ಗುಂಡು ಹೊಡೆದ್ರೂ ಪಾದಯಾತ್ರೆ ಬಿಡಲ್ಲ : ಶಾಸಕ ನಾಗೇಂದ್ರ

ಕಾಂಗ್ರೆಸ್​​ನಿಂದ ಮೇಕೆದಾಟು ಪಾದಯಾತ್ರೆ ಹಿನ್ನೆಲೆ, ಬಳ್ಳಾರಿಯಿಂದ ಪಾದಯಾತ್ರೆಗೆ ಬೆಂಬಲ ನೀಡಲು ಗ್ರಾಮೀಣ ಶಾಸಕ ನಾಗೇಂದ್ರ ನೇತೃತ್ವದಲ್ಲಿ ಕೈ ಕಾರ್ಯಕರ್ತರು ಹೊರಟಿದ್ದಾರೆ.

ವೀಕೆಂಡ್​​​ ಕರ್ಫ್ಯೂ ನಡುವೆಯೂ ಬೆಂಬಲಿಗರನ್ನ ಕರೆದುಕೊಂಡು ಶಾಸಕ ನಾಗೇಂದ್ರ ಹೊರಟಿದ್ದಾರೆ. ಈ ವೇಳೆ ಮಾತನಾಡಿದ ಶಾಸಕರು, ಏನೇ ಆಗಲಿ ಪಾದಯಾತ್ರೆಯಿಂದ ಹಿಂದೆ ಸರಿಯುವ ಪ್ರಶ್ನೆಯೇ ಇಲ್ಲ. ಗುಂಡು ಹೊಡೆದ್ರೂ ಪಾದಯಾತ್ರೆ ಬಿಡಲ್ಲ ಎಂದು ಎಚ್ಚರಿಸಿದರು. ಬಳ್ಳಾರಿಯಿಂದ 40 ವಾಹನಗಳಲ್ಲಿ ಕಾರ್ಯಕರ್ತರು ತೆರಳಿ ಪಾದಯಾತ್ರೆಯಲ್ಲಿ ಭಾಗಿಯಾಗಲಿದ್ದಾರೆ .

ವೀಕೆಂಡ್ ಕರ್ಪ್ಯೂ ಕೇವಲ ನಮ್ಮ ಹೋರಾಟ ಹತ್ತಿಕಲು ಮಾತ್ರ. ಜನ ಪರ ಹೋರಾಟಕ್ಕೆ ನಮ್ಮ ಬೆಂಬಲ ಇದ್ದೆ ಇರತ್ತದೆ, ಬಿಜೆಪಿ ಕುತಂತ್ರ ನಡೆಯಲ್ಲ. ಅರೆಸ್ಟ್ ಮಾಡಲಿ,ಕೇಸ್ ಹಾಕಲಿ ನಾವು ನಮ್ಮ ಹೋರಾಟ ಬಿಡಲ್ಲ ಅಂತ ಬಿಜೆಪಿ ವಿರುದ್ಧ ಕಿಡಿಕಾರಿದರು.