ಬೆಂಗಳೂರು : ಸಾವಿರ ಕೋಟಿ ಗಳಿಕೆಯಿಂದ ಭಾರತೀಯ ಚಿತ್ರರಂಗದ ಬಾಕ್ಸ್ ಆಫೀಸ್ನಲ್ಲಿ ಹೊಸ ಇತಿಹಾಸ ಬರೆದ KGF- 2ನ ಮತ್ತೊಂದು ಮೇಕಿಂಗ್ ವಿಡಿಯೋ ರಿವೀಲ್ ಆಗಿದೆ.
ಈಗಾಗ್ಲೇ ಕ್ಯಾಮೆರಾ, ಮೇಕಪ್ ಹಾಗೂ ಕಾಸ್ಟ್ಯೂಮ್ ವಿಭಾಗಗಳ ಮೇಕಿಂಗ್ ಕಹಾನಿಯನ್ನ ಎರಡು ವಿಡಿಯೋಗಳ ಮೂಲಕ ತೆರೆದಿಟ್ಟಿತ್ತು ಚಿತ್ರತಂಡ. ಇದೀಗ ಆರ್ಟ್ ಡೈರೆಕ್ಟರ್ ಶಿವಕುಮಾರ್ ಹಾಗೂ ಪ್ರೊಡಕ್ಷನ್ ಟೀಂ, ಎಂತಹ ಕ್ಲಿಷ್ಠ ಪರಿಸ್ಥಿತಿಗಳಲ್ಲೂ ಕೆಲಸ ಕೈ ಬಿಡದೆ, ಹಗಲಿರುಳು ದುಡಿದ ಆ ರೋಚಕ ಕಥೆಗಳ ಕಹಾನಿ ಬಹಿರಂಗ ಪಡಿಸಿದೆ.
ಪ್ರಶಾಂತ್ ನೀಲ್, ಯಶ್, ವಿಜಯ್ ಕಿರಗಂದೂರ್ ಅವ್ರ ಸಿನಿಮಾ ಕನಸನ್ನ ನನಸು ಮಾಡುವಲ್ಲಿ ಇಂತಹ ಸಾವಿರಾರು ತಂತ್ರಜ್ಞರ ಕೈಚಳಕವಿದ್ದು, ರಕ್ತದ ವಾಂತಿ ಮಾಡಿದ್ರೂ ಛಲ ಬಿಡದವರ ಕಥೆ ಇದಾಗಿದೆ.
