

ಚೆನ್ನೈನ ಎಂ.ಎ ಚಿದಂಬರಂ ಸ್ಟೇಡಿಯಂನಲ್ಲಿ ಮೊದಲ ಕ್ವಾಲಿಫೈಯರ್ ಮತ್ತು ಎಲಿಮಿನೇಟರ್ ಪಂದ್ಯ ನಡೆಯಲಿದೆ. ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಎರಡನೇ ಕ್ವಾಲಿಫೈಯರ್ ಮತ್ತು ಫೈನಲ್ ಪಂದ್ಯ ನಡೆಯಲಿದೆ.

ಇದನ್ನೂ ಓದಿ : ತಲಾ ಧೋನಿ ಹೊಸ ಮೈಲುಗಲ್ಲು : ಈ ಸಾಧನೆ ಮಾಡಿದ ಮೊದಲ ನಾಯಕ ಇವರೇ!

ಪ್ಲೇ ಆಫ್‌-ಫೈನಲ್‌ ವೇಳಾಪಟ್ಟಿ

• ಮೇ 23-ಕ್ವಾಲಿಫೈಯರ್ 1 ಪಂದ್ಯ-ಚೆನ್ನೈ ಕ್ರೀಡಾಂಗಣ
• ಮೇ 24-ಎಲಿಮಿನೇಟರ್ ಪಂದ್ಯ-ಚೆನ್ನೈ ಕ್ರೀಡಾಂಗಣ
• ಮೇ 26-ಕ್ವಾಲಿಫೈಯರ್ 2 ಪಂದ್ಯ-ಅಹಮದಾಬಾದ್ ಕ್ರೀಡಾಂಗಣ
• ಮೇ 28-ಫೈನಲ್-ಕ್ವಾಲಿಫೈಯರ್ 1 ರ ವಿಜೇತರು ಹಾಗೂ ಕ್ವಾಲಿಫೈಯರ್ 2 ರ ವಿಜೇತರ ನಡುವೆ-ಅಹಮದಾಬಾದ್ ಕ್ರೀಡಾಂಗಣ