ಬೆಂಗಳೂರು ಕೆಂಪು ಪಟ್ಟಿ ವಲಯಕ್ಕೆ ಸೇರ್ಪಡೆಯಾಗುತ್ತಾ..?

ಬೆಂಗಳೂರು :  ಕೊರೋನಾ ಹಾಗೂ ಒಮೈಕ್ರಾನ್​ ಕೇಸುಗಳು ದಿನದಿಂದ ದಿನಕ್ಕೆ ಏರುತ್ತಿವೆ. ದೇಶದಲ್ಲಿ ನಿನ್ನೆಯಿಂದ ಇವತ್ತಿಗೆ ಒಂದೇ ದಿನ 33,750 ಕೇಸುಗಳು ದಾಖಲಾಗಿವೆ. ಕರ್ನಾಟಕದಲ್ಲಿ 1,187 ಕೇಸುಗಳು ವರದಿಯಾಗಿದೆ.

ಇದರಲ್ಲಿ ರಾಜಧಾನಿಯ ಪಾಲು 923 ಇದ್ದು, ಈ ಆತಂತಕಾರಿ ಅಂಕಿಅಂಶಗಳ ನಡುವೆ ಲಾಕ್​​ಡೌನ್​ ಮತ್ತೆ ಹೇರಬೇಕೇ ಎನ್ನುವ ಚರ್ಚೆ ಮತ್ತೆ ಮುನ್ನಲೆಗೆ ಬಂದಿವೆ. ಲಾಕ್​​ಡೌನ್​ ಜಾರಿಗೆ ತರುವುದು ಅಥವಾ ಬಿಡುವುದು ಸಾರ್ವಜನಿಕರ ಕೈಯಲ್ಲಿದೆ ಎಂದು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಹೇಳುವ ಮೂಲಕ, ಮತ್ತೆ ಲಾಕ್​ಡೌನ್​ ಗುಮ್ಮ ಕಾಡಲಾರಂಭಿಸಿದೆ.

ರಾಜ್ಯದ ಒಟ್ಟು ಓಮಿಕ್ರಾನ್ ಪ್ರಕರಣಗಳ ಸಂಖ್ಯೆ 76ಕ್ಕೆ ಏರಿದೆ.ಹಾಗಾಗಿ, ಕೇಂದ್ರ ಆರೋಗ್ಯ ಇಲಾಖೆ ಬೆಂಗಳೂರು ನಗರವನ್ನು ಕೆಂಪು ಪಟ್ಟಿಗೆ ಸೇರಿಸುವ ಸಾಧ್ಯತೆಯಿದೆ. ಒಂದು ವೇಳೆ ಹಾಗಾದಲ್ಲಿ ಹೋದ ವರ್ಷದ ಮೇ, ಜೂನ್ ತಿಂಗಳಲ್ಲಿ ಇದ್ದಂತೆ ನಿರ್ಬಂಧ ಜಾರಿಯಾಗುವ ಸಾಧ್ಯತೆಯಿದೆ.