ಬೆಂಗಳೂರು: ನಕಲಿ ಕೀ ಮಾಡಿಕೊಂಡು ಸಂಬಂಧಿಕರ ಮನೆಯಲ್ಲಿ ಕಳವು ಮಾಡಿದ್ದ ಮೂವರು ಆರೋಪಿಗಳನ್ನು ಸುದ್ದುಗುಂಟೆಪಾಳ್ಯ ಪೊಲೀಸರು ಬಂಧಿಸಿದ್ದಾರೆ. ಮನೆ ಮಾಲೀಕ ಸಲೀಂ ಪಾಷ ನೀಡಿದ ದೂರಿನ ಮೇರೆಗೆ ಇಮ್ರಾನ್ ಅಹ್ಮದ್, ಸಯ್ಯದ್ ಜಮೀದ್ ಹಾಗೂ ಅತ್ರಿಕ್ ಪಾಷಾ ಎಂಬುವರನ್ನು ಬಂಧಿಸಲಾಗಿದೆ. ₹4.50 ಲಕ್ಷ ಬೆಲೆ ಬಾಳುವ 100 ಗ್ರಾಂ ಚಿನ್ನಾಭರಣ ವಶಕ್ಕೆ ಪಡೆದುಕೊಳ್ಳಲಾಗಿದೆ. ಡಿಸೆಂಬರ್ 14 ರಂದು ಸುದ್ದು ಗುಂಟೆಪಾಳ್ಯದ ಬಿಸ್ಮಿಲಾನಗರ ನಿವಾಸಿ ಸಲೀಂಪಾಷ ಮನೆಗೆ ನುಗ್ಗಿ ಖದೀಮರು ಲಕ್ಷಾಂತರ ರೂಪಾಯಿ ಬೆಲೆ ಬಾಳುವ ಚಿನ್ನಾಭರಣ ದೋಚಿದ್ದಾರೆ. ಈ ಸಂಬಂಧ ದೂರು ದಾಖಲಾಗಿತ್ತು.
ಸಂಬಂಧಿಕ ಸಲೀಂ ಪಾಷ ಮನೆಯಲ್ಲಿ ಚಿನ್ನಾಭರಣ ಇರುವುದನ್ನು ಅರಿತು ಮನೆಯ ಕೀಯನ್ನು ನಕಲಿ ಮಾಡಿಸಿಕೊಂಡಿದ್ದ. ಸಲೀಂ ಪಾಷನ ಕುಟುಂಬ ಊರಿಗೆ ಹೋಗುತ್ತಿದ್ದಂತೆ ಆಲರ್ಟ್ ಆದ ಆರೋಪಿಗಳು ಮನೆಗೆ ಹೋಗಿ ಕಳ್ಳತನ ಮಾಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.